I dderbyn
adroddiad gan Sam Hadley, Network Rail.
Cofnod:
Croesawyd Sam Hadley, Rheolwr Materion Cyhoeddus Llwybrau Cymru, i'r
cyfarfod ac fe adroddodd ar y materion isod:
o
Fod Perfformiad ar y
rheilffyrdd heb fod yn ddigon da dros yr haf, gyda phroblem ysbeidiol wedi ei
chanfod gyda’r system signalau oedd bellach wedi ei datrys.
o
Mynegodd bosibilrwydd o gynnal
ymweliad i grŵp bychan er mwyn gweld y ganolfan signalau ym Machynlleth,
neu drefnu cyflwyniad ar gyfer cyfarfod y Gynhadledd yn y dyfodol.
o
‘Roedd tywydd garw hefyd
wedi bod yn broblem, gyda phroblemau
mewn ardaloedd eraill wedi cael
effaith ar wasanaethau Rheilffordd Arfordir y Cambrian. Cydnabu rwystredigaeth defnyddwyr y rheilffordd, gan nodi fod Network Rail yn monitro mannau
problemus yn ofalus, gan weithio
ar ddatrysiadau hirdymor.
o
‘Fod trefniadau monitro
perfformiad bellach yn monitro yn fwy manwl gan ganolbwyntio ar amseroedd
cyrraedd gorsafoedd unigol yn hytrach na dechrau a gorffen taith.
o
‘Roed y newid yma wedi arwain
at wneud newidiadau bychain yn lleol er mwyn gwella effeithlonrwydd.
o
Fod model busnes newydd wedi
ei ddatblygu, gan ennill mwy o hyblygrwydd er mwyn targedu gwariant yn y mannau
oedd ei angen.
o
Fod gwelliannau a wnaethpwyd
yn dilyn Hydref 2018 wedi dwyn ffrwyth, gan arwain at lai o ddifrod i olwynion
a chadw mwy o gerbydau yn weithredol. Golyga hynny yn ei dro na fyddai cerbydau
yn cael eu tynnu oddi ar Reilffordd y Cambrian a’u
dargyfeirio i liniaru prinder mewn ardaloedd eraill.
o
Fod Adolygiad Williams yn
debygol o adrodd wedi’r etholiad, gyda rhagdybiaeth o newidiadau sylweddol i’r
rheilffyrdd.
o
Wal y Friog - Fod swyddog o Network Rail wedi bod i gyfarfod y gymuned,
bod cynlluniau wedi eu datblygu ar
y cyd gyda’r Cyngor i wneud y gwaith.
Nad oedd
dyddiad wedi ei osod eto.
o
Croesfan Talwrn Bach - ‘Roedd gwaith wedi ei
gynllunio ar gyfer blwyddyn 3 o’r cyfnod ariannu
presennol, sef 2021-22. ‘Roedd hefyd angen
cynnal cydweithio gyda thirfeddianwyr lleol.
o
Pont Afon Artro - Dangoswyd lluniau o’r gwaith,
oedd wedi achosi cau'r lein
dros dro. Nododd fod nifer
uchel o bontydd pren ar Reilffordd
Arfordir y Cambrian, a bod Network Rail yn defnyddio’r gwaith cynnal a chadw er mwyn
datblygu technegau i’w defnyddio ar
Bont Abermaw.
o
Ymddiheuro bod gwybodaeth wedi
ei yrru yn uniaith Saesneg i fudd-ddeiliaid yn ddiweddar, a bu iddo ymddiheuro
gan fynegi syndod ei fod wedi digwydd mewn ardal mor Gymreig.
Cwestiynau a sylwadau’n
codi o’r drafodaeth:
o
O ran Pont Artro, oni fyddai
wedi bod yn fuddiol i wneud gwaith ar bontydd Tŷ Gwyn a Llandanwg ar yr un
pryd?
Mewn ymateb nododd Sam Hadley fod hynny’n awgrym synhwyrol, a’i fod yn tybio bod
rheswm synhwyrol dros wneud y gwaith ar y bont yma’n unig. ‘Roedd Network Rail wedi gweld wrth
wneud gwaith ar lein Dyffryn Conwy ei fod yn gost effeithiol gwneud nifer o
ddarnau o waith cynnal a chadw ar yr un pryd ar ran o’r lein.
o
Sut wasanaeth fyddai’n cael ei
gynnal ar ddydd Sul i’r
dyfodol?
o
Fyddai teithio am ddim gyda
thrwydded yn parhau?
o
Fyddai Rheilffordd y Cambrian yn parhau i golli eu cerbydau i rannau eraill o
Gymru?
Mewn ymateb nododd Sam Hadley byddai gwasanaeth trên y Sul yn
newid o 3 i 5 trên y dydd, gyda
chynnydd pellach yn y dyfodol. Byddai
teithio gyda thrwydded yn parhau
yn dymhorol yn unig oherwydd
diffyg capasiti ar y trenau i’w
gynnal trwy’r flwyddyn. Ychwanegodd y byddai’r achlysuron ble byddai cerbydau
yn cael eu
colli i rannau
eraill yn lleihau wrth i
gerbydau gael
eu huwchraddio mewn ardaloedd eraill, a bod cerbydau sy’n gweddu’n dda
i Reilffordd y Cambrian yn aros arni.
Diolchwyd am yr
adroddiad