Aelod Cabinet: Cynghorydd Gareth Griffith
I ystyried
adroddiad Pennaeth yr Amgylchedd
Cofnod:
Cyflwynwyd adroddiad gan Pennaeth Cynorthwyol Adran Amgylchedd yn gofyn i’r
Aelodau gynnig sylwadau ar gasgliadau allweddol yr Adroddiad Monitro Blynyddol
(Drafft) cyn ei gyflwyno i’r Pwyllgor Polisi Cynllunio ar y Cyd, Y Cabinet ac
yna Llywodraeth Cymru.
Eglurwyd
bod yr adroddiad monitro yn sail dystiolaeth bwysig ar gyfer adolygu’r
Cynllun Datblygu Lleol. Dros amser
gall yr adroddiad monitro ddangos tueddiadau, adnabod unrhyw bolisïau sydd yn cyflawni
ai peidio, ac amlygu unrhyw wagle
neu ddiffyg o ran polisi. Nodwyd bod gan y Cynllun Datblygu
Lleol fframwaith fonitro sydd wedi
ei chytuno gyda’r Arolygydd yn ystod yr
Archwiliad - ategwyd bod y fframwaith yn cynnwys
69 o ddangosyddion sydd yn adrodd ar
5 thema sydd yn y Cynllun.
Cyfeiriwyd
at gasgliadau allweddol yr adroddiad monitro ac adroddwyd, o’u hystyried, nid
oedd tystiolaeth yn dangos bod angen adolygiad cynnar o’r Cynllun. Byddai
adolygiad o’r Cynllun yn cael ei gynnal yn 2021 oni bai bod adroddiad monitro
blynyddol yn nodi yn wahanol.
Diolchwyd
am y wybodaeth
Yn ystod y drafodaeth ddilynol, amlygwyd y pwyntiau canlynol gan Aelodau unigol:
·
Awgrym i gyflwyno cyfanswm y nifer tai sydd wedi ei hadeiladu
fesul blwyddyn er mwyn rhoi
cyd-destun i’r adroddiad
·
Bod angen
adroddiad blaen, dealladwy yn crynhoi a symleiddio rhywfaint o’r wybodaeth
dechnegol, ffeithiol
·
Bod
angen rheolaeth o gynnydd mewn tai haf o ganlyniad i dai newydd yn cael eu
hadeiladu. Er yn ymwybodol bod y Cabinet wedi cymeradwyo gwaith ymchwil all
arwain at newidiadau i ddeddfwriaeth, awgrymwyd sicrhau bod cyswllt rhwng yr
adolygiad monitro blynyddol a’r gwaith ymchwil
·
Bod yr
adolygiad yn monitro adeiladau newydd ac nid y stoc tai
·
Bod
angen adolygu niferoedd tai yn sgil penderfyniad Wylfa B. Nifer o’r dynodiadau
bellach yn ‘ddi angen’
·
Angen
cydlynu datblygiadau economaidd gyda datblygiadau tai yn well
·
Angen
ystyried y term, ‘pobl leol’. Gwledydd eraill megis yr Eidal yn datblygu tai ar
gyfer pobl leol yn unig – awgrym i edrych yn fanylach i gynlluniau tebyg
·
Rhaid
rhoi ystyriaeth i’r Gymraeg ar gyfer pob datblygiad ac nid ar gyfer adeiladu
tai yn unig.
·
Bod angen ystyried sut i
fesur effaith ar yr iaith
Gymraeg
·
Cynnig
bod datganiadau iaith yn cael eu cwblhau gan arbenigwyr cydnabyddedig priodol –
awgrym i’r Cyngor roi arweiniad ar y rhai sydd yn gymwys i gwblhau datganiadau
iaith
·
Awgrym
i sefydlu gweithgor ymhen blwyddyn fel bod modd herio ymhellach a chael
dadansoddi’n fanylach
·
Pwy fydd yn ymateb ar
ran y Cyngor i’r ymgynghoriad ar y Fframwaith Cenedlaethol erbyn Tachwedd 1af 2019?
Mewn ymateb i sylw
ynglŷn ar awgrym y dylai datganiadau iaith gael eu cwblhau
gan arbenigwyr cydnabyddedig priodol, mynegodd Rheolwr Uned Polisi Cynllunio
ar y Cyd bod y Canllaw Cynllunio Atodol, Cynnal a Chreu Cymunedau Nodedig a Chynaliadwy, sydd y cynnwys arweiniad ar gynllunio
a’r iaith Gymraeg, yn cyfeirio
at yr angen i’r datganiadau gael ei gwneud
gan unigolyn cymwys. Cydnabuwyd bod y canllaw yn cynnwys
gwybodaeth newydd i bawb a bod bwriad
cynnal sesiynau gydag Aelodau a rhai ar wahân
ar gyfer asiantwyr gan fod
sawl un wedi
mynegi diddordeb. Ategwyd y byddai’n fuddiol i arbenigwyr
/ asiantwyr allanol fynychu sesiynau rhannu gwybodaeth debyg i’r un a gyflwynwyd i’r Aelodau. O ran yr awgrym y dylai’r Cyngor baratoi datganiadau ac asesiadau ieithyddol, pwysleisiwyd mai rôl y Cyngor
fel Awdurdod Cynllunio Lleol yw asesu ceisiadau cynllunio a’r holl asesiadau
cysylltiedig ac nid paratoi rhannau o gais cynllunio ar ran datblygwr.
Mewn ymateb i gwestiwn
ynglŷn â llunio ymateb i ymgynghoriad
ar y Fframwaith Cenedlaethol, adroddwyd bod yr Uned Polisi
yn cydgordio ymateb drwy ymgynghori
gyda’r Adran Economi, yr Uned
Iaith ac Adrannau eraill. Amlygwyd bod ymateb drafft wedi
ei lunio a bod y Tîm Arweinyddiaeth wedi gwneud cais
am weithdy i drafod y manylion yn llawnach. Ychwanegodd
yr Aelod Cabinet y byddai’r Cabinet yn ystyried yr ymateb
Mewn ymateb i sylw
ynglŷn â dangosydd D2
(caniatáu ceisiadau cynllunio lle mae angen mesurau lliniaru iaith Gymraeg) ‘nad oedd ceisiadau
wedi cael caniatâd cynllunio ers mabwysiadu’r Cynllun ble bod angen mesurau i
liniaru unrhyw niwed sylweddol i’r iaith Gymraeg’,
eglurwyd, gan nad oedd niwed
wedi ei adnabod
yn y datganiadau iaith, nid oedd
cyfiawnhad cynllunio i fesurau lliniaru.
Ategwyd bod y datganiadau yn cael eu
rhesymu a’u hasesu gan yr
Uned Polisi a’r Uned Iaith
ac y byddai mesurau lliniaru ond yn
cael eu gosod
petai’r dystiolaeth yn amlygu hynny.
PENDERFYNWYD
·
Bod angen edrych yn fanylach ar drefniadau asesiadau iaith a datganiadau
ieithyddol. Awgrymwyd cynnal sesiwn anffurfiol gydag Aelodau’r Pwyllgor i rannu
gwybodaeth neu sefydlu gweithgor o Aelodau a Swyddogion i herio’r holl elfennau
a dadansoddi’n fanylach. Petai gweithgor yn cael ei sefydlu, awgrymwyd y dylid
ystyried gwahodd aelod o’r Pwyllgor Iaith i fod yn aelod o’r gweithgor.
·
Er derbyn bod angen i’r adroddiad gynnwys gwybodaeth ffeithiol a
thechnegol, awgrymwyd yr angen i ystyried symleiddio’r ffurf y cyflwynir yr
adroddiad yn ysgrifenedig.
·
Amlygu pryderon ynglŷn â dyfodol Wylfa a’r
dynodiadau tai sydd bellach yn ‘ddiangen’
- Bod angen adolygu’r
niferoedd
- Bod angen sicrwydd bod
caniatadau cynllunio yn ymateb i’r angen
·
Y gellid cydlynu datblygiadau economaidd gyda datblygiadau tai yn well
·
Bod cyfle i edrych ar yr hyn mae gwledydd eraill yn ei wneud yng
nghyd-destun tai ar gyfer pobl leol
·
Bod gofyn
i bob aelod godi ymwybyddiaeth o’r ymgynghoriad sydd yn cael
ei gynnal ar y Fframwaith Cenedlaethol (dyddiad cau 1.11.19)
Dogfennau ategol: