Aelod Cabinet: Y Cynghorydd
Peredur Jenkins
Ystyried adroddiad
yr Aelod Cabinet Adnoddau (ynghlwm).
11.40am – 12.40pm
Cofnod:
Cyflwynodd bawb eu hunain.
Gosododd yr Aelod
Cabinet Adnoddau'r cyd-destun ac ychwanegodd y Pennaeth Cefnogaeth
Gorfforaethol fod y Cyngor yn cymryd ei ddyletswydd o ofal ar unrhyw adeg o
ddifri’ ac yn gwneud popeth i hyrwyddo’r cymorth sydd ar gael ymysg y gweithlu.
Cyflwynwyd – adroddiad yr Aelod Cabinet
Adnoddau yn manylu ar y ddarpariaeth ar gyfer cynnal a chefnogi staff mewn
cyfnod o dorri ar wasanaethau a newid mawr yn y ffordd mae’r gwasanaethau yn
cael eu cyflawni drwy ymateb i gwestiynau’r Cyfarfod Paratoi mewn perthynas
ag:-
·
Asesiad
gorau’r Cyngor ar hyn o bryd o nifer y staff all gael eu heffeithio gan y
toriadau a’r arbedion effeithlonrwydd.
·
Strategaeth
y Cyngor ar gyfer paratoi’r gweithlu ar gyfer y toriadau a’u cefnogi yn ystod y
broses ynghyd â’r trefniadau o ran symud staff o fewn
y Cyngor a dod o hyd i gyfleoedd eraill o fewn y Cyngor.
·
Cefnogaeth
emosiynol i staff sy’n wynebu colli eu swyddi.
·
Trefniadau
gydag asiantaethau eraill ar gyfer adnabod sgiliau staff ac adleoli staff gydag
asiantaethau eraill.
·
Unrhyw
waith sy’n mynd rhagddo, neu gynlluniau ar y gweill, i gefnogi staff cyfredol i
fod yn sefydlu eu busnesau eu hunain er mwyn ateb y gofynion am ddarpariaeth
newydd / gwahanol.
·
Unrhyw
asesiad a gynhaliwyd ynghylch straen ar y staff sy’n weddill, a chasgliadau
hynny.
·
Unrhyw
gamau a gymerwyd ar gyfer dechrau paratoi i gefnogi staff ar gyfer yr ad-drefnu
nesaf.
Ymhelaethodd yr Aelod Cabinet a’r swyddogion
ar yr atebion ysgrifenedig yn yr adroddiad, gan hefyd ymateb i gwestiynau /
sylwadau pellach gan yr aelodau mewn perthynas â:-
·
Phryder
y gallai swyddi ddiflannu cyn i gyfleoedd eraill godi.
·
Yr angen i ragweld cyfleoedd tymor hwy a chyfleoedd
i ail-hyfforddi.
·
Y
ffaith nad yw’r sefyllfa am wella ac mai’r gwasanaethau lleol sy’n cael eu taro
bob tro.
·
Bod
y Cyngor yn cymryd y gwaith o gefnogi a chynnal o ddifri’ a’i fod eisoes wedi
cynorthwyo unigolion i barhau mewn cyflogaeth.
·
Yr
angen i gefnogi’r staff fydd ar ôl yn wyneb y pwysau cynyddol fydd arnynt a’r
ffaith y gall fod yn anodd i’r staff hynny gael yr amser i fynychu sesiynau
hyfforddi.
·
Pwysigrwydd
y cyswllt gyda’r Adran Economi a Chymuned o safbwynt cynghori pobl sy’n gadael
gwasanaeth y Cyngor ac yn awyddus i sefydlu eu busnes eu hunain, ac ati.
·
Y
deialog ymlaen llaw cyn ystyried unrhyw ddiswyddiadau.
·
Anhawster
adleoli staff mewn rhai achosion oherwydd natur wledig y sir.
·
Parhad
y drefn apêl a’r niferoedd achosion tebygol.
Yn ei sylwadau cloi, nododd y Pennaeth
Cefnogaeth Gorfforaethol fod darpariaeth y Cyngor yn y maes hybu iechyd a lles
ei staff wedi ei gydnabod ar lefel genedlaethol. Dyfarnwyd y Cyngor fel sefydliad lefel aur o
ran y safon iechyd corfforaethol ac yn Ebrill y llynedd, gwahoddwyd y Cyngor i
roi cyflwyniad ar ei waith yn y maes mewn cynhadledd genedlaethol yn Llundain.
Crynhodd y Cadeirydd brif negeseuon y
drafodaeth fel a ganlyn:-
·
Derbyn
yr adroddiad a diolch am y gefnogaeth sy’n cael ei chynnig.
·
Monitro’r
sefyllfa wrth i effaith y toriadau amlygu eu hunain dros y misoedd nesaf.
Diolchwyd i’r Aelod Cabinet a’r swyddogion
am eu holl waith ac am y drafodaeth.
Ar ddiwedd y cyfarfod, gofynnodd y Cadeirydd i’r swyddogion ymchwilio
i’r posibilrwydd o symud cyfarfod paratoi 6 Ionawr o’r prynhawn i’r bore er
mwyn hwyluso cynnal cyfarfod o’r Ymchwiliad Craffu Tai Gwyliau a Threthi yn y
prynhawn, gan hefyd symud cyfarfodydd 4 Chwefror ac 14 Mawrth o’r pwyllgor hwn
i’r prynhawn, os yn bosib’.
Dogfennau ategol: