Cyflwyno
adroddiad Swyddog Prosiectau AHNE Llŷn.
Cofnod:
Cyflwynodd y Swyddog Prosiectau AHNE Llŷn adroddiad
ar waith y Gwasanaeth AHNE. Rhoddwyd diweddariad ar y prosiectau canlynol:
·
Hyfforddiant Sgiliau Gwledig
·
Sbwriel Morol
·
Rhywogaethau Ymledol
·
Tanddaearu Gwifrau Trydan
·
Cynnal Asedau – Cyfleon Gwirfoddoli
·
Cystadleuaeth Ffotograffiaeth AHNE
·
Prosiectau Cyfalaf – Cyllid Llywodraeth Cymru, sef:-
- Eglwys Carnguwch - gwaith
trwsio ac ail-osod giatiau a gosod arwyddion i gyfeirio o gyfeiriad Llwyndyrys
- Gwaith adnewyddu wal derfyn
Cae’r Nant a chreu bwlch fel lle pasio i gerbydau
- Gwella Llwybrau Cilan
- Gwella Mynediad i Dir Mynediad
Bwlch Mawr, Gyrn Ddu, Gyrn Goch
Dosbarthwyd ychydig gopïau o lyfryn gan yr Ymddiriedolaeth Genedlaethol
ynglŷn â phrosiect ffermio “Talu am Ganlyniadau” ym Mhorth Gwylan, a
nododd y Swyddog Prosiectau AHNE Llŷn fod ganddi fwy o gopïau yn y swyddfa
petai’r rhywun yn dymuno copi.
Yn ystod y drafodaeth, codwyd y materion a ganlyn:-
·
Gan
gyfeirio at y bwriad i osod tap dŵr
cyhoeddus ger y toiledau yn Abersoch,
nododd cynrychiolydd Cyfoeth Naturiol Cymru fod modd
darparu paneli wrth ymyl pwyntiau
ail-lenwi yn egluro pam bod angen lleihau’r defnydd o blastigion. Awgrymwyd bod y Swyddog AHNE Llŷn yn trafod
ymhellach gyda’r cynrychiolydd.
·
Nododd
aelod fod Jac y Neidiwr yn
fwy o broblem na Changlwm
Siapan gan ei fod yn
lledaenu yn llawer cynt. Mewn ymateb, nododd y Swyddog AHNE Llŷn y byddai’r Uned yn
dal i fynd ar ôl hyn,
ond bod ‘Himalayan Balsam’ yn
broblem fawr yn yr ardal
bellach. Nododd fod y planhigyn
wedi ymledu o’r mynydd yn
Nefyn i lawr
i’r traeth ac efallai y byddai’n brosiect da i ymgeisio
am arian ar
ei gyfer gan Lywodraeth Cymru. Ychwanegodd fod llawer o waith wedi’i wneud ar
hyn ym Môn a bod y bartneriaeth ‘Himalayan Balsam’ yno
yn mapio’r ardaloedd hynny lle mae’r planhigyn
yn tyfu. Awgrymwyd cysylltu â’r bartneriaeth
ym Môn i weld oes modd ymestyn
y gwaith mapio i gynnwys Llŷn
hefyd.
·
Nododd aelod nad oedd yna unrhyw beth ar wefan yr AHNE ynglŷn â’r
Prosiect Awyr Dywyll, er bo cyfeiriad at hyn yn aml ar y gwefannau
cymdeithasol. Mynegwyd dymuniad i weld
llawer o ddigwyddiadau’n cymryd lle unwaith y byddai’r Swyddog Prosiect yn ôl
yn ei gwaith.
·
Holodd
aelod a fyddai’n bosib’ cael prosiect
i gael
gwared â’r coed helyg ar
Garn Boduan gan fod perygl iddynt
ymledu ac amharu ar yr olion
yno. Awgrymodd y Swyddog AHNE Llŷn y gellid cynnwys hyn yn
y cynllun rheoli. Nododd yr aelod y byddai’n
pasio manylion cyswllt y perchennog ymlaen i’r swyddog.
·
Nododd
aelod fod Scottish Power wedi uwchraddio un o’u llinellau yn
Sarn Bach a holwyd a fyddai’n bosib’ trafod gyda hwy
ymlaen llaw i weld a fyddai modd eu tanddaearu. Mewn ymateb, eglurodd y Swyddog AHNE Llŷn fod Scottish Power yn fwy awyddus i
danddaearu mewn rhai llefydd nag eraill, a chyfeiriodd at dair o linellau y bwriedir eu tanddaearu
y flwyddyn nesaf. Awgrymwyd gofyn i Scottish Power ddarparu mapiau yn dangos y lleoliadau
ar fap OS.
·
Nododd aelod fod angen torri’r rhododendron gerllaw’r rhaeadr wrth fynd
at Gyrn Goch.
·
Nododd aelod fod y grisiau yn arwain i fyny at chwarel Tyddyn Hywel
wedi’u gosod gan y cyn-weithwyr a’i bod yn werth eu dilyn yr holl ffordd i fyny
i weld y gwaith yn y top.
·
Nododd
aelod ei fod yn hynod
falch o’r gwaith adnewyddu wal derfyn Cae’r
Nant a bod lledu’r ffordd wedi gwneud gwahaniaeth
mawr. Fodd bynnag, mynegodd
aelod arall fod pryder am or-yrru ar y ffordd.
PENDERFYNWYD derbyn y wybodaeth.
Dogfennau ategol: