Diddynu amod rhif 3 o ganiatad cynllinio C19/0323/11LL sy'n cyfynu 2 uned allan o'r 8 i fod yn unedau fforddiadwy
AELOD LLEOL: Cynghorydd Steve Collings
Dolen
i'r dogfennau cefndir perthnasol
Cofnod:
Diddymu amod rhif 3 o ganiatâd cynllunio
C19/0323/11LL sy'n cyfyngu 2 uned allan o'r 8 i fod yn unedau fforddiadwy
Tynnwyd sylw at y
ffurflen sylwadau hwyr a dderbyniwyd
a) Ymhelaethodd
y Rheolwr Cynllunio ar gefndir y cais gan nodi mai cais llawn ydoedd i
ddiddymu amod rhif 3 o ganiatâd cynllunio C19/0323/11/LL sy'n cyfyngu 2 uned
allan o'r 8 uned a ganiatawyd i fod yn unedau fforddiadwy. Roedd yr amod yn
datgan:-
‘Ni fydd y
datblygiad yn dechrau hyd nes y bydd cynllun ar gyfer darparu'r 2 uned
fforddiadwy fel rhan o’r datblygiad wedi’i gyflwyno i, a’i gymeradwyo’n
ysgrifenedig gan, yr Awdurdod Cynllunio Lleol. Bydd yr unedau fforddiadwy yn
cael eu darparu yn unol â’r cynllun a gymeradwyir a bydd yn bodloni’r diffiniad
ar gyfer tai fforddiadwy yn Atodiad B Nodyn Cyngor Technegol 2 Polisi Cynllunio
Cymru: Cynllunio a Thai Fforddiadwy, neu unrhyw ganllawiau yn y dyfodol sy’n
cymryd lle hynny. Bydd y cynllun yn cynnwys:
i)
amseriad
cwblhau'r 2 uned fforddiadwy;
ii)
y trefniadau ar
gyfer rheoli’r unedau fforddiadwy;
iii)
y trefniadau ar
gyfer sicrhau bod y ddarpariaeth yn fforddiadwy ar gyfer meddianwyr cyntaf a
dilynol yr unedau fforddiadwy; ac
iv)
y meini prawf
meddiannaeth i’w defnyddio ar gyfer pennu meddianwyr yr unedau fforddiadwy a’r
dulliau ar gyfer gorfodi meini prawf meddiannaeth o’r fath.’
Rhoddwyd yr amod
gan nad oedd gwybodaeth glir a phendant wedi ei gyflwyno (yn benodol prisiad
marchnad agored) fel rhan o’r cais blaenorol am y ddarpariaeth fforddiadwy. Er hynny,
ystyriwyd bod digon o wybodaeth i sicrhau bod yr Awdurdod Cynllunio Lleol yn
gallu asesu'r cais o safbwynt sicrhau darpariaeth/nifer briodol o dai
fforddiadwy fel rhan o’r cais ac er mwyn cyfarch yr angen.
Eglurwyd bod y
safle wedi ei leoli ar Stryd Fawr Bangor a’r caniatâd cynllunio cysylltiedig
oedd cais rhif C19/0323/11/LL. Y bwriad yw addasu'r llawr cyntaf a'r ail lawr
o'r adeilad i unedau preswyl. Caniataodd y Pwyllgor y cais hwn yng Ngorffennaf,
2019
Adroddwyd bod yr
ymgeisydd wedi cyflwyno gwybodaeth oedd yn cynnwys profforma asesiad hyfywdra,
Adroddiad Prisiad Eiddo gan gwmni Syrfewyr Siartredig cymwysedig ynghyd ac
amcan brisiau ymgymryd â'r gwaith addasu. Dadleuir am hyfywedd y bwriad ac yn
allweddol mae gwybodaeth am y pris marchnad agored ar gyfer yr unedau wedi ei gyflwyno. Nodwyd mai’r drefn arferol fyddai cyflwyno'r
math yma o wybodaeth gyda’r cais am y trosiad neu’r adeiladu ac mae hyn yn
derbyn ystyriaeth yn fuan yn y broses.
Er hynny, ni fu i’r ymgeisydd ar y cais cyntaf weithredu yn y ffordd yma
ond yn hytrach datgan eu bod yn derbyn amod er mwyn ystyried hyn wedi i’r
caniatâd cynllunio gael ei roi.
Cyflwynwyd hefyd
asesiad o werth yr unedau gan gwmni Syrfewyr Siartredig sydd wedi ei selio ar
ofynion y Llyfr Coch (2017). Adroddwyd
y byddai gwerth marchnad agored yr
unedau yn amrywio o £45,000 i £60,000 – y pris wedi ei gyfyngu'n naturiol
oherwydd natur a graddfa'r safle a maint yr unedau eu hunain. Ategwyd bod Uned
Strategol Tai y Cyngor hefyd wedi cadarnhau bod prisiad yr unedau preswyl
arfaethedig yn is na lefel prisiau fforddiadwy (canolradd) ar gyfer ward
Deiniol ym Mangor ac felly, wrth ystyried gwerth marchnad agored yr unedau
preswyl, byddai'r bwriad yn darparu unedau sy'n fforddiadwy hyd yn oed heb
gyfyngiad pellach o amod neu Gytundeb 106.
Ystyriwyd nad oedd
yr amod yn angenrheidiol nac yn rhesymol er mwyn sicrhau unedau fforddiadwy gan
y byddai’r holl unedau (8) yn fforddiadwy beth bynnag. Ategwyd bod y cais yn
dderbyniol ar sail gofynion polisi lleol a chyngor cenedlaethol perthnasol.
b) Yn manteisio ar
yr hawl i siarad nododd yr Asiant y prif bwyntiau canlynol:-
·
Cais ydoedd i ddiddymu amod106
·
Nad oedd y bwriad yn hyfyw – prisiad a chostau wedi eu
cyflwyno
·
Byddai’r unedau yn rhai fforddiadwy beth bynnag
·
Bod maint a dyluniad y fflatiau fel cartrefi cost isel
yn cyfarch y polisïau perthnasol
·
Nad oedd yr Awdurdod Cynllunio yn anghytuno gyda’r
addasiad
c)
Cynigiwyd ac eiliwyd i ganiatáu y cais, yn
ddarostyngedig bod y rhent a godir ar yr unedau yn rhent canolradd /
fforddiadwy o ystyried bod yr unedau eu hunain yn fforddiadwy.
ch) Yn ystod y drafodaeth ddilynol nodwyd y sylwadau
canlynol gan aelodau:
·
Bod angen eglurhad am ystyr ‘cyflog canolig’
·
Angen sicrhau bod y rhent yn fforddiadwy
·
Cais am niferoedd fflatiau sydd wedi eu caniatáu ym
Mangor - awgrym o orddarpariaeth erbyn hyn
d)
Mewn ymateb i’r cynnig i ystyried yr elfen rhent,
nododd y Cyfreithiwr nad oedd asesiad rhent wedi ei gwblhau. Gwnaed sylw bod
angen y wybodaeth yn llawn gan y Gwasanaeth Tai gan mai pwrpas yr unedau yw eu
gosod. Awgrymwyd gohirio’r penderfyniad.
PENDERFYNWYD
gohirio’r penderfyniad er mwyn derbyn gwybodaeth ychwanegol am bris rhent yr
unedau ac asesiad diwygiedig i gyfarch hyn.
Dogfennau ategol: