Cais llawn i godi 4 uned byw hunan gynhaliol a chreu ffordd fynediad ynghyd ag adnoddau cysylltiol
AELOD LLEOL:
CYNGHORYDD JASON W PARRY
Cofnod:
Cais llawn i godi
4 uned byw hunan gynhaliol
a chreu ffordd fynediad ynghyd ag adnoddau cysylltiol
Tynnwyd sylw at y ffurflen sylwadau hwyr a’r
sylwadau manwl a dderbyniwyd gan yr ymgeisydd.
Roedd yr aelodau
wedi ymweld â’r safle
Ymhelaethodd y Rheolwr Cynllunio ar gefndir y cais
gan egluro bod y cais wedi ei
ohirio yn y Pwyllgor Cynllunio a gynhaliwyd 10/02/20 oherwydd penderfynwyd yn y cyfarfod hwnnw bod angen cynnal ymweliad
safle; derbyn mwy o wybodaeth am y dull o sgrinio’r fynedfa o dai cyfagos; derbyn
mwy o wybodaeth am reolaeth y safle a chynnal cyfarfod i drafod egwyddorion
y cais gyda’r Aelod Lleol. Eglurwyd bod y bwriad yn ymwneud a chodi
4 uned / pod byw sydd wedi eu
cynllunio a’u darparu er mwyn
cyrraedd anghenion unigolion bregus. Nodwyd y byddai’r unedau ym mherchnogaeth
y Cyngor ac yn cael eu rheoli
ar gyfer llety tymor byr
drwy’r Cyngor neu Gymdeithas Tai cofrestredig.
Amlygwyd bod y datblygiad wedi ei leoli ar
ran o gyn safle Canolfan Segontiwm o fewn ffiniau datblygu
tref Caernarfon sydd wedi ei ddynodi
yn y Cynllun Datblygu Lleol fel Canolfan Gwasanaeth
Trefol. Ategwyd bod y safle ger Caer
Rufeinig Segontiwm sydd yn heneb
gofrestredig a bod trafodaethau wedi ei cynnal
gyda CADW a Gwasanaeth Cynllunio Archeolegol Gwynedd ynglŷn ag effaith
y datblygiad arfaethedig ar yr heneb
gofrestredig. Nodwyd bod y safle yn un
eang ac mewn ymateb i bryderon
trigolion lleol o ddefnydd gweddill y safle i’r dyfodol,
adroddwyd bod CADW wedi awgrymu fod bwriad
i ddynodi gweddill y safle fel heneb gofrestredig
fyddai’n debygol o atal datblygiadau pellach.
Adroddwyd bod cyfarfod wedi ei
gynnal gyda’r Aelod Lleol a bod y cyfarfod hwnnw wedi bod yn un
buddiol.
Nid oedd gan yr Uned
Drafnidiaeth wrthwynebiad i’r bwriad ac yng
nghyd-destun mwynderau gweledol, cyffredinol a phreswyl ystyriwyd bod y bwriad yn dderbyniol
o ran dyluniad, maint, graddfa a deunyddiau allanol ac na fydd
y bwriad yn debygol o gael effaith andwyol sylweddol annerbyniol ar unrhyw drigolion
neu eiddo lleol.
Wedi ystyried yr holl
faterion cynllunio perthnasol gan gynnwys polisïau a chanllawiau lleol a chenedlaethol yn ogystal â’r holl
sylwadau a dderbyniwyd, ystyriwyd y bwriad yn dderbyniol ac yn cydymffurfio a gofynion polisïau perthnasol.
a) Cynigiwyd ac eiliwyd
i ganiatáu y cais
b) Mewn ymateb
i gais o ddarparu ffens bren ychwanegol
ar hyd ffin
rhan o’r safle a thŷ cyfochrog, nodwyd na ystyriwyd fod
hyn yn angenrheidiol
ac nad oedd yn wybyddus os
oedd perchennog yr eiddo yn
dymuno cael ffens soled ar ei ffin. Er
hyn, awgrymwyd fod yr ymgeisydd
yn cynnal trafodaethau pellach gyda’r perchennog i dderbyn cadarnhad
o’u dymuniad ynglŷn â gosod ffens ac i adrodd
hyn yn ôl
i’r swyddogion cynllunio er mwyn
cadarnhau barn y perchennog
a llunio amod priodol os oedd
angen un.
c) Yn ystod y drafodaeth
ddilynol nodwyd y prif sylwadau canlynol gan aelodau:
·
Bod y cynllun yn un arloesol a’r egwyddor yn
addawol
·
Gyda’r
safle yn un eang y byddai modd
gwneud defnydd gwell ohono
·
Bod angen sicrhau nad oes
camddefnydd o’r unedau - annelwig pa gategori o bobl sydd yn mynd
i elwa o’r
unedau
·
Bod y ddarpariaeth yn ymateb i’r angen
·
Os bydd y cynllun yn llwyddiannus, bod angen
ystyried y math o ddarpariaeth i
ardaloedd eraill
·
Bod angen sicrhau bod y ffens bren yn un hirdymor
PENDERFYNWYD dirprwyo’r hawl i’r Pennaeth Cynorthwyol
i ganiatáu y cais unwaith bydd
yr ymgeisydd wedi cadarnhau yn ysgrifenedig y bwriad gyda’r ffens.
1. Amser
2. Cydymffurfio
gyda’r cynlluniau
3. Tirlunio
4. Amodau bioamrywiaeth
5. Amodau
priffyrdd
6. Oriau
gweithio
7. Archeoleg
8. Darparu
storfa biniau cyn preswylio
9. Ffens
i’w gosod cyn preswylio
10. Dŵr Cymru
11. Tynnu PD
Nodiadau:
Dŵr Cymru
SUDS
Priffyrdd
Dogfennau ategol: