Adroddiad
llafar
Penderfyniad:
Nodi’r
wybodaeth a diolch i staff am eu gwaith yn ystod y cyfnod argyfwng.
Cofnod:
Cyflwynwyd yr adroddiad gan Dilwyn Williams
PENDERFYNIAD
Nodi’r wybodaeth a diolch i
staff am eu gwaith yn ystod y cyfnod argyfwng.
TRAFODAETH
Bu i’r Prif
Weithredwr nodi y bydd yn rhoi diweddariad a fydd yn amlinellu beth mae’r
Cyngor yn ei wneud i ymateb i’r argyfwng
Covid-19. Mynegwyd y bydd aelodau etholedig yn derbyn nodyn diweddariad cyn
diwedd yr wythnos.
Rhoddwyd cliplun o’r sefyllfa staffio gan
nodi fod 137 yn y categori gwarchodaeth y Llywodraeth, 175 o staff yn sâl gyda
46 o’r rheini o ganlyniad i symptomau covid-19. Ychwanegwyd fod dros 1800 o
staff bellach yn gweithio o’u cartrefi ac mai dim ond 132 o aelod o staff sydd
bellach yn gweithio o swyddfa. Mynegwyd, ar hyn o bryd, fod y maes gofal yn
dygymod yn eithaf ond fod achosion wedi codi mewn tri chartref henoed, ond fod
y sefyllfaoedd bellach yn cael eu rheoli.
Mynegwyd fod ystadegau yn dangos Gwynedd yn
lled llwyddiannus a bod yr achosion ar waelod yr amrediad a amlygwyd yn y
senarios posib. Ychwanegwyd unwaith y bydd y rheoliadau yn cael ei lleihau ac y
bydd angen cynllunio ar gyfer y cyfnod nesaf. Nodwyd fod llawer o sôn am
gyfarpar diogelwch PPE ond pwysleisiwyd y lefel cyfarpar yng Ngwynedd yn iawn
ond fod nifer y masgiad yn peri pryder. Mynegwyd fod cyflenwadau gan y
Llywodraeth a nodwyd fod gwaith yn cael ei wneud i weld lefel y costau ychwanegol
a fydd yn wynebu’r sector breifat.
Pwysleisiwyd fod cyfundrefn gwirfoddolwyr yn
gweithio yn dda, gyda byddin o bobl Gwynedd yn barod i gynorthwyo. Mynegwyd fod
addysg yn parhau i warchod plant gweithwyr allweddol a bregus. Pwysleisiwyd fod
y gwasanaeth biniau wedi parhau drwy’r cyfnod ond y bydd Canolfannau Ailgylchu
yn parhau ar gau ar hyn o bryd.
Sylwadau’n
codi o’r drafodaeth
¾ Diolchwyd i’r Prif Weithredwr a Prif swyddogion am yrru'r gwaith drwy’r cyfnod.
Ychwanegwyd fod yr aelodau Cabinet wedi bod yn cyfarfod yn anffurfiol yn gyson.
¾ Nododd yr Aelod Cabinet dros Gyllid ddiolch i staff yr adran am eu
gwaith yn ystod y cyfnod yn benodol i staff Technoleg Gwybodaeth i sicrhau fod
modd i staff weithio o’u cartrefi. Pwysleisiwyd yn ogystal na fydd unrhyw dreth
cyngor yn cael ei adennill hyd ddiwedd Mehefin a mynegwyd fod gwaith yn cael ei
wneud er mwyn mesur effaith y cyfnod yn ariannol ar y Cyngor.
¾ Pwysleisiwyd fod y cyfnod hwn yn un argyfyngus ble mae taro pawb yn
wahanol i’r argyfyngau sydd wedi taro'r sir o’r blaen, ble mae cymunedau
penodol wedi eu taro. Mynegwyd o ran y maes Oedolion fod y staff yn gweithio yn
galed a diolchwyd am eu gwaith o dan yr amodau heriol.
¾ Diolchodd yr Aelod Cabinet dros Briffyrdd a Bwrdeistrefol i’r staff am
fod yn barod i weithio ac i sicrhau gwasanaeth i drigolion Gwynedd. Mynegwyd
fod tipio wedi bod yn codi pryder ond fod lefel yr achosion sydd wedi bod ddim
llawer yn uwch nac arferol.
¾ Nodwyd fod yr unigolion sydd yn ddigartref bellach wedi eu cartrefu yn
ystod y cyfnod argyfwng. Ychwanegwyd fod yr adran Eiddo wedi sicrhau 10 gwely
ychwanegol yn y cartref Bryn Blodau ar gyfer y cyfnod.
¾ Mynegodd yr Aelod Cabinet dros Amgylchedd fod trefniadau amgen ar gyfer
y maes cynllunio wedi ei gyflwyno gan Lywodraeth Cymru. Ategwyd fod gwasanaeth
Gwarchod y Cyhoedd wedi bod yn brysur yn arwain ar y gwaith o leihau sgamio
sydd wedi cael ei amlygu yn ystod y cyfnod.
¾ Diolchwyd i’r adran Cefnogaeth Gorfforaethol am eu parodrwydd i newid eu
ffordd o weithio. Pwysleisiwyd fod Siop Gwynedd bellach wedi cau a bod staff
Galw Gwynedd yn parhau i weithio o adref.
¾ Pwysleisiwyd fod taliadau uniongyrchol yn cael ei wneud i rieni plant
sydd yn cael cinio am ddim ac ychwanegwyd fod gwaith yn cael ei wneud i gynnig
darpariaeth addysgol. Mynegwyd fod angen 2000 o ddyfeisiadau i ddisgyblion i
sicrhau darpariaeth addysgiadol, gan ychwanegu y bydd y rhain yn dod o’r
ysgolion yn uniongyrchol. Diolchwyd i staff ac athrawon am eu gwaith yn ystod y
cyfnod.
¾ Nododd yr Aelod Cabinet dros Economi fod yr adran wedi bod yn gweithio
yn wahanol iawn i’r arfer a diolchwyd i staff am hynny. Mynegwyd mai cefnogi
busnes yw’r brif flaenoriaeth ac i sicrhau na fydd effaith hir dymor ar
fusnesau’r ardal. Ategwyd fod gwaith wedi bod yn cael ei wneud i sicrhau
gwydnwch cymunedol a bod 23 aelod yn rhan o’r tîm i sicrhau fod pobl fregus yn
gallu cysylltu i gael cymorth.
¾ Pwysleisiodd yr Aelod Cabinet dros Blant a Chefnogi Teuluoedd fod yr
adran wedi bod yn gweithio yn galed a bod llawer o straeon positif o fewn yr
adran.
¾
Mynegwyd
fod staff wedi derbyn cyfarpar PPE ac yn deall sut i’w ddefnyddio ac wedi dod o
hyd i ffordd wahanol o weithio a chefnogi pobl ifanc a phlant.
¾
Mynegwyd
fod y meysydd gofal - plant ac oedolion- ar agor i bobl bregus. A diolwch i’r
staff i gyd a pharodrwydd staff y Cyngor a thrigolion i fod yn barod i
gynorthwyo yn y maes gofal.
Awdur:Dilwyn Williams