Mae'r datblygiad canlynol wedi'i leoli o fewn ffiniau Awdurdod Cynllunio Lleol Cyngor Gwynedd: 1) Codi adeilad pen twnnel y Gorllewin (gan gynnwys y compownd adeiladu cysylltiedig) yn Garth ynghyd a thrac mynediad parhaol Mae'r datblygiad canlynol wedi'i leoli o fewn ffiniau Awdurdod Cynllunio Lleol Parc Cenedlaethol Eryri: 2) Codi adeilad pen twnnel dwyreiniol (gan gynnwys y compownd adeiladu cysylltiedig), compownd selio pen a mynediad parhaol yn Cilfor 3) Compownd selio pen newydd ar ochr ddwyreiniol Aber Dwyryd i gysylltu'r ceblau tanddaearol â'r llinell uwchben Nid oes angen caniatâd cynllunio ffurfiol ar gyfer y datblygiad canlynol: Byddai'r cynigion hyn yn galluogi adeiladu twnnel tanddaearol i gynnwys ceblau trydan a chael gwared ar 10 peilon presennol a llinellau uwchben cysylltiedig ar draws Aber Dwyryd Mae'r cais yn croesi'r ffin rhwng Cyngor Gwynedd a Pharc Cenedlaethol Eryri ac felly efallai y byddwch yn derbyn ymgynghoriad gan y ddau awdurdod mewn perthynas â'r datblygiad sydd wedi'i leoli o fewn ei ffiniau.
AELOD LLEOL: Cynghorydd
Gareth Thomas
Dolen i'r dogfennau cefndir perthnasol
Penderfyniad:
PENDERFYNIAD Caniatáu gydag amodau:
1. 5 mlynedd
2. Unol â’r cynlluniau a’r asesiadau a gyflwynwyd fel rhan
o’r cais
3. Lliw ffens
3. Priffyrdd
4. Cefnffyrdd
5. Amodau CNC
6. Dŵr Cymru
7. Oriau gwaith – ac amodau eraill Gwarchod y Cyhoedd
8. Bioamrywiaeth
9. Archeolegol
10. CEMP
11. Cynllun rheoli tirweddu a monitro
Nodiadau
Priffyrdd
Dŵr Cymru
Dylai'r holl weithrediadau sy'n cynnwys gwaredu, trin neu adfer deilliannau twnnel gael eu cyflawni yn unol â hierarchaeth gwastraff ac amcanion y cynllun rheoli gwastraff amlinellol. Cysylltwch â Gwasanaeth Cynllunio Gwynedd a Chyfoeth Naturiol Cymru mewn perthynas â gofynion y Rheoliadau Trwyddedu Amgylcheddol neu statws cynllunio unrhyw gyfleuster rheoli gwastraff neu safle arall a nodwyd ar gyfer derbyn, trin neu waredu unrhyw ddeilliant gwastraff.
COFNODION:
Mae'r datblygiad canlynol wedi'i leoli o fewn ffiniau Awdurdod
Cynllunio Lleol Cyngor
Gwynedd: 1) Codi adeilad pen twnnel
y Gorllewin (gan gynnwys y compownd adeiladu cysylltiedig) yn Garth ynghyd a thrac mynediad parhaol. Mae'r datblygiad canlynol wedi'i leoli o fewn ffiniau Awdurdod
Cynllunio Lleol Parc Cenedlaethol Eryri: 2) Codi adeilad pen twnnel dwyreiniol (gan gynnwys y compownd
adeiladu cysylltiedig), compownd selio pen a mynediad parhaol yn Cilfor: 3) Compownd
selio pen newydd ar ochr ddwyreiniol
Aber Dwyryd i gysylltu'r ceblau tanddaearol â'r llinell uwchben. Nid oes angen
caniatâd cynllunio ffurfiol ar gyfer
y datblygiad canlynol: Byddai'r cynigion hyn yn galluogi
adeiladu twnnel tanddaearol i gynnwys
ceblau trydan a chael gwared ar
10 peilon presennol a llinellau uwchben cysylltiedig ar draws Aber Dwyryd.
Tynnwyd sylw at y ffurflen sylwadau hwyr a dderbyniwyd
a)
Ymhelaethodd
y Rheolwr Cynllunio ar gefndir y cais
gan nodi mai cais ydoedd
yn ymwneud a phrosiect sydd, ers rhai blynyddoedd
bellach, wedi cynnwys mewnbwn sylweddol gan swyddogion
y Cyngor a rhanddeiliaid i’r prosiect a gyfeiriwyd ato fel Prosiect Darpariaeth
Effaith Weledol (VIP). Adroddwyd bod y cynllun yn cael ei
arwain gan y Grid Cenedlaethol sydd wedi ymgynghori’n helaeth gyda’r gymuned leol.
Pwrpas y cynllun yw lliniaru’r effaith
weledol mae seilwaith trydan presennol yn ei
gael mewn tirwedd warchodedig o gwmpas y Ddwyryd drwy dynnu peilonau
trydan i lawr rhwng Minffordd
a Chilfor a thanddaearu’r gwifrau trydan am bellter o 3.5 km. Ategwyd bod cais cynllunio wedi ei gyflwyno
i Awdurdod Cynllunio Cyngor Gwynedd ac i Awdurdod Cynllunio Parc Cenedlaethol Eryri er mwyn
galluogi i’r ddau awdurdod wneud
penderfyniadau ar y cais sydd yn
berthnasol i’w hardaloedd. Tynnwyd sylw at
baragraffau 1.17 - 1.23 yn yr adroddiad sydd yn rhoi disgrifiad bras o’r
datblygiadau sydd yn destun cais o fewn y ddau Awdurdod ac at baragraffau 1.24
i 1.30 sydd, oherwydd natur eang a chymhleth y cynllun yn cyfeirio'r gofynion
hynny sydd tu allan i faes cynllunio. Nodwyd bod Pwyllgor Cynllunio Awdurdod
Parc Cenedlaethol Eryri eisoes wedi caniatáu
Eglurwyd
bod y bwriad yn golygu codi adeilad pen twnnel y Gorllewin (gan gynnwys y compownd adeiladu cysylltiedig) ynghyd a thrac mynediad
parhaol. Er bod yr adeilad yn eithaf sylweddol, mae’n cymharu gydag adeilad
amaethyddol o ran maint, uchder a dyluniad. Ategwyd bod Asesiad Gweledol a
Thirwedd wedi ei gyflwyno fel rhan o’r cais sydd yn cynnwys manylion tirwedd ac
effaith weledol gan gynnwys montage ffotograffig
Ar
sail y wybodaeth a’r cynlluniau a gyflwynwyd fel rhan o’r cais, ystyriwyd bod
effeithiau hir dymor y bwriad yn dderbyniol o ran dyluniad, graddfa,
deunyddiau, tirweddu ac effaith ar y dirwedd ac yn cydymffurfio a gofynion
polisïau PCYFF 2, 3 a 4, AMG 2 a 3 o’r CDLl a NCT 12:
Dylunio. Derbyniwyd y byddai’r cynllun yn ei gyfanrwydd yn achosi anhwylustod,
sŵn, dirgryniad, llwch a thraffig yn ystod y gwaith dros dro o dwnelu ac
adeiladu’r adeilad pen twnnel. Byddai’r elfennau hyn, sydd ddim yn faterion
cynllunio yn destun trafodaeth a goruchwyliaeth gan Uned Gwarchod y Cyhoedd
(sy’n delio gyda niwsans cyffredinol) a Chyfoeth Naturiol Cymru fydd yn
trwyddedu’r gwaredu gwastraff.
Cydnabuwyd
y byddai’n anorfod fod datblygiad o’r fath am gael
peth effaith ar fwynderau cyffredinol
a phreswyl trigolion cyfagos ond yn
yr hir dymor
ni fyddai’r bwriad yn andwyol
ar fwynderau cyffredinol na phreswyl unrhyw drigolion cyfagos. O ystyried yr effeithiau
tymor byr o weithredu’r caniatâd, amlygwyd bod modd rheoli ac/neu liniaru'r
effeithiau i lefelau derbyniol drwy amodau cynllunio
priodol. Nodwyd bod Uned Gwarchod y Cyhoedd wedi nodi
oriau gwaith derbyniol ar gyfer
y bwriad o adeiladu’r adeilad pen twnnel ac yn ychwanegol gellid
amodi materion sŵn, llwch, traffig ac oriau gwaith, niwsans ayyb sy’n deillio’n
uniongyrchol o’r datblygiad. Bydd yr ymgeisydd hefyd
yn gallu diweddaru’r sefyllfa drwy gyflwyno diweddariad
i’r Cynllun Rheoli Amgylchedd Adeiladau a fydd yn destun amod
cynllunio.
Wedi cwblhau’r
gwaith tyllu ac adeiladu, byddai presenoldeb unrhyw staff yn achlysurol ar
y safle.
Cadarnhawyd
nad oedd
gan yr Uned
Drafnidiaeth ac Uned Cefnffyrdd Llywodraeth Cymru wrthwynebiad i’r cais ac eisoes
wedi sicrhau bod materion megis symud cyfarpar a gwastraff yn cael
ei gynnwys yn y Cynllun Rheoli
Amgylchedd Adeiladu. Nodwyd bod Cyfoeth Naturiol Cymru wedi cadarnhau bod y bwriad yn dderbyniol
o ran risg ac effaith llifogydd a bod yr Uned Draenio Tir
yn fodlon gyda’r gwaith ar
y ffos.
Nodwyd
bod gwybodaeth helaeth wedi ei gyflwyno
fel rhan o’r cais yn
ymwneud a materion Bioamrywiaeth, a bod hynny o ganlyniad i drafodaethau
helaeth o flaen llaw rhwng yr
Uned Bioamrywiaeth a’r Grid Cenedlaethol. Mae mesurau lliniaru a gwelliannau wedi eu cynnig ar
gyfer y bwriad a byddai’r mesurau hyn yn cael
eu hamodi er mwyn sicrhau
eu bod yn cael eu cwblhau.
Er
nad yw’r datblygiad yn cyrraedd trothwyon Polisi Strategol PS1 sydd yn hyrwyddo
a chefnogi’r defnydd o’r iaith Gymraeg yn ardal y Cynllun, mae Datganiad Iaith
Gymraeg wedi ei gyflwyno a’i asesu gan y Gwasanaeth Iaith sydd yn fodlon gyda’r
datganiad iaith hwnnw oherwydd natur y cais a’r gwaith dan sylw. Mae’n amlwg,
o’r datganiad bod y Grid Cenedlaethol wedi ystyried pwysigrwydd y Gymraeg yn yr
ardal ac yn ymwybodol iawn o’r angen i gyfathrebu yn ddwyieithog ac y byddant
yn defnyddio gweithwyr lleol lle bo hynny yn bosib.
Er mwyn rhoi
sicrwydd am agweddau o’r bwriad, ac oherwydd bod y cynllun yn ei gyfanrwydd
yn fwy na’r
hyn sy’n destun y cais yn
unig a bod angen sicrhau nad oes
effeithiau amgylchedd annerbyniol o ganlyniad i’r gwaith yma,
bydd unrhyw ganiatâd cynllunio yn destun amod
cynllunio i gyflwyno a chytuno Cynllun Rheoli Amgylchedd Adeiladu ar gyfer rheoli
amryw o agweddau o’r gwaith.
Bydd y materion hyn yn cael
ei gytuno mewn ymgynghoriad gyda’r cyrff perthnasol
yn dilyn rhoi unrhyw ganiatâd
cynllunio.
O
ystyried yr uchod ac wedi ystyried yr holl faterion cynllunio perthnasol yn
llawn gan gynnwys polisïau a chanllawiau lleol a chenedlaethol.
b)
Yn manteisio ar yr hawl i siarad nodwyd
Cadeirydd y Grŵp Ymgynghori Rhanddeiliaid
Annibynnol, ar ran yr ymgeisydd, y prif bwyntiau canlynol:-
• Ei fod yn gefnogol iawn i’r cynllun a’i fod
wedi bod yn rhan ohono ers 6 mlynedd
•
Y cynllun yn 1 o 4 o’i fath wedi ei ddewis fel
cynllun amgen i wella tirweddau arbennig yng Nghymru a Lloegr
•
Aberdwyryd yn ardal
ysblennydd ond wedi ei ddifethaf gan beilonau a gwifrau trydan
•
Byddai tynnu’r peilonau yn drawsnewidiol gyda
thrigolion lleol yn cael y cyfle i fwynhau’r Aber a’r golygfeydd clir
•
Bod y Grŵp Ymgynghori yn cynnwys
nifer o randdeiliaid sydd yn gefnogol
i’r cynllun ac wedi bod yn rhan
o fanylder y cynllun ers 2015
•
Bod cynlluniau'r ddau compownd yn
wahanol mewn ymateb i’r ymgynghoriad
cyhoeddus
•
Bod Awdurdod Cynllunio'r Parc Cenedlaethol wedi caniatáu y cais heb unrhyw wrthwynebiadau
•
Byddai’r cynllun yn hwb i fusnesau lleol ac yn
dod a buddion amgylcheddol, hamdden ac economaidd i’r ardal brydferth
•
Byddai’r cynllun yn adfer harddwch naturiol yr
ardal
•
Ei
bod yn fraint bod yn rhan o gynllun
sydd yn trawsnewid
ardal i’r fath raddfa
c)
Yn manteisio ar yr hawl i siarad nododd yr
Aelod Lleol y pwyntiau canlynol:-
• Ei fod yn gefnogol i’r cynllun
• Bod y peilonau fel creithiau ar dir sydd
yn brydferth a phwysig
• Bod y trafodaethau gyda National Grid
i’w canmol – wedi bod yn agored iawn
• Mai’r ffordd i’r pen twnnel yw’r ffordd
wreiddiol i’r chwarel cyn i’r ffordd osgoi gael ei hadeiladu ac felly gyda
hanes trafnidiaeth drwm
• Cefnogi’r bwriad o waredu’r peilonau o aber prydferth
ch) Cynigiwyd ac eiliwyd i ganiatáu y cais
d)
Yn ystod y drafodaeth ddilynol nodwyd y sylwadau canlynol gan aelodau:
• Byddai gwaredu’r
peilonau yn welliant i’r ardal
ac i dwristiaeth
• Byddai’r golygfeydd
yn gwella ar ôl i’r
peilonau gael
eu tynnu i lawr
• Y cynllun yn
sicr yn un
i’w groesawu – yn welliant mewn
ardal sensitif
• Croesawu’r bwriad
i gyflogi yn lleol
• Croesawu’r egwyddor
ond anodd cefnogi cynllun fydd yn cyfrannu
at dlodi ynni
PENDERFYNWYD
caniatáu y cais gydag amodau:
1.
5 mlynedd
2.
Unol â’r cynlluniau
a’r asesiadau a gyflwynwyd fel rhan o’r cais
3.
Lliw ffens
4.
Priffyrdd
5.
Cefnffyrdd
6.
Amodau CNC
7.
Dŵr Cymru
8.
Oriau gwaith –
ac amodau eraill Gwarchod y Cyhoedd
9.
Bioamrywiaeth
10. Archeolegol
11. CEMP
12. Cynllun rheoli tirweddu a monitro
Nodiadau
Priffyrdd
Dŵr Cymru
Dylai'r holl weithrediadau sy'n cynnwys
gwaredu, trin neu adfer deilliannau twnnel gael eu cyflawni yn unol â
hierarchaeth gwastraff ac amcanion y cynllun rheoli gwastraff amlinellol.
Cysylltwch â Gwasanaeth Cynllunio Gwynedd a Chyfoeth Naturiol Cymru mewn perthynas â gofynion y
Rheoliadau Trwyddedu Amgylcheddol neu statws cynllunio unrhyw gyfleuster rheoli
gwastraff neu safle arall a nodwyd ar gyfer derbyn, trin neu waredu unrhyw
ddeilliant gwastraff.
Dogfennau ategol: