Dymchwel storfa allanol bresennol, addasiadau i'r prif dŷ presennol ac estyniad rhanol unllawr, rhannol deulawr i'r ochr a'r cefn
AELOD LLEOL: Cynghorydd Gruffydd Williams
Penderfyniad:
Gwrthod y cais ar sail
gorddatblygiad
COFNODION:
Amlygwyd bod sylwadau hwyr wedi eu derbyn
Ymhelaethodd Y Rheolwr Cynllunio ar gefndir y cais gan nodi bod y cais yn
un ar gyfer ailwampio ac ymestyn tŷ presennol. Adroddwyd y byddai’r datblygiad newydd yn cynyddu
nifer y llofftydd o 3 i 4 gan gynyddu maint y gofod byw i lawr grisiau.
Saif yr eiddo ar lethrau Mynydd Nefyn ar ben ffordd
breifat (sy’n rhannol yn llwybr cyhoeddus) sy’n arwain o ffordd ddi-ddosbarth
Bryn Glas. Mae’r safle mewn cefn gwlad agored, oddeutu 340m i’r dwyrain o ffin
ddatblygu Canolfan Gwasanaeth Lleol Nefyn a 50m y tu allan i Ardal o Harddwch
Naturiol Eithriadol Llŷn.
Fe drafodwyd y cais hwn yn y Pwyllgor Cynllunio ar
02/03/2020 pryd y gohiriwyd gwneud penderfyniad er caniatáu trefnu ymweliad
safle ac er mwyn galluogi cyflwyno adroddiad rhywogaethau gwarchodedig.
Derbyniwyd aroddiad o Arolwg Rhywogaethau
Gwarchodedig ar 29 Mai, 2020.
Darparwyd lluniau a fideo ychwanegol gan nad oedd
modd cynnal ymweliad safle oherwydd cyfyngiadau covid 19.
Amlygwyd bod sylwadau hwyr wedi
eu derbyn (ond heb eu
cynnwys yn y ffurflen sylwadau hwyr) gan Ymgyrch
Diogelu Cymru Wledig yn pryderu
bod maint a dyluniad yr estyniad yn
nodwedd estron yn y dirwedd. Ategwyd
bod sylwadau hefyd wedi eu derbyn
gan Swyddog yr AHNE (oedd heb
eu cynnwys yn yr adroddiad)
yn pryderu am yr estyniadau ochr
sylweddol, y ffenestri mawr ar effaith
ar yr AHNE.
Adroddwyd y byddai’r tŷ ar ei newydd
wedd yn debygol
o fod yn sylweddol fwy na'r
tŷ presennol gyda’r arwynebedd llawr mewnol yn
fwy na
dyblu. Er hynny, gan na
fyddai cynnydd mewn uchder yr
adeilad, ystyriwyd bod y dyluniad a gyflwynwyd o ansawdd uchel gyda’r
defnydd o garreg, gwydr a llechi yn
briodol ar gyfer y lleoliad. Gwerthfawrogwyd bod y dyluniad yn ‘fater o farn’.
Saif yr eiddo mewn lleoliad
agored ar lethr y mynydd ac felly’n weladwy gan y cyhoedd o briffordd gyfagos ac ardaloedd cyhoeddus eraill. Wrth werthfawrogi’r
pryder ynghylch sensitifrwydd y dirwedd yn yr ardal
hon, nid oedd y swyddogion yn ystyried
y byddai’r estyniadau fel y’u dyluniwyd
yn cael effaith
niweidiol arwyddocaol ar ansawdd y dirwedd
ac ni ystyriwyd
y byddai’r bwriad yn effeithio gosodiad
yr AHNE, neu’r golygfeydd allan ohoni, mewn ffordd
niweidiol.
Tynnwyd sylw at sylwadau oedd wedi ei
derbyn am orddarpariaeth o unedau gwyliau yn yr ardal
ond amlygwyd mai cais am estyniad
i dŷ
oedd gerbron ac nid cais am lety
gwyliau. Cydnabuwyd hefyd bod yr effaith
weledol yn destun pryder a materion dylunio yn gallu bod yn
gynhennus, ond bod swyddogion wedi pwyso a mesur y cais cynllunio yn erbyn gofynion
y polisïau perthnasol ynghyd a’r sylwadau
a gwrthwynebiadau a dderbyniwyd.
O ganlyniad ystyriwyd fod y bwriad yn
dderbyniol ac yn cwrdd gyda gofynion
polisi cynllunio lleol a chenedlaethol ac y dylid ei ganiatáu
gyda’r amodau sydd wedi eu
cynnwys yn yr adroddiad.
a) Yn manteisio ar yr hawl i siarad nododd yr ymgeisydd y pwyntiau canlynol:-
·
Bod Tan Y Mynydd wedi bod yn
wag ers sawl blwyddyn, a bellach mae’n dadfeilio’n sylweddol. Y bwriad yw adfer
a datblygu Tan y Mynydd a’i wneud yn gartref hardd i’w rannu gyda theulu a
ffrindiau gan werthfawrogi’r hyn sydd gan harddwch Pen Llyn i’w gynnig.
·
Teulu estynedig yn breswylwyr
ar Barc Gwyliau Aberafon yn Nefyn ers blynyddoedd
maith. Yr ymgeisydd a’i theulu yn aelodau gydol oes o glwb hwylio a chlwb golff
Nefyn ac yn noddwyr rheolaidd yn The Sportsman ym
mhentref Nefyn ac yn gyfranddalwyr yn Nhafarn Yr Heliwr
·
Nid yw yn gais am gartref
gwyliau neu eiddo rhent - yn gais am gartref i’r teulu ac at gael treulio
llawer mwy o flynyddoedd i’r dyfodol yn y gymuned gyda'u plant a'u hwyrion.
·
Yn awyddus i'r cartref integreiddio
i'r dirwedd ac felly wedi dewis adeiladwyr
a masnachwyr lleol a deunyddiau adeiladu lleol. O ganlyniad, bydd yr adeilad
yn ffitio'n llawer gwell o fewn y dirwedd garw na rendr gwyn llachar
y tŷ presennol.
·
Wedi byw yng Nghymru ers
dros 30 mlynedd; ei phlant yn
Gymraeg; ei busnesau wedi'u lleoli yng Ngogledd
Cymru, yn cyflogi bron i
30 o bobl ac yn gwasanaethu'r gymuned leol
b) Yn manteisio ar yr hawl i siarad nododd yr Aelod Lleol y pwyntiau
canlynol:-
·
Rhaid sicrhau bod yr AHNE yn
cael ei warchod – rhaid gofalu gwarchodaeth yn yr un modd a Pharc Cenedlaethol
·
Y cais yn gwbl annerbyniol a’r
bwriad yn ormesol yn y tirlun
·
‘Mater o farn’ yn gynsail peryglus gan fod yr
addasiadau yn sylweddol
·
Bythynnod a thyddynnod
traddodiadol sydd ar Fynydd Nefyn
·
Pryder y byddai cynsail yn
cael ei osod o brynu tai ‘bach’ sydd yn ymylu gyda ffin yr AHNE, ac yna
cyflwyno cais am estyniadau sylweddol i’r tai hyn – mae modd prynu tŷ mwy
yn y lle cyntaf
·
Cael effaith sylweddol ar
brisiau tai yn yr ardal
c) Cynigiwyd ac eiliwyd i wrthod y cais
ch) Yn ystod y drafodaeth ddilynol nodwyd y prif sylwadau canlynol gan aelodau:
·
Byddai’r bwriad yn ddolur
llygad ar lethrau Mynydd Nefyn
·
Bod y bwriad yn orddatblygiad - maint yr estyniad yn dyblu’r gofod llawr
·
Angen cadw cymeriad traddodiadol y tŷ
·
Bod Llwybr Cyhoeddus yn rhan
o’r safle – hyn ar gallu i greu problemau ar dir preifat
·
Y cynllun arfaethedig yn ymwthiol, ormesol, rhy amlwg a mawr
ac amhriodol ar lethrau Mynydd Nefyn - yn groes
i bolisi strategol 19 - y nod yw gwella'r amgylchedd naturiol
·
Pryder o osod cynsail a
chynnydd mewn prisiau tai lleol
·
Yn groes i Polisi 3 lle nodi’r
graddfa a Polisi Tai 13 lle nodi’r ‘na ddylai greu effaith weledol sydd yn
sylweddol fwy na’r adeilad presennol ... dylid ceisio gwarchod cefn gwlad ...’
Angen polisïau cryfach fel bod modd atal newid yr adeilad yn gyfangwbl.
·
Bod adeiladau o’r fath yn
dinistrio'r hyn y mae ymwelwyr yn
ei fwynhau am yr ardal
·
Awgrym i brynu tŷ mwy yn
y lle cyntaf
·
Rhaid gwarchod yr amgylchedd, cefngwlad, tirlun a phobl yr ardal
·
Bod Nefyn yn cael ei dargedu
fel Abersoch yn y gorffennol
·
Maint yn cael ei ganiatáu
mewn rhai achosion ond dim mewn tai fforddiadwy lle ceisir mwy
o ofod llawr
·
Bod y dyluniad o ansawdd uchel
ac yn welliant i’r hyn sydd yno yn barod
·
Bod tŷ cyfagos gydag
estyniad
PENDERFYNWYD gwrthod y cais
Dogfennau ategol: