Agenda item
Ystyried adroddiad Rheolwr Gyfarwyddwr GwE.
Penderfyniad:
(a)
Bod y Cyd-bwyllgor yn cadarnhau ei fod yn sicr bod GwE yn:-
·
Dilyn y newid polisi gan Gyngor Gwynedd
ers mis Gorffennaf 2018;
·
Cefnogi’r gofyn i reolwyr GwE adolygu
hawliadau treuliau teithio.
(b) Gofyn i
Reolwr Gyfarwyddwr GwE, mewn ymgynghoriad â Swyddog Monitro a Phennaeth Cyllid
Cyngor Gwynedd, adolygu’r trefniadau llywodraethu ac adrodd yn ôl i’r
Cyd-bwyllgor.
Cofnod:
PENDERFYNIAD
(a) Bod
y Cyd-bwyllgor yn cadarnhau ei fod
yn sicr bod GwE yn:-
·
Dilyn
y newid polisi gan Gyngor Gwynedd ers mis Gorffennaf
2018;
·
Cefnogi’r
gofyn i reolwyr
GwE adolygu hawliadau treuliau teithio.
(b) Gofyn i Reolwr
Gyfarwyddwr GwE, mewn ymgynghoriad â Swyddog Monitro a Phennaeth Cyllid Cyngor Gwynedd, adolygu’r trefniadau llywodraethu ac adrodd yn ôl
i’r Cyd-bwyllgor.
Trafodaeth
Cyflwynwyd – adroddiad Rheolwr Gyfarwyddwr GwE yn rhoi sicrwydd i’r
Cyd-bwyllgor fod GwE wedi cydymffurfio gyda pholisi Cyngor Gwynedd ar gyfer ad-dalu
treuliau teithio, lle bydd swyddogion
yn hawlio ad-daliad dim ond am nifer y milltiroedd busnes a deithir yn ychwanegol at nifer y milltiroedd a deithir rhwng y cartref a’r gwaith
/ y gwaith a’r cartref. Eglurodd y Rheolwr Gyfarwyddwr fod GwE wedi gweithredu ar ôl ymgynghori
ag Adran Adnoddau
Dynol Cyngor Gwynedd a dod i gytundeb llawn
â’r adran honno. Ymhellach, roedd yr adroddiad yn
darparu sicrwydd bod GwE wedi mynd i’r
afael â’r cam lliniaru a ddeilliodd o’r Adroddiad Archwilio
Mewnol, sef ‘Atgoffa rheolwyr i adolygu hawliadau
treuliau teithio’.
Sylwadau’n codi o’r drafodaeth:-
·
Cyfeiriwyd
at drafodaeth gyhoeddus yng nghyfarfod Pwyllgor Archwilio a Llywodraethu Cyngor Gwynedd ar 30
Gorffennaf, 2020, am delerau
gwaith a hawliadau treuliau teithio GwE, a gofynnwyd i Reolwr
Gyfarwyddwr GwE roi sicrwydd i’r aelodau
os bu canfyddiad
camarweiniol yn deillio o hynny. Mewn ymateb, eglurodd Rheolwr Gyfarwyddwr GwE fod staff GwE yn dilyn yr un
drefn â Chyngor Gwynedd, ac
yn cyd-fynd â’r hyn a gytunwyd
gydag Adnoddau Dynol Cyngor Gwynedd.
·
Nododd
aelod, yn dilyn y drafodaeth yn y Pwyllgor Archwilio
a Llywodraethu, iddo ddarllen yn y wasg
am faterion nad oedd yn ymwybodol
ohonynt, a mynegodd ei siomedigaeth â’r awdurdod lletyol
am beidio dod â’r materion hyn
gerbron y Cyd-bwyllgor cyn i’r wasg
gael gafael ar y stori. Mewn ymateb, nododd Rheolwr Gyfarwyddwr GwE ei fod yn
cydnabod bod yna wersi i’w dysgu,
a chadarnhaodd y byddai swyddogion GwE a’r awdurdod lletyol yn edrych ar
y gwersi hynny, yn trafod sut
i gyfathrebu i’r dyfodol, ac yn adrodd yn
ôl i’r Cyd-bwyllgor.
·
Mewn
ymateb i gwestiwn ynglŷn â beth oedd canfyddiad
yr awdurdod lletyol o’r sefyllfa,
nododd y Pennaeth Cyllid fod gwersi
wedi’u dysgu gan bawb Tra
nad oedd rhybudd wedi’i roi i’r Cyd-bwyllgor,
nodwyd fod yr adroddiad wedi’i
gyflwyno i reolaeth GwE ers mis Mawrth 2020, ac nid oedd wedi
disgwyl i fanylion y mater godi yn y Pwyllgor Archwilio
a Llywodraethu.
Yn amlwg, byddai wedi bod yn llywodraethu gwell petai’r Cyd-bwyllgor
wedi derbyn yr wybodaeth, ond
y peth cyntaf a wnaeth ar ôl
deall bod y mater yn mynd gerbron y Pwyllgor Archwilio a Llywodraethu oedd trefnu’r eitem gerbron y cyfarfod hwn.
·
Nodwyd
yr ymgynghorwyd â Bwrdd Rheoli GwE ar y mater a’u bod yn fodlon â’r
trefniadau arfaethedig ar y pryd, ac wedi’u
sicrhau bod GwE yn cydymffurfio gyda pholisi Cyngor Gwynedd, ac y byddai’r
hawliadau treuliau teithio’n cael eu monitro.
·
Nodwyd
mai’r cwestiynau a godwyd gan aelodau
yng nghyfarfod y Pwyllgor Archwilio a Llywodraethu oedd wedi gwneud y penawdau,
yn hytrach na’r adroddiad archwilio ei hun. Roedd GwE wedi cyfarch y materion a godwyd yn yr adroddiad,
ac yn cyd-weithio’n agos gyda’r awdurdod
lletyol ar y cytundebau a’r llywodraethu rhwng yr awdurdodau wrth
fynd yn eu
blaenau.
·
Awgrymwyd
y gallai’r gwersi a ddysgwyd o’r un mater hwn, a hefyd y ffaith bod GwE yn datblygu ac yn newid, olygu
ei bod bellach yn amserol i
ystyried adolygu trefniadau llywodraethu GwE.
·
Nodwyd
ei bod yn bwysig bod materion perthnasol yn dod gerbron y Cyd-bwyllgor yn y dyfodol. Mewn ymateb, nodwyd
y bydd hyn yn dod allan o’r adolygiad
o’r trefniadau llywodraethu perthnasol.
·
Croesawyd
y bwriad i gael adroddiad
yn ôl ar
y trefniadau llywodraethu a
gweld pa welliannau y gellir eu gwneud.
Dogfennau ategol:
- Eitem 7 - Adroddiad Archwilio Mewnol - Costau Teithio GwE, eitem 7. PDF 546 KB
- Eitem 7 - Atodiad 2, eitem 7. PDF 760 KB