Distyllfa Aber Falls, Station Road, Abergwyngregyn
I ystyried y cais
Penderfyniad:
Caniatáu y cais
Cofnod:
Ar ran yr eiddo: Christopher
James Wright (Ymgeisydd)
Eraill a wahoddwyd: Ffion Muscroft
– Swyddog Iechyd yr Amgylchedd
Joan Underwood, Nicolette Whiting ac Ann
Pennell (Ymgynghorai Lleol)
Croesawodd y Cadeirydd bawb i’r cyfarfod.
Amlygodd y Cadeirydd y byddai gan
bob parti hawl i hyd at 5 munud i gyflwyno eu sylwadau
a)
Adroddiad yr Adran Trwyddedu
Cyflwynwyd adroddiad y Rheolwr Trwyddedu yn manylu
ar gais am amrywio trwydded eiddo ar gyfer
Distyllfa Aber Falls, Station Road, Abergwyngregyn. Gwnaed y cais mewn perthynas
â gwerthu alcohol ar ac oddi ar yr
eiddo, dangos ffilmiau, cerddoriaeth byw a wedi recordio,
perfformiadau dawns a darparu lluniaeth hwyr y nos.
Tynnwyd sylw at fanylion y gweithgareddau trwyddedig a’r oriau arfaethedig
yn yr adroddiad.
Amlygwyd, ers cyhoeddi’r adroddiad bod yr ymgeisydd wedi
cytuno i oriau cyfyngedig ac felly ystyriwyd y cais fel un diwygiedig. Nodwyd bod gan Swyddogion yr Awdurdod Trwyddedu
tystiolaeth ddigonol bod y cais wedi ei
gyflwyno yn unol â gofynion Deddf Trwyddedu 2003 a’r rheoliadau perthnasol.
Cyfeiriwyd at y mesurau yr oedd
yr ymgeisydd yn ei argymell
i hyrwyddo’r amcanion trwyddedu ac amlygwyd y byddai’r mesurau hyn yn
cael eu cynnwys
ar y drwydded. Tynnwyd sylw at yr ymatebion a dderbyniwyd yn ystod y cyfnod ymgynghori gan nodi nad
oedd gan yr Heddlu na’r
Gwasanaeth Tân wrthwynebiadau. Roedd yr ymgeisydd hefyd
wedi cytuno i amodau Adran
Gwarchod y Cyhoedd o ran cyfaddawdu gyda’r oriau agor.
b)
Wrth
ystyried y cais dilynwyd y drefn ganlynol-:
·
Rhoi
cyfle i aelodau’r Is-bwyllgor a’r ymgeisydd ofyn cwestiynau i’r Rheolwr Trwyddedu
·
Gwahodd
yr ymgeisydd i ymhelaethu ar y cais
·
Rhoi cyfle i’r ymgynghorai
gyflwyno eu sylwadau
·
Gwahodd
deilydd y drwydded neu ei gynrychiolydd i ymateb i’r
sylwadau
·
Rhoi
cyfle i aelodau’r Is-bwyllgor ofyn cwestiynau i ddeilydd
y drwydded.
·
Rhoi
cyfle i aelodau’r Is-bwyllgor ofyn cwestiynau i’r ymgynghorai
c)
Wrth ymhelaethu ar y cais, nododd
yr ymgeisydd ei fod yn
hapus gyda’r hyn oedd wedi
ei gyflwyno.
Ategodd y sylwadau
canlynol:
·
Ei fwriad
oedd cydweithio gyda’r gymuned
·
Nid bar oedd dan sylw ond
Bistro gydag alcohol yn cael ei weini
gyda bwyd yn unig. Y Bistro yn cynnwys ardal
ar gyfer eistedd hyd at 35 o bobl
·
Bydd
digwyddiadau arbennig ar gyfer marchnata / hybu bwydydd a chynnyrch lleol yn
cael eu cynnal yn y Ganolfan Groeso – bydd rhain yn ddigwyddiadau drwy
wahoddiad yn unig
·
Bydd y
Ganolfan Groeso yn lwyfan i arddangos cynnyrch lleol
·
Bod
rheolau llym a canllawiau gweithredu yn eu lle i reoli niferoedd yn yr ardal
cynhyrchu
·
Bod
defnydd o rybudd digwyddiad dros dro yn addas ar gyfer digwyddiadau arbennig
·
Nid
canolfan ar gyfer adloniant yw’r bwriad ond canolfan bwyd a diod
ch) Manteisiodd yr ymgynghorai oedd yn bresennol ar y cyfle i
ymhelaethu ar eu gwrthwynebiadau i ganiatáu trwydded gan ategu at sylwadau a
gyflwynwyd trwy lythyr.
Joan Underwood
·
Ei bod
yn byw llai na 100 llath o’r Ddistyllfa
·
Y fenter yn debygol o amharu
ar ei ffordd
o fyw - pryderon sŵn
·
Bod y
cais wedi ei gyflwyno heb yn wybod iddi a bod cyfathrebu yn anodd
·
Byddai’n
dymuo cael gwybodaeth am drefniadau cludo a dosbarthu
gan ei bod yn rhannu mynedfa, ynghyd a gwybodaeth am ddigwyddiadau i’r dyfodol
·
Bod
golau o’r bistro y llachar gyda’r nos
·
Bydd y pentref yn profi cynnydd
mewn traffig ychwanegol - angen ystyried beth yw
cyfyngiad yr isadeiledd
Nicolette Whiting
·
Bydd llawer o loriau yn mynd
nôl ac ymlaen ac felly yn effeithio ar
drigolion y pentref
·
Croesawu
mynedfa i’r ddistyllfa yn unig – derbyn bod difrod
llifogydd diweddar
·
Angen
amserlen casglu gwastraff
·
Pryder am ddarpariaeth parcio a pharcio ar gyfer bysus
- dim digon o le - os bydd maes
parcio ychwanegol yn cael ei
ddarparu, sut fydd mynediad iddo?
·
A fydd niferoedd ymwelwyr i’r Bistro yn ychwanegol
i’r nifer sydd yn cyrraedd
mewn bysiau?
Ann Pullaman
·
Bod
angen cadarnhad cydymffurfiaeth gyda darpariaeth ar gyfer ystlumod
Mewn ymateb i’r sylw
ynglŷn â nodyn hysbysu cais am drwydded, amlygodd y Rheolwr Trwyddedu nad oedd
gorfodaeth o dan y Ddeddf Trwyddedu 2003 i anfon llythyrau
(fel ym maes
Cynllunio) i gymdogion. Ategwyd bod yr Uned Trwyddedu
yn annog ymgeiswyr i ymgynghori.
d)
Yn manteisio ar ei hawl
i siarad, amlygodd Swyddog Iechyd yr Amgylchedd,
bod yr ymgeisydd, yn dilyn trafodaethau, wedi cytuno cwtogi
oriau agor a chyflenwi alcohol, tynnu oddi ar y cais
cerddoriaeth byw, perfformiadau dawns a / neu unrhyw beth o ddisgrifiad
tebyg. Cytunwyd y bydd rhaid rhoi
cais rhybudd digwyddiad dros dro os yn
bwriadu cynnal gŵyl neu ddigwyddiad
tebyg o’r fath, a bod angen adolygu polisi Iechyd a Diogelwch o ran trafnidiaeth a chwsmeriaid ar y safle. O ganlyniad,
nid oedd gan yr Adran
Amgylchedd wrthwynebiad i’r cais diwygiedig.
dd) Wrth grynhoi ei achos ategodd yr ymgeisydd,
·
Bod maes parcio bysiau ar
gael, a bod trafodaethau gyda’r gymuned am fenter barcio i’r
pentref
·
Bod unrhyw ‘barti’ sydd yn
cyrraedd ar fws wedi llogi
ymlaen llaw.
·
Niferoedd loriau cludo a dosbarthu - rhan fwyaf yn cludo
yn wythnosol - bod modd darparu amserlen
·
Ei fod
yn barod i rannu gwybodaeth am ddigwyddiadau - angen cytuno yn lleol ar y dull
gorau o gyfathrebu’r wybodaeth
·
Bod y niferoedd yn cael eu
rheoli yn effeithiol gyda’r drefn llogi yn
cael ei wneud
drwy’r wefan
·
Bod arolwg ecolegol wedi ei
gwblhau gyda bocsys wedi eu
darparu ar gyfer ystlumod
Ymneilltuodd yr ymgeisydd a’r ymgynghorai o’r cyfarfod tra bu i aelodau’r Is-bwyllgor drafod y
cais
ff) Wrth
gyrraedd y penderfyniad ystyriodd yr Is-bwyllgor ffurflen gais yr ymgeisydd,
sylwadau ysgrifenedig a gyflwynwyd gan y partïon â diddordeb, adroddiad y
Swyddog Trwyddedu, yn ogystal â sylwadau llafar a dderbyniwyd yn y gwrandawiad.
Ystyriwyd hefyd Polisi Trwyddedu’r Cyngor a chanllawiau’r Swyddfa Gartref.
Roedd yr holl ystyriaethau yn cael eu pwyso a’u mesur yn erbyn yr amcanion trwyddedu o dan y Ddeddf Trwyddedu
2003, sef:
i.
Atal trosedd ac anhrefn
ii.
Atal niwsans cyhoeddus
iii.
Sicrhau diogelwch
cyhoeddus
iv.
Gwarchod plant rhag niwed
PENDERFYNWYD
caniatáu y cais
Rhoddodd yr Is-bwyllgor ystyriaeth i sylwadau’r
Uned Iechyd Amgylcheddol. Yn dilyn argymhellion yr Uned penderfynodd
yr ymgeisydd ddiwygio’r cais i ostwng oriau
ar gyfer cyflenwi alcohol, cerddoriaeth wedi recordio a ffilmiau. Nid oedd
bellach yn gofyn am drwydded ar gyfer cerddoriaeth
fyw, perfformio dawns neu adloniant tebyg.
Derbyniwyd sylwadau gan drigolion
lleol yn datgan pryder yn
berthnasol i atal niwsans cyhoeddus
yn nhermau llygredd golau a sŵn, yn enwedig
mewn perthynas â digwyddiadau tu allan gydag
adloniant a cherddoriaeth. Mynegwyd pryder ynglŷn â’r diffiniad o ddigwyddiadau achlysurol ac y byddai hyn yn cynyddu
traffic a chynhyrchu rhagor
o sŵn ynghyd a pryderon yn nhermau
sicrhau diogelwch cyhoeddus, oherwydd lleoliad cul y safle a’r cynnydd
yn y nifer o draffig lorïau yn llwytho a dadlwytho
nwyddau.
Rhoddodd yr Is-bwyllgor ystyriaeth briodol i’r sylwadau hyn,
wrth nodi eu bod wedi eu
gwneud mewn ymateb i’r cais
gwreiddiol i amrywio’r drwydded. Roedd yr Is-bwyllgor
yn fodlon bod y pryderon hynny wedi cael eu
cyfarch yn ddigonol gan y newidiadau a wnaed i’r cais yn
dilyn cyngor yr Uned Iechyd
Amgylcheddol.
Roedd yr Is-bwyllgor yn fodlon bod y cais i amrywio’r
drwydded fel y’i diwygiwyd yn
gydnaws â’r amcanion trwyddedu ac na fyddai
yn arwain at broblemau o lygredd golau, sŵn neu gynnydd traffig
i’r graddau bod yr amcanion o atal
niwsans cyhoeddus a sicrhau diogelwch cyhoeddus wedi eu tanseilio. Nid
oedd yr Is-bwyllgor wedi eu
hargyhoeddi y byddai caniatáu’r drwydded yn tanseilio’r amcanion trwyddedu ac ni dderbyniwyd
tystiolaeth y byddai rhoi’r drwydded yn arwain at gynnydd
mewn sŵn.
Adroddodd y Cyfreithiwr y byddai’r penderfyniad yn cael ei gadarnhau
yn ffurfiol drwy lythyr i
bawb oedd yn bresennol. Ategwyd
bod gan bob parti i’r cais yr
hawl i gyflwyno
apêl yn Llys
Ynadon Caernarfon yn erbyn penderfyniad yr Is-bwyllgor. Dylid cyfeirio unrhyw apêl o’r
fath drwy roi rhybudd o apêl
i’r Prif Weithredwr, Llys Ynadon Llandudno, Llandudno, o fewn
cyfnod o 21 diwrnod gan gychwyn â’r
dyddiad y bydd yr apelydd yn derbyn llythyr (neu gopi
ohono) yn cadarnhau’r penderfyniad.
Dogfennau ategol: