Gosod 4 caban glampio, bloc toiled a chawod ynghyd a lleoli 12 pabell i'w defnyddio
gan breswylwyr Canolfan Felin Uchaf
AELOD LLEOL: Y Cynghorydd W Gareth Roberts
Penderfyniad:
PENDERFYNIAD:
Dirprwyo’r hawl i Bennaeth Cynorthwyol Adran yr Amgylchedd i wrthod y cais ar
sail y rhesymau isod:-
Rhesymau:
• Mae’r
bwriad yn golygu creu safle llety gwersylla amgen sefydlog newydd oddi fewn i
Ardal Tirwedd Arbennig. Nid yw Polisi TWR3 Cynllun Datblygu Lleol ar y Cyd
Gwynedd a Môn, 2017 yn caniatáu datblygu safleoedd llety gwersylla amgen
sefydlog newydd oddi fewn i Ardaloedd Tirwedd Arbennig. Mae’r bwriad, felly, yn
groes i ofynion Polisi TWR3 Cynllun Datblygu Lleol ar y Cyd Gwynedd a Môn,
2017.
• Mae’r
bwriad yn groes i faen prawf rhif 2, 4 a 7 o Bolisi TWR5 Cynllun Datblygu Lleol
ar y Cyd Gwynedd a Môn, 2017 ar y sail byddai’r bwriad yn creu gormodedd o
ardaloedd o leiniau caled, nid oes tystiolaeth wedi ei dderbyn pam fod angen
cyfleusterau ychwanegol a bydd y llain pebyll yn cael ei ddefnyddio am 12 mis y
flwyddyn. Nid yw’r bwriad, felly, yn cydymffurfio gyda holl ofynion Polisi TWR5
Cynllun Datblygu Lleol ar y Cyd Gwynedd a Môn, 2017.
• Mae’r
bwriad yn golygu creu safle llety gwersylla amgen newydd yng nghefn gwlad
agored ac ymhell tu allan i unrhyw ffin ddatblygu. Yn ychwanegol, ni ystyrir fod y bwriad yn
gwneud defnydd o safle addas yng nghefn gwlad gan ei fod yn safle anghynaladwy
ble byddai’r mwyafrif o’r ymwelwyr yn ddibynnol ar ddefnyddio eu cerbydau
preifat. Nid yw’r bwriad, felly, yn cydymffurfio gyda holl ofynion Polisi TWR5,
PS4, PS5 a PS14 o’r Cynllun Datblygu Lleol ar y Cyd Gwynedd a Môn, 2017 ynghyd
a’r cyngor a gynhwysir yng Nghanllaw
Cynllunio Atodol:
Cyfleusterau a Llety i Dwristiaid 2019 a Pholisi Cynllunio Cymru, Argraffiad
10, 2018.
Cofnod:
Gosod 4 caban glampio, bloc toiled a chawod ynghyd a lleoli 12 pabell i’w defnyddio gan
breswylwyr Canolfan Felin Uchaf
a) Ymhelaethodd y Rheolwr
Cynllunio ar gefndir y cais gan nodi mai
cais llawn ydoedd i osod
4 caban glampio hunanwasanaeth, codi adeilad cysylltiol i gynnwys toiledau
/ cawodydd, creu maes gwersylla
pebyll ynghyd a gwaith arall fyddai’n
cynnwys creu rhodfa fynediad, llwybrau mynediad, tirlunio, cysylltiad gwasanaethau a gosod tanc septig gyda
suddfan ddŵr cysylltiedig. Eglurwyd bod y safle wedi ei
leoli yng nghefn gwlad agored, tu
allan i unrhyw
ffin datblygu, oddi fewn i
Ardal o Dirwedd Arbennig Gorllewin Llŷn ac oddeutu 800m i’r gogledd orllewin
o AHNE Llŷn. Adroddwyd
bod y bwriad yn gysylltiedig gyda Chanolfan Addysgol Eco Felin Uchaf.
Nodwyd bod yr
ymgeisydd yn egluro y byddai’r 4 caban yn cael
eu gosod ar sgids islaw.
Byddai’r sgids yn cael eu
hangori i’r ddaear drwy ddefnyddio
sgriws daear sydd yn galluogi
i’r cabanau cael eu symud
o’r safle pe byddai angen
eu storio neu at bwrpas cynnal
a chadw. Amlygwyd bod y swyddogion o’r farn bod natur y 4 caban yn barhaol
gan y byddai trydan/dŵr/carthffosiaeth yn cael eu cysylltu
yn unigol i bob caban. O ystyried yr elfennau
hyn byddai’r bwriad yn golygu
sefydlu elfennau parhaol a sefydlog eu natur ac, felly, na ellid cytuno
gyda barn yr ymgeisydd mai Polisi
TWR5 yn unig yw’r polisi perthnasol
ar gyfer y cais hwn. Ategwyd bod yr Arolygwr Cynllunio, ar ddyfarniad apêl
ddiweddar yng Ngwynedd (APP/Q6810/A/19/3243019) ar
gyfer lleoli 4 pabell saffari o ddeunydd cynfas ar ffrâm polyn
pren, llwybrau troed, trac mynediad
ac ardal barcio, wedi nodi byddai’r
holl elfennau hyn yn gyfystyr
a chreu nodweddion gwersylla amgen parhaol, er gwaethaf
y ddadl y byddai’r pebyll yn cael
eu symud oddi ar y safle
ar ddiwedd pob tymor. Gwrthodwyd
yr apêl hon ar sail methiant i gydymffurfio gyda meini prawf
Polisi TWR3 yn hytrach na
chydymffurfiaeth a meini prawf Polisi TWR5.
Yn ychwanegol,
gan fod y safle wedi ei
leoli oddi fewn i Ardal
Tirwedd Arbennig Gorllewin Llyn (ATA) rhaid felly ystyried maen prawf 1 o Bolisi TWR3 sydd yn datgan “gwrthodir
cynigion i ddatblygu safleoedd carafanau sefydlog newydd (h.y. carafán
sengl neu ddwbl), safleoedd siale gwyliau newydd
neu lety gwersylla amgen parhaol yn….Ardaloedd
Tirwedd Arbennig”.
O ystyried
yr asesiad a’r holl faterion
cynllunio perthnasol gan gynnwys polisïau
a chanllawiau lleol a chenedlaethol yn ogystal â sylwadau a dderbyniwyd o fewn y cyfnod ymgynghori, ystyriwyd fod y bwriad yn annerbyniol
a'i fod yn
methu bodloni gofynion y polisïau perthnasol.
b)
Yn
manteisio ar yr hawl i siarad nododd yr ymgeisydd y pwyntiau canlynol:
·
Er bod y cabanau yn strwythurau parhaol byddent yn cael
ei symud yn ystod tymor
cloi'r Gaeaf. Esboniwyd bod y chwe sgriw yn dal y strwythur rhag suddo i glai
meddal ardal Rhoshirwaun ac na
ddylid ystyried y rhain fel sylfaen
parhaol.
·
Bod Canolfan Felin Uchaf yn un o brif
safleoedd partneriaeth eco-amgueddfa Llyn ynghyd a Nant Gwrtheyrn, Plas Glyn Y
Weddw a safleoedd yr ymddiriedolaeth
·
Bod gan y fenter siop grefftau
lleol a'u bod yn gwerthu bocsys
llysiau organig o’r gerddi cymunedol.
·
Bod bwriad trosi un o’r adeiladau
yn gaffi organig er mwyn creu busnes newydd, cyfleoedd gwaith a hyfforddiant
cynaliadwy, ac ynghyd a’r safle glampio, creu incwm cynaliadwy i’r fenter i’r
dyfodol fel nad yw’n ddibynnol ar grantiau na rhoddion elusennol sydd wedi dod
mor fregus yn ddiweddar.
·
Bod y safle wedi ei amgylchu’n
gyfan gwbl â sgrin o goed trwchus
gyda lled un cae cyfan
o’r Tŷ Fferm gyfagos.
Bod maes gwersylla Bodrydd hefyd yn cael ei warchod yn sylweddol gan goed a blannwyd
dros bymtheg mlynedd yn ôl
·
Bod Melin Uchaf wedi bod yn un o’r prif safleoedd i’r bws arfordir a bod grwpiau yn
ymweld yn unswydd ar y bws hwnnw i flasu naws a
diwylliant unigryw'r safle.
·
Y safle wedi ei leoli
ar y rhwydwaith beiciau cenedlaethol - yn derbyn ymwelwyr
troed a beic gan ei fod
ar y ‘Top 100 Sustainable Wales Attractions’ sy’n annog pobl
i ddefnyddio trafnidiaeth gynaliadwy i gyrraedd safleoedd
cefn gwlad
·
Cais i’r Pwyllgor ailystyried yr
argymhelliad
ch) Yn ystod y drafodaeth ddilynol nodwyd y sylwadau canlynol gan aelodau:
·
Bod y prosiect o ansawdd
uchel wedi ei ddylunio yn
dda - awgrym i geisio cynnal
trafodaethau pellach gyda’r ymgeisydd i greu rhywbeth
derbyniol
·
Bod y safle yn breifat iawn
·
Y podiau yn chwaethus ac yn ddeniadol ac wedi ei gosod yn
ofalus gyda choed llwyni rhyngddynt
·
Y fenter yn dangos parch at yr amgylchedd, at ddiwydiant ac iaith fel atyniad
- wedi creu atyniad heb ardrawiad
ar yr amgylchedd
·
Bod y cabanau yn creu cyfleusterau ar gyfer y rhai
sydd yn gweithio
/ gwirfoddoli ar y safle
·
Bod y bwriad wedi ei gynllunio yn
ofalus – nid yw’n safle masnachol
·
Yn fenter ddiddorol
er yn groes
i bolisïau
·
Pryder o osod cynsail
- polisi TWR 3 eisoes wedi cael ei
ddefnyddio i wrthod ceisiadau tebyg - angen cynnal
sgyrsiau pellach i ganfod cynllun
amgen
d)
Mewn ymateb i
gwestiwn ynglŷn â chynnal trafodaethau pellach, nododd y Rheolwr Cynllunio fod gwrthwynebiad sylfaenol i’r elfen
barhaol. Amlygwyd bod modd ail gyflwyno cais o’r newydd,
mewn ffurf wahanol. Amlygodd Pennaeth
Cynorthwyol Cynllunio ac Amgylchedd nad oedd cais am gyngor
wedi ei gyflwyno
ac ategodd yr angen i fod
yn gyson wrth ystyried ceisiadau
o’r fath. Atgoffwyd yr Aelodau bod ceisiadau tebyg wedi eu gwrthod
a bod apeliadau cynllunio ar yr un
materion hefyd wedi eu gwrthod.
Petai’r cais yn cael ei
ganiatáu byddai rhaid cyfeirio’r cais i gyfnod
o gnoi cil. Awgrymodd fel cam ymlaen i wrthod
y cais dan sylw ond i
annog yr ymgeisydd i drafod
cais amgen gyda swyddogion gan
ei bod yn bosibl y byddai rhyw fath o ddatblygiad
yn gallu bod yn dderbyniol. Ategodd y Cyfreithiwr bod modd ceisio darbwyllo
cyfeiriad arall ond i wneud
hynny byddai rhaid cael cais
newydd / gwahanol.
PENDERFYNIAD: Dirprwyo’r hawl i Bennaeth
Cynorthwyol Adran yr Amgylchedd i
wrthod y cais ar sail y rhesymau isod:-
Rhesymau:
·
Mae’r bwriad yn golygu creu safle
llety gwersylla amgen sefydlog newydd oddi fewn
i Ardal Tirwedd
Arbennig. Nid yw Polisi TWR3 Cynllun Datblygu Lleol ar y Cyd
Gwynedd a Môn, 2017 yn caniatáu
datblygu safleoedd llety gwersylla amgen sefydlog newydd oddi fewn
i Ardaloedd Tirwedd Arbennig. Mae’r bwriad, felly, yn groes i
ofynion Polisi TWR3 Cynllun Datblygu Lleol ar y Cyd
Gwynedd a Môn, 2017.
·
Mae’r bwriad yn groes
i faen prawf
rhif 2, 4 a 7 o Bolisi TWR5
Cynllun Datblygu Lleol ar y Cyd
Gwynedd a Môn, 2017 ar y sail byddai’r
bwriad yn creu gormodedd o ardaloedd o leiniau caled, nid oes
tystiolaeth wedi ei dderbyn pam fod angen cyfleusterau
ychwanegol a bydd y llain pebyll yn
cael ei ddefnyddio
am 12 mis y flwyddyn. Nid yw’r bwriad, felly, yn cydymffurfio gyda holl ofynion Polisi
TWR5 Cynllun Datblygu Lleol ar y Cyd
Gwynedd a Môn, 2017.
·
Mae’r bwriad yn golygu creu safle
llety gwersylla amgen newydd yng
nghefn gwlad agored ac ymhell tu allan
i unrhyw ffin ddatblygu. Yn ychwanegol, ni
ystyrir fod y bwriad yn gwneud
defnydd o safle addas yng nghefn
gwlad gan ei fod yn
safle anghynaladwy ble byddai’r mwyafrif
o’r ymwelwyr yn ddibynnol ar
ddefnyddio eu cerbydau preifat. Nid yw’r bwriad,
felly, yn cydymffurfio gyda holl ofynion
Polisi TWR5, PS4, PS5 a PS14 o’r
Cynllun Datblygu Lleol ar y Cyd
Gwynedd a Môn, 2017 ynghyd a’r
cyngor a gynhwysir yng Nghanllaw Cynllunio
Atodol: Cyfleusterau a Llety i Dwristiaid
2019 a Pholisi Cynllunio Cymru, Argraffiad 10, 2018.
Dogfennau ategol: