I ystyried cais Mr B
(copi arwahan i aelodau’r Is Bwyllgor yn unig)
Penderfyniad:
Bod yr ymgeisydd yn berson addas a phriodol ar gyfer trwydded gyrrwr cerbyd hacni/hurio preifat gyda Chyngor Gwynedd
Cofnod:
a)
Croesawodd y Cadeirydd bawb i’r cyfarfod.
Amlygodd y byddai'r penderfyniad yn cael ei wneud
yn unol â pholisi trwyddedu Cyngor Gwynedd.
Nodwyd mai pwrpas y polisi oedd gosod canllawiau
ar y meini prawf wrth ystyried
cais yr ymgeisydd
gyda’r nod o ddiogelu’r cyhoedd drwy sicrhau:
• Bod yr unigolyn yn unigolyn
addas a phriodol
• Nad yw'r
unigolyn yn fygythiad i'r cyhoedd
• Bod y cyhoedd
wedi'u diogelu rhag pobl anonest
• Bod plant a phobl
ifanc wedi'u diogelu
• Bod pobl ddiamddiffyn wedi'u diogelu
• Bod y cyhoedd
yn gallu bod yn hyderus wrth
ddefnyddio cerbydau trwyddedig.
Cyflwynodd y Swyddog
Trwyddedu adroddiad ysgrifenedig ar gais a dderbyniwyd gan Mr B am drwydded gyrru cerbyd hacni/hurio preifat. Gofynnwyd i’r Is-bwyllgor ystyried y cais yn unol
â’r cofnod DBS, y canllawiau ar droseddau
a chollfarnau perthnasol. Roedd yr Awdurdod
Trwyddedu yn argymell i’r Is-bwyllgor ganiatáu y cais.
Gwahoddwyd yr
ymgeisydd i ymhelaethu ar ei
gais gan roi gwybodaeth am gefndir y collfarnau a’i amgylchiadau personol. Eglurodd bod y digwyddiadau a gofnodwyd ar y DBS yn rhai
hanesyddol. Amlygwyd Mr B ei fod, pan yn
ifanc wedi cymysgu gyda’r dorf anghywir, ei fod cwblhau
ei ddedfrydau ac wedi bod yn glir
o unrhyw drosedd ers 37 mlynedd.
b) PENDERFYNWYD
bod yr ymgeisydd yn berson addas
a phriodol ar gyfer trwydded gyrrwr cerbyd hacni/hurio preifat gyda
Chyngor Gwynedd.
c) Wrth gyrraedd eu penderfyniad,
roedd yr Is-bwyllgor wedi ystyried
y canlynol:
·
Gofynion ‘Polisi Trwyddedu ar gyfer
Hurio Preifat a Cherbydau Hacni Cyngor Gwynedd’
·
ffurflen gais yr ymgeisydd
·
adroddiad yr Adran Drwyddedu ynghyd a’r datganiad
DBS
·
sylwadau llafar yr ymgeisydd
·
Canllawiau'r Asiantaeth Trwyddedu Gyrwyr a Cherbydau
ch) Rhoddwyd ystyriaeth benodol i’r materion
canlynol
Yn Medi
1972 cafwyd yr ymgeisydd yn euog
gan Lys Ynadon Tywyn am ddifrod troseddol yn groes
i a1 Ddeddf Difrod Troseddol 1971. Derbyniodd ddirwy o £100.00 a gorchymyn i dalu
iawndal o £13.00.
Yn Hydref
1972 cafwyd yr ymgeisydd yn euog
gan Lys Ynadon Tywyn am ymosodiad cyffredin yn groes
i a42, 47 Deddf Troseddau yn erbyn
y Person 1861) ynghyd a meddu
ar arf peryglus
mewn man cyhoeddus yn groes i
a1 Deddf Atal Troseddu
1953. Derbyniodd ryddhad amodol a chafodd yr arf ei
atafaelu (confiscate)
Yn Hydref
1975 cafwyd yr ymgeisydd yn euog
gan Lys Ynadon Tywyn ar gyfres
o 12 cyhuddiad. 2 gyhuddiad yn ymwneud
â gwneud galwadau ffôn bygythiol (yn groes i
a78 Deddf Swyddfa'r Post
1969): 1 cyhuddiad o osod erthygl ar eiddo
Swyddfa'r Post (yn groes i a 61 Deddf
Swyddfa'r Post 1969): 1 cyhuddiad
o achosi difrod troseddol (yn groes
i a1 Deddf Difrod Troseddol 1971): 4 cyhuddiad o gario dryll aer mewn
man cyhoeddus (yn groes i a19 Deddf
Drylliau Tân 1968): 1 cyhuddiad o ddefnyddio geiriau bygythiol / ymosodol/ sarhaus (yn groes i
a5 Deddf Trefn Gyhoeddus 1936): 3 cyhuddiad o saethu arf oddi
fewn 50 medr o’r briffordd (yn groes i
a161 Deddf Priffyrdd 1980).
Derbyniodd orchmynion dirwyon a chostau a chafodd ei ddedfrydu
i 3 mis mewn
canolfan gadw.
Yn Medi
1982 cafodd yr ymgeisydd yn euog
gan Lys Ynadon Tywyn ar gyhuddiad
o achosi niwed drwy ymosodiad corfforol difrifol yn groes i
a20 Deddf Troseddau yn erbyn y Person 1861. Derbyniodd ddedfryd o garchar am 6 mis (wedi'i ohirio am 2 flynedd) ynghyd
a dirwy o £100.00 a gorchymyn
i dalu costau
o £3.00.
Yn Medi
1983 cafwyd yr ymgeisydd yn euog
gan Lys Ynadon Tywyn ar gyhuddiad
o wastraffu amser yr Heddlu (yn
groes i a 5(2) Deddf Cyfraith Droseddol 1967) ac am ddefnyddio geiriau bygythiol / ymosodol/ sarhaus (yn groes i
a 5(1)(a) Deddf Trefn Gyhoeddus 1986). Derbyniodd ddirwy o £300.00 a gorchymyn i chi dalu costau o £3.00.
Ystyriwyd paragraff
2.2 o Bolisi’r Cyngor lle nodi’r nad
oes rheidrwydd i berson sydd
â chollfarn am drosedd ddifrifol gael ei wahardd rhag
cael trwydded, ond bydd disgwyl
iddo fod yn rhydd rhag
unrhyw gollfarnau am gyfnod priodol fel y nodir yn
y Polisi, a dangos tystiolaeth ei fod yn unigolyn
addas a phriodol i ddal trwydded.
Mae cyfrifoldeb ar yr ymgeisydd i
brofi ei fod yn berson
addas a phriodol. Mae paragraff 2.4 yn nodi pan fydd ymgeisydd
wedi'i gael yn euog o drosedd(au) neu fod mater arall/materion eraill i'w (h)ystyried yng nghyswllt hynny,
ni chaiff y cyngor adolygu rhinweddau'r gollfarn honno na'r mater arall hwnnw.
Ystyriwyd paragraff
4.5 sydd yn nodi bod Gorchymyn Deddf Ailsefydlu Troseddwyr 1974 (Eithriadau) (Diwygio) 2002 yn caniatáu’r Is-bwyllgor ystyried pob collfarn,
p’run ai ydynt wedi eu
treulio o dan Ddeddf 1974 neu beidio.
Mae paragraff
6.0 o’r Polisi yn cyfarch troseddau
o drais. Ym mharagraff 6.1 nodir, gan fod gyrwyr
trwyddedig yn dod i gysylltiad agos gyda'r cyhoedd yn rheolaidd y byddai is-bwyllgor yn mabwysiadu safbwynt
cadarn at y rhai hynny sydd â throseddau
yn ymwneud a thrais. Mae paragraff 6.4 o’r Polisi yn
nodi y bydd cais am drwydded fel rheol yn
cael ei wrthod
os oes gan
yr ymgeisydd fater i’w ystyried
am achosi niwed corfforol difrifol gyda bwriad a/neu
fod a dryll yn ei feddiant,
sydd yn llai
na 10 blynedd
cyn dyddiad y cais. Mae paragraff 6.5 o’r Polisi yn
nodi y bydd cais am drwydded fel rheol yn
cael ei wrthod
os oes gan
yr ymgeisydd fater i’w ystyried
am ymosodiad cyffredin a/neu ddifrod troseddol
a /neu drosedd o dan Ddeddf Trefn
Gyhoeddus 1986 sydd yn llai na
3 blynedd cyn dyddiad y cais. Mae paragraff 6.6 o’r Polisi yn nodi
y bydd cais, fel arfer yn
cael ei wrthod
os oes mwy
nag un gollfarn am drosedd o natur dreisgar yn erbyn
yr ymgeisydd a hynny o fewn y 10 mlynedd ddiwethaf
a)
Daeth yr Is-bwyllgor i gasgliad
fod yr holl
gollfarnau a rhestri’r uchod yn ymwneud
a throseddau o drais, fodd bynnag, gan
fod y gollfarn ddiweddaraf wedi ei gosod yn
1983, 37 mlynedd yn ôl, nid oedd
paragraffau 6.4,.6.5 a.6.6 yn
goroesi, ac felly nid yn sail i wrthod
y cais
Wedi pwyso
a mesur y dystiolaeth ar wybodaeth yn
ofalus, roedd yr Is-bwyllgor o blaid caniatáu y cais a phenderfynwyd bod yr ymgeisydd yn
berson addas a phriodol i ddal
trwydded gyrrwr cerbyd hacni a hurio preifat.
Adroddodd y Cyfreithiwr
y byddai’r penderfyniad yn cael ei
gadarnhau yn ffurfiol drwy lythyr
i’r ymgeisydd.