Abersoch Diner, Stryd Fawr, Abersoch, LL53 7DY
I ystyried y cais
Penderfyniad:
Caniatáu
y cais
Cofnod:
Abersoch Diner, Stryd Fawr, Abersoch
Ar ran yr eiddo: Gavin
Hancock (Ymgeisydd)
Eraill a wahoddwyd: Moira
Duell-Parry - Swyddog Iechyd yr Amgylchedd
Cyng
Dewi Roberts (Aelod Lleol)
Patricia
Meyrick, Einir Wyn, Mary Marsden, Terry Evans, Paul Evans, Donna Jones a Cherry
Steele (Ymgynghorai Lleol)
Croesawodd y Cadeirydd bawb i’r cyfarfod.
Amlygodd y Cadeirydd y byddai gan bob parti hawl i
hyd at 5 munud i gyflwyno eu sylwadau
a)
Adroddiad yr Adran Trwyddedu
Cyflwynwyd
adroddiad y Rheolwr Trwyddedu yn manylu ar gais am amrywio trwydded eiddo ar
gyfer Abersoch Diner, Stryd Fawr, Abersoch. Gwnaed y cais mewn perthynas ag ymestyn oriau agor, gwerthu alcohol ar yr eiddo a darparu
cerddoriaeth wedi recordio ar yr eiddo.
Tynnwyd sylw at
fanylion y gweithgareddau trwyddedig a’r oriau arfaethedig yn yr adroddiad.
Amlygwyd, bod yr ymgeisydd, yn dilyn derbyn sylwadau ac amodau gan Adran
Gwarchod y Cyhoedd a sawl gwrthwynebiad i’r cais, wedi cyfaddawdu i beidio â
defnyddio’r ardal allanol ar ôl 6:00yp a bod rhaid i’r drysau a’r ffenestri fod
wedi cau wrth chwarae cerddoriaeth ar lefel sŵn cefndirol yn unig. Nodwyd bod gan Swyddogion yr Awdurdod
Trwyddedu tystiolaeth ddigonol bod y cais wedi ei gyflwyno yn unol â gofynion
Deddf Trwyddedu 2003 a’r rheoliadau perthnasol.
Cyfeiriwyd at y
mesurau yr oedd yr ymgeisydd yn ei argymell i hyrwyddo’r amcanion trwyddedu ac
amlygwyd y byddai’r mesurau hyn yn cael eu cynnwys ar y drwydded. Tynnwyd sylw
at yr ymatebion a dderbyniwyd yn ystod y cyfnod ymgynghori gan nodi nad oedd gan yr Heddlu na’r Gwasanaeth Tân wrthwynebiadau.
Wrth ystyried y cais dilynwyd y drefn ganlynol-:
·
Rhoi
cyfle i aelodau’r Is-bwyllgor a’r ymgeisydd ofyn cwestiynau i’r Rheolwr Trwyddedu
·
Gwahodd
yr ymgeisydd i ymhelaethu ar y cais
·
Rhoi cyfle i’r ymgynghorai
gyflwyno eu sylwadau
·
Gwahodd
deilydd y drwydded neu ei gynrychiolydd i ymateb i’r sylwadau
·
Rhoi
cyfle i aelodau’r Is-bwyllgor ofyn cwestiynau i ddeilydd y drwydded.
·
Rhoi
cyfle i aelodau’r Is-bwyllgor ofyn cwestiynau i’r ymgynghorai
b)
Wrth ymhelaethu ar y cais, nododd yr ymgeisydd ei
fod yn hapus gyda’r hyn oedd wedi ei gyflwyno.
Ategodd y sylwadau canlynol:
·
Ei fod
wedi cytuno i gyfaddawd yn dilyn trafodaethau
·
Ei fod
wedi cytuno i beidio defnyddio’r ardal allanol ar ôl 6:00yh
·
Ei fod yn ymwybodol y bydd yr amodau yn cael eu
cynnwys ar y drwydded petai yn cael ei chaniatáu
·
Ei fod
angen yr addasiadau er mwyn cystadlu gyda busnesau tebyg ar Stryd Fawr Abersoch
Mewn ymateb i
gwestiynau gan yr is-bwyllgor, nododd bod y wal derfyn rhyw 10 - 15m o’r eiddo
cyfagos ac nad oedd wedi derbyn cwynion am sbwriel a
sŵn yn y gorffennol.
ch) Manteisiodd yr ymgynghorai oedd yn bresennol ar y cyfle i
ymhelaethu ar eu gwrthwynebiadau i ganiatáu trwydded gan ategu at sylwadau a
gyflwynwyd trwy lythyr.
Swyddog Iechyd yr Amgylchedd,
·
Bod yr ymgeisydd, yn dilyn trafodaethau, wedi cytuno i beidio
â defnyddio’r ardal allanol ar ôl 6:00yp a bod rhaid i’r drysau a’r ffenestri
fod wedi cau wrth chwarae cerddoriaeth ar lefel sŵn cefndirol yn unig.
·
Bod y tŷ bwyta eisoes yn darparu bwyd ond
byddai ychwanegiad i’r ardd gefn yn rhyddhau mwy o le
·
Bod argymhelliad i wrthod cais cynllunio tebyg i eiddo
tu cefn i’r adeilad ar sail system awyru annigonol a thramwyo wedi amlygu
pryderon i’r cais yma
·
Bod y ty bwyty yn agos i dai
cyfagos - bod yr eiddo i’r cefn o’r tŷ bwyta yn uwch na’r ardd ac felly
bydd sŵn yn cario. Er bod modd rheoli sŵn cerddoriaeth ni ellir rheoli lleisiau. Bydd rhaid i’r ymgeisydd reoli hyn
yn effeithiol
·
Bod y lon tu cefn i’r tŷ bwyta yn gul iawn
·
Ei bod wedi asesu y cais fel tŷ bwyta - yn
darparu pryd o fwyd/ lluniaeth ysgafn i deuluoedd ac nid fel tafarn
·
Na fydd bwyd yn cael ei ddarparu ar ôl 11pm - bar
yn unig ar ôl hyn
·
Eu bod yn gefnogol i’r busnes ac felly yn gosod
amodau fel bod modd rheoli’r amser a defnydd yr ardal tu allan - yn gyfle i’r
ymgeisydd ddangos ei allu i reoli sŵn
·
Bod y safle wedi ei ddynodi fel ‘ardal busnes’
Y Cynghorydd Dewi Roberts (Aelod Lleol)
·
Bod
llawer o sŵn ar y Stryd Fawr ar y penwythnosau
·
Bod defnydd o’r ardd gefn yn ymestyn i ganol ardal
ddomestig fyddai yn cael effaith ddifrifol ar breifatrwydd y cymdogion - bod
defnydd o’r ardd yn anaddas
·
Bod
trafferthion yn codi wrth i bobl newid cymeriad wrth yfed
·
Bod
tai bwyta a thafarndai digonol yn y pentref
·
Cwynion
yn debygol o gael eu cyflwyno iddo ef a’r Heddlu lleol
Patricia Meyrick
·
Bod yr
eiddo wedi cael ei sefydlu ar gyfer gwerthu hufen ia
·
Nad yw’r adeilad yn addas ar gyfer tŷ tafarn
·
Ni fydd yn caniatáu defnydd o’r lon i’r cefn o’r
adeilad ar gyfer ceir na busnes - bydd yn cloi'r giât os bydd raid
Terry Evans
·
Y cais am drwydded hyd at 00:30 - hyn yn gynnydd
sylweddol mewn oriau agor
·
Byw cefn wrth gefn ac yn amlygu pryder am sŵn
o ddefnydd yr ardd
Mary Marsden
·
Bod y
lon i’r cefn yn mesur 9 troedfedd
·
Bydd
sŵn yn cario dros y waliau a mwg os bydd rhai yn ysmygu
·
A oes angen trwydded hyd at hanner nos? A oes modd caniatáu hyn ar gyfer digwyddiadau penodol yn
unig? Gallai’r tŷ bwyta gau am 10:30pm
·
Bod ei
phryderon wedi eu lliniaru ychydig o wybod bod rhaid i’r ardal allanol gau am
6:00yh
·
Sut bydd defnydd o’r ardd yn cael ei rheoli? Angen
gweld trefniadau cadarn o reolaeth safle
·
Pryder o gynnydd mewn sŵn o fewn ardal breswyl
Cherry Steele
·
Dim
byd i ychwanegu i’r pryderon sydd eisoes wedi eu hamlygu
Donna Jones
·
Bydd
sŵn yn cario i fyny at eiddo ei rhieni
·
Bod ei rhieni mewn oed ymddeol ac eisiau ymlacio
heb gael eu heffeithio gan sŵn
·
Bod gormod
o fynd a dod ar hyd y lon i’r cefn o’r adeilad
Paul Evans
·
Bod busnes wedi bodoli ar y safle erioed ond dim
defnydd i’r iard / ardd gefn
·
Yn
erbyn y cynnig o gael byrddau yn yr ardd gefn
·
Bydd
sŵn yn cario
·
Rheini yn mynd yn hŷn - pryder am yr effaith y
bydd hyn yn cael ar eu preifatrwydd a’u hymddeoliad
Einir Wyn - Clerc
Cyngor Cymuned Llanengan
·
Ategu
at y sylwadau sydd eisoes wedi cael eu hamlygu
·
Gormod
o dafarndai eisoes yn y pentref
·
Diffyg
rheolaeth
·
Bod yr
ardal i’r cefn yn fach iawn
·
Bod
dim rheswm i’w gael ynghanol tai
·
Y
busnes wedi rhedeg fel caffi ar hyd y blynyddoedd
·
Nid yw
yn ddigon o adeilad i fod yn dafarn
d)
Wrth grynhoi ei achos ac ymateb i’r sylwadau nododd
yr ymgeisydd y byddai mynediad i’r ardd ac i’r iard gefn yn cau am 6:00pm drwy
gloi'r fynedfa. Ategodd nad oes mynediad i’r ardd a’r
iard o’r lon gul ac felly gellid ond mynd i mewn ac allan drwy’r drws ffrynt
sydd ar y Stryd Fawr. Bydd y lon yn cael ei defnyddio ar gyfer casglu sbwriel
yn unig. Amlygodd bod busnesau tebyg yn yr ardal fydd o bosib yn creu sŵn.
Mewn ymateb i orchwylio’r ardal gefn, cadarnhaodd y byddai’r drws yn cael ei
gloi.
dd) Mewn ymateb i’r sylwadau nododd y Rheolwr
Trwyddedu'r sylwadau canlynol:
·
Ei bod yn derbyn pryderon y trigolion lleol a’r
cyngor cymuned
·
Bod y
lleoliad yn gyfyng iawn ac wedi ei leoli o fewn ardal sensitif
·
Bod gan yr is-bwyllgor yr hawl i osod amod i
sicrhau’r hyn sydd wedi ei addo gan yr ymgeisydd a bod modd geirio'r amodau
hynny i gynnwys y pryderon fel bod rheolaeth yn bosib
Ymneilltuodd yr ymgeisydd, yr ymgynghorai, y Rheolwr Trwyddedu a Swyddog yr
Amgylchedd o’r cyfarfod tra bu i aelodau’r Is-bwyllgor drafod y
cais
ff) Wrth gyrraedd y
penderfyniad ystyriodd yr Is-bwyllgor ffurflen gais yr ymgeisydd, sylwadau
ysgrifenedig a gyflwynwyd gan y partïon â diddordeb, adroddiad y Swyddog
Trwyddedu, yn ogystal â sylwadau llafar a dderbyniwyd yn y gwrandawiad.
Ystyriwyd hefyd Polisi Trwyddedu’r Cyngor a chanllawiau’r Swyddfa Gartref.
Roedd yr holl ystyriaethau yn cael eu pwyso a’u mesur yn erbyn yr amcanion trwyddedu o dan y Ddeddf Trwyddedu
2003, sef:
i.
Atal trosedd ac anhrefn
ii.
Atal niwsans cyhoeddus
iii.
Sicrhau diogelwch
cyhoeddus
iv.
Gwarchod plant rhag niwed
PENDERFYNWYD
caniatáu y cais a gwyro’r drwydded fel a ganlyn:
·
Oriau agor:
Sul-Sad 08:00-00:30
·
Cyflenwi alcohol
ar yr eiddo: Sul-Sad 11:00-00:00
·
Cerddoriaeth wedi
recordio tu mewn: Sul-Sad 11:00-00:00
·
Dim newid i amodau
gorfodol
·
Gwyrir yr amodau
Atodlen Weithredol i gynnwys y canlynol: yn rhan (d), ychwanegir y geiriau canlynol
“Er mwyn lleihau sŵn, ni fydd yr eiddo yn
defnyddio yr ardal allannol ar ôl 18:00, bydd yr eiddo yn cadw drysau a
ffenestri ynghau pan chwaraeir cerddoriaeth, a bydd lefel y sŵn yn
gefndirol yn unig.”
Diolchwyd i’r holl
bartïon â diddordeb am gyflwyno sylwadau ar y cais. Rhoddodd yr Is-bwyllgor
ystyriaeth briodol i’r sylwadau hyn, wrth nodi eu bod wedi eu gwneud mewn
ymateb i’r cais gwreiddiol i wyro.
Derbyniwyd
sylwadau gan drigolion lleol yn datgan pryder y byddai trosedd ac anrhefn yn
debygol o godi os caniateir y cais. Tra bod yr Is-bwyllgor yn fodlon bod y
pryderon hyn yn rai diffuant, nid oedd tystiolaeth tu hwnt i ddyfalu wedi ei
gyflwyno i gefnogi’r pryderon hyn. Yn absenoldeb y dystiolaeth, nid oedd yr
Is-bwyllgor o’r farn y byddai caniatáu y cais yn tanseilio'r amcan o atal
trosedd ac anhrefn.
Tra bod yr
Is-bwyllgor yn derbyn bod yr eiddo yn agos i’r ffordd fawr, a bod gofod parcio
o bosib yn gyfyngedig, nid oedd o’r farn bod y ffactorau hyn yn golygu o
reidrwydd bod bygythiad i ddiogelwch cyhoeddus. Ystyriwyd bod y caffi eisoes yn
bodoli ar y safle gyda
nifer eraill o fusnesau cyfagos. Ni chyflwynwyd unrhyw
dystiolaeth ddibynadwy bod
problemau diogelwch cyhoeddus ar hyn o bryd ynghlwm â’r eiddo.
Nid oedd yr Is-bwyllgor o’r farn y byddai caniatáu y cais yn tanseilio
diogelwch cyhoeddus.
Derbyniwyd bod
posibilrwydd y gallai sŵn fyddai yn tarfu o’r eiddo arwain at niwsans
cyhoeddus. Ystyriwyd rhain yn bryderon diffuant gan nad
oedd unrhyw dystiolaeth wrthrychol o ran nifer y digwyddiadau tebygol, eu
hamledd, y lefel sŵn disgwyliedig na’r nifer a chanran o bobl y byddai’n
effeithio yn y dalgylch wedi ei’u cyflwyno. O ganlyniad nid oedd tystiolaeth
ddigonol i’r Is-bwyllgor fod yn fodlon y byddai caniatau’r cais yn debygol o
arwain at sŵn fyddai mor broblemus nes cyrraedd y
rhiniog cyfreithiol o “niwsans cyhoeddus”. Ystyriwyd bod diwygiadau i’r cais yn
golygu bod y risg o unrhyw sŵn o’r eiddo yn tarfu ar yr ardal gyfagos yn
isel a’r diwygiadau yn ymateb i’r pryderon sŵn mewn modd rhesymol a chymesurol.
O dan yr amgylchiadau, roedd yr Is-bwyllgor o’r farn bod y cais diwygiedig yn
gydnaws â’r amcan o atal niwsans cyhoeddus.
Wrth dderbyn a
deall yr awgrym bod gormod o eiddo trwyddedig yn y pentref, nid yw barn
unigolion am niferoedd eiddo trwyddedig mewn ardal arbennig neu beidio yn
ystyriaeth berthnasol i’r Is-bwyllgor wrth ystyried cais o dan y Ddeddf
Trwyddedu 2003. O ganlyniad diystyriwyd y sylwadau hyn wrth drafod y cais.
Roedd yr
Is-bwyllgor yn fodlon bod y cais i amrywio’r drwydded fel y’i diwygiwyd yn
gydnaws â’r amcanion trwyddedu.
Adroddodd y Cyfreithiwr y byddai’r penderfyniad
yn cael ei gadarnhau yn ffurfiol drwy lythyr i bawb oedd yn bresennol. Ategwyd
bod gan bob parti i’r cais yr hawl i gyflwyno apêl yn Llys Ynadon Caernarfon yn
erbyn penderfyniad yr Is-bwyllgor. Dylid cyfeirio unrhyw apêl o’r fath drwy roi
rhybudd o apêl i’r Prif Weithredwr, Llys Ynadon Llandudno, Llandudno, o fewn
cyfnod o 21 diwrnod gan gychwyn â’r dyddiad y bydd yr apelydd yn derbyn llythyr (neu gopi ohono) yn
cadarnhau’r penderfyniad.
Dogfennau ategol: