Newid defnydd uned
wag o swyddfa Dosbarth Defnydd B1 i ddeintyddfa
Dosbarth Defnydd D1 (ail-gyflwyniad o'r cais a wrthodwyd o dan gyfeirnod C20/0351/25/LL)
AELOD LLEOL: Cynghorydd
Menna Baines
Penderfyniad:
Caniatáu yn groes
i’r argymhelliad
Amodau:
1.
dechrau’r datblygiad o fewn
5 mlynedd
2.
cario’r datblygiad allan
yn unol gyda’r
cynlluniau a gyflwynwyd
3.
amod i sicrhau fod defnydd
yr adeilad yn mynd yn
ol i’w ddefnydd
gwreiddiol os daw defnydd y ddeintyddfa i ben yn y dyfodol.
Cofnod:
Newid defnydd uned wag o
swyddfa Dosbarth Defnydd B1 i ddeintyddfa Dosbarth Defnydd D1 (ail-gyflwyniad
o'r cais a wrthodwyd o dan gyfeirnod C20/0351/25/LL)
a) Ymhelaethodd
y Rheolwr Cynllunio ar gefndir y cais gan nodi mai ail-gyflwyniad ydoedd o gais
a wrthodwyd ym Mehefin, 2020 ar gyfer newid defnydd o swyddfa (Dosbarth Defnydd
B1) i ddeintyddfa (Dosbarth Defnydd D1) o fewn uned wag yn Llys Castan, Parc
Menai.
Wrth
ystyried egwyddor y defnydd arfaethedig amlygwyd y dylid sicrhau fod y bwriad
yn cydymffurfio a’r holl feini prawf a gynhwysir ym Mholisi ISA 2 (cyfleusterau
cymunedol) o’r CDLL. I bwrpas y polisi, cadarnhawyd fod cyfleusterau cymunedol
yn cynnwys ‘cyfleusterau a ddefnyddir gan gymunedau lleol at ddibenion iechyd…
ac unrhyw gyfleuster arall sy’n cyflawni’r rôl o wasanaethu’r gymuned’.
Adroddwyd
bod Polisi PS13 a Pholisi CYF1 o'r CDLL yn nodi y gwarchodir y safle a’r uned
ar gyfer defnydd cyflogaeth yn Nefnydd Dosbarth B1. Yn unol â
Pholisi CYF5 (defnyddiau amgen o Safleoedd Cyflogaeth bresennol) adroddwyd mai
mewn achosion arbennig yn unig y caniateir cynigion i ryddhau tir yn Nosbarth
Defnydd B1, B2 neu B8 ar safleoedd cyflogaeth bresennol sydd wedi eu gwarchod
yn unol â Pholisi CYF1 ar gyfer defnydd amgen a dim ond ble gellid cwrdd gydag
un neu fwy o feini prawf y polisi:
·
“Yn yr achos fod y safle yn wag ei fod yn annhebygol o
gael ei ddefnyddio yn y tymor byr a chanolig ar gyfer defnydd gwreiddiol neu
ddefnydd y warchodaeth, neu;
·
Mae yna orddarpariaeth o safleoedd cyflogaeth o fewn y
cyffiniau, neu;
·
Mae’r defnydd cyflogaeth bresennol yn cael effaith
niweidiol ar fwynderau a’r amgylchedd, neu;
·
Ni fyddai’r datblygiad yn cael effaith niweidiol ar
ddefnydd cyflogaeth safleoedd cyfagos, neu;
·
Nid oes yna safle amgen arall ar gyfer y defnydd
bwriedir, neu;
·
Os yw’r safle yn cael ei ddefnyddio ar gyfer defnydd
tymor byr (dros dro), bod yna fesurau adfer priodol mewn lle sydd i foddhad yr
Awdurdod Cynllunio Lleol.”
Amlygwyd
bod gwybodaeth fanwl a helaeth wedi ei gyflwyno gan yr ymgeisydd i gefnogi’r
cais oedd yn cynnwys Datganiad
Cynllunio, yn ogystal â Datganiad Cynllunio gan yr asiant, Datganiad Prawf
Dilyniannol ynghyd a Dogfen Tystiolaeth Hygyrchedd y Safleoedd yn
amlygu’r sylwadau isod:
·
Mae cymuned Penrhosgarnedd yn agosach i safle’r cais
nag eiddo deintyddion eraill ym Mangor.
·
Mae cymuned Parc Menai yn agosach i safle’r cais nag
eiddo deintyddion eraill ym Mangor.
·
Mae staff/cymuned Ysbyty Gwynedd yn agosach i safle’r
cais nag eiddo deintyddion eraill ym Mangor.
·
Mae gwasanaeth bws rheolaidd gan gwmnïau amrywiol yn
gwasanaethu busnesau eraill ym Mharc Menai.
·
Mae rhwydwaith beics presennol ynghyd a llwybrau cyhoeddus yn gwasanaethu Parc Menai.
·
Mae’r safle yn hygyrch yn ddaearyddol i ddefnyddwyr
lleol a rhanbarthol sy’n defnyddio’r A55.
·
Nodir bod y rhan helaeth o gleifion y cyfleuster
presennol yn defnyddio car (gyda nifer ohonynt yn gleifion oedrannus a fyddai’n
anghyfleus neu yn amhosibl defnyddio cludiant cyhoeddus). Ni fyddai’r sefyllfa
yma yn newid gyda’r safle newydd hwn ym Mharc Menai. Os rhywbeth, fyddai’n
agosach i nifer helaeth o gleifion sy’n defnyddio’r cyfleuster presennol ac
sy’n teithio o’r gogledd, dwyrain ac o’r de i’w hapwyntiad.
Yn seiliedig ar y
wybodaeth i gefnogi'r bwriad, ni ystyriwyd y byddai’r
bwriad yn tanseilio gofynion ac amcanion cynaliadwy lleol a chenedlaethol
perthnasol ac felly yn dderbyniol ar sail gofynion Polisi PS4, PS5 a Pholisi
TRA4 o'r CDLL.
Er gwaethaf y
ffaith y cyflwynwyd gwybodaeth a thystiolaeth helaeth a mwy grymus i gefnogi’r
cais diweddaraf hwn o’i gymharu â’r hyn a gyflwynwyd gyda’r cais blaenorol, ni ystyriwyd fod y wybodaeth a’r dystiolaeth yn goresgyn yr
holl bryderon a amlygwyd. Yn benodol, nid oedd swyddogion yn ystyried bod y
bwriad yn cwrdd gyda gofynion maen prawf 1 o Bolisi ISA 2 sydd yn ymwneud gyda
lleoli cyfleusterau cymunedol newydd. O dan yr amgylchiadau, ac er yn cydnabod
natur arbenigol y cyfleuster arfaethedig, roeddynt yn argymell gwrthod y cais.
b)
Yn manteisio ar yr hawl i siarad nododd asiant yr
ymgeisydd y pwyntiau canlynol:
·
Ei fod yn ddeintydd gyda diddordeb arbenigol mewn
deintyddiaeth gymhleth ac yn awyddus i greu practis deintyddol unigryw
·
Y bwriad fydd canolbwyntio ar gyfeiriadau cleifion gan
ddeintyddion o Wynedd, Môn a Gogledd Cymru ar gyfer triniaeth ddeintyddol
cymhleth ac arbenigol, yn ogystal â deintyddiaeth gyffredin o ansawdd uchel.
·
Ei uchelgais yw agor practis deintyddol pwrpasol
fyddai’n darparu triniaeth gymhleth i gleifion lleol heb iddynt orfod cael eu
cyfeirio at wasanaeth yn Lerpwl neu Fanceinion.
·
Bydd Ymgynghorydd Adferol Arbenigol hefyd wedi'i leoli
yn y practis.
·
Bydd y ddeintyddfa wedi ei dylunio i fod y cyntaf o'i math yng Nghymru gyda
systemau awyru pwrpasol i ganiatáu gofal
deintyddol diogel
·
Trafodwyd y prawf dilynnianol a’r camau oedd angen ei
cwblhau er mwyn bodloni’r gwrthodiad gwreiddiol gyda’r Gwasanaeth Cynllunio.
Ymgymerwyd â'r broses yma, rhyw 12 mis yn flaenorol, drwy chwilio am adeilad
addas ar-lein a gyda gwerthwyr tai masnachol. Wrth
ehangu’r ymchwilio darganfuwyd 8 Llys Castan - adeilad addas ar gyfer
practis modern.
·
Bod dau bractis deintyddol BUPA eisoes yng
Ngwynedd ar Barciau Busnes, un ym Mhenrhyndeudraeth wedi'i leoli yn yr un
adeilad â swyddfa Galw Gwynedd y Cyngor
·
Bod Swyddogion Cynllunio yn argymell gwrthod y cais ar
sail un rhan o bolisi ISA 2 ond ei fod wedi
ymateb i hyn yn llawn.
·
Nad yw’r swyddog wedi cyfeirio at baragraff esboniadol pwysig 6.1.20 sydd wedi'i gynnwys o dan
bolisi ISA 2: “Where a new facility
is proposed outside a settlement, it must be demonstrated that the proposed
location is the best available and is accessible to the local community”.
·
Bod y prawf
dilynnianol wedi ei dderbyn gan y swyddog i ateb polisïau eraill yn
llwyddiannus gan ddangos nad oes unrhyw unedau addas arall o fewn y ffin
datblygu
·
Bod eu “datganiad
hygyrchedd yn profi bod y safle ym Mharc Menai yn hawdd i’r cyhoedd
gyrraedd ato, yn gyfleus i gymuned Penrhosgarnedd ac i staff dyddiol Ysbyty Gwynedd. Hwn fydd y
Practis Deintyddol agosaf iddynt ar droed neu gyda beic.
·
Bod y cynllun yn
amlwg yn cwrdd â gofynion ‘a new facility outside a settlement boundary’, fel y
nodir ym Mholisi ISA 2.
·
Ei fod yn gofyn yn garedig i’r aelodau
bleidleisio o blaid y cynllun arloesol, y
cyntaf o’i fath yng Ngwynedd.
·
Ei fod yn teimlo’n angerddol am gael
y prosiect hwn yn lleol i gefnogi iechyd a lles ein cymunedau Cymreig am
flynyddoedd i ddod, gan ganiatáu mynediad i gleifion i ofal deintyddol o
ansawdd uwch ac arbenigol yng Ngogledd Cymru.
c)
Yn manteisio ar yr hawl i siarad nododd yr
Aelod Lleol y pwyntiau canlynol:
·
Bod yr ymgeisydd wedi gosod gweledigaeth glir.
·
Byddai’r gwasanaeth arbenigol yn gaffaeliad mawr i’r
ardal - nid oes deintyddfa o’i math yng Ngwynedd a Môn
·
Gyda deintydd ac ymgynghorydd adferol
arbenigol ar y safle, bydd y ddeintyddfa yn llenwi ‘bwlch’
·
Ochr yn ochr bydd deintyddiaeth gyffredinol yn cael ei
gynnig - cyfuniad o’r ddau wasanaeth yn gwneud y busnes yn unigryw
·
Mai Cymro lleol sydd tu ôl i’r fenter
·
Byddai’r ddeintyddfa yn creu cyflogaeth - yn gyfle i
feithrin sgiliau a mentora deintyddion ifanc
·
Byddai’r ddeintyddfa yn un ddwyieithog
·
Bod yr Uned Cynllunio yn gwrthod y cais am un rheswm
am nad yw’r lleoliad o fewn y ffin datblygu ac yn groes i bolisi ISA 2 sy’n
ymwneud a chyfleusterau cymunedol – nodwyd bod Llys Castan o fewn 900m i’r ffin
datblygu - onid yw hyn yn ‘gyfagos’?
·
Bod ISA 2 yn annog busnesau newydd ac yn anelu
i warchod cyfleusterau gydag anghenion iechyd yn cael eu rhestru
·
Bod y lleoliad yn hygyrch a’r ymgeisydd wedi cyflwyno
gwybodaeth / tystiolaeth i brofi hyn
·
Bod Parc Menai yn lleol i Benrhosgarnedd ac yn gyfleus
at Ysbyty Gwynedd felly cyfiawnhad digonol dros ‘adnodd iechyd’ mewn ‘cymuned
leol’
·
Bod mynedfa i’r ddeintyddfa yn hwylus a hawdd
·
Yn gais cyffrous ac yn cynnig adnodd unigryw
·
Yr ymgeisydd
wedi goresgyn pob rheswm gwrthod heblaw un oherwydd geirfa annelwig
·
Dylid cefnogi mentrau busnes lleol mewn cyfnod heriol
·
Bod hyn yn gyfle i ddefnyddio uned wag at ddiben
gwerth chweil
ch) Cynigwyd ac eiliwyd i ganiatáu y cais yn groes
i’r argymhelliad
d)
Yn ystod y
drafodaeth ddilynol nodwyd y sylwadau canlynol gan aelodau:
·
Bod hwn yn
gyfle unigryw ac y dylid croesawu gwasanaeth arbenigol lleol
·
Mai
maer o hollti blew oedd yma dros eiriad polisi
·
Y safle yn
hwylus ar lleoliad yn un addas
·
Bod
nifer o unedau busnes gwag ym Mharc Menai
·
Bod
gwir angen am ddeintydd lleol a gwasanaeth arbenigol lleol - prinder
deintyddion yn yr ardal
·
Gwerthfawrogi
gwaith y swyddogion i gadw at bolisïau ond yn yr achos yma bod y dadleuon o
blaid yn gryfach
·
Bod y
gair ‘cyfagos’ yn anelwig o ran ei ddiffiniad / ystyr
·
Bod angen bod yn
hyblyg - awgrym gosod amod nol i ddefnydd pwrpasol
·
Er dymuno
gweld busnes o’r fath ar y stryd fawr, bod defnyddio uned wag ym Mharc Menai yn
fantais dros orfod teithio allan o’r Sir am wasanaeth arbenigol
·
Bod hwn yn fusnes
lleol yn cael ei redeg gan berson lleol
·
Pob lwc
i’r fenter
PENDERFYNWYD:
caniatáu yn groes i’r argymhelliad
Amodau:
1. dechrau’r
datblygiad o fewn 5 mlynedd
2. cario’r
datblygiad allan yn unol gyda’r cynlluniau a gyflwynwyd
3. amod
i sicrhau fod defnydd yr adeilad yn mynd yn ôl i’w ddefnydd gwreiddiol os daw
defnydd y ddeintyddfa i ben yn y dyfodol.
Dogfennau ategol: