Cyflwyno adroddiad yr Uwch Swyddog Harbyrau.
Penderfyniad:
Nodwyd cynnwys yr
adroddiad.
Cofnod:
Cyflwynwyd yr adroddiadau isod a gwahoddwyd adborth gan yr
aelodau ar faterion diogelwch a materion gweithredol yr harbwr.
(1) Adroddiad yr Uwch Swyddog
Harbyrau yn diweddaru’r pwyllgor ar faterion yr Harbwr
am y flwyddyn yn diweddu Mawrth 2021.
Gofynnwyd i’r aelodau anfon
unrhyw sylwadau ar y Cod Diogelwch Morol Porthladdoedd i’r gwasanaeth.
Nododd y Prif Swyddog Morwrol
fod amcangyfrif o gyllidebau’r harbwr o 1/4/20 hyd at 31/3/21 wedi’i anfon at yr aelodau
yn ddiweddar iawn, a manylodd
ar y sefyllfa gyfredol gan nodi:-
·
Yn
ystod y cyfnod clo cyntaf, roedd
gofyn bod y Cyngor yn ystyried lleihau ffioedd a chostau i dalwyr angorfeydd,
gan fod balans
i’w daro rhwng cadw cwsmeriaid
at y dyfodol, neu eu colli yn
gyfan gwbl i harbyrau eraill.
·
Y dymunai ddiolch i’r aelodau lleol am y
gefnogaeth a gafwyd i leihau costau i’r cwsmeriaid 30% yn ystod y cyfnod Mai –
Gorffennaf y llynedd.
·
Nad oedd yn opsiwn peidio codi unrhyw ffi o
gwbl ar gwsmeriaid yn ystod y cyfnod yma, gan fod costau cynnal yr harbwr yn
parhau.
·
Bod manylion y cyllidebau unigol fel a
ganlyn:-
Grŵp |
Disgrifiad |
Cyllideb £ |
Gwariant hyd
at 31/03/21 £ |
Gor(Tan) Wariant £ |
Staff |
Costau
Staff |
60,180 |
60,899 |
719 |
Eiddo |
Tiroedd
ac Eiddo |
23,140 |
10,907 |
(12,233) |
Trafnidiaeth |
Cwch
a Cherbydau |
640 |
640 |
0 |
Offer
a Chelfi |
Offer
a Chelfi |
9,930 |
12,252 |
2,322 |
Incwm |
Incwm
Harbwr |
(74,580) |
(47,645) |
26,935 |
Cyfanswm |
Cyfanswm |
19,310 |
37,052 |
17,742 |
·
Oherwydd y pandemig,
a’r lleihad yn nifer y cychod yn angori yn yr harbwr llynedd, bod incwm yr
harbwr tua £27,000 yn is na’r targed am y flwyddyn.
·
Mai’r targed ar ddiwedd y flwyddyn, gan gymryd
incwm a gwariant i ystyriaeth, oedd bod Harbwr Porthmadog yn costio £19,000 i’r
trethdalwyr, ond yn anffodus, oherwydd y diffyg incwm, roedd y gwahaniaeth yn
£37,000 gan y byddai’r harbwr yn gorwario tua £18,000 yn y flwyddyn ariannol
hon.
·
Mai dyma’r tro cyntaf ers blynyddoedd i’r
gwasanaeth adrodd ar sefyllfa ariannol mor ddifrifol yn yr harbwr, ac roedd 2021
yn debygol o fod yn flwyddyn anodd hefyd, o ystyried yr ansicrwydd mawr yn y
diwydiant morwrol.
·
Bod y pontwns yn
gallu cynorthwyo’r sefyllfa gan eu bod yna drwy gydol y flwyddyn.
·
Bod Ffioedd a Thaliadau’r Harbwr 2021/22
bellach wedi’u hawdurdodi gan y swyddogion ac arweinyddion y Cyngor ar gyfer eu
cyhoeddi.
(2) Adroddiad yr Harbwrfeistr yn crynhoi’r materion
Mordwyo a Gweithredol a wnaed ac a brofwyd yn y cyfnod rhwng
Hydref 2019 a Mawrth 2021, gan gynnwys materion
cynnal a chadw.
Nododd yr Harbwrfeistr fod staff yr harbwr
yn dymuno anfon eu cofion
at y Cynghorydd Alwyn Gruffydd, yn
dilyn ei anhwylder diweddar. Cytunodd y Cadeirydd i anfon
neges at yr aelod, ar ran bawb, yn aelodau a swyddogion,
yn dymuno iddo wellhad llwyr
a buan.
Nododd yr Harbwrfeistr ymhellach:-
·
Bod y Bwi Tramwyo wedi mynd allan ddiwedd yr
wythnos ddiwethaf, a bod Bwi rhif 2 wedi’i newid am Fwi rhif 1, a Bwi rhif 3
wedi’i newid am Fwi rhif 2.
·
Y byddai trawsnewidydd arall yn cyrraedd yn
2023, a bod y Prif Swyddog Morwrol wedi cychwyn ar y trafodaethau gyda’r cwmni.
·
Bod deifwyr wedi bod yn gwneud archwiliad
tanddwr o angorfeydd yr harbwr dros y dyddiau diwethaf, ac wedi newid tua 48 o
‘risers’ yn barod.
Roedd cost y gwaith yn sylweddol, ond enillwyd blwyddyn ychwanegol, gan
na chyflawnwyd y math hwn o waith hwn llynedd, gan fod cyn lleied o ddefnydd
o’r harbwr.
·
Bod angen gwario swm sylweddol
ar gwch y ‘Dwyfor’. Roedd y gwasanaeth yn chwilio
am brisiau ar gyfer y gwaith ar hyn o bryd, a gobeithid y byddai’r cwch yn
dychwelyd i Borthmadog ymhen tua phythefnos.
Diolchwyd i’r swyddogion ac i staff yr harbwr am eu holl
waith yn cynnal y gwasanaeth yn ystod blwyddyn eithriadol o anodd, a gofynnwyd
i’r swyddogion basio’r neges yma ymlaen i bawb.
Yn ystod y drafodaeth ddilynol, codwyd y materion a
ganlyn:-
·
Bod cludiant y trawsnewidydd o draeth Morfa
Bychan i Drawsfynydd wedi gweithio’n arbennig o dda,
ac wedi denu llawer o bobl yma, a bod y staff yn barod iawn i siarad gyda phobl
a phlant, ac egluro beth oedd yn mynd ymlaen.
Yr unig anhawster fu’r methiant i dorri’r coed ymlaen llaw, ac i hynny
orfod cael ei wneud ar y diwrnod. Mewn
ymateb, eglurwyd y bwriedid ymgynghori â’r pwyllgor harbwr a’r gymuned i
sicrhau bod cludiant yr ail drawsnewidydd, fydd yn cyrraedd tua Mehefin 2023,
yn mynd yn esmwyth, a’r tro nesaf, byddai’r gwaith o dorri’r coed yn digwydd
tua wythnos ymlaen llaw.
·
Cyfeiriwyd
at bryderon a gododd llynedd fod badau
dŵr personol a chychod pŵer yn mynd yn
rhy agos at y traethau, yn enwedig
ym Mae Samson, lle'r oedd pobl yn
nofio yn y dŵr. Mewn ymateb, cytunwyd
bod angen tynhau ar reolaeth cychod ym Mae Samson, ac ym Morfa Bychan a Chricieth, a rhoddwyd sicrwydd y byddai hynny’n digwydd yn 2021. Nodwyd ymhellach y cafwyd cefnogaeth i benodi mwy
o wardeiniaid yr haf yma, ac y byddai
tîm o 3 yn gweithio ym Morfa
Bychan o’r 1af Ebrill ymlaen, gyda 9-10 yn ymuno
gyda’r tîm wrth i’r tymor
brysuro.
·
Nodwyd
bod y giât i atal y llanw rhag
gorlifo dros faes parcio Borth
y Gest yn gweithio’n dda, ond bod angen
i bobl ddefnyddio
synnwyr cyffredin, a pheidio cwyno ei
bod wedi cau. Mewn ymateb, nodwyd y byddai’r staff yn agor y giât unwaith
y byddai’r tywydd yn gwella a’i
bod yn ddiogel i wneud hynny.
·
Cyfeiriwyd
at broblem a gododd llynedd gyda pharcio
ar Lon Treflys yn achosi tagfeydd o Forfa Bychan yn
ôl i Stryd
Fawr, Porthmadog, a nodwyd bod trafodaethau ar y gweill gyda’r Adran
Briffyrdd i gyflwyno llinellau melyn dwbl ar y darn yma o ffordd. Mewn ymateb, eglurwyd petai tagfeydd yn ffurfio ym
Morfa Bychan eto eleni,
bod gan y Cyngor gynllun i leihau’r broblem
i’r pentref drwy ganiatau mynediad
di-dâl i draeth Morfa Bychan
nes bydd y tagfeydd wedi clirio. Nodwyd hefyd bod yr Heddlu
wedi bod yn gefnogol iawn, yn gweithio fel
rhan o’r tîm, ac yn dod i lawr
i Forfa Bychan
pan fyddai trafferthion yn codi.
·
Nodwyd bod y twyni tywod ym Morfa Bychan yn
iach, a bod lefel y traeth wedi codi’n sylweddol, gan greu pant mawr yn y
fynedfa. Bwriedid clirio’r tywod cyn
Gŵyl y Pasg er mwyn galluogi i draffig fynd ar y traeth.
·
Cyfeiriwyd at y cydweithio rhwng adrannau
Economi, Amgylchedd a Phriffyrdd Cyngor Gwynedd i geisio dygymod â niferoedd
ymwelwyr yr haf hwn, a gofynnwyd i’r aelodau adael i’r Cyngor wybod os ydynt yn
rhagweld problemau.
·
Holwyd
pa wersi a ddysgwyd o’r cyfnod anodd
dros y flwyddyn ddiwethaf. Mewn ymateb, nodwyd
bod y cynllun rheoli cerbydau ym Morfa
Bychan wedi gweithio’n dda, drwy gyfyngu cerbydau
i un rhan
o’r traeth yn unig, gan
ryddhau gweddill y traeth i bobl
gerdded, chwarae gemau, ac ati, yn ddiogel. Roedd hyn wedi hwyluso’r
gwaith o fonitro’r traeth hefyd, ac roedd wedi lleihau’r
broblem o gerbydau yn mynd yn
sownd yn y tywod, ac yn cael
eu colli i’r môr. Nid oedd cyfle i
oryrru bellach chwaith, gan fod
y cerbydau yn weddol agos at ei gilydd. Ychwanegwyd bod technoleg wedi helpu hefyd a gobeithid
datgysylltu’r ffôn 999 ger y fynedfa i
draeth Morfa Bychan, a’i gysylltu
i lein BT cyflym, fyddai’n gallu derbyn taliadau
electronig. Roedd y drefn o gofrestru cychod wedi newid hefyd,
gyda chofrestriadau yn mynd ar lein
yn unig, ac felly’n rhyddhau staff yn y canolfannau i wneud gwaith
mwy ymarferol ar y traethau. Hefyd, yn sgil
cydweithio gyda’r Adran Briffyrdd, bu cynnydd yn
nifer y casgliadau ysbwriel ar y traethau, ac edrychwyd ar ailgylchu hefyd. Gwelwyd cynnydd hefyd yn nifer
y staff, a bu hyn yn gyfle i
gryfhau’r timau am y tymor i ddod. Roedd y gwasanaeth yn gweithio
ar dechnoleg hefyd i dynnu sylw
at beryglon y môr.
·
Mewn ymateb i gwestiwn, eglurwyd y byddai
popeth yn barod ar gyfer codi tâl mynediad i draeth Morfa Bychan erbyn 1
Ebrill, ond bod hyn yn hollol ddibynnol ar beth fydd yn digwydd gyda’r cyfnod
clo. Gan hynny, byddai’n rhoi cyfle i
dreialu cyn i’r prysurdeb mawr gychwyn ym mis Mai.
·
Nodwyd nad oedd criw Bad Achub Cricieth wedi
cael y cyfle arferol i ymarfer dros y misoedd diwethaf, a bod angen i bobl
sylweddoli na fydd y Bad Achub mor sydyn yn mynd allan gan fod rhaid dilyn y
rheolau a gwneud yn siŵr bod y criw i gyd yn saff.
Erfyniodd
y Cadeirydd ar yr aelodau i gysylltu â’r Cyngor os ydynt yn gweld unrhyw
drafferthion yn codi dros yr haf, a nododd fod Gwynedd yn barod iawn i groesawu
ymwelwyr sy’n dangos parch tuag at yr ardal.
Dogfennau ategol: