Cais ar gyfer codi 24 o dai, creu mynedfa newydd a ffordd stad mewnol,
cadarnhau llwybr cyhoeddus, gwaith draenio a gwaith cysylltiol
AELOD LLEOL:
Cynghorydd Judith Humphreys
Penderfyniad:
Dirprwyo’r
hawl i Bennaeth Cynorthwyol Adran yr Amgylchedd i ganiatáu’r cais yn ddarostyngedig
i dderbyn ymateb ffafriol gan Dwr Cymru ac i’r ymgeisydd gwblhau cytundeb o dan
Adran 106 er mwyn sicrhau cyfraniad ariannol ar gyfer darpariaeth addysgol a
chyfraniad llecyn agored.
Amodau
1. 5 mlynedd.
2. Yn unol â’r
dogfennau/cynlluniau a gyflwynwyd gyda’r cais.
3. Llechi
naturiol.
4. Samplau o’r deunyddiau a’r lliwiau ar gyfer y tai ynghyd a
manylion y paneli solar i’w cytuno gyda’r ACLL.
5. Amodau
Priffyrdd.
6. Tirlunio
meddal a chaled.
7. Amodau
Bioamrywiaeth a Choed
8. Cyfyngu ar oriau gweithio i 08:00 - 18:00 yn yr wythnos,
08:00 - 12.00 ar ddydd Sadwrn a dim o gwbl ar y Sul a Gwyliau Banc.
9. Manylion
Llwybr
10. Cytuno manylion parthed enwau Cymraeg ar gyfer y datblygiad
ynghyd ac arwyddion sy’n hysbysu ac yn hyrwyddo’r datblygiad o fewn ac oddi
allan y safle.
11. Sicrhau cynllun/trefniadau ar gyfer darparu’r unedau fforddiadwy.
12. Tynnu hawliau
datblygu cyffredinol o’r unedau fforddiadwy.
13. Cyflwyno Datganiad Dull Adeiladu gan gynnwys darpariaeth parcio
cerbydau’r adeiladwyr.
14. Cyflwyno manylion goleuadau allanol i’w gytuno gyda’r ACLL cyn
iddynt gael eu gosod
15. Amod mesurau
lliniaru archeolegol.
16. Diogelu’r
llecyn agored ar gyfer y dyfodol
Nodyn:
Hysbysu’r ymgeisydd o’r angen i gyflwyno cynllun strategaeth ddraenio
cynaliadwy i’w gymeradwyo gan Uned Dwr ac Amgylchedd y Cyngor
Nodyn:
Hysbysu’r ymgeisydd o ymateb Dŵr Cymru sy’n cyfeirio at garthffos
gyhoeddus yn croesi’r safle
Nodyn: Enwau Cymraeg
i’r tai yn ogystal a’r Stad/ffyrdd o fewn y stad ei hun
Cofnod:
Tynnwyd sylw at y
ffurflen sylwadau hwyr.
a)
Ymhelaethodd y Rheolwr Cynllunio ar
gefndir y cais oedd yn gais llawn ar gyfer darparu 24 o unedau preswyl gyda
phob un ohonynt yn dai fforddiadwy. Cyflwynwyd y cais
gan Grŵp Cynefin (Landlord Cymdeithasol Cofrestredig) ac yn gynllun ar y
cyd rhwng Grŵp Cynefin a Chyngor Gwynedd. Eglurwyd bod y safle, sydd
eisoes ym mherchnogaeth Grŵp Cynefin, wedi ei leoli oddi fewn i ffin
datblygu Penygroes ac wedi ei ddynodi ar gyfer tai fel
y’i cynhwysir yn y Cynllun Datblygu Lleol ar y Cyd Gwynedd a Môn. Rhennir y
cais i sawl elfen wahanol sy’n cynnwys:-
·
Darparu unedau fforddiadwy sy’n cynnwys 10
tŷ 2 ystafell wely, 3 tŷ 3 ystafell wely, 2 tŷ 3 ystafell wely,
1 tŷ 4 ystafell wely ac 8 fflat 1 ystafell wely fydd ar gael ar ffurf
cymysgedd o ddeiliadaeth fforddiadwy sydd i’w gytuno. Darparu isadeiledd i
gynnwys ffordd stad a llwybrau troed cysylltiedig,
ffensys/rheiliau a waliau cerrig.
·
Darparu llecynnau parcio ar gyfer pob
tŷ, creu mynedfa newydd o’r ffordd sirol dosbarth II B4418 ynghyd a
darparu llwybr troed drwy’r safle i gydymffurfio a’r llwybr cyhoeddus sydd yn
ei groesi.
·
Darparu llecyn amwynder o fewn y safle
ynghyd a llefydd ar gyfer crynhoi dŵr a choridor bywyd gwyllt
Adroddwyd
bod yr ymgeisydd wedi llwyddo i dderbyn grantiau gan Lywodraeth Cymru i adeiladu’r holl
unedau preswyl fel rhai fforddiadwy.
Cyfeiriwyd
at faterion tai fforddiadwy a chymysgedd tai.
Adroddwyd bod yr ymgeisydd wedi cyflwyno Nodyn Tai Fforddiadwy. Eglurwyd y byddai’r tenantiaid
yn cael ei dewis drwy bolisi tai gosod
lleol. Amcangyfrifwyd bod 70 o geisiadau ar y gofrestr aros am dai cymdeithasol yn yr ardal a’r diffyg cyflenwad yn golygu
y byddai rhai yn aros yn hir am gartref. Ystyriwyd bod y bwriad yn gam mawr i’r
cyfeiriad cywir i gartrefu pobl yn eu hardal leol drwy ddatblygu cynllun o
ansawdd fyddai’n diwallu anghenion cydnabyddedig drwy ddarparu cymysgedd
briodol o unedau.
Nodwyd
bod materion mwynderau gweledol, cyffredinol a phreswyl a materion trafnidaieth
yn dderbyniol. Yng nghyd-detun materion llifogydd a draenio, nodwyd bod
Dŵr Cymru wedi cadarnhau bodlonrywdd bod yr asedau yn cael eu gwarchod
mewn ffordd briodol.
Wrth
gyfeirio at faterion ieithyddol, adroddwyd bod datganiad iaith wedi ei gyflwyno
gyda’r cais ynghyd a diwygiad pellach. Ategwyd bod sylwadau pellach wedi eu
cyflwyno (22/3/21) gan yr Uned Iaith yn cadarnhau nad
oedd ganddynt wrthwynebiad i’r cais oherwydd bod y materion addysg a’r angen am
dai wedi eu cadarnhau.
Adroddwyd
bod Swyddog Gwybodaeth yr Adran Addysg wedi nodi bod Ysgol Gynradd Bro Lleu
dros ei chapasiti ac o ganlyniad bod cyfiawnhad i ofyn am gyfraniad er mwyn diwallu’r
diffyg capasiti yma drwy gyfrannu swm penodol o £64,614. Ategwyd bod yr
ymgeisydd wedi derbyn cadarnhad gan swyddogion cynllunio bod angen cyfraniad
addysgol a gellid sicrhau hyn drwy arwyddo cytundeb cyfreithiol o dan Adran
106.
Yng
nghyd-destun llecynnau chwarae, amlygwyd bod diffyg llecynnau chwarae gyda
chyfarpar i blant yn yr ardal. Nodwyd bod yr ymgeisydd yn cynnig 1040m2 o lecyn
agored heb gyfarpar ar y safle, gydag esboniad na ellid darparu offer ar y
llecyn agored oherwydd yr angen am fynediad i wasanaethau megis Dŵr Cymru.
Er
bod y bwriad yn cynnwys llecyn agored bwriedig, nid yw’r llecyn yn cwrdd â’r
angen ar gyfer llecyn gydag offer. Er mwyn cydymffurfio a gofynion polisi ISA5
o’r CDLl ynghyd a’r CCA: Llecynnau Agored mewn Datblygiadau Tai Newydd, cafwyd
cadarnhad y bydd yn ofynnol i’r datblygwr ddarparu cyfraniad o £8911.54 drwy
gytundeb 106 er mwyn sicrhau darpariaeth briodol yn yr ardal leol.
Ni ystyriwyd fod y bwriad yn groes i bolisïau lleol
na chenedlaethol ac nad oedd unrhyw fater cynllunio
perthnasol yn gorbwyso’r ystyriaethau polisi. O ganlyniad, ystyriwyd fod y bwriad yn dderbyniol
yn ddarostyngedig ar gwblhau Cytundeb 106 i sicrhau cyfraniad addysg a
chyfraniad llecyn agored ac i gynnwys amodau priodol.
b)
Yn
manteisio ar yr hawl i siarad nododd yr ymgeisydd y pwyntiau canlynol:
·
Bod y
datblygiad yn bwysig iawn i Grŵp Cynefin – ei fod ar ei stepen drws
·
Cynhaliwyd
ymgynghoriad sylweddol ar y datblygiad trwy arolwg anghenion tai a gynhaliwyd
gan yr Hwylusydd Tai Gwledig a hefyd proses cyn ymgeisio cynllunio
·
Cynlluniau
wedi ei diwygio ar sawl achlysur - bod datblygiad y 24 cartref newydd hyn a'r
gymysgedd a gyflwynir yn y cais yn ymateb i adborth a phryderon a godwyd.
·
Bod y
tir eisoes ym mherchnogaeth Grŵp Cynefin ac wrth ei ddatblygu mae'n
cyf;wyno heriau, gyda'r angen i fynd i'r afael ag amodau tir annormal sylweddol
a lleoliad gwasanaethau ar ran o'r safle. Fodd bynnag, y datblygiad fel y'i
dyluniwyd a'i gyflwyno yn mynd i'r afael â hyn.
·
Y bwriad
yw adeiladu 24 o gartrefi carbon isel ac ynni effeithlon newydd, a llwyddwyd i
gael arian grant gan Lywodraeth Cymru trwy’r Rhaglen Tai Arloesol
·
Fel
Landlord Cymdeithasol Cofrestredig, bydd yr holl gartrefi newydd ar gael i bobl
leol ar ddeiliadaeth fforddiadwy cymysg. Bydd y ddeiliadaeth yn unol â'r
ddeiliadaeth fforddiadwy a ganiateir gan amodau'r grantiau sydd ar gael gan
Lywodraeth Cymru ar gyfer y datblygiad
·
Yn
gweithio'n agos gyda Chyngor Cymuned Llanllyfni, Cyngor Gwynedd a Tai Teg i
gytuno ar bolisi gosod lleol ar gyfer y cartrefi newydd yma.
c)
Yn
manteisio ar yr hawl i siarad nododd yr Aelod Lleol y pwyntiau canlynol
·
Bod
angen dirfawr am dai i bobl lleol
·
Diffyg tai yn un o heriau Cyngor Gwynedd,
felly croesawu’r datblygiad
·
Yn
ddatblygiad arloesol, amgylcheddol gyfeillgar
·
Yn
ymateb i’r angen am dai yn lleol
·
Ymfalchïo
yn y cynllun
·
Cefnogaeth
llawn i’r cynllun
ch) Cynigiwyd ac eiliwyd i ganiatáu y cais
d)
Yn ystod
y drafodaeth ddilynol nodwyd y sylwadau canlynol gan aelodau:
·
Bod y tai
yn rhai o ansawdd da
·
Gosodiad
yn dderbyniol
·
Hapus
gyda’r amodau a’r dyluniad
·
Croesawu
amod argymhellion yr Uned Coed
·
Bod
angen ystyried enwau Cymraeg ar y tai
·
Croesawu’r
datblygiad
·
Angen am
dai yn lleol
Mewn ymateb i sylw bod 24 yn lawer o dai a bod angen osgoi gweld
sefyllfa o dai gwag fyddai o ganlyniad yn cael eu gwerthu fel tai marchnad
agored, nododd y Rheolwr Cynllunio bod yr ymgeisydd yn landlord cofrestredig
fydd yn derbyn grant sydd yn clymu’r tai fel rhai fforddiadwy yn unig - bydd y
tai yn cael eu gosod ar rent drwy bartneriaeth rhwng y Cyngor a Grŵp
Cynefin.
Mewn
ymateb i sylw am enwau tai Cymraeg, amlygwyd bod trefn
statudol i enwi tai ac na fyddai yn rhesymol gosod amod i sicrhau hyn. Ategwyd
bod Rheolaeth Adeiladu gyda chyfrifoldeb dros enwi stadau a rhifo tai. Byddai modd
annog pobl i ddefnyddio enwau Cymraeg - awgrym i osod nodyn i amlygu’r
dymuniad.
PENDERFYNWYD
Dirprwyo’r hawl i Bennaeth
Cynorthwyol Adran yr Amgylchedd i ganiatáu’r cais yn ddarostyngedig i dderbyn
ymateb ffafriol gan Dwr Cymru ac i’r ymgeisydd gwblhau cytundeb o dan Adran 106
er mwyn sicrhau cyfraniad ariannol ar gyfer darpariaeth addysgol a chyfraniad
llecyn agored.
Amodau
1. 5 mlynedd.
2. Yn unol â’r dogfennau/cynlluniau a
gyflwynwyd gyda’r cais.
3. Llechi naturiol.
4. Samplau o’r deunyddiau a’r lliwiau ar
gyfer y tai ynghyd a manylion y paneli solar i’w
cytuno gyda’r ACLL.
5. Amodau Priffyrdd.
6. Tirlunio meddal a chaled.
7. Amodau Bioamrywiaeth a Choed
8. Cyfyngu ar oriau gweithio i 08:00 -
18:00 yn yr wythnos, 08:00 - 12.00 ar ddydd Sadwrn a dim o gwbl ar y Sul a
Gwyliau Banc.
9. Manylion Llwybr
10. Cytuno manylion parthed enwau Cymraeg ar
gyfer y datblygiad ynghyd ac arwyddion sy’n hysbysu ac yn hyrwyddo’r datblygiad
o fewn ac oddi allan y safle.
11. Sicrhau cynllun/trefniadau ar gyfer
darparu’r unedau fforddiadwy.
12. Tynnu hawliau datblygu cyffredinol o’r
unedau fforddiadwy.
13. Cyflwyno Datganiad Dull Adeiladu gan
gynnwys darpariaeth parcio cerbydau’r adeiladwyr.
14. Cyflwyno manylion goleuadau allanol i’w
gytuno gyda’r ACLL cyn iddynt gael eu gosod.
15. Amod mesurau lliniaru archeolegol.
16. Diogelu’r llecyn agored ar gyfer y dyfodol
Nodyn:
Hysbysu’r ymgeisydd o’r angen i gyflwyno cynllun strategaeth ddraenio gynaliadwy
i’w gymeradwyo gan Uned Dwr ac Amgylchedd y Cyngor
Nodyn:
Hysbysu’r ymgeisydd o ymateb Dŵr Cymru sy’n cyfeirio at garthffos
gyhoeddus yn croesi’r safle.
Nodyn:
Enwau Cymraeg i’r tai yn ogystal â’r Stad/ffyrdd o
fewn y stad ei hun
Dogfennau ategol: