Agenda item

Rhoi cyflwyniad a diweddariad i Aelodau ar gynnydd Trafnidiaeth Cymru ar waith sy'n cael ei wneud ar Adolygiad Rhwydwaith Bws Cenedlaethol Cymru.

 

Rhoi cyflwyniad a diweddariad i Aelodau ar gynnydd Trafnidiaeth Cymru ar waith sy'n cael ei wneud ar brosiectau o fewn Metro Gogledd Cymru.

 

 

Cyflwyniad gan Lee Robinson, TfW.

 

Metro Gogledd Cymru

 

Rhannwyd cyflwyniad gyda’r Is-Fwrdd yn egluro’r darlun cenedlaethol ac yna ffocysu ar Ogledd Cymru a’r prosiectau sydd ar waith. Eglurwyd cyd-destun y rhaglen Metro Gogledd Cymru a thywyswyd yr Is-Fwrdd drwy’r amserlen arfaethedig a’r parthau dan sylw.

 

Trafodwyd y prif amcanion ynghylch Metro gogledd Cymru gan gynnwys:

 

-       Bod angen diwygio ambell i amserlen bresennol gan eu bod yn gyfyng

-       Nifer o adrannau gydag arwyddion wedi dyddio

-       Ar y cyfan, mae cyflymdra isel ar y lein

-       Bod angen gwerthuso cyflwr presennol asedau sy’n ymwneud a’r Metro

-       Nodi bod rhai gorsafoedd yn parhau i fod yn anhygyrch

-       Croesfannau rheilffordd yn amharu ar y gallu i gynnal trenau sy’n rhedeg yn gyflymach ac yn amlach.

 

Amlygwyd y camau nesaf fel a ganlyn:

 

-       Gwaith parhaus gydag Network Rail er mwyn gwerthuso croesfannau rheilffordd a chyfarch yr anghenion yn y gobaith o gyrraedd datrysiad parhaol i’r sefyllfa.

-       Gwelliannau i ddod er enghraifft yn Shotton a Glannau Dyfrdwy er mwyn cynyddu cynhwysedd.

-       Dealltwriaeth o pan ddefnyddir ceir fel modd trafnidiaeth wrth deithio rhwng Gogledd Cymru a dinasoedd fel Manceinion. Archwilio cysylltiad gyda HS2.

-       Archwilio llefydd lle gallai addasu’r ddarpariaeth heb angen newid sylweddol i’r isadeiledd, er enghraifft o amgylch Gaer a Llandudno.

-       Archwilio estyniad gwasanaeth yn llefydd megis Caernarfon a Lein Amlwch.

 

 

Bysiau Rhanbarthol

 

Aethpwyd ati i drafod materion ynghylch bysiau rhanbarthol, gan dynnu sylw at y prif egwyddorion fel a ganlyn:

 

-       Awdurdodau lleol wedi cytuno mai prif amcan yw cynyddu defnydd ar y rhwydwaith bysiau.

-       Amlygwyd yng Ngogledd Cymru mewn sawl ardal nad oedd dewis amgen gan ddefnyddwyr a dyna pam mae cyfrannau uchel o ddefnyddwyr i’w gweld.

-       Canfyddiad yw cyflwyno’r rhwydweithiau mewn modd sy’n caniatáu gwella cysylltedd gan fod y rhwydwaith mor gymhleth.

-       Trefnwyd cytundebau tocynnau er mwyn hwyluso prynu tocynnau, i gael mynediad at ddata defnyddwyr, ac i wella effeithlonrwydd.

-       Soniwyd am brosiectau traws Gogledd Cymru mewn ardaloedd megis Bangor, Prestatyn a Chaergybi.

-       Nodwyd bod gwaith yn digwydd gydag Awdurdodau Lleol er mwyn adnabod safleoedd posib Parcio a Theithio megis Bangor, Rhyl a Chyffordd Llandudno a fyddai hefyd yn cael effaith bositif ar y Parc Cenedlaethol gan leihau’r problemau parcio.

-       Eglurwyd bod cynllun peilot ar waith er mwyn cyfyngu prisiau tocynnau

-       Cwmni bysiau Traws Cymru yn edrych ar ffyrdd o ganiatáu integreiddio gyda’r trenau er mwyn hwyluso teithio.

 

 

Cododd y sylwadau isod yn ystod y drafodaeth:

 

 

-       Gofynnwyd y Cadeirydd am fwy o wybodaeth ynghylch y raddfa amser tebygol ar gyfer y camau nesaf.

-       Mynegwyd un aelod bod angen gweithio ar frandio Metro Gogledd Cymru er mwyn ei hyrwyddo.

-       Cytunwyd bod gwasanaeth amserlennu yn bwysig iawn pan mae nifer uchel o ddefnyddwyr er mwyn cadw hyder yn y gwasanaeth

-       Gofynnwyd a oes unrhyw gynlluniau i addasu’r weledigaeth wrth i’r gweinidog trafnidiaeth newydd ymgymryd yn ei swydd.

Holwyd aelod ynghylch cyllid ac os oedd cadarnhad o gyllid tymor hir er mwyn ariannu’r prosiectau sydd ar y gweill

-       Nodwyd y byddai cysylltiadau o reilffordd Bangor yn gwella rhwydwaith teithio nifer o drigolion, gan gynnwys hwyluso’r daith i’r gweithle neu Ysgol/Coleg.

-       Ategwyd hyn i nodi yn sicr nad diwallu anghenion ymwelwyr yn unig sydd angen a phwysleisiwyd pwysigrwydd diwallu anghenion lleol

-       Mynegwyd diddordeb mewn cydweithio efo’r Parc Cenedlaethol i fonitro sefyllfa trafnidiaeth yn Eryri. Pwysleisiwyd pwysigrwydd bod aelodau’r Is-Fwrdd efo mewnbwn yn nhrafodaethau.

-       Diolchwyd Lee Robinson am yr adroddiad sy’n amlygu faint o waith sydd yn digwydd o fewn y meysydd trafnidiaeth.

 

 

 

Mewn ymateb i’r sylwadau uchod nodwyd:

 

-       Y byddai modd sicrhau cysondeb gyda’r elfen marchnata er mwyn amlygu cysyniad o Fetro Gogledd Cymru.

-       Mynegwyd nad oedd bwriad i newid cyfeiriad y gwaith arfaethedig na’r ddamcaniaeth bresennol wedi i Ken Skates sefyll i lawr fel gweinidog dros yr Economi, Trafnidiaeth a Gogledd Cymru.

-       Ynghylch cyllid, nodwyd nad oedd sicrwydd pendant i gyllido’r prosiectau dan sylw, fodd bynnag mae cynllun 5 mlynedd mewn egwyddor yn awgrymu y bydd cyllid ar gael.

-       Cyfeiriwyd at faniffesto’r Blaid Lafur ynghylch Trafnidiaeth, yn arbennig o amgylch gwella trafnidiaeth yn y Gogledd.

-       Teithio actif yn bwysig iawn ac mae angen edrych ar ffyrdd i ganiatáu mynediad at orsafoedd a threnau ar feic neu ar droed.

 

Awgrymwyd bod angen cyfarfod arall yn yr Haf cyn y cyfarfod nesaf arfaethedig yn yr Hydref ar gyfer trafod blaenoriaethau’r Is-Fwrdd.