Agenda item

Dafydd L Edwards a Sian Pugh i ddarparu sefyllfa alldro terfynol 2020/21 i Fwrdd Uchelgais Economaidd Gogledd Cymru a chael cymeradwyaeth i'r Ffurflen Flynyddol Swyddogol ar gyfer 2020/21.

Nodwyd a derbyniwyd Cyfrif Incwm a Gwariant Refeniw'r Cydbwyllgor ar gyfer 2020/21.

Cymeradwywyd Ffurflen Flynyddol Swyddogol y Cydbwyllgor ar gyfer 2020/21 (amodol ar Archwiliad Allanol), yn unol â’r amserlen statudol, sef 31 Mai 2021. Roedd y Ffurflen Flynyddol wedi’i gwblhau a’i ardystio’n briodol gan y Swyddog Cyllid Cyfrifol, sef Pennaeth Cyllid Cyngor Gwynedd fel Swyddog Statudol y Cydbwyllgor.  Awdurdodwyd y Cadeirydd i lofnodi’r Ffurflen Flynyddol er mwyn cadarnhau fod y Cyd-bwyllgor wedi cymeradwyo’r datganiadau ariannol arno.

Cymeradwywyd y trosglwyddiad o’r tanwariant o £241,023 i’r gronfa wrth gefn.

Clustnodwyd £4,953 o’r llog a dderbyniwyd ar y grant o £16m yn erbyn costau benthyca yn y dyfodol. 

Cyflwynwyd yr adroddiad gan Dafydd L Edwards (Swyddog Statudol Statudol – Awdurdod Lletya) a Sian Pugh (Cyfrifydd Grŵp – Corfforaethol a Phrosiectau).

PENDERFYNWYD

Nodwyd a derbyniwyd Cyfrif Incwm a Gwariant Refeniw'r Cydbwyllgor ar gyfer 2020/21.

Cymeradwywyd Ffurflen Flynyddol Swyddogol y Cydbwyllgor ar gyfer 2020/21 (amodol ar  Archwiliad Allanol), yn unol â’r amserlen statudol, sef 31 Mai 2021. Roedd y Ffurflen Flynyddol wedi’i gwblhau a’i ardystio’n briodol gan y Swyddog Cyllid Cyfrifol, sef Pennaeth  Cyllid Cyngor Gwynedd fel Swyddog Statudol y Cydbwyllgor. Awdurdodwyd y Cadeirydd i lofnodi’r Ffurflen Flynyddol er mwyn cadarnhau fod y Cydbwyllgor wedi cymeradwyo’r  datganiadau ariannol arno.

Cymeradwywyd y trosglwyddiad o’r tanwariant o £241,023 i’r gronfa wrth gefn.

Clustnodwyd £4,953 o’r llog a dderbyniwyd ar y grant o £16m yn erbyn costau benthyca yn y dyfodol.

RHESYMAU DROS Y PENDERFYNIAD

Mae angen i’r Cydbwyllgor fod yn ymwybodol o’i sefyllfa ariannol ar gyfer 2020-21 a chydymffurfio â’r gofynion statudol yn nhermau cwblhau Ffurflen Flynyddol Swyddogol Archwilydd Cyffredinol Cymru, sef yr arferiad priodol ar gyfer adroddiad cyfrifon cydbwyllgorau ag incwm a gwariant sy’n llai na £2.5 miliwn

TRAFODAETH

Cyflwynwyd yr adroddiad gan nodi mai eleni fydd y flwyddyn olaf y bydd y Bwrdd Uchelgais yn cymeradwyo'r Ffurflen Flynyddol Swyddogol gan y bydd yr incwm a gwariant yn codi dros y trothwy o £2.5m, ac felly bydd angen i ddatganiadau mwy manwl. Nodwyd fod grant wedi ei dderbyn cyn diwedd y flwyddyn ariannol ar gyfer 2021/22 ac felly wedi ei nodi fel credydwyr yn adroddiad. Mynegwyd fod yr adroddiad yn debyg iawn i’r adroddiad monitro a dderbyniwyd yn gynharach yn y flwyddyn.

Nodwyd fod tanwariant o £641mil i’w gweld yn y Swyddfa Rheoli Rhaglen sydd yn gynnydd bychan ers yr adolygiad trydydd chwarter gan esbonio ei fod o  ganlyniad i ad-daliad a dderbyniwyd gan Gyngor Conwy ar gyfraniad y Tîm Ymgysylltu Rhanbarthol a lleihad yng ngwariant ar y pennawd Cynllunio, Datblygu a Chefnogi Prosiectau. Nodwyd fod tan wariant o £29mil dan y pennawd Gwasanaethau Cefnogol o ganlyniad i ostyngiad yn y gwariant ar wasanaethau cefnogol y Corff Atebol.

Mynegwyd fod yr incwm ar gyfer 2020/21 yn cynnwys cyfraniadau partneriaid, Grantiau ESF a grantiau bychan eraill. Yn ychwanegol, esboniwyd fod ad-daliad Tîm Ymgysylltu ar gyfer 2019-20 wedi ei dderbyn a llog ar falansau a oedd yn cynnwys bron i £5mil o log ar y grant cyfalaf o £16m a dderbyniwyd ganol Mawrth. Eglurwyd fod y grant cyfalaf hwn yn cael ei ddangos fel credydwr ar y Datganiad o Falansau ar y Ffurflen Flynyddol ac y bydd ar gael i ariannu’r rhaglen gyfalaf yn 2021/22 unwaith mae’r achosion busnes terfynol wedi eu cymeradwyol

Nodwyd fod hyn yn gadael sefyllfa ariannol derfynol ar gyfer 2020/21 yn danwariant o £241mil. Esboniwyd fod yr arian wedi ei drosglwyddo i’r gronfa werth gefn i  roi balans o £738mil. Ategwyd fod £415mil o’r gronfa eisoes wedi ei glustnod fel rhan o gyllideb 2021/22 fel y cymeradwywyd gan y Bwrdd Uchelgais yn ôl ym mis Mawrth. Eglurwyd y bydd hyn yn gadael balans o £323 o filoedd yn y gronfa wrth gefn.

Yn ystod y drafodaeth, codwyd y materion a ganlyn:-

·         Holwyd os yw’r sefyllfa fel yr oedd y swyddogion yn disgwyl iddo fod. Mynegwyd fod y sefyllfa rhywfaint yn well, gan nodi fod tanwariant o ganlyniad i fethu penodi.

·         Gofynnwyd a oedd targed ar gyfer y gronfa wrth gefn, nodwyd nad oedd ffigwr penodol ond bydd angen wrth edrych ar gynllun tymor canolig er mwyn delio gydag unrhyw risgiau allai godi.