Cais ar gyfer
codi adeilad cynhyrchu wyau maes gan gynnwys seiloau a gwaith cysylltiedig
Aelod Lleol: Cynghorydd Gareth Williams
Penderfyniad:
Caniatáu yn ddarostyngedig i’r
amodau canlynol:
Cofnod:
Cais ar gyfer codi
adeilad cynhyrchu wyau maes
gan gynnwys seiloau a gwaith cysylltiedig
Tynnwyd sylw at y ffurflen sylwadau hwyr.
a) Ymhelaethodd yr
Arweinydd
Tîm Rheolaeth Datblygu ar gefndir y cais gan nodi mai cais ydoedd ar gyfer
codi uned amaethyddol i gadw
ieir sy’n cynhyrchu wyau maes, ynghyd a chodi seiloau a gwaith cysylltiedig ar Fferm Crugeran, Sarn Mellteyrn. Byddai’r sied arfaethedig
wedi ei lleoli
yn baralel i sied ieir
presennol ar y safle - o’r un
dyluniad a maint yn cartrefu
hyd at 32,000 o ieir dodwy. Bydd y pedwar
seilo porthiant oddeutu 6.8 medr mewn uchder, o liw llwyd las ac wedi ei lleoli
gyfochrog a’r sied.
Adroddwyd bod y safle wedi ei
leoli yng nghefn gwlad, o
fewn dynodiad Ardal Tirwedd Arbennig,
Tirwedd Hanesyddol Gofrestredig Llŷn ac Enlli. Yng nghyd-destun
mwynderau gweledol, mae gosodiad
y sied ieir presennol yn gymharol
wastad o fewn tirwedd donnog sy’n sicrhau mai
golygfeydd ysbeidiol sydd o’r sied
bresennol o’r dirwedd gyfagos. Nid yw’n ymddangos yn
ymwthiol nac allan o le o fewn
yr Ardal Tirwedd Arbennig. Byddai’r sied arfaethedig
wedi ei lleoli
yn baralel i’r
sied bresennol, ac felly wedi ei sgrinio,
i raddau o’r golygfeydd amlycaf.
Eglurwyd bod rhai tai annedd
yng nghyffiniau’r cais. Ni dderbyniwyd unrhyw wrthwynebiadau gan drigolion lleol
i’r bwriad, sy’n gadarnhaol ac yn amlygu’r modd
y mae’r fferm yn cael ei
rheoli. Ymgynghorwyd
gydag Uned Gwarchod y Cyhoedd y Cyngor ynglŷn â’r materion sŵn. Nid oedd yr
Uned yn ystyried
y Cynllun Rheoli Sŵn a dderbyniwyd yn ddigonol. Argymhellwyd,
oherwydd lleoliad gwledig yr uned,
y dylai Asesiad Sŵn gael
ei gynnal a’i gytuno cyn
dechrau adeiladu'r uned i sicrhau
na fyddai’r uned yn cael
effaith sŵn ar drigolion cyfagos
nac yn codi
lefelau sŵn cefndirol annerbyniol yn yr ardal.
Bwriedir defnyddio
mynedfa bresennol y fferm a’r trac
mynediad i’r sied bresennol ar gyfer gwasanaethu’r
bwriad. O ran patrymau trafnidiaeth, bydd disgwyl i
lori HGV ddod
draw 2/3 gwaith y mis i gludo bwyd
i’r ieir fel y trefniant sydd i’r sied
ieir presennol. Bydd wyau’n cael eu
casglu bob 3 diwrnod a lorïau yn cario
ieir newydd bob rhyw 13 mis. Ac eithrio hynny, bydd mynd a dod dyddiol gan weithwyr y fferm. Nododd yr
Uned Drafnidiaeth nad oedd
ganddynt wrthwynebiad i’r cais ac mai
dim ond ychwanegiad bychan mewn lefelau
traffig a ragwelir.
O
ystyried yr holl faterion perthnasol
gan gynnwys polisïau a chanllawiau cenedlaethol a lleol, ynghyd â’r ymatebion
a dderbyniwyd yn dilyn proses ymgynghori, ystyriwyd fod y bwriad yn dderbyniol
yn ddarostyngedig i gynnwys amodau.
b)
Yn manteisio ar yr hawl i
siarad noddodd yr ymgeisydd y pwyntiau canlynol:
·
Ei
fod yn hapus iawn gyda’r ffordd y mae’r sied bresennol wedi cryfhau eu busnes
ffermio.
·
Y sied bresennol wedi cymryd ei lle
yn dda iawn
yn y tirlun.
·
Yn deulu a busnes
Cymraeg - byddai ail sied yn cynnig mwy
o gyfleoedd gwaith i bobl Cymraeg lleol
·
Bod
yr asiantaethau i gyd, gan gynnwys CNC yn hapus gyda’r drwydded a’r cais am yr
ail sied.
·
Bod y galw am wyau maes
yn cynyddu oherwydd llesiant yr ieir, a hefyd
ei fod yn
gynnyrch iach.
·
Yn ogystal â’r wyau, mae’r tail yn werthfawr iawn
oherwydd lleihad yn y defnydd o wrtaith artiffisial a’r ffaith ei
fod yn iachach
i’r pridd.
·
Bod datblygu busnes eang a chryf
yn bwysig iawn wrth edrych
i’r dyfodol, gan roi cyfle
i’w blant, dau fab ag un ferch,
gael bywoliaeth ym Mhen Llyn.
c)
Yn manteisio ar yr hawl i siarad nododd yr
Aelod Lleol y pwyntiau canlynol:
·
Ei fod yn llwyr gefnogi’r cais.
·
Nad oedd wedi derbyn unrhyw gwynion o ardal
Botwnnog yn ystod yr amser ymgynghori.
·
Bu’r
sied bresennol yn fodd ardderchog
i godi arian i’r ardal drwy gynnal
diwrnodau agored, yn ogystal â chodi
arian tuag at Eisteddfod Genedlaethol Pen Llyn yn y dyfodol agos.
·
Nad
yw’r sied bresennol yn amharu
ar y tirlun – yn cymryd ei
lle yn daclus
dros ben ac yn gweddu i’r tirlun
o’i chwmpas.
·
Yn
dilyn llwyddiant y perchnogion, ac ers i’r sied gael ei chodi
yn Hydref 2017, mae’r trydydd ffloc
o ieir yno erbyn hyn. Mae un rheolwr llawn amser yn
gweithio yno ynghyd a chwe pherson
lleol, rhan amser
·
Oherwydd llwyddiant y fenter, cryfhawyd busnes
y fferm a sicrhawyd gwaith i’r rhai sy’n gweithio arni - mae’r perchnogion bob
amser yn chwilio am ddulliau o ddatblygu busnes er mwyn eu budd eu hunain ac yn
ogystal â’r cenedlaethau sy’n dilyn.
·
Mae’r
tail ieir wedi creu arbedion ariannol
mewn gwrtaith artiffisial ar gyfer gwella ansawdd
y tir.
·
Mae mwy o alw am wyau maes rhydd gan eu bod yn
iachus i’w bwyta.
·
Bod y teulu yn creu cyflogaeth
i Gymry Cymraeg lleol. Yn
gyfle gwych i greu mwy
o gyfleoedd gwaith i ieuenctid lleol weithio’n eu cynefin. Gyda
mwy a mwy o bobl ddieithr dros
y ffin yn prynu cartrefi Pen Llyn, mae
canfod gwaith ‘adref’ yn sicr
o ostwng.
·
Bod menter gyntaf Crugeran
gyda’u sied ieir wedi bod yn llwyddiant ysgubol ac felly yn gefnogol i’r cais
am ail sied
ch) Cynigwyd ac eiliwyd i ganiatáu y cais
d)
Yn ystod y drafodaeth ddilynol nodwyd y sylwadau canlynol gan aelodau:
·
Bod y busnes yn creu gwaith
yn lleol
·
Bod yr adeiladau at bwrpas amaethyddol wedi ei gosod ar
dir amaethyddol
·
Bod y teulu yn rheoli’r busnes
mewn modd cyfrifol
·
Bod y sied wedi ei lleoli
ar ehangder o dir
·
Bod menter o’r fath yn
bwysig i gefn gwlad
e) Mewn ymateb i gwestiwn
ynglŷn â faint o diriogaeth
oedd ar gyfer
yr ieir, amlygwyd bod 1 hectar ar gyfer 2000 o ieir. Ategwyd bod yr ieir yn
cael eu rhyddhau
o’r sied ar drefniant cylchdroi
ac yn cael rhyddid i drigo
tu mewn i’r
sied a thu
allan yn y caeau. Nodwyd bod yr ymgeisydd yn
gorfod cydymffurfio a gofynion llesiant yr ieir.
PENDERFYNWYD
Caniatáu yn ddarostyngedig
i’r amodau canlynol:
1.
Cychwyn
o fewn 5 mlynedd.
2. Unol a’r cynlluniau.
3. To a waliau
allanol i fod o liw gwyrdd
tywyll i gydweddu’r sied bresennol
4. Lliw'r biniau porthiant i gydweddu’r rhai
presennol.
5. Defnydd amaethyddol o’r adeilad yn unig.
6. Cyflwyno
cynllun tirlunio
7. Cyflwyno
Asesiad Effaith Sŵn cyn dechrau’r
datblygiad
8. Cyflwyno Asesiad i Effaith Mater Gronynnol Llygredd cyn dechrau’r datblygiad
9. Cyflwyno
Cynllun Gwella Bioamrywiaeth cyn dechrau’r datblygiad
10. Cyflwyno Cynllun Rheoli Tail diwygiedig cyn dechrau’r datblygiad
Dogfennau ategol: