Canolfan y Fron, Llandwrog, Caernarfon, LL54 7BB.
I ystyried y cais
Penderfyniad:
Caniatáu’r cais
Cofnod:
1.
CAIS AM DRWYDDED EIDDO – Canolfan y Fron,
Llandwrog, Caernarfon
Ar
ran yr eiddo:
Mike Elsden (ymgeisydd)
Eiriona Williams (cynrychiolydd yr ymgeisydd)
Eraill
a wahoddwyd:
Preswylwyr
Cyfagos:
Edward Willcox
Jim Embrey
Aelod Lleol: Cynghorydd Dilwyn Lloyd
Croesawodd y Cadeirydd bawb i’r cyfarfod. Amlygodd
y Cadeirydd y byddai gan bob parti hawl i hyd at 5 munud i gyflwyno eu sylwadau
a)
Adroddiad yr Adran Trwyddedu
Cyflwynwyd
adroddiad y Rheolwr Trwyddedu yn manylu ar gais am drwydded eiddo ar gyfer
Canolfan y Fron, Llandwrog, Caernarfon. Gwnaed y cais mewn perthynas â dangos
ffilmiau, dramâu, chwaraeon o dan do, paffio neu adloniant ymgodymu,
cerddoriaeth byw ac wedi ei recordio, perfformiadau dawns a gwerthu alcohol.
Nodwyd bod gan Swyddogion
yr Awdurdod Trwyddedu tystiolaeth ddigonol bod y cais wedi ei gyflwyno yn unol
â gofynion Deddf Trwyddedu 2003 a’r rheoliadau perthnasol. Cyfeiriwyd at y
mesurau yr oedd yr ymgeisydd yn ei argymell i hyrwyddo’r amcanion trwyddedu ac
amlygwyd y byddai’r mesurau hyn yn cael eu cynnwys ar y drwydded.
Tynnwyd sylw at yr
ymatebion a dderbyniwyd yn ystod y cyfnod ymgynghori. Nodwyd bod sawl
gwrthwynebiad wedi ei dderbyn gan breswylwyr cyfagos a Chymdeithas Preswylwyr y
Fron oedd yn cynnwys deiseb wedi ei arwyddo gan 36 o breswylwyr yn nodi amodau
ac amseroedd derbyniol. Nid oedd sylwadau na gwrthwynebiadau wedi eu derbyn gan
yr Heddlu na’r Gwasanaeth Tan.
Roedd y
gwrthwynebiadau yn cyfeirio at bob un o’r amcanion trwyddedu. Mynegwyd pryderon
ar faterion gwrthgymdeithasol o ran sŵn, niwsans cyhoeddus, materion
glanweithiol, parcio a throsedd ac anrhefn. Nodwyd hefyd nad oedd Pwyllgor y
Ganolfan wedi ceisio ymgynghoriad cyhoeddus o flaen llaw, a bod oriau
arfaethedig yr ymgeisydd yn codi pryder.
Argymhellwyd fod y
Pwyllgor yn ystyried pryderon y preswylwyr cyfagos ac yn cymeradwyo’r cais yn
unol â gofynion y Ddeddf Drwyddedu 2003.
Wrth ystyried y cais dilynwyd y drefn ganlynol-:
·
Rhoi
cyfle i aelodau’r Is-bwyllgor a’r ymgeisydd ofyn cwestiynau i’r Rheolwr Trwyddedu
·
Gwahodd
yr ymgeisydd i ymhelaethu ar y cais
·
Rhoi cyfle i’r ymgynghorai
gyflwyno eu sylwadau
·
Gwahodd
deilydd y drwydded neu ei gynrychiolydd i ymateb i’r sylwadau
·
Rhoi
cyfle i aelodau’r Is-bwyllgor ofyn cwestiynau i ddeilydd y drwydded.
·
Rhoi
cyfle i aelodau’r Is-bwyllgor ofyn cwestiynau i’r ymgynghorai
Wrth ymhelaethu ar y cais, nododd cynrychiolydd yr
ymgeisydd:
·
Ni
fydd adloniant yn cael ei gynnal tu allan ar ôl 22:00
·
Ni
fydd alcohol yn cael ei werthu o’r siop ar ôl 21:00
·
Ni
fydd alcohol yn cael ei werthu o’r bwyty ar ôl 21:00
·
Oriau
arferol yw 8:30 – 17:30
·
Gobaith yw cynnal digwyddiadau ac felly’r angen yn
codi am estyniad mewn oriau. Nid oes sicrwydd ar hyn o bryd oherwydd nad oes
ceisiadau am ddigwyddiad wedi ei dderbyn
·
Bwriad gohebu gyda’r gymuned leol pan gyflwyni’r
cais am ddigwyddiad
Mewn ymateb i
gwestiwn ynglŷn â niferoedd staff nodwyd mai gwirfoddolwyr rhan amser sydd
yn staffio'r siop gyda chogydd a thri arall yn helpu yn y bwyty. Cadarnhawyd
bod y Cogydd sydd a’i enw ar y drwydded bresennol wedi ymddiswyddo a bod Cogydd
newydd wedi ei phenodi. Ategwyd bod y Cogydd newydd wedi llwyddo gyda chais am
drwydded bersonol ac yn barod i dderbyn y cyfrifoldeb. Nodwyd bod angen sicrhau
na fydd alcohol yn cael ei werthu hyd nes bydd y Cogydd presennol wedi derbyn y
drwydded.
Manteisiodd yr ymgynghorai oedd yn bresennol ar y
cyfle i ymhelaethu ar sylwadau a gyflwynwyd ganddynt drwy lythyr.
Jim Embrey:
·
Bod
trwydded ‘addas’ yn dderbyniol
·
Bod Y Fron yn ardal anghysbell a thawel gydag
oddeutu 300 o drigolion yn byw yno
·
Yr
oriau agor arfaethedig yn eithafol i’r gymuned leol
·
Bod
trigolion lleol wedi cyfarfod ac wedi cytuno i estyniad oriau cyfyngedig -
ychydig o nosweithiau hwyr yn dderbyniol
Edward Willcox
·
Rhyfeddu
pam bod Canolfan y Fron heb ofyn am farn y gymuned cyn cyflwyno cais
·
Angen
ystyried effaith gwerthu alcohol ar deuluoedd sydd yn byw yn lleol
·
Bod
angen gofalu bod y drwydded yn cael ei gweithredu yn gywir
Aelod Lleol – Cynghorydd Dilwyn Lloyd
·
Pryderon
mwyaf yw sŵn ar ôl 23:00
·
Bod byngalos yr henoed drws nesaf i’r ganolfan
·
Y Fron
yn bentref bach cysglyd
·
Parcio
wedi ei amlygu fel pryder
·
Awgrym
gosod amod i gau am 22:30 i fodloni pobl leol
·
Dim
gwrthwynebiad ond pwysig rhannu sylwadau a mynegi sylwadau
Cyfeiriwyd at y sylwadau eraill a dderbyniwyd yn
ystod yr ymgynghoriad cyhoeddus
Yn manteisio ar y cyfle i gloi'r achos, nododd
cynrychiolydd yr ymgeisydd y pwyntiau canlynol:
·
Er bod
y cais yn nodi 8:30 – 23:30, ar gyfer digwyddiadau arbennig yn unig fydd hyn.
Bydd y bwyty yn cau am 21:00 fel arall.
·
Awgrymwyd mai achlysurol yn unig fyddai’r
digwyddiadau
·
Bydd y Ganolfan yn cysylltu gyda’r gymuned cyn
cytuno cynnal digwyddiad
Ategodd y Rheolwr
Trwyddedu bod yr oriau a gyflwynwyd gyda'r cais yn rhoi hyblygrwydd i’r
drwydded ac mai hanfod y cais oedd ‘bwriad achlysurol’.
Ymneilltuodd yr
ymgeisydd a’i gynrychiolydd, yr ymgynghorwyr a’r Rheolwr Trwyddedu o’r cyfarfod
tra bu i aelodau’r Is-bwyllgor drafod y cais
Wrth gyrraedd y penderfyniad ystyriodd yr Is-bwyllgor sylwadau ysgrifenedig
a gyflwynwyd gan y partïon â diddordeb ac adroddiad y Swyddog Trwyddedu.
Ystyriwyd Polisi Trwyddedu’r Cyngor a
chanllawiau’r Swyddfa Gartref. Roedd yr holl ystyriaethau yn cael eu pwyso a’u
mesur yn erbyn yr amcanion trwyddedu o
dan y Ddeddf Trwyddedu 2003, sef:
i.
Atal trosedd ac anhrefn
ii.
Atal niwsans cyhoeddus
iii.
Sicrhau diogelwch
cyhoeddus
iv.
Gwarchod plant rhag niwed
PENDERFYNWYD caniatáu’r cais
Rhoddwyd trwydded fel a
ganlyn:
1. Oriau agor
·
Amserau safonol: Sul-Sadwrn
08:30-23:00
·
Awr derfynol 00:00 ar Benwythnosau
Gŵyl Banc, Noswyl Nadolig a Dydd San Steffan
·
Awr derfynol 01:00 ar Noswyl Calan
2. Dramâu
·
Tu mewn: Sul-Sadwrn 08:30-23:00
·
Tu allan: Sul-Sadwrn 08:30-22:00
3. Ffilmiau tu mewn:
Sul-Sadwrn 08:30-23:00
4. Chwaraeon tu mewn:
Sul-Sadwrn 08:30-23:00
5. Paffio neu wreslo tu
mewn: Sul-Sadwrn 08:30-23:00
6. Cerddoriaeth fyw
·
Tu mewn: Sul-Sadwrn 08:30-23:00
(gydag awr derfynol 00:00 ar Benwythnosau Gŵyl Banc, Noswyl Nadolig a Dydd
San Steffan, ac awr derfynol 01:00 ar Noswyl Calan)
·
Tu allan: Sul-Sadwrn 08:30-22:00
(gydag awr derfynol 23:00 ar Benwythnosau Gŵyl Banc, Noswyl Nadolig, Dydd
San Steffan a Noswyl Calan)
7. Cerddoriaeth wedi
recordio
·
Tu mewn: Sul-Sadwrn 08:30-23:00
(gydag awr derfynol 00:00 ar Benwythnosau Gŵyl Banc, Noswyl Nadolig a Dydd
San Steffan, ac awr derfynol 01:00 ar Noswyl Calan)
·
Tu allan: Sul-Sadwrn 08:30-22:00
(gydag awr derfynol 23:00 ar Benwythnosau Gŵyl Banc, Noswyl Nadolig, Dydd
San Steffan a Noswyl Calan)
8. Perfformiadau dawns
·
Tu mewn: Sul-Sadwrn 08:30-23:00
·
Tu allan: Sul-Sadwrn 08:30-22:00
9. Un rhywbeth o ddisgrifiad tebyg i
gerddoriaeth fyw, cerddoriaeth wedi recordio
neu berfformiadau dawns
·
Tu mewn: Sul-Sadwrn 08:30-23:00
(gydag awr derfynol 00:00 ar Benwythnosau Gŵyl Banc, Noswyl Nadolig a Dydd
San Steffan, ac awr derfynol 01:00 ar Noswyl Calan)
·
Tu allan: Sul-Sadwrn 08:30-22:00
(gydag awr derfynol 23:00 ar Benwythnosau Gŵyl Banc, Noswyl Nadolig, Dydd
San Steffan a Noswyl Calan)
10. Cyflenwi alcohol i yfed
ar ac oddi ar yr eiddo
·
Amserau safonol: Sul-Sadwrn
08:30-21:00
·
Amserau pan fo digwyddiad preifat:
Sul-Sadwrn siop 08:30-21:00, caffi - bar 08:30-23:00
·
Awr derfynol 00:00 yn y caffi -
bar ar Benwythnosau Gŵyl Banc, Noswyl Nadolig a Dydd San Steffan
·
Awr derfynol 01:00 yn y caffi -
bar ar Noswyl Calan
11. At ddibenion yr amodau hyn, diffinnir
Penwythnosau Gŵyl Banc fel cyfnod yn cychwyn ar ddydd Gwener ac yn gorffen
ar y dydd Llun canlynol pan fo diwrnod o fewn y cyfnod hwnnw yn ŵyl banc.
12.
Ymgorfforir y materion sydd wedi eu rhagnodi yn Atodlen Weithredol (Rhan M) y
cais fel amodau ar y drwydded.
Diolchwyd i bawb am gyflwyno sylwadau ar y cais.
Rhoddodd yr Is-bwyllgor ystyriaeth
briodol i’r holl sylwadau. Diystyrwyd sylwadau a ddaeth i law i’r graddau eu
bod yn amherthnasol i’r amcanion trwyddedu e.e. dadleuon nad oes angen eiddo
trwyddedig ar yr oriau y gofynnwyd amdanynt neu o gwbl, neu ddiffyg caniatâd
cynllunio perthnasol. Nid yw’r materion hyn yn ystyriaethau ceisiadau trwydded
eiddo.
Rhoddwyd ystyriaeth arbennig i’r
canlynol.
Derbyniwyd
sylwadau gan breswylwyr Y Fron yn gwrthwynebu’r cais gan gyfeirio at y pedwar amcan trwyddedu. Yn gryno, mynegwyd
pryderon y byddai caniatau’r drwydded yn debygol o arwain at gynnydd mewn
troseddu, anhrefn, sŵn, materion glanweithiol a phroblemau parcio. Yn
ogystal, derbyniwyd sylwadau gan gynrychiolydd yr ymgeisydd yn nodi bwriad
cyfyngu rhai agweddau o’r hyn y gofynnwyd amdanynt yn y cais ac o ganlyniad bu
i’r Is-bwyllgor drin y rhain fel diwygiadau. Er sylw, ni chyflwynwyd
gwrthwynebiadau gan yr Heddlu, y Gwasanaeth Tan ac Achub, Uned Gwarchod y
Cyhoedd y Cyngor nac Adran Priffyrdd y Cyngor.
Amlygodd yr Is-bwyllgor eu bod
yn derbyn bod rhai o’r pryderon a fynegwyd ynglŷn â’r cais yn rhai
diffuant. Fodd bynnag, nid oedd yr Is bwyllgor o’r farn bod tystiolaeth
ddigonol wedi dod i law i brofi bod y problemau hyn yn debygol pe byddai’r
drwydded yn cael ei chaniatáu, ac y byddai’n groes i’r amcanion trwyddedu.
Amlygwyd pryder y byddai cynnydd
mewn ymddygiad gwrthgymdeithasol. Ni chyflwynwyd tystiolaeth i gefnogi’r honiad
tu hwnt i honiadau cyffredinol am yfed y gellid eu priodoli i unrhyw eiddo
trwyddedig. Ni chyflwynwyd rhesymau na thystiolaeth pam y byddai’r eiddo
penodol yma yn debygol o achosi problemau ymddygiad gwrthgymdeithasol.
Ymddengys bod y sylwadau wedi cael eu cyflwyno ar sail dyfalu ac nid
tystiolaeth - nid yw hyn yn sail gyfreithiol i wneud penderfyniad - yn ôl yr
Uchel Lys yn R (on the application of Daniel Thwaites Plc) v Wirral Corough
Magistrates Court [2008] EWHC 838 (Admin).
Ni
dderbyniwyd gwrthwynebiad gan yr Heddlu. Ystyriwyd be fyddai problemau troseddu
tebygol yn codi, byddai’r Heddlu wedi amlygu hyn. O dan yr amgylchiadau, nid
oedd yr Is-bwyllgor wedi ei berswadio y byddai rhoi’r drwydded yn tanseilio’r
amcan o atal trosedd ac anrhefn.
Yng
nghyd-destun pryderon sbwriel a sŵn pe caniateir y drwydded, ystyriwyd y
sylwadau fel pryderon cyffredinol yn seiliedig eto ar ddyfalu heb gyflwyno
tystiolaeth gadarn. Ni dderbyniwyd sylwadau gan Adran Gwarchod y Cyhoedd yn
adrodd y byddai rhoi’r drwydded yn debygol o achosi problem sŵn - byddai
sylwadau o’r fath wedi dod i’r amlwg petai problemau sŵn tebygol.
Gwrthododd yr Is-bwyllgor yr honiad bod cyfyngu oriau yn angenrheidiol er mwyn
sicrhau cydymffurfiaeth â’r Ddeddf Sŵn 1996. Gyda diffyg tystiolaeth, doedd dim sail i’r Is-bwyllgor
ddod i gasgliad y byddai caniatáu’r drwydded yn achosi problemau o ran
tanseilio’r amcan niwsans cyhoeddus.
Yng
nghyd-destun pryderon diogelwch ffordd a diffyg gofod parcio gyda mynediad i
gerbydau'r gwasanaethau brys yn cael eu heffeithio, derbyniwyd y pryderon
mewn perthynas â’r amcan trwyddedu o
sicrhau diogelwch cyhoeddus. Fodd bynnag, ystyriwyd y pryderon eto fel rhai yn
seiliedig ar ddyfalu yn hytrach na thystiolaeth. Nid oedd yr Heddlu, y Gwasanaeth Tân ac
Achub, unrhyw wasanaeth brys arall na’r Adran Priffyrdd wedi mynegi unrhyw
bryder o safbwynt diogelwch y ffordd. Disgwylid y byddai sylwadau gan yr
asiantaethau swyddogol yn amlygu hyn petai risg i ddiogelwch y cyhoedd yn
bodoli. Yn wyneb y diffyg tystiolaeth a diffyg sylwadau oddi wrth arbenigwyr yn
y maes, nid oedd yr Is-bwyllgor wedi ei berswadio y byddai caniatáu’r cais yn
debygol o danseilio’r amcan trwyddedu o sicrhau diogelwch cyhoeddus.
Roedd y pryderon am ddiogelwch
plant yn rhai cyffredinol a oedd eto yn seiliedig ar ddyfalu heb ddim
tystiolaeth gadarn i gefnogi’r honiad. Nid oedd yr Is-bwyllgor o’r farn bod y
cais yn tanseilio’r amcan o warchod plant rhag niwed.
Dygwyd
sylw’r Is-bwyllgor fod deiseb wedi ei chyflwyno yn gwrthwynebu’r cais. Er y
darparwyd copi i’r Is-bwyllgor, daethpwyd i’r casgliad nad oedd y ddeiseb yn
dderbyniol fel tystiolaeth. Nid yw’r nifer sydd yn gwrthwynebu cais ynddo’i hun
yn brawf bod un neu fwy o’r amcanion trwyddedu yn debygol o gael eu tanseilio.
Tra
bo’r Is-bwyllgor yn fodlon bod pryderon teilwng wedi eu codi, roedd hefyd yn siomedig
gweld bod y pryderon hyn wedi eu llygru i raddau gan ‘wleidyddiaeth bentrefol’
o amgylch yr eiddo. O ganlyniad, byddai’r Is-bwyllgor yn llwyr annog i’r
ymgeisydd a phob parti i’r cais hwn gynnal deialog adeiladol gyda’i gilydd mewn
perthynas ag unrhyw faterion all godi neu beidio gyda’r eiddo yn y dyfodol.
Tra bo’r Is-bwyllgor yn deall a
derbyn pryderon trigolion ar y cais, rhaid gwneud penderfyniad ar sail
gyfreithlon ac ar dystiolaeth gadarn sydd yn berthnasol i un neu fwy o’r
amcanion trwyddedu. O dan yr amgylchiadau roedd yr
Is-bwyllgor yn fodlon bod y cais diwygiedig yn gydnaws â’r pedwar amcan
trwyddedu. Caniatawyd y cais.
Adroddodd y Cyfreithiwr y byddai’r penderfyniad
yn cael ei gadarnhau yn ffurfiol drwy lythyr i bawb oedd yn bresennol. Ategwyd
bod gan bob parti i’r cais yr hawl i gyflwyno apêl yn Llys Ynadon Caernarfon yn
erbyn penderfyniad yr Is-bwyllgor. Dylid cyfeirio unrhyw apêl o’r fath drwy roi
rhybudd o apêl i’r Prif Weithredwr, Llys Ynadon Llandudno, Llandudno, o fewn
cyfnod o 21 diwrnod gan gychwyn â’r dyddiad y bydd yr apelydd yn derbyn llythyr (neu gopi ohono) yn
cadarnhau’r penderfyniad.
Dogfennau ategol: