Y Grochan, ‘Stryd
Twll yn y Wal’, Caernarfon
I ystyried y cais
Penderfyniad:
Caniatáu’r cais
Cofnod:
CAIS
AM DRWYDDED EIDDO Y CROCHAN, 9 – 11
STRYD TWLL YN Y WAL, CAERNARFON
Ar
ran yr eiddo:
Dewi Jones a Chris Summers - ymgeiswyr
Eraill
a wahoddwyd:
Preswylwyr
Cyfagos:
Rita Geary
Mandy Matthews
Aelod Lleol: Cynghorydd Cai Larsen
Croesawodd y Cadeirydd bawb i’r cyfarfod.
Amlygodd y Cadeirydd y byddai gan bob parti hawl i hyd at 5 munud i gyflwyno eu
sylwadau
a) Adroddiad
yr Adran Trwyddedu
Cyflwynwyd
adroddiad y Rheolwr Trwyddedu yn manylu ar gais am drwydded eiddo ar gyfer Y
Crochan, 9 – 11 Stryd Twll yn y Wal, Caernarfon. Gwnaed y cais mewn perthynas a
gwerthu alcohol ar ac oddi ar yr eiddo.
Nodwyd bod gan
Swyddogion yr Awdurdod Trwyddedu tystiolaeth ddigonol bod y cais wedi ei
gyflwyno yn unol â gofynion Deddf Trwyddedu 2003 a’r rheoliadau perthnasol.
Cyfeiriwyd at y mesurau yr oedd yr ymgeisydd yn ei argymell i hyrwyddo’r
amcanion trwyddedu ac amlygwyd y byddai’r mesurau hyn yn cael eu cynnwys ar y
drwydded.
Tynnwyd sylw at yr
ymatebion a dderbyniwyd yn ystod y cyfnod ymgynghori. Nodwyd bod
gwrthwynebiadau wedi ei derbyn gan breswylwyr cyfagos yn cyfeirio at ddau o’r
amcanion trwyddedu. Mynegwyd pryderon ar faterion gwrthgymdeithasol o ran sŵn,
niwsans cyhoeddus a bod byrddau y busnes yn rhwystr i’r preswylwyr.
Argymhellwyd fod y
Pwyllgor yn cymeradwyo’r cais yn unol â gofynion y Ddeddf Drwyddedu 2003.
Wrth ystyried y cais dilynwyd y drefn
ganlynol-:
• Rhoi cyfle i aelodau’r Is-bwyllgor
a’r ymgeisydd ofyn cwestiynau i’r Rheolwr Trwyddedu
• Gwahodd
yr ymgeisydd i ymhelaethu ar y cais
• Rhoi
cyfle i’r ymgynghorai gyflwyno eu sylwadau
• Gwahodd
deilydd y drwydded neu ei gynrychiolydd i ymateb i’r sylwadau
• Rhoi
cyfle i aelodau’r Is-bwyllgor ofyn cwestiynau i ddeilydd y drwydded.
• Rhoi
cyfle i aelodau’r Is-bwyllgor ofyn cwestiynau i’r ymgynghorai
Wrth ymhelaethu ar y cais, nododd yr
ymgeiswyr:
·
Nad oeddynt wedi bod yn gwerthu alcohol yn
anghyfreithlon - eu bod wedi cyflwyno a derbyn rhybuddion digwyddiad dros-dro
·
Bydd byrddau yn cael eu gosod tu allan ar un ochr
o’r stryd yn unig
·
Bod rheoliadau diogelwch tan yn unol â rheoliadau
covid
Mewn ymateb i
gwestiwn ynglŷn â deilydd y drwydded, amlygodd Mr Dewi Jones ei fod
bellach wedi derbyn trwydded bersonol. Cadarnhawyd hefyd nad oedd grisiau
dihangfa dân allan o’r llawr cyntaf na’r ail - grisiau mewnol yn unig gyda
drysau yn agor i’r ffrynt ac i’r cefn.
Manteisiodd yr
ymgynghorai oedd yn bresennol ar y cyfle i ymhelaethu ar sylwadau a gyflwynwyd
ganddynt drwy lythyr.
Rita Geary (Mandy Mathews yn cyflwyno
sylwadau ar ran Rita Geary)
·
Wedi byw ar y stryd ar hyd ei bywyd - pethau yn
mynd yn anoddach ac yn creu poen meddwl
·
Dim eisiau byw gyda sŵn
·
Anodd i’r gwasanaethau brys gael mynediad i’r stryd
ar ôl 16:00
·
Gormod o fyrddau tu allan ar y stryd
·
Byddai trwydded ychwanegol yn cynyddu problemau yn
y stryd
Mandy Mathews
·
Yn byw drws nesaf i’r eiddo - dim 2m rhwng ei drws
ffrynt a’r byrddau
·
Dim yn teimlo yn saff - llawer o sefydliadau tebyg
yn y stryd
·
Dim gwrthwynebiad i fenter newydd, ond y bwriad yn
ychwanegu at problemau sydd eisoes yn bodoli
·
Angen ystyried y preswylwyr
·
Hawl parcio ar y stryd rhwng 16:00 a 11:30 sydd yn
ddelfrydol ar gyfer oriau ei gwaith, ond anodd cael y car allan / mewn i’r stryd ar rai adegau oherwydd bod byrddau ar y
stryd – hyn yn creu mwy o broblemau a
phoen meddwl
·
Lle bwyta yw’r bwriad, pam fod angen gwerthu
alcohol?
·
Ystyried cyfaddawd o ‘dod â'ch alcohol eich hun'
·
Angen osgoi yfed allan ar y stryd
Aelod Lleol: Y Cynghorydd Cai Larsen
·
Bod yr ymgeiswyr wedi rhedeg Cynllun Porthi Pawb
oedd yn llwyddiannus iawn yng Nghaernarfon yn ystod y cyfnod clo
·
Ei fod
yn cydymdeimlo gyda phryderon y preswylwyr cyfagos
·
Bod y bwriad yn un o sefydlu bwyty safonol o
gymharu â sefydliadau eraill ar y stryd ac felly yn denu cwsmer gwahanol
·
Byddai
caniatáu ‘dod â'ch alcohol eich hun' ‘yn debygol o arwain at fwy o yfed gyda
phryniant cwrw rhatach
·
Llai o
reolaeth heb drwydded - bod disgyblaeth a chyfrifoldeb gan ddeilydd y drwydded
i gadw trefn
Yn manteisio ar y cyfle i gloi'r achos, nododd yr
ymgeisydd y pwyntiau canlynol:
·
Byddai caniatáu pobl i ‘ddod â'ch alcohol eich hun'
yn creu mwy o broblemau - dim rheolaeth dros hyn
·
Bwriad yw gweini'r bwrdd olaf am 20:30 felly dim yn
rhagweld pobl yn aros ymlaen yn hwyrach na 22:00
·
Ni
fydd y bwyty yn cyfrannu at sŵn
Ategodd y Rheolwr
Trwyddedu bod yr ymgeiswyr wedi cyflwyno cais am rybudd digwyddiadau dros dro i
werthu alcohol gyda llond llaw wedi eu caniatáu. Nid oedd unrhyw werthiant
alcohol anghyfreithlon wedi digwydd ac ni dderbyniwyd cwynion yn ystod y cyfnod
yma.
Ymneilltuodd yr
ymgeiswyr, yr ymgynghorwyr a’r Rheolwr Trwyddedu o’r cyfarfod tra bu i
aelodau’r Is-bwyllgor drafod y cais
Wrth gyrraedd y penderfyniad ystyriodd yr Is-bwyllgor sylwadau ysgrifenedig
a gyflwynwyd gan y partïon â diddordeb ac adroddiad y Swyddog Trwyddedu.
Ystyriwyd Polisi Trwyddedu’r Cyngor a
chanllawiau’r Swyddfa Gartref. Roedd yr holl ystyriaethau yn cael eu pwyso a’u
mesur yn erbyn yr amcanion trwyddedu o
dan y Ddeddf Trwyddedu 2003, sef:
i.
Atal trosedd ac anhrefn
ii.
Atal niwsans cyhoeddus
iii.
Sicrhau diogelwch
cyhoeddus
iv.
Gwarchod plant rhag niwed
PENDERFYNWYD caniatáu’r cais
Rhoddwyd trwydded fel a
ganlyn:
1.
Oriau agor:
Sul-Sadwrn 09:00-00:00
2.
Cyflenwi alcohol i
yfed ar ac oddi ar yr eiddo: Sul-Sadwrn 09:00-23:30
3.
Ymgorfforir y
materion sydd wedi eu rhagnodi yn Atodlen Weithredol (Rhan M) y cais fel amodau
ar y drwydded.
Diolchwyd i bawb am gyflwyno sylwadau ar y
cais.
Rhoddodd yr
Is-bwyllgor ystyriaeth briodol i’r holl sylwadau. Diystyrwyd sylwadau a ddaeth
i law i’r graddau eu bod yn amherthnasol i’r amcanion trwyddedu e.e. dadleuon
nad oes angen eiddo trwyddedig ar yr oriau y gofynnwyd amdanynt neu o gwbl, neu
ddiffyg caniatâd cynllunio perthnasol. Nid yw’r materion hyn yn ystyriaethau
ceisiadau trwydded eiddo.
Rhoddwyd ystyriaeth arbennig i’r canlynol.
Derbyniwyd
sylwadau gan aelodau o’r cyhoedd yn gwrthwynebu’r cais gan gyfeirio at yr
amcanion trwyddedu o atal trosedd ac anhrefn, atal niwsans cyhoeddus a sicrhau
diogelwch cyhoeddus. Yn gryno, mynegwyd pryderon bod yr eiddo wedi bod yn
gweini alcohol heb drwydded, byddai caniatáu trwydded yn debygol o arwain at
gynnydd mewn sŵn a bod byrddau busnesau yn rhwystr i breswylwyr cyfagos.
Er sylw, ni chyflwynwyd gwrthwynebiadau gan yr Heddlu, y Gwasanaeth Tan ac
Achub, Uned Gwarchod y Cyhoedd y Cyngor nac Adran Priffyrdd y Cyngor.
Amlygodd yr
Is-bwyllgor eu bod yn derbyn bod rhai o’r pryderon a fynegwyd ynglŷn â’r
cais yn rhai diffuant. Fodd bynnag, nid oedd yr Is bwyllgor o’r farn bod
tystiolaeth ddigonol wedi dod i law i brofi bod y problemau hyn yn debygol pe
byddai’r drwydded yn cael ei chaniatáu, ac y byddai’n groes i’r amcanion
trwyddedu.
Amlygwyd pryder
bod yr eiddo wedi bod yn gweini alcohol heb drwydded ac felly yn cwestiynu
parodrwydd yr ymgeisydd i beidio â chyflawni’r drosedd hon yn y dyfodol. Ni
chyflwynwyd manylion o ran dyddiadau, amser, nag amgylchiadau'r digwyddiadau
honedig hyn a derbyniwyd cadarnhad gan yr ymgeiswyr a'r Rheolwr Trwyddedu bod
rhybuddion digwyddiad dros-dro wedi eu cyflwyno mewn perthynas â nosweithiau
diweddar yn yr eiddo. Gan dybio bod unrhyw drosedd wedi'i chyflawni, ni roddwyd
esboniad sut y byddai caniatáu trwydded yn arwain at fwy o achosion o werthu
alcohol heb drwydded pan fyddai bodolaeth trwydded yn lleihau'r tebygolrwydd o
droseddu yn y lle cyntaf - oherwydd diffyg tystiolaeth, nid oedd yr Is-bwyllgor
wedi ei berswadio y byddai rhoi’r drwydded yn tanseilio’r amcan o atal trosedd
ac anrhefn.
Amlygwyd pryder y
byddai caniatáu’r drwydded yn arwain at gynnydd mewn problemau sŵn. Er
hynny, ni chyflwynwyd tystiolaeth i gefnogi’r honiad tu hwnt i honiadau
cyffredinol y gellid eu priodoli i unrhyw eiddo trwyddedig cyfagos, ac ni
eglurwyd pam y byddai’r eiddo hwn yn benodol yn debygol o achosi problem sŵn
yn fyw nag eraill. Ymddengys bod y sylwadau wedi cael eu cyflwyno ar sail
dyfalu ac nid tystiolaeth - nid yw hyn yn sail gyfreithiol i wneud penderfyniad
- yn ôl yr Uchel Lys yn R (on the application of Daniel Thwaites Plc) v Wirral
Corough Magistrates Court [2008] EWHC 838 (Admin).
Yng nghyd-destun
gwrthwynebiad ar y sail y byddai byrddau sy’n perthyn i’r eiddo yn rhwystro
mynediad ffordd, ni eglurwyd pam y byddai’r eiddo yma yn benodol yn debygol o
achosi problem mynediad yn waeth nag eiddo trwyddedig cyfagos sydd gyda byrddau
ar y stryd. Nid oedd yr Heddlu, y Gwasanaeth Tân ac Achub, unrhyw wasanaeth brys
arall na’r Adran Priffyrdd wedi mynegi unrhyw bryder o safbwynt diogelwch y
ffordd. Disgwylid y byddai sylwadau gan yr asiantaethau swyddogol yn amlygu hyn
petai risg i ddiogelwch y cyhoedd yn bodoli. Yn wyneb y diffyg tystiolaeth a
diffyg sylwadau oddi wrth arbenigwyr yn y maes, nid oedd yr Is-bwyllgor wedi ei
berswadio y byddai caniatáu’r cais yn debygol o danseilio’r amcan trwyddedu o
sicrhau diogelwch cyhoeddus.
Tra bo’r
Is-bwyllgor yn deall a derbyn pryderon trigolion ar y cais, rhaid gwneud
penderfyniad ar sail gyfreithlon ac ar dystiolaeth gadarn sydd yn berthnasol i
un neu fwy o’r amcanion trwyddedu. O dan yr amgylchiadau roedd yr Is-bwyllgor
yn fodlon bod y cais diwygiedig yn gydnaws â’r pedwar amcan trwyddedu.
Caniatawyd y cais.
Adroddodd y
Cyfreithiwr y byddai’r penderfyniad yn cael ei gadarnhau yn ffurfiol drwy
lythyr i bawb oedd yn bresennol. Ategwyd bod gan bob parti i’r cais yr hawl i
gyflwyno apêl yn Llys Ynadon Caernarfon yn erbyn penderfyniad yr Is-bwyllgor.
Dylid cyfeirio unrhyw apêl o’r fath drwy roi rhybudd o apêl i’r Prif
Weithredwr, Llys Ynadon Llandudno, Llandudno, o fewn cyfnod o 21 diwrnod gan
gychwyn â’r dyddiad y bydd yr apelydd yn
derbyn llythyr (neu gopi ohono) yn cadarnhau’r penderfyniad.
Dogfennau ategol: