Y Griffin, Griffin Terrace, Penrhyndeudraeth, Gwynedd, LL48 6LW.
I ystyried y cais
Penderfyniad:
Caniatáu’r cais
Cofnod:
Ar ran yr eiddo:
Nia Jones (ymgeisydd)
Eraill a wahoddwyd:
Aelod Lleol: Cynghorydd Gareth Thomas
Croesawodd y Cadeirydd bawb i’r cyfarfod.
a)
Adroddiad yr Adran Trwyddedu
Cyflwynwyd adroddiad y Rheolwr Trwyddedu yn manylu ar
gais am drwydded eiddo ar gyfer
Y Griffin, Griffin Terrace, Penrhyndeudraeth, Gwynedd. Gwnaed
y cais mewn perthynas â gwerthu alcohol, cerddoriaeth byw ac wedi ei recordio
ar ac oddi ar yr eiddo.
Nodwyd bod gan Swyddogion yr Awdurdod Trwyddedu tystiolaeth ddigonol bod y cais wedi ei
gyflwyno yn unol â gofynion Deddf Trwyddedu 2003 a’r rheoliadau perthnasol. Cyfeiriwyd at y mesurau yr oedd yr
ymgeisydd yn ei argymell i
hyrwyddo’r amcanion trwyddedu ac amlygwyd y byddai’r mesurau hyn yn cael
eu cynnwys ar y drwydded.
Tynnwyd sylw at yr ymatebion
a dderbyniwyd yn ystod y cyfnod ymgynghori gan nodi gwrthwynebiad gan Adran Gwarchod
y Cyhoedd ac amodau arfaethedig gan Heddlu Gogledd Cymru.
Roedd gwrthwynebiad Adran Gwarchod y Cyhoedd yn amlygu pryderon
sŵn o ganlyniad i adloniant tu
allan yn
hwyr yn y nos ar yr
eiddo fyddai’n arwain at greu niwsans cyhoeddus i breswylwyr tai cyfagos. Yn dilyn
cyfres o e-byst, derbyniwyd gohebiaeth gan yr ymgeisydd
yn cadarnhau bod bwriad adeiladu darpariaeth bwrpasol ar gyfer adloniant
byw tu allan, ond nad oedd y gwaith
wedi ei gwblhau.
Mynegodd yr ymgeisydd ei dymuniad
i dynnu’r elfen adloniant tu allan
o’r cais hyd nes y bydd
mewn sefyllfa i roi mesurau
priodol mewn lle. O ganlyniad, roedd Adran Gwarchod
y Cyhoedd yn tynnu eu gwrthwynebiad
i’r cais yn ôl, yn
ddarostyngedig bod yr ymgeisydd yn cadarnhau
yn y gwrandawiad nad oedd
bwriad cynnal adloniant tu allan
am y tro.
Ategwyd bod yr ymgeisydd wedi
cytuno i gynnwys amodau ychwanegol mewn perthynas â Theledu Cylch Cyfyng (TCC), hyrwyddo Menter Her 25 a chynnal asesiad risg pan fydd angen
goruchwylwyr drysau, ar gais yr
Heddlu.
Argymhellwyd fod y Pwyllgor yn caniatáu’r cais
pe byddai’r ymgeisydd yn cadarnhau
diddymu'r bwriad i gynnal adloniant
tu allan oddi ar y cais:
ac yn unol ag argymhellion yr Heddlu â gofynion Deddf
Drwyddedu 2003.
Wrth ystyried y cais dilynwyd y drefn ganlynol-:
·
Rhoi
cyfle i aelodau’r Is-bwyllgor a’r ymgeisydd ofyn cwestiynau i’r Rheolwr Trwyddedu
·
Gwahodd
yr ymgeisydd i ymhelaethu ar y cais
·
Rhoi cyfle i’r ymgynghorai
gyflwyno eu sylwadau
·
Gwahodd
deilydd y drwydded neu ei gynrychiolydd i ymateb i’r
sylwadau
·
Rhoi
cyfle i aelodau’r Is-bwyllgor ofyn cwestiynau i ddeilydd
y drwydded.
·
Rhoi
cyfle i aelodau’r Is-bwyllgor ofyn cwestiynau i’r ymgynghorai
Wrth ymhelaethu ar y cais, nododd yr ymgeisydd:
·
Ei bod
yn hapus gyda’r wybodaeth a gyflwynwyd gan y Rheolwr Trwyddedu
·
Ei bod
yn tynnu’r elfen adloniant tu allan
o’r cais am y tro – y ddarpariaeth heb ei gwblhau
·
Popeth
mewn trefn i agor
Mewn ymateb i sylw
ynglŷn â phwysleisio’r
angen i sicrhau
bod recordiadau TCC yn cael eu cadw
am 30 diwrnod, nododd y Swyddog Trwyddedu bod hyn yn rhan o argymhellion
yr Heddlu a bod yr ymgeisydd wedi
cytuno i gydymffurfio yn llawn a’r gofynion
hyn.
Ar wahoddiad y Cadeirydd, manteisiodd yr Aelod
Lleol oedd yn bresennol, ar y cyfle i gyflwyno sylwadau
Aelod Lleol - Cynghorydd Gareth Thomas
·
Ei fod
yn llwyr gefnogol i’r cais
·
Braf
gweld busnes yn agor yn y sector lletygarwch
·
Bod yr
ymgeisydd a’i theulu wedi buddsoddi’n sylweddol yn y fenter
·
Y dafarn yn adnodd pwysig
i’r pentref
·
Bod
cynlluniau i ehangu defydd tu allan ond bydd cais yn
cael ei gyflwyno pan fydd caniatâd cynllunio wedi ei dderbyn a’r gwaith wedi ei gwblhau
·
Balch
gweld y Griffin yn ail agor a hynny gan ddwylo diogel
Yn manteisio ar y cyfle i gloi'r achos, nododd yr
ymgeisydd y pwyntiau canlynol:
·
Ei bod
yn ddiolchgar o’r cyfle i gynnal trafodaeth
·
Byddai’r
fenter yn cyflogi yn lleol
·
Y Griffin yn galon i’r pentref,
yn dafarn deuluol gyda gardd
- y tîm peldroed eisoes yn ysu
i’r dafarn ail agor
Ategodd y Rheolwr Trwyddedu ei bod yn hapus gyda
chadarnhad yr ymgeisydd bod adloniant tu allan
yn cael ei
dynnu allan o’r cais ac mai
cais diwygiedig fyddai’n cael ei
ystyried. Y bwriad yw parhau i
gydweithio gyda’r ymgeisydd ac Adran Gwarchod y Cyhoedd fel bod modd sicrhau
ardal briodol tu allan
i’r eiddo i’r dyfodol.
Ymneilltuodd yr ymgeisydd, yr
Aelod Lleol a’r Rheolwr Trwyddedu o’r cyfarfod tra
bu i aelodau’r
Is-bwyllgor drafod y cais
Wrth gyrraedd y penderfyniad ystyriodd yr Is-bwyllgor sylwadau ysgrifenedig
a gyflwynwyd gan y partïon â diddordeb sylwadau llafar a gyflwynwyd yn ystod y
gwrandawiad ac adroddiad y Swyddog Trwyddedu. Ystyriwyd Polisi Trwyddedu’r Cyngor a chanllawiau’r
Swyddfa Gartref. Roedd yr holl ystyriaethau yn cael eu pwyso a’u mesur yn erbyn
yr amcanion trwyddedu o dan y Ddeddf
Trwyddedu 2003, sef:
i.
Atal trosedd ac anhrefn
ii.
Atal niwsans cyhoeddus
iii.
Sicrhau diogelwch
cyhoeddus
iv.
Gwarchod plant rhag niwed
PENDERFYNWYD caniatáu’r cais
Rhoddwyd trwydded fel a
ganlyn:
1.
Oriau agor
Amserau
safonol:
o Sul-Mercher
08:00-00:00
o Iau
08:00-00:30
o Gwener-Sadwrn
08:00-01:00
Amserau
ansafonol:
o Awr
derfynol 01:00 ar Benwythnosau Gŵyl Banc
o Awr
derfynol 02:00 ar Noswyl Calan
2.
Cerddoriaeth fyw tu mewn yn unig
Amserau
safonol:
o Sul-Mercher
11:00-23:00
o Iau-Sadwrn
11:00-00:00
Amserau
ansafonol:
o Awr
derfynol 00:30 ar Benwythnosau Gŵyl Banc
o Awr
derfynol 01:00 ar Noswyl Calan
3.
Cerddoriaeth wedi recordio tu mewn yn
unig
Amserau
safonol:
o Sul-Mercher
11:00-23:00
o Iau-Sadwrn
11:00-00:00
Amserau
ansafonol:
o Awr
derfynol 00:30 ar Benwythnosau Gŵyl Banc
o Awr
derfynol 01:00 ar Noswyl Calan
4. Cyflenwi
alcohol i’w yfed ar ac oddi ar yr eiddo
Amserau
safonol:
o Sul-Mercher
11:00-23:30
o Iau
11:00-00:00
o Gwener-Sadwrn
11:00-00:30
Amserau
ansafonol:
o
Bar allanol yn cau 22:30
o
Awr derfynol 00:30 tu mewn ar
Benwythnosau Gŵyl Banc
o
Awr derfynol 01:30 tu mewn ar
Noswyl Calan
5.
At ddibenion yr amodau hyn,
diffinnir Penwythnosau Gŵyl Banc fel cyfnod yn cychwyn ar ddydd Gwener ac
yn gorffen ar y dydd Llun canlynol pan fo diwrnod o fewn y cyfnod hwnnw yn
ŵyl banc.
6.
Ymgorfforir y materion sydd wedi
eu rhagnodi yn Atodlen Weithredol (Rhan M) y cais fel amodau ar y drwydded.
7.
Ymgorfforir fel amodau ar y
drwydded yr amodau a argymhellwyd gan Heddlu Gogledd Cymru mewn perthynas â
gwirio oedran, goruchwylwyr drws a TCC.
Diolchwyd i bawb am gyflwyno sylwadau ar y cais.
Rhoddodd
yr Is-bwyllgor ystyriaeth arbennig i sylwadau Adran Gwarchod y Cyhoedd y
Cyngor. Amlygwyd gwrthwynebiad i’r cais gwreiddiol o ran pryderon niwsans
cyhoeddus yn deillio o adloniant yn cael ei gynnal tu allan, yn hwyr. Ystyriwyd
hefyd sylwadau Heddlu Gogledd Cymru oedd yn argymell cynnwys amodau safonol
mewn perthynas â rheoli oedran, goruchwylwyr drws a TCC. Ystyriwyd sylwadau’r
ymgeisydd a gadarnhaodd diwygiad i’r cais i beidio â chynnwys cynnal
gweithgaredd trwyddedig cerddoriaeth tu allan am y tro. Derbyniwyd bod bwriad
cyflwyno cais maes o law i gynnwys y gweithgareddau hyn ar y drwydded unwaith y
bydd gwaith addasu ar yr eiddo wedi ei gwblhau.
Ni
ddaeth yr Is-bwyllgor i gasgliad naill ffordd neu llall a fyddai’r cais
gwreiddiol wedi tanseilio’r amcan trwyddedu o atal niwsans cyhoeddus, gan nad
oedd gofyn ystyried y mater wedi diwygiad i’r cais. Roedd yr Is-bwyllgor o’r
farn bod y diwygiad i gyfyngu adloniant cerddoriaeth i du mewn i’r eiddo yn
unig yn golygu bod y risg sŵn bellach yn isel iawn ac felly na fyddai
niwed i’r amcan o atal niwsans cyhoeddus.
O dan yr amgylchiadau roedd yr
Is-bwyllgor yn fodlon bod y cais diwygiedig yn gydnaws â’r pedwar amcan
trwyddedu. Caniatawyd y cais.
Adroddodd y Cyfreithiwr y byddai’r penderfyniad yn cael ei gadarnhau
yn ffurfiol drwy lythyr i
bawb oedd yn bresennol. Ategwyd
bod gan bob parti i’r cais yr
hawl i gyflwyno
apêl yn Llys
Ynadon Caernarfon yn erbyn penderfyniad yr Is-bwyllgor. Dylid cyfeirio unrhyw apêl o’r
fath drwy roi rhybudd o apêl
i’r Prif Weithredwr, Llys Ynadon Llandudno, Llandudno, o fewn
cyfnod o 21 diwrnod gan gychwyn â’r
dyddiad y bydd yr apelydd yn derbyn llythyr (neu gopi
ohono) yn cadarnhau’r penderfyniad.
Dogfennau ategol: