Newid
defnydd tir ar gyfer lleoli 42 carafan teithiol ynghyd a chreu ffordd mynediad
gysylltiol, tirlunio a chodi bloc toiledau.
AELOD
LLEOL: Cynghorydd Stephen Churchman
Penderfyniad:
PENDERFYNIAD:
Dirprwyo’r
hawl i Bennaeth Cynorthwyol Amgylchedd i ganiatáu’r cais yn ddarostyngedig i’r
amodau canlynol:
Cofnod:
Newid
defnydd tir ar gyfer lleoli
42 carafán deithiol ynghyd a chreu ffordd mynediad cysylltiol, tirlunio a chodi bloc toiledau
a)
Ymhelaethodd
yr Arweinydd Tîm Rheolaeth Datblygu
ar gefndir y cais gan nodi
mai cais ydoedd ar gyfer
newid defnydd tir i leoli
42 carafán deithiol ynghyd a chreu ffordd fynediad cysylltiol a chodi bloc toiledau. Eglurwyd
bod y safle eisoes yn ffurfio rhan
o safle gwersylla presennol sydd gyda chaniatâd cynllunio am 13 carafán
statig, 50 carafán symudol a 70 o bebyll. Ategwyd bod y
bwriad yn ceisio
lleoli 42 carafán symudol ychwanegol yn lle'r caniatâd
ar gyfer 70 o bebyll a bod gan y safle dystysgrif defnydd cyfreithlon ar gyfer pebyll
ar gae arall.
Amlygwyd bod polisi TWR 5 CDLl yn caniatáu cynigion
i ddatblygu safleoedd carafanau teithiol a llety gwersylla amgen dros dro os
cydymffurfir â’r cyfan o’r meini
prawf a nodir. Un o’r meini prawf hynny yw
bod y datblygiad arfaethedig
o ansawdd uchel o ran dyluniad, gosodiad ac edrychiad a’i fod
wedi ei leoli
mewn man anymwthiol sydd wedi ei
guddio’n dda gan nodweddion presennol y dirwedd a/neu ble gellir
cydweddu’r unedau teithiol yn hawdd
yn y dirwedd mewn modd nad
yw’n peri niwed sylweddol i ansawdd gweledol
y dirwedd; bod y bwriad yn osgoi gormodedd
o ardaloedd o leiniau caled; fod ei
gysylltiad ffisegol â’r ddaear.
Nodwyd, er nad oedd angen cyflwyno
Datganiad/Adroddiad ffurfiol, bod angen rhoi ystyriaeth i’r Gymraeg yn
unol â’r arweiniad yn Atodiad
5 CCA ‘Cynnal a Chreu Cymunedau Nodedig a Chynaliadwy’. Mewn perthynas â hyn nodwyd bod Datganiad Iaith Gymraeg yr
ymgeisydd yn nodi’r pwyntiau canlynol:
·
Mae dau aelod
o staff llawn amser (plant yr ymgeisydd) yn
siarad Cymraeg.
·
Mae’r
arwyddion eisoes yn ddwyieithog.
·
Mae gwybodaeth ddwyieithog am atyniadau, cyfleusterau a gwasanaethau lleol eisoes yn
cael ei darparu
o fewn y safle.
·
Darparu
cyfleoedd cyflogaeth leol ac yn defnyddio
contractwyr lleol.
Ystyriwyd fod dyluniad, gosodiad
ac edrychiad y bwriad yn dderbyniol ac na fyddai’n
peri niwed sylweddol i ansawdd
gweledol y dirwedd. Nodwyd bod bwriad hefyd adeiladu adeilad cymharol fychan gyda gorffeniad
pren er mwyn
darparu toiledau a chawodydd ac na
fyddai’n sefyll allan yn y dirwedd.
Ategwyd bod y safle gyda mynediad uniongyrchol
i ffordd ddosbarth a bod hwn yn dderbyniol ac addas. Nid oedd
gan yr Uned
Drafnidiaeth bryderon am y bwriad ac felly gyda defnydd o amodau cynllunio priodol, ystyriwyd fod y bwriad yn dderbyniol
o safbwynt Polisi TWR 5
CDLL.
b)
Yn
manteisio ar yr hawl i
siarad nododd yr Aelod Lleol
y pwyntiau canlynol:
·
Bod yr adroddiad
yn un clir
·
Bod y safle yn fusnes teulu
ers blynyddoedd
·
Yn
safle taclus wedi ei guddio
o fewn y tirlun ymysg coed naturiol
ynghyd ag eraill wedi eu plannu
·
Bod safon y safle yn lan
a’r perchnogion yn ymfalchïo yn
y busnes
·
Bod y busnes yn cefnogi’r gymuned
a’r economi leol
·
Er
cynnydd mewn carafanau teithio, bydd nifer pebyll
yn lleihau
·
Bod y cais yn ymateb i’r
angen am safleoedd ar gyfer carafanau
teithiol
·
Bod sgrinio ychwanegol yn rhan
o’r cynllun - eisoes wedi plannu
hyd at 200 o goed cynhenid - y perchennog yn adolygu’r sefyllfa
yn barhaus
·
Ychydig
iawn o effaith fydd ar gymdogion
·
Bod mynediad da i’r safle
·
Dim gwrthwynebiadau wedi eu derbyn
yn ystod y cyfnod ymgynghori
·
Bod y bwriad yn dderbyniol yng
nghyd-destun gofynion polisïau a’r Cynllun
Datblygu Lleol
·
Yn
fuddsoddiad gwerthfawr i’r ardal
c)
Cynigwyd
ac eiliwyd i ganiatáu y cais
ch) Yn ystod y drafodaeth ddilynol nodwyd y sylwadau canlynol gan aelodau:
·
Nad
oedd y bwriad mewn gwirionedd yn lleihau defnydd
- yr angen am safleoedd pebyll yn lleihau ac felly’r
bwriad yn ymateb i’r galw
am garafanau teithiol
·
Bod yr elfen
traffig yn siŵr o gynyddu
·
Twristiaeth
yn cynnal bywoliaeth yng nghefn gwlad
·
Angen
cefnogi busnesau lleol
·
Cyfnod
anodd i fusnesau
lleol - angen cefnogi’r fenter
d)
Mewn
ymateb i gais am gofnodion niferoedd pebyll yn erbyn niferoedd
carafanau teithiol ar y safle, nodwyd
nad oedd y wybodaeth yn angenrheidiol
ar gyfer anghenion Polisi TWR5
Mewn ymateb i sylw
petai’r cais yn cael ei
ganiatáu ac a fydd hawl parhau i
gynnig lle i bebyll, nodwyd
bod gan y safle eisoes ganiatâd i gadw pebyll
mewn cae arall - nid oedd
cyfyngiad niferoedd ar y cae yma.
PENDERFYNWYD:
Dirprwyo’r hawl i
Bennaeth Cynorthwyol Amgylchedd i ganiatáu’r
cais yn ddarostyngedig
i’r amodau canlynol:
·
Amser
·
Yn unol â’r cynlluniau.
·
Defnydd gwyliau yn unig
a cadw cofrestr.
·
Tymor gwyliau - 1af
Mawrth i 31 Hydref
·
Cyfyngu nifer o unedau teithiol i 92, dim pebyll a cadw’r un nifer o carafanau
sefydlog.
·
Dim storio
carafanau teithiol ar y safle.
·
Cwblhau’r gwaith tirweddu.
·
Dwr Cymru.
·
Cytuno lliw to’r adeilad
cyfleusterau
·
Gadael
y coed ar yr adeilad cyfleusterau
i hindreulio yn naturiol.
Dogfennau ategol: