Codi pump tŷ ynghyd a
mynedfa, parcio a thirlunio
AELOD LLEOL: Cynghorydd Dylan
Bullard
Penderfyniad:
PENDERFYNIAD:
Dirprwyo’r hawl i Bennaeth Cynorthwyol
Amgylchedd i ganiatáu’r cais yn ddarostyngedig i bennu disgownt
priodol ar gyfer cyfyngu gwerth
y ddau dy
fforddiadwy a chwblhau Cytundeb 106 i sicrhau fod y ddau
dy yn rhai
fforddiadwy ar gyfer angen lleol
ac i amodau perthnasol yn ymwneud
gyda:
1. Amser
2. Cydymffurfio gyda chynlluniau
3. Cytuno ar
fanylion deunyddiau allanol gan gynnwys
llechi a gorffeniadau
4. Tirlunio/Coed
5. Materion draenio
6. Materion Bioamrywiaeth
7. Materion Archeolegol
8. Tynnu hawliau PD y Tai Fforddiadwy.
9. Materion Priffyrdd
10. Cytuno ar enw Cymraeg/arwyddion
11. Cytuno ar Gynllun Rheoli Adeiladu
12. Mesurau Gwarchod
a gwella’r gwrych
13. Cytuno ar fanylion triniaethau ffin
Nodiadau: SUDS a Dŵr Cymru
COFNODION:
Codi pum
tŷ ynghyd a mynedfa, parcio a thirlunio
Tynnwyd sylw at y
ffurflen sylwadau hwyr.
a)
Amlygodd y Rheolwr Cynllunio mai cais llawn ydoedd ar
gyfer adeiladu 5 tŷ ynghyd ag addasu mynedfa,
creu ffordd stad a llecynnau parcio ynghyd a thirlunio. Lleolir y safle ar
gyrion tref Pwllheli o fewn ardal a adnabyddir fel Denio gyda thai preswyl gerllaw i gyfeiriad y de ac un tŷ gyferbyn
y safle.
Byddai
ffurf y tai yn ddeulawr gyda thri tŷ ar wahân a
dau dŷ pâr. Yn allanol, byddent wedi eu gorffen gyda tho crib o lechen
naturiol a gorffeniadau’r waliau allanol yn gyfuniad o rendr, carreg naturiol a
choed.
Adroddwyd
bod egwyddor o ddatblygiad preswyl ar y safle eisoes wedi ei dderbyn a’i
gymeradwyo trwy ganiatáu cais blaenorol ar gyfer 3 o dai
(un yn fforddiadwy). Er bod cynnydd amlwg rhwng y cais presennol a’r blaenorol
o ran niferoedd tai, ystyriwyd y byddai’r bwriad presennol yn cynnig datblygiad
o well ansawdd ac yn gwneud y gorau o safle nad oedd wedi ei gyflawni yn flaenorol
o ran dwysedd a chymysgedd tai. Yn ogystal, nodwyd fod y bwriad presennol yn
cynnig dau dŷ fforddiadwy. Ystyriwyd bod y bwriad
presennol yn welliant gan ddarparu un tŷ
fforddiadwy yn ychwanegol yn ogystal â chynnig dwysedd gwell yn unol â gofynion
cyfredol.
Yng nghyd-destun
materion trafnidiaeth, amlygwyd bod pryderon wedi eu hamlygu gan drigolion
lleol am effaith y bwriad ar y rhwydwaith ffyrdd lleol, yr effaith cynyddol o
ystyried datblygiadau eraill yn yr ardal gyfagos yn ogystal â’r symudiadau presennol
a wneir a thai preswyl yr ardal a safle Coleg Meirion
Dwyfor gerllaw. Ymgynghorwyd gyda'r Uned Drafnidiaeth ar y cais ac ni
chodwyd gwrthwynebiad i'r bwriad o safbwynt effaith niweidiol ar y rhwydwaith
ffyrdd lleol.
Derbyniwyd fod y
safle ar ben ei hun ac i ffwrdd o ganol y dref ac nad
oedd cysylltiad presennol megis troedffordd rhwng y safle a’r dref. Fodd
bynnag, ystyriwyd bod diffyg troedffordd yn nodwedd o'r ardal ac ar hyd nifer o
strydoedd rhwng y safle a’r dref yn ogystal ag
ardaloedd Penrallt a Denio yn gyffredinol. Adroddwyd bod tawelyddion traffig yn
cadw cyflymder y traffig i gyflymder isel ac addas. Er felly yn nodi'r
pryderon a dderbyniwyd, ni ystyriwyd y byddai'r bwriad yn peri niwed
annerbyniol sylweddol i weithrediad diogel ac effeithlon y briffordd a'i fod o
ganlyniad yn dderbyniol o ran gofynion perthnasol polisi TRA 4 tra bod y nifer
o lecynnau parcio a gynigir yn dderbyniol o ran gofynion polisi TRA 2.
Adroddwyd bod
materion bioamrywiaeth, archeolegol ac isadeiledd yn dderbyniol a chyfeiriwyd
at ymateb i’r datganiad iaith yn y ffurflen sylwadau hwyr oedd yn nodi nad oedd gan yr Uned Iaith sylwadau ar y cais. Nodwyd bod y
datganiad yn cynnwys yr holl wybodaeth berthnasol ac o ganlyniad i faint y
datblygiad a’r bwriad i farchnata'r ddwy uned marchnad agored yn lleol, bod yr
asesiad o effaith niwtral yn un rhesymol.
Wedi ystyried yr
holl faterion cynllunio perthnasol gan gynnwys polisïau a chanllawiau lleol a
chenedlaethol yn ogystal â’r holl sylwadau a dderbyniwyd yn ystod y cyfnod
ymgynghori cyhoeddus gan ymgynghorwyr statudol yn ogystal â thrigolion lleol
a’r hanes cynllunio, ystyriwyd fod y bwriad yn dderbyniol ac yn unol â gofynion
y polisïau perthnasol .
b) Yn
manteisio ar yr hawl i siarad nododd asiant yr ymgeisydd y pwyntiau canlynol:
·
Bod caniatâd cynllunio eisoes ar y safle ar gyfer dri
thŷ ar wahân - tai weddol sylweddol yn ôl y
cynllun hwnnw.
·
Y bwriad yw cynyddu’r nifer o dai
i bump, gan greu cymysgedd gwell o dai ar y safle ac ychwanegu un tŷ
fforddiadwy. Bydd hyn yn golygu tri thŷ marchnad agored a dau dŷ fforddiadwy.
·
Y bwriad gyda’r un
tŷ marchnad agored pedwar ystafell wely yw y bydd yn cael ei adeiladu ar
gyfer yr ymgeisydd gan ei fod yn awyddus i symud i’r tŷ penodol yma ar y
safle. Mae’r ymgeisydd wedi ei fagu ym Mhwllheli ac wedi magu teulu ym
Mhwllheli. Mae’r ymgeisydd wedi cael trafodaeth gyda nifer o bobl leol sydd
wedi ei holi ynglŷn â phrynu ty ymlaen llaw - y ddau dŷ
marchnad agored arall sydd ar y safle gyda thair ystafell wely.
·
Mae ymholiadau hefyd wedi cael eu gwneud ynglŷn
â’r nifer fyddai’n
cydymffurfio gyda pholisi tai marchnad leol, er nad yw’r polisi
yn benodol yn cael ei ddefnyddio ym Mhwllheli.
·
Mae’r ddau dŷ
fforddiadwy wedi bod yn destun trafod efo chymdeithasau tai, a’r bwriad yw bod
y tai yn cael ei gwerthu neu rentu drwy gytundeb gyda chymdeithas tai, megis
Adra.
·
Bod trafodaethau wedi eu cynnal gyda’r Adran Polisi,
yr Adran Iaith a gyda’r Uned Strategol Tai ynglŷn â’r cais, a cyn hynny
gyda Cyfoeth Naturiol Cymru. Adroddwdy bod pawb yn gefnogol i’r cais ac mae’n
bwysig nodi nad oes gwrthwynebiadau sylweddol lleol
i’r datblygiad yma. Teimlir bydd dyluniad y tai o
safon uchel a gan fod y safle ar ffin y dref, bod y cynllun tirlunio hefyd o
safon uchel.
·
Mae’r Adran Polisi yn cadarnhau yn ei hymateb y gall y
bwriad gyfarch angen y gymuned leol, a thrwy hyn cadw’r cydbwysedd ieithyddol
lleol. Mae gan y datblygwr ymrwymiad i roi enw Cymraeg ar y bwriad, ac mae trafodaethau wedi bod yn barod gyda theuluoedd lleol
ynglŷn â’r elfen marchnatai (fydd i’w rhagweld yn gyfyng dros ben ar y
cais yma).
c) Cynigiwyd
ac eiliwyd i ganiatáu y cais
ch) Yn ystod y drafodaeth ddilynol nodwyd y
sylwadau canlynol gan aelodau:
·
Bod caniatâd ar gyfer 3 tŷ eisoes yn bodoli -
cynnydd o dai fforddiadwy i’w groesawu
·
Pryder am ddiogelwch y ffyrdd - cydnabod bod
datrysiadau yn anodd
d) Mewn
ymateb i bryderon am ddiogelwch y cyhoedd ar hyd y ffordd, derbyniodd yr Uwch
Beiriannydd Rheolaeth Datblygu bod y lôn yn gul iawn ac yn gwasanaethu o leiaf
25 o dai a’r Coleg yn yr ardal. Ategodd bod cyfyngiadau cyflymder traffig wedi
eu gosod a bod twmpathau cyflymder ar hyd y ffordd. Er hynny, mynegodd na fyddai cynnydd o 3 - 5 yn debygol o wneud gwahaniaeth
mawr i’r sefyllfa a bod y trefniant rhannu gofod sydd eisoes yn ei le i weld yn
effeithiol.
PENDERFYNWYD:
Dirprwyo’r
hawl i Bennaeth Cynorthwyol Amgylchedd i ganiatáu’r cais yn ddarostyngedig i
bennu disgownt priodol ar gyfer cyfyngu gwerth y ddau dy
fforddiadwy a chwblhau Cytundeb 106 i sicrhau fod y ddau dy yn rhai fforddiadwy
ar gyfer angen lleol ac i amodau perthnasol yn ymwneud gyda:
1. Amser
2. Cydymffurfio gyda chynlluniau
3. Cytuno ar fanylion deunyddiau allanol
gan gynnwys llechi a gorffeniadau
4. Tirlunio/Coed
5. Materion draenio
6. Materion Bioamrywiaeth
7. Materion Archeolegol
8. Tynnu
hawliau PD y Tai Fforddiadwy.
9. Materion Priffyrdd
10. Cytuno ar enw Cymraeg/arwyddion
11. Cytuno ar Gynllun Rheoli Adeiladu
12. Mesurau Gwarchod a gwella’r gwrych
13. Cytuno ar fanylion triniaethau ffin
Nodiadau:
SUDS a Dŵr Cymru
Dogfennau ategol: