· Balans Ysgolion - 31/03/2021
· Grantiau Ysgolion – 2021/22
· Diweddariad Gweithgor Cyllid ADY
· Cyfundrefn Addysg Drochi tuag at
2032 a thu hwnt
Cofnod:
i. BALANSAU YSGOLION BLWYDDYN GYLLIDOL 2020/21
Cyflwynwyd y
rhan yma gan Cyfrifydd Grŵp Ysgolion.
Rhannwyd
Datganiad gan Llywodraeth Cymru ar Falansau Ysgolion
Cymru yn ei gyfanrwydd. Nodwyd fod y cyfanswm o Falanasau
yn ysgolion Cymru wedi cynyddu o oddeutu £150 miliwn yn y flwyddyn Covid cyntaf. Credwyd yn gryf mai prif reswm hynny oedd gan
fod yr ysgolion wedi bod ynghau dros gyfnodau yn ystod y pandemig i ran helaeth
o’r disgyblion.
Eglurwyd nad
oedd yr un ysgol mewn diffyg yng Ngwynedd ar ddiwedd y flwyddyn ariannol
diwethaf- ond fod £17 miliwn o falansau negyddol wedi
cronni drwy Gymru yn y flwyddyn ariannol diwethaf. Tynnwyd sylw at y ffaith y
byddai Gwynedd yn rhif 7 o’r 22 awdurdod yng Nghymru o’r Balansau
uchaf pe bai’r balansau negyddol yn cael eu diysytru.
Dyma’r
pwyntiau a godwyd o’r drafodaeth-
-
Nodwyd
fod angen cofio fod Gwynedd yr ail uchaf o’r balansau
fesul pob disgybl yn unigol a fod angen cysidro yn y farn tuag at y Balansau. Cynigwyd fod hyn o ganlyniad i gymorth athrawon
llanw a chyflenwad i gefnogi disgyblion bregus. Pryderwyd sut y byddent yn
rheoli gwahanol ffyrdd wnaiff ysgolion ddelio efo’r grantiau hwyr hyn gyda rhai
am gario mwy o falans drosodd a’i gilydd.
-
Pryderwyd
fod ysgolion wedi cael eu cyfarch â llawer o grantiau hwyr eleni, a gofynnwyd
beth oedd yn ddisgwyliedig o’r ysgolion wrth eu derbyn. Eglurwyd fod y
Llywodraeth ac Estyn wedi adrodd mewn cyfarfod ADIW eu bod yn cydnabod fod y
grantiau yn creu balansau ffug. Sicrhawyd fod hyn yn
cael ei ragweld ac felly’n debygol na fyddai ysgolion yn cael eu cosbi am y
ffigyrau hyn.
-
Tynnwyd
sylw at y ffaith fod y balansau wedi bod yn gymharol
uchel cyn Covid ac felly fod angen rhoi ystyriaeth i
hyn. Nodwyd fod Cyllidebau Addysg wedi cael eu gwarchod yn arw yn ystod y
pandemig a heb orfod gwynebu cwtogiadau fel gweddill
yr adrannau, ac felly fod angen gwneud rhywbeth i wella’r balansau.
Pwysleisiwyd er hyn, nad oes angen diystyru effaith y pandemig yn gyfan gwbl
-
Pryderwyd
y bydd y sefyllfa ariannol yn parhau yn y blynyddoedd i ddod a fod y grantiau hwyr
yn cyfrannu at hyn. Cydnabuwyd fod y Llywodraeth yn cefnogi ysgolion efo
gwariant ychwanegol sydd wedi dod o sgil Covid, ond
fod angen ystyried oblygiadau hyn ar y balansau i’r
dyfodol. Poenwyd y bydd ysgolion yn cael eu cosbi efo’r balansau
hyn a bydd angen cyfiawnhau y gwariannau sydd i ddod i osgoi hyn.
-
Eglurwyd
fod gwariant parhaol ar staffio ond nad oedd grantiau yn cael eu darparu i ysgwyddo’r gyllideb yma.
-
Parhawyd
gyda’r bryder o staffio. Mynegwyd mai nawr oedd rhai o effeithiau hir dymor yn
dangos ei hun, gyda’r brif un yn pa mor fregus ydi disgyblion. Nodwyd i ateb
hyn fod angen staff ychwanegol i gefnogi’r digyblion,
ac y bydd angen sicrhau’r gyllideb yma am flynyddoedd i ddod.
-
Mynegwyd
rhwystredigaeth dros y grantiau hwyr hyn a dymuniad i hyn gael ei gynllunio’n
well yn y dyfodol.
PENDERFYNIAD – Derbyn y diweddariadau
a’r adroddiad.
ii. GRANTIAU
YSGOLION 2021/22
Cyflwynwyd er gwybodaeth – adroddiad gan y Cyfrifydd
Grŵp Ysgolion yn crynhoi’r grantiau ysgolion 2021/22 sydd wedi eu datgan
hyd yma.
Eglurwyd fod gwerth bron i £12 miliwn o grantiau
wedi eu derbyn ers yr Haf diwethaf, a bellach mae grantiau ychwanegol wedi eu
cyflwyno yn ychwanegol atynt. Cydnabuwyd fod hyn yn rhoi effaith mawr ar
gyllideb ysgolion ond nad yw’n dderbyniol i ysgolion ddibynu
ar yr incwm ychwanegol o flwyddyn i flwyddyn. Nodwyd fod grant megis £3 miliwn
i’r sector Cynradd yn cael ei ddyrannu yn flynyddol, a bellach y dylid ei roi
yn y setliad.
Nodwyd
fod dros £1 miliwn o grantiau wedi ei rannu er lles anghenion dysgu ychwanegol.
Rhannwyd £385 mil yn fwy o grant cyfnod sylfaen. Rhannwyd £300 mil o’r grant
‘gaeaf llawn llesiant’, sef grant i annog gweithgareddau tu allan i’r ysgol.
Derbyniwyd dros £1.1 miliwn o grant ar gyfer y rhaglen cyflymu dysgu o Medi i
Fawrth eleni, ac fe fydd £1.2 miliwn pellach o grant cyflymu dysgu.
Pwysleiswyd
er fod y grantiau hyn yn nodi fod angen eu gwario erbyn 31 Mawrth, nid yw’n
ddisgwyliedig i hyn ddigwydd, ac yn hytrach ei fod yn bwysicach i gyfiawnhau
gwario rhesymol. Nodwyd fod Cyngor Gwynedd yn cymryd hyn i lawn ystyriaeth.
Eglurwyd fod Grant Refeniw cynnal a chadw i ryddhau adnoddau o un flwyddyn i’r
llall i gefnogi cynllunio gwariant at y dyfodol. Nodwyd mai gwerth hwn oedd
£1.8 miliwn.
Mi
dderbyniwyd £5.5 miliwn o Gaerdydd, a £1 miliwn yn ychwanegol gan GwE sydd yn
ychwanegol i’r cyllid roddwyd yn yr Haf.
Tybiwyd
o ganlyniad i’r balansau ychwanegol yma y bydd y balansau yn uwch eleni nag oeddent yr adeg yma flwyddyn
diwethaf.
Pwysleisiwyd
fod angen i ysgolion ystyried eu bod yn defnyddio £3.5 miliwn o falansau llynedd yn ran o’u cyllidebau eleni.
Eglurwyd
fod costau aruthrol yn dilyn cynydd mewn pris
contractwyr ac adnoddau adeiladu, sydd yn golygu fod costau cynnal a chadw
adeiladau yn achosi straen ar leoliadau.
PENDERFYNIAD
– Derbyn y diweddariadau a’r adroddiad.
iii. DIWEDDARIAD GWEITHGOR CYLLID ADY
Cyflwynwyd
gan y Pennaeth Cynorthwyol Anghenion Arbennig.
Rhannwyd
mai’r cam nesaf yn y broses ydi i ymgynghori efo grwpiau strategol i ganfod yr
opsiynau gorau i’r gyllideb. Nodwyd fod yr ymgynghoriad yma am ddatgan os ydi’r
gweithgor a’r Fforymau yn cydweld efo’r dyraniad gorau o’r arian. Dywedwyd y
bydd ymgynghori yn dechrau efo Penaethiaid cyn y Pasg
Eglurwyd mai yn Ebrill
neu Medi 2023 fydd y gweithredu yn dechrau arni, yn ddibynnol ar ganlyniad a
therfyn y gwaith ymgynghori.
PENDERFYNIAD
– Derbyn y diweddariadau a’r adroddiad.
iv. CYFUNDREFN ADDYSG DROCHI
Cyflwynwyd
gan Uwch Reolwr Ysgolion.
Atgoffwyd
y byddent yn gofyn am gyfraniad gan ysgolion i gefnogi’r gwaith gan sicrhau y
byddent yn cydberchnogi’r darpariaeth addysg drochi.
Eglurwyd nad
oedd pethau wedi medru symud mor gyflym ag y hoffen
nhw, ac felly ni fyddent yn gofyn am gyfraniad at y gwaith yn 22/23 ar hyn o
bryd.
Nodwyd nad ydynt yn
disgwyl cael pennaeth a staff i’r strwythur hyd nes Medi ’22 yn dilyn gorfod
ail hysbydebu’r swydd. Dywedwyd fod sefydlu un o’r
lleoliadau wedi llithro hyd at Ionawr ’23 i allu agor, yn hytrach na Medi ‘22.
Cadarnhawyd y bydd yr
Adran Addysg yn cael eu diweddaru os fydd unrhyw costau ychwanegol yn codi yn y
broses. Disgwylwyd i dderbyn cyfraniad gan yr
ysgolion o Ebrill ’23 ymlaen, sydd yn flwyddyn o oediad i lle yr ydyn nhw
rŵan. Soniwyd y bydd diweddariadau cyson yn cael ei rannu ac y bydd
diweddariad cadarn erbyn yr Hydref yn ystod y flwyddyn ariannol nesaf, boed yn
ddiweddariad ar lafar neu yn eitem yn yr agenda i’r Fforwm.
PENDERFYNIAD – Derbyn y diweddariadau
a’r adroddiad.
Dogfennau ategol: