·
Network
Rail
·
Trafnidiaeth Cymru
·
Heddlu Trafnidiaeth Prydeinig
Cofnod:
NETWORK RAIL
Croesawyd Sam Hadley, Rheolwr Materion Cyhoeddus Llwybrau Cymru i’r
cyfarfod
Diweddariad ar uwchraddio
traphont Abermaw
Cyflwynwyd lluniau a ffeithiau allweddol ar waith a gwblhawyd ar y
draphont rhwng Medi 2021 a Rhagfyr 2021. Nodwyd bod y gwaith wedi bod yn heriol
ac yn ffisegol anodd i’r gweithwyr oherwydd amodau gwaith yn ymwneud a’r
tywydd.
Mewn ymateb i gwestiwn os oedd rhywfaint o’r bont wreiddiol yn weddill,
nodwyd bod pob ymgais yn cael ei wneud i gadw cymaint â phosib o’r nodweddion
gwreiddiol a bod unrhyw ailosodiad yn un ‘tebyg at ei debyg’. Ategwyd bod y
bont wedi ei chofrestru (Gradd 2) a bod pob ymgais yn cael ei wneud i sicrhau
bod y nodweddion yn cael eu diogelu.
ETCS (European
Train Control System)
Adroddwyd bod y System ETCS sydd yn cael ei ddefnyddio i reoli signalau
a chyflymder trenau yn cael ei uwchraddio ar gyfer fflyd Dosbarth CAF 197 Civity fydd yn cael eu defnyddio ar y Cambrian
i’r dyfodol agos.
Mewn ymateb i gwestiwn a fyddai’r llinell Cambrian
yn cau dros gyfnod uwchraddio’r system
ETCS, nodwyd y byddai’r gwaith yn debygol o gael ei wneud dros y penwythnos ac
/ neu yn ystod cyfnod cau arall sydd wedi ei gynllunio i osgoi aflonyddwch.
Prosiect Glandulas (Black Bridge) ger
Machynlleth
Bod codi'r bont sy'n rhedeg dros yr Afon Dulas wedi profi yn
llwyddiannus iawn. Codwyd y bont un metr
yn uwch er mwyn lleihau effaith llifogydd ( lefel yr afon yn codi yn ystod glaw trwm a llinell y Cambrian
yn gorfod cau). O ystyried bod y buddsoddiad yn un eithaf bychan, yr effaith yn
sylweddol - yn ystod y tywydd garw diweddar, nodwyd nad oedd llifogydd arferol wedi atal gwasanaethau’r Cambrian
Rhaglen Mynediad i Bawb
(Access for All)
Amlygwyd bod y rhaglen yn gwella mynediad i orsafoedd a bod gorsafoedd
ar draws y wlad yn cael eu hysytired ar gyfer
gwelliannau. Am y tro cyntaf eleni, amlygwyd bod dwy o orsafoedd y Cambrian wedi eu cynnwys ar y rhestr waith posib - hyn yn rhywbeth nas
gwelwyd o’r blaen ac yn newyddion gobeithiol.
TRAFNIDIAETH CYMRU
Croesawyd Gail Jones, Trafnidiaeth Cymru i’r cyfarfod i gyflwyno
diweddariad ar weithgareddau Trafnidiaeth Cymru.
Cyflwynwyd gwybodaeth am y trenau newydd Dosbarth CAF 197 Civity
Mewn ymateb i gwestiwn ynglŷn â gweld model o’r cerbydau newydd
nodwyd bod gwahoddiad i ymweld â’r
trenau newydd wedi ei drefnu Ebrill 2022 a thaith brawf yn cael ei threfnu i Gyffordd
Llandudno. Mewn ymateb, amlygwyd bod dyddiadau ymweld mis Ebrill yng nghanol
cyfnod cyn etholiad ac felly’n debygol o fod angen eu hail drefnu.
Cyfeiriwyd at SGWRS sef cymuned ymchwil ar-lein Trafnidiaeth Cymru i
rannu barn ar drafnidiaeth yng Nghymru
gyda chyfle i gymryd rhan mewn arolygon, trafodaethau ar-lein, a fforymau
trafod i wella’r gwasanaeth.
Amlygwyd pryder bod y cerbydau newydd gyda llai o seddau ac un toiled
fesul 2 gerbyd. Ategwyd bod y Cambrian yn un o
linellau mwyaf prysur Cymru a’r defnydd yn cynyddu o flwyddyn i flwyddyn.
Ystyriwyd nad oedd cynnig llai o seddau
yn ymateb i’r galw ac felly cynigiwyd yn ffurfiol bod angen ystyried 4 cerbyd
parhaol ar gyfer y daith.
Mewn ymateb i sylw ynglŷn â diffyg toiledau ar y trenau newydd a
lleihad mewn nifer seddau, nodwyd bod rhaid sicrhau bod pob elfen yn cael ei ystyried
megis lle digonol ar gyfer pramiau, cadair olwyn, bagiau, beics a nifer
toiledau.
Materion eraill a godwyd yn ystod y drafodaeth
·
Biniau gorsaf Llandecwyn - a oes bwriad eu
hail osod? Mater Cyngor ynteu fater TFC? GJ
i edrych i hyn
·
Sbwriel ar y rheilffordd yn amlygu blerwch –
angen cydweithio i wella’r ddelwedd
·
Angen gwell cydweithio rhwng amserlenni bysus a threnau i hybu trafnidiaeth gyhoeddus
·
Angen ystyried ail gyflwyno trenau nwyddau -
mewn ymateb nodwyd bod Cynghrair Trafnidiaeth Canolbarth Cymru wedi trafod y
posibiliadau a bod Uwch Reolwr Cludo Nwyddau NR wedi sôn am gynllun peilot i
edrych ar y posibilrwydd - Y Cambrian yn addas i’r
pwrpas yma. Awgrym gwahodd Jess Lippitt
(Uwch Reolwr Llwybrau Cludo Nwyddau - Network Rail) i gyfarfod i’r dyfodol i drafod materion cyffredinol
cludo nwyddau.
HEDDLU TRAFNIDIAETH
BRYDEINIG
Nid oedd cynrychiolydd o Heddlu Trafnidiaeth Brydeinig yn bresennol i
gyflwyno adroddiad. Amlygwyd nad oedd ymateb wedi ei dderbyn gan Inspector Karl
Anderson. Nododd SH mai tîm bychan iawn sydd bellach yn gweithio i’r Tîm Heddlu
Trafnidiaeth Rheilffordd. SH i gyfeirio cyswllt newydd i LHE
Diolchwyd am y diweddariadau