Codi adeilad yn lle adeilad presennol (rhannol
ôl-weithredol) ar gyfer defnydd fel gweithdy masnachol, storfa, a modurdy, ac
hawl ol weithredol ar gyfer ffurfio mynedfa newydd ynghyd a ffordd mynediad
ynghyd a dymchwel modurdy a sied
AELOD LLEOL: Cynghorydd Peter Garlick
Penderfyniad:
PENDERFYNIAD: Caniatáu
Amodau safonol yn cynnwys
5 mlynedd, yn unol a’r
cynlluniau, deunyddiau, tirweddu, cwblhau’r fynedfa, defnydd B2 yn unig ac ond
i gael ei weithredu gan drigolion Llain Meddygon, pe byddai’r defnydd B2 yn dod
i ben rhaid defnyddio’r adeilad ar gyfer dibenion sy’n atodol i Llain meddygon
yn unig
Cofnod:
Codi adeilad
yn lle adeilad presennol (rhannol ôl-weithredol) ar gyfer defnydd fel gweithdy
masnachol, storfa, a modurdy, ac hawl ôl weithredol ar gyfer ffurfio mynedfa newydd
ynghyd a ffordd mynediad ynghyd a dymchwel modurdy a sied.
Tynnwyd sylw at y ffurflen sylwadau hwyr
a) Amlygodd y
Rheolwr Cynllunio bod y Pwyllgor, yng nghyfarfod 13 Rhagfyr 2021 wedi penderfynu gohirio ystyriaeth fel bod yr
ymgeisydd yn cael cyfle i gyflwyno gwybodaeth bellach parthed :
(a) yr angen am weithdy ym Mhenygroes a
Bontnewydd,
(b) y bwriad i gau'r fynedfa bresennol i’r tŷ yn barhaol, a
(c) cyfiawnhad dros faint a graddfa'r adeilad.
Yn dilyn gohirio y cais, derbyniwyd datganiad pellach gan yr ymgeisydd
yn egluro'r pwyntiau uchod yn Chwefror 2022.
Adroddwyd mai cais ôl weithredol ar gyfer codi gweithdy diwydiannol
(dosbarth defnydd B2) ar leoliad adeilad amaethyddol blaenorol oedd dan sylw.
Byddai’r gweithdy newydd yn mesur 20 medr o hyd, 12 medr o led a 5.2 medr i’r
crib ac yn cael ei adeiladu o fframwaith ddur wedi ei gorchuddio a sitiau dur ac yn cael ei ddefnyddio ar gyfer busnes yr ymgeisydd. Nodwyd bod
fframwaith y gweithdy wedi ei godi eisoes.
Tynnwyd
sylw at Nodyn Cyngor Technegol (TAN) 6: Cynllunio ar gyfer Cymunedau Gwledig
Cynaliadwy (Gorffennaf 2010) gyda pharagraff 3.1.2 yn datgan y dylai awdurdodau
cynllunio gefnogi arallgyfeirio yn yr economi wledig fel ffordd o ddarparu
cyfleoedd cyflogaeth leol, cynyddu ffyniant economaidd lleol a lleihau'r angen
i deithio i weithio. Dylai'r Cynllun Datblygu hwyluso arallgyfeirio'r economi
wledig drwy ddiwallu anghenion y diwydiannau gwledig traddodiadol a mentrau
newydd, wrth leihau'r effeithiau ar y gymuned leol a'r amgylchedd. Nodwyd bod
paragraff 3.1.4 o'r NCT yn nodi bod llawer o fusnesau mewn ardaloedd gwledig yn
fach, gyda hunangyflogaeth yn gyffredin gyda’r busnes yn aml yn cael ei
weithredu o adref, gan ddarparu model busnes cynaliadwy. Dylid cefnogi
ceisiadau cynllunio ar gyfer safleoedd gweithio o adref ar yr amod nad yw
amwynder lleol yn cael ei beryglu i raddau annerbyniol.
Amlygwyd bod Polisi Cyf 6 yn rhestru meini prawf sydd angen cydymffurfio
a hwy ac yn annog datblygiadaiu ar raddfa fach
sy’n gwneud defnydd priodol o adeiladau sy’n bodoli
yn barod ac sy’n gweddu a’r ardaloedd gweledig.
Yng
nghyd-destun Llain Meddygon ymddengys bod y rhesymau dros y bwriad i godi'r
uned ddiwydiannol yng nghartref yr ymgeisydd yn deillio o amgylchiadau personol
ac nad yw, yn nhermau cynllunio yn hanfodol i’w leoli yng nghefn gwlad.
Ymddengys bod y busnes yn cael ei redeg o ystâd ddiwydiannol Peblig Caernarfon
ond oherwydd cyflwr gwael yr adeilad roedd bellach wedi ei ail leoli mewn Uned ym Mhenygroes.
Nodwyd bod gwraig
yr ymgeisydd yn anabl ac angen gofal drwy'r dydd a byddai'r datblygiad yn
caniatáu iddo weithio a chynnal ei fusnes ynghyd a bod wrth law i edrych ar ôl
a gofalu am ei wraig. Ef yn unig fyddai’n gweithio o’r gweithdy bwriededig
ym Montnewydd.
Cydnabuwyd y wybodaeth ychwanegol, ond ni ystyriwyd bod yn newid y farn
bod cyfiawnhad yr ymgeisydd dros y bwriad yn troi o amgylch ei anghenion
personol yn hytrach nac angen cynllunio gwirioneddol i sefydlu uned
ddiwydiannol newydd yng nghefn gwlad agored. Ystyriwyd bod y cais yn groes â
pholisi PCYFF1, PCYFF2 a CYF6 o fewn CDLl.
b) Yn manteisio ar yr hawl i siarad, nododd yr Aelod Lleol yn sylwadau
canlynol:
·
Cadarnhau nad oedd uned bellach yn Peblig - y busnes bellach wedi
ei gofrestru ym Mhenygroes
·
Bod y gwaith o sefydlu prototype yn cael ei wneud yn Bontenwydd
ac yn cael ei gynhyrchu ym Mhenygroes
·
Byddai gweithio ym Montnewydd yn hwyluso
bywyd personol yr ymgeisydd
·
Bod yr ymgeisydd yn cyflogi 9 o weithwyr
·
A yw 20m yn rhy fawr? Yn addas ar gyfer
peiriannau gwaith
·
Nad oedd gwrthwynebiad gan y Cyngor Cymuned
·
Rhaid rhoi pobl Gwynedd yn ganolog i bopeth yr ydym yn wneud
c) Cynigiwyd
ac eiliwyd caniatáu y cais yn groes i’r argymhelliad gydag awgrym i gynnwys
amodau, mai preswylwyr Llain Meddygon yn unig fydd yn cael gweithredu o’r safle
a nodi terfyn amser ar waith diwydiannol ar y safle
d) Yn ystod y drafodaeth ddilynol nodwyd y sylwadau canlynol gan aelodau:
·
Bod angen gwarchod swyddi o safon uchel
·
Bod y sefyllfa yn dderbyniol
·
Bod y fframwaith presennol yn debyg iawn
i’r un blaenorol
PENDERFYNWYD
Caniatáu
Amodau
safonol yn cynnwys
5
mlynedd, yn unol â’r cynlluniau, deunyddiau, tirweddu, cwblhau’r fynedfa,
defnydd B2 yn unig ac ond i gael ei weithredu gan drigolion Llain Meddygon, dim
storio tu allan a pe byddai’r defnydd B2 yn dod i ben rhaid defnyddio’r adeilad
ar gyfer dibenion sy’n atodol i Llain meddygon yn unig
Dogfennau ategol: