The Old
Wives' Tale, 21 Heol Tegid, Y Bala, LL23 7EH
I ystyried
y cais
Penderfyniad:
PENDERFYNIAD
Bod y
Pwyllgor yn cymeradwyo’r cais, yn unol â’r Ddeddf Drwyddedu a’r amodau rheoli
sŵn a gytunodd yr ymgeisydd i ychwanegu at atodlen weithredol y drwydded
Cofnod:
THE OLD WIVES' TALE, 21 TEGID STREET, BALA LL23 7EH
Ymatebwyr: Mr Mark Mortimer
(Swyddog Gorfodaeth Gwarchod y Cyhoedd)
Mr Adrian Angel
(Gwasanaeth Tan Gogledd Cymru)
Croesawodd y Cadeirydd bawb i’r cyfarfod.
Amlygodd y Cadeirydd y byddai gan bob parti hawl i hyd at 5 munud i gyflwyno eu sylwadau
a)
Adroddiad yr Adran
Trwyddedu
Cyflwynwyd adroddiad
y Rheolwr Trwyddedu yn manylu ar
gais am drwydded eiddo ar gyfer
bwyty gyda hawl i werthu
alcohol gyda phrydau i’w gweini gyda
bwyd ar yr eiddo yn unig
rhwng 12 o’r gloch hyd at 11yh, saith diwrnod yr wythnos. Gwnaed cais am hawl i chwarae
cerddoriaeth wedi ei recordio a chynnal
adloniant byw o 7 y bore tan
11 yr hwyr, saith diwrnod
yr wythnos.
Nodwyd bod gan
Swyddogion yr Awdurdod Trwyddedu tystiolaeth ddigonol bod y cais wedi ei gyflwyno
yn unol â gofynion Deddf Trwyddedu 2003 a’r rheoliadau perthnasol. Cyfeiriwyd at y mesurau yr oedd yr ymgeisydd yn ei argymell
i hyrwyddo’r amcanion trwyddedu ac amlygwyd y byddai’r mesurau hyn yn
cael eu cynnwys
ar y drwydded.
Tynnwyd sylw at yr ymatebion
a dderbyniwyd yn ystod y cyfnod ymgynghori. Nodwyd na dderbyniwyd gwrthwynebiad i’r cais ond bod Adran
Gwarchod y Cyhoedd wedi argymell amodau
rheoli sŵn. Cadarnhawyd bod yr ymgeisydd yn fodlon derbyn
yr amodau hyn ac yn barod i’w
hychwanegu ar y drwydded. Argymhellwyd i’r Pwyllgor ganiatáu’r
cais yn unol
â gofynion Deddf Drwyddedu 2003.
Wrth ystyried y cais dilynwyd y drefn
ganlynol-:
· Rhoi cyfle i
aelodau’r Is-bwyllgor a’r ymgeisydd ofyn cwestiynau i’r Rheolwr Trwyddedu
· Gwahodd yr
ymgeisydd i ymhelaethu ar y cais
·
Rhoi cyfle i’r
ymgynghorai gyflwyno eu sylwadau
·
Gwahodd deilydd y
drwydded neu ei gynrychiolydd i ymateb i’r sylwadau
·
Rhoi cyfle i aelodau’r Is-bwyllgor ofyn cwestiynau
i ddeilydd y drwydded.
·
Rhoi cyfle i aelodau’r Is-bwyllgor ofyn cwestiynau
i’r ymgynghorai
Nid oedd yr ymgeisydd yn bresennol i
gyflwyno ei gais ar lafar
Manteisiodd yr ymgynghorai oedd yn bresennol
ar y cyfle i ymhelaethu ar sylwadau a gyflwynwyd ganddynt drwy lythyr.
Mark Mortimer
·
Trafodaethau wedi eu cynnal gyda’r ymgeisydd – y
cais wedi ei dacluso ers ei gyflwyno
·
Yr ymgeisydd wedi cytuno i dderbyn amodau rheoli
sŵn ar yr eiddo yn ogystal â chwtogi oriau adloniant rheoledig
·
Bod yr ymgeisydd wedi cytuno cyfyngu ar yr oriau
cerddoriaeth byw ac y byddai yn gwneud cais am Rybudd Digwyddiad Dros Dro petai
angen unrhyw ymestyniad achlysurol
Adrian Angel
·
Dim pryderon diogelwch y cyhoedd, ond cais i’r
ymgeisydd gwblhau asesiad risg, ail wneud cynllun llawr ar ôl gosod larymau tân
a chlirio’r safle - ni fyddai hyn yn amharu ar benderfyniad yr is-bwyllgor
Cyng. Dilwyn Morgan (Aelod Lleol) - sylwadau
wedi eu cyflwyno drwy e-bost
·
Ymddiheuro nad oedd yn gallu bod yn bresennol
·
Nodi ei gefnogaeth lwyr i’r drwydded yn Old Wives’ Tale.
·
Nad oedd unrhyw broblem sŵn yn aflonyddu ar y
trigolion gerllaw o gwbl.
Ymneilltuodd yr ymatebwyr
a’r Rheolwr Trwyddedu o’r cyfarfod
tra bu i
aelodau’r Is-bwyllgor drafod y cais
Wrth gyrraedd y penderfyniad ystyriodd yr
Is-bwyllgor ffurflen gais yr ymgeisydd, sylwadau ysgrifenedig a gyflwynwyd gan
y partïon â diddordeb, adroddiad y Swyddog Trwyddedu ynghyd â sylwadau llafar pob parti yn bresennol yn y gwrandawiad. Ystyriwyd
Polisi Trwyddedu’r Cyngor a chanllawiau’r Swyddfa Gartref.
Roedd yr holl
ystyriaethau yn cael eu pwyso a’u mesur yn erbyn yr amcanion trwyddedu o dan y Ddeddf Trwyddedu
2003, sef:
i.
Atal trosedd ac anhrefn
ii.
Atal niwsans cyhoeddus
iii.
Sicrhau diogelwch
cyhoeddus
iv.
Gwarchod plant rhag
niwed
Diystyrwyd sylwadau ddaeth i law i’r graddau
eu bod yn amherthnasol i’r amcanion hyn. Diolchwyd i bawb am gyflwyno sylwadau
ar y cais. Rhoddodd yr Is-bwyllgor ystyriaeth briodol i’r holl sylwadau.
PENDERFYNWYD
·
Caniatáu y cais diwygiedig
·
Ymgorfforir y materion sydd wedi eu rhagnodi yn
Atodlen Weithredol (Rhan M) y cais fel amodau ar y drwydded
·
Ymgorfforir fel amodau'r drwydded yr amodau rheoli
sŵn a argymhellwyd gan Warchod y Cyhoedd
Rhoddwyd y drwydded fel a ganlyn:
1. Oriau agor: Sul-Sadwrn:
07:00 – 23:00
2. Cerddoriaeth fyw tu mewn: Sul-Sadwrn: 19:00 – 22:30**
3. Cerddoriaeth wedi recordio tu mewn: Sul-Sadwrn: 12:00 – 23:00
4. Cyflenwi alcohol i yfed ar ac oddi ar yr eiddo:
Sul-Sadwrn 12:00 – 23:00
** wedi eu cyfyngu i unrhyw bedair noson o fewn mis
calendar.
Rhesymau
Rhoddwyd
ystyriaeth arbennig i sylwadau'r Gwasanaeth Gwarchod y Cyhoedd ynglŷn a darpariaeth cerddoriaeth
byw ac wedi ei recordio ar yr eiddo. Cytunodd yr ymgeisydd i’r addasiadau canlynol i’r cais:
·
Uchafswm o bedair noson o
gerddoriaeth byw fesul mis calendar
·
Cerddoriaeth acwstig yn unig i’w
chwarae drwy system PA'r adeilad - oriau penodol 19:00 i 22:30 ar gyfer y nosweithiau hyn
·
Dim cerddoriaeth i’w chwarae yn allanol
O dan yr amgylchiadau roedd yr Is-bwyllgor yn fodlon
bod y cais yn gydnaws â’r pedwar
amcan trwyddedu, ac felly caniatawyd y cais.
Adroddodd y Cyfreithiwr
y byddai’r penderfyniad yn cael ei
gadarnhau yn ffurfiol drwy lythyr
i bawb oedd
wedi cyflwyno sylwadau ysgrifenedig. Ategwyd bod gan bob parti i’r cais
yr hawl i gyflwyno apêl yn
Llys Ynadon Caernarfon yn erbyn penderfyniad
yr Is-bwyllgor. Dylid cyfeirio unrhyw apêl o’r fath
drwy roi rhybudd o apêl i’r Prif Weithredwr,
Llys Ynadon Llandudno,
Llandudno, o fewn cyfnod o
21 diwrnod gan gychwyn â’r dyddiad
y bydd yr apelydd yn derbyn llythyr
(neu gopi ohono) yn cadarnhau’r penderfyniad.
Dogfennau ategol: