Cyflwynwyd gan:Cyng. Craig ab Iago
Penderfyniad:
Derbyniwyd a nodwyd y wybodaeth yn yr adroddiad.
Cofnod:
Cyflwynwyd yr
adroddiad gan Cyng. Craig ab Iago
PENDERFYNIAD
Derbyniwyd a
nodwyd y wybodaeth yn yr adroddiad.
TRAFODAETH
Cyflwynwyd yr
adroddiad gan gyfeirio at y niferoedd sy’n
ddigartref yn y Sir a’r cynnydd yn y niferoedd sy’n cyflwyno yn ddigartref o
ganlyniad i dderbyn ‘rhybudd adran 21’ gan landlordiaid (rhybudd y bydd eu
tenantiaeth yn dod i ben). Nodwyd yn ystod y flwyddyn 2022 rhoddwyd 169 rhybudd
ac roedd 78% o’r rhesymau a roddwyd gan landlordiaid dros gyflwyno’r rhybudd
oherwydd eu bod yn gwerthu’r eiddo. Soniwyd am yr hyn mae’r Adran yn ceisio ei
wneud i geisio cynnig datrysiad i’r sefyllfa er
enghraifft cynnig pecynnau cefnogaeth i landlordiaid preifat.
Cyfeiriwyd at
y cynlluniau prynu Tai a phrynu Tir gan nodi bod 8 tŷ wedi ei brynu gyda 5
arall naill ai yn agos i gwblhau neu â chytundeb i brynu yn nwylo’r
cyfreithwyr. Soniwyd hefyd am y Cynllun Cymorth Prynu Gwynedd gan nodi bod
gwerth £13 miliwn o fenthyciadau ecwiti ar gael er mwyn rhoi cyfle i fwy o bobl
brynu cartref oddi ar y farchnad agored yn eu cymuned leol.
Adroddwyd ar y
gwasanaeth Ynni newydd sydd wedi cael ei sefydlu gan nodi bod dros 570 o bobl
wedi derbyn cymorth hyd yma gyda’u biliau ynni trwy dderbyn talebau ynni.
Mynegwyd bod hyn yn lwyddiant ond bod y broblem wreiddiol yn cael ei greu gan y
Llywodraeth gyda’r Cyngor yn ceisio ei ddatrys. Cyfeiriwyd at ddatblygiadau’r
Siop un Stop gan nodi bod staff eisoes wedi eu penodi a bod yr Adran ar hyn o
bryd y chwilio am enw newydd i’r ‘Siop un Stop’.
Sylwadau’n
codi o’r drafodaeth
·
Tynnwyd sylw at y nifer o dai
cymdeithasol sydd wedi eu datblygu er mwyn ceisio cyrraedd yr uchelgais o 500
erbyn 2026 gan nodi bod 160 wedi eu datblygu hyd yn hyn. Gofynnwyd pa mor hawdd
fydd cyrraedd yr uchelgais.
·
Mewn ymateb nodwyd bod y targed ddim yn
hawdd ond bod arian wedi ei ymrwymo ar gyfer y ddwy flynedd nesaf a
bydd yr Adran yn edrych ar yr anghenion ar draws y Sir. Nodwyd bod cynllun mewn
lle dros y dair mlynedd nesaf.
·
Canmolwyd y Cynllun Cymorth Prynu gan
nodi mai’r brif her oedd darganfod am fodolaeth y Cynllun yn y lle cyntaf. Mewn
ymateb nodwyd bod fideo wedi ei greu a bod yr Adran wedi ymweld â chynghorau
cymuned Dwyfor. Ategwyd y byddai’r Adran yn gwerthfawrogi unrhyw awgrymiadau
pellach o ran ymgysylltu.
·
Cwestiynwyd os yw’r ffigwr o brynu 8 o
dai yn isel a gofynnwyd os gall y
Cyngor wneud unrhyw beth i helpu neu i gyflymu’r broses.
·
Mewn ymateb nodwyd ei bod yn anodd iawn
dod o hyd i dai addas gan na all yr Adran gystadlu yn erbyn pobl leol sydd
eisiau prynu, heriau staff a’r angen i wneud y gorau o’r arian sydd yn bodoli.
Ychwanegwyd bod llawer o rwystrau o ran safonau tai a gofynion megis gofynion
tân a maint ystafelloedd oedd yn golygu bod llawer yn anaddas. Nodwyd bod yr
Adran wedi ymweld â dros 100 o dai ond oherwydd y rhesymau uchod dim ond 8 oedd
yn bosib ei brynu hyd yma.
·
Pryderwyd am y sefyllfa yn y sector dai
preifat gyda llai o landlordiaid preifat yn gosod eiddo yn y dyfodol.
Cydnabuwyd bod hyn yn risg.
·
Cyfeiriwyd ar y sefyllfa Wcráin a’r
ffoaduriaid a’r risg sylweddol sydd angen ei amlygu a’r pryderon y bydd nifer
yn cyflwyno’n ddigartref. Nodwyd bod y Cyngor yn ceisio cael gwybodaeth gan y
Llywodraeth ac ar hyn o bryd yn y niwl ynglŷn â dyletswyddau’r Cyngor.
Ategwyd bod angen system i gefnogi’r ffoaduriaid. Mynegwyd bod trafodaethau
cyfredol yn digwydd efo’r Llywodraeth. Ychwanegodd y
Prif Weithredwr bod datganiad yn cael ei wneud yn y Senedd heddiw a gobeithir
derbyn diweddariad yn dilyn hyn; gobeithir y bydd gwell cefnogaeth i’r
ffoaduriaid.
Awdur:Carys Fon Williams, Pennaeth Tai ac Eiddo
Dogfennau ategol: