Graham
Williams, Rheolwr Prosiect a Henry
Aron, Rheolwr Rhaglen Ynni Carbon Isel i gyflwyno’r adroddiad.
Penderfyniad:
1. Cymeradwyo'r broses arfaethedig
i benodi noddwr prosiect.
2. Dirprwyo i Gyfarwyddwr y Portffolio, mewn ymgynghoriad â'r Cadeirydd, yr Is-gadeirydd a Swyddog Monitro'r awdurdod i gwblhau'r dogfennau
ar gyfer y broses ddethol
er mwyn penodi noddwr prosiect a chyflawni'r broses ar ran y Bwrdd.
3. Nodi, ar ôl
cwblhau'r broses ddethol, y
gwneir argymhelliad i'r Bwrdd Uchelgais er cymeradwyaeth.
Cofnod:
Cyflwynwyd yr
adroddiad gan Henry Aron (Rheolwr Rhaglen Ynni Carbon Isel) a Graham Williams
(Rheolwr Prosiect).
PENDERFYNWYD
RHESYMAU DROS Y PENDERFYNIAD
Pwrpas
yr adroddiad yw ceisio cymeradwyaeth ar gyfer cyflawni'r broses o benodi noddwr
prosiect i gyflawni'r prosiect.
Y
ffordd ymlaen y cytunwyd arni ar gyfer y prosiect yw penodi partner (noddwr
prosiect) drwy broses ddethol gystadleuol i ddatblygu achos busnes a
chyflawni'r prosiect hwb hydrogen.
Dechreuodd hyn gyda Hysbysiad Gwybodaeth Ymlaen Llaw (PIN) i asesu
dyhead, capasiti a gallu'r farchnad i gyflawni'r prosiect mewn partneriaeth
gydag Uchelgais Gogledd Cymru.
Ar
30 Medi 2022, cytunodd Bwrdd Uchelgais Economaidd Gogledd Cymru ar y camau a
ganlyn:
·
Cymeradwyo’r camau nesaf ar gyfer y prosiect
a’r egwyddorion caffael drafft;
·
Dirprwyo i Gyfarwyddwr y Portffolio, mewn
ymgynghoriad â’r Cadeirydd a’r Is-gadeirydd, awdurdod i gwblhau manyleb yr
ymarferiad caffael yn derfynol ac yna ymgymryd â’r ymarferiad caffael ar ran y
Bwrdd.
·
Nodi, ar ôl cwblhau’r broses gaffael, y gwneud argymhelliad i’r Bwrdd er
cymeradwyaeth.
Mae'r
Swyddfa Rheoli Portffolio wedi gweithio gyda thîm o ymgynghorwyr caffael
arbenigol o'r ymgynghoriaeth Local Partnerships i ystyried y dull mwyaf priodol
o benodi noddwr.
Cynhaliwyd
nifer o gyfarfodydd a gweithdai i drafod y llwybrau caffael posib ynghyd â'u
manteision, eu hanfanteision ac unrhyw gyfyngiadau. Daeth y broses i'r casgliad
nad defnyddio caffael cyhoeddus cystadleuol yng nghyd-destun y Rheoliadau
Caffael Cyhoeddus fyddai'r dull gorau o benodi noddwr prosiect.
O
ganlyniad, ystyriwyd bod yr opsiwn o ddefnyddio proses sy'n debyg i 'Broses
Newid Prosiectau' yn broses fwy addas i benodi noddwr. Argymhellwyd y byddai'r broses yn darparu
dewis amgen addas i broses gaffael ffurfiol a byddai'n cynorthwyo i gyflymu'r
broses, ar yr amod bod y broses yn cael ei gweithredu'n agored ac yn dryloyw ac
yn cael ei chyfathrebu'n eang i unrhyw bartïon posib fyddai â diddordeb.
TRAFODAETH
Manylwyd ar y
cefndir ac ystyriaethau perthnasol a’r ymgynghoriadau a gynhaliwyd.
Mewn ymateb i
sylw, cytunwyd bod yr amserlen ar gyfer cwblhau’r broses yn heriol, ond y
ceisid prysuro hyn ei flaen cyn gynted â phosib’. Nodwyd bod y digwyddiad briffio wedi’i
drefnu’n amodol ar gyfer 18 Ebrill, a byddai’n gyfle i ddysgu gwersi o brosesau
cyffelyb, ac hefyd i dderbyn cwestiynau gan y farchnad. Byddai’n rhaid ystyried ac ymgynghori
ymhellach ar y cwestiynau hyn, gan ddiwygio rhyw fymryn ar ein prosesau a’r
ddogfennaeth o bosib’. Pwysleisiwyd
hefyd ei bod yn bwysig i’r Bwrdd ddeall y gallai rhai ffactorau allanol fod
wedi newid erbyn Haf 2023 a fyddai’n arwain at gyfleoedd newydd i’r holl
bartïon drafod cydweithio â sefydliadau eraill, ac roedd y cam Eglurhad a
Negodi yn caniatáu amser i ddatrys y posibiliadau y gwyddys amdanynt yn
llwyddiannus, gan hefyd ganiatáu i bob parti roi sylw i unrhyw newidiadau mewn
amgylchiadau. Roedd yn anodd
rhagamcanu’r amserlen yn dilyn penodi’r noddwr ar hyn o bryd gan y byddai
hynny’n dibynnu ar y noddwr llwyddiannus a’u prosiect arfaethedig, sgôp y
prosiect a’r amserlen ar gyfer ei gyflawni.
Mewn ymateb i gais
am ragor o sicrwydd ar yr ochr gyfreithiol, nodwyd bod yna lawer o waith wedi
mynd i mewn i’r mater yma, a’i fod yn faes hynod dechnegol ac arloesol. Dymunid comisiynu cwmni arbenigol i gefnogi’r
gwaith a rhoi cyngor cyfreithiol. Roedd
yr adroddiad yn adnabod y symud o gaffael cyhoeddus cystadlueol i ddefnyddio
proses sy’n debyg i ‘Broses Newid Prosiectau’, ac roedd y prif faterion o amgylch
cymorthdal, a sut yn union mae’r cynllun yn cael ei strwythuro, fel nad yw’n
tramgwyddo’r gofynion yma. Roedd hynny’n
un o’r camau nesaf fyddai’n digwydd o safbwynt y gwaith cyfreithiol gyda
chefnogaeth arbenigol. Derbynnid yn
llwyr bod y math yma o brosiectau yn gofyn am arbenigedd mewn maes penodol, a
dyna oedd y bwriad.
Mewn ymateb i
ymholiad, cadarnhawyd bod adnoddau digonol yng nghyllideb y Swyddfa Rheoli
Portffolio i gyfarfod â’r costau sy’n gysylltiedig â chyflwyno’r broses
gystadleuol ar gyfer penodi noddwr, gan mai hwy fydd yn gwneud y gwaith, a bod
yr arbenigedd yno. Petai angen dod ag
arbenigedd i mewn o’r tu allan, roedd yna arian wrth gefn ar gyfer hynny yn y
cyllidebau i raddau, ond yn amlwg ni fyddai’r arian yna ar gael wedyn at ddibenion
eraill. Gan hynny, roedd yn fater o
fonitro’r sefyllfa, ond roedd modd ariannu’r cam yma, sef newid y drefn gaffael
ar gyfer dod ag arbenigedd i mewn.
Nodwyd ymhellach bod modd gosod cyllideb ar gyfer y flwyddyn nesaf,
felly byddai’r staff yn cael eu cadw ac yn gweithio ar hyn o fewn y Swyddfa
Rheoli Portffolio. Hefyd, byddai
cyllideb ar gael o ran datblygu prosiect i gomisiynu’r arbenigwyr hynny fel bo
angen dros y 12 mis nesaf.
Nodwyd y byddai’n
rhaid ystyried y costau hyn wrth osod cyllideb y flwyddyn nesaf.
Dogfennau ategol: