Penderfyniad:
Bod yr
ymgeisydd yn berson addas a phriodol ar gyfer trwydded gyrrwr cerbyd
hacni/hurio preifat gyda Chyngor Gwynedd
Cofnod:
Croesawodd y Cadeirydd bawb i’r cyfarfod. Amlygodd
y byddai'r penderfyniad yn cael ei
wneud yn unol â pholisi trwyddedu Cyngor Gwynedd. Nodwyd
mai pwrpas y polisi oedd gosod canllawiau
ar y meini prawf wrth ystyried
cais yr ymgeisydd gyda’r nod o ddiogelu’r
cyhoedd drwy sicrhau:
• Bod
yr unigolyn yn unigolyn addas a phriodol
• Nad yw'r unigolyn yn
fygythiad i'r cyhoedd
• Bod
y cyhoedd wedi'u diogelu rhag pobl
anonest
• Bod
plant a phobl ifanc wedi'u diogelu
• Bod pobl ddiamddiffyn wedi'u diogelu
• Bod
y cyhoedd yn gallu bod yn
hyderus wrth ddefnyddio cerbydau trwyddedig
Cyflwynodd y Swyddog Trwyddedu adroddiad
ysgrifenedig ar gais a dderbyniwyd gan Mr B am drwydded gyrru cerbyd hacni/hurio
preifat. Gofynnwyd i’r Is-bwyllgor ystyried y cais yn unol â’r
cofnod DBS, y canllawiau ar droseddau a chollfarnau perthnasol, adroddiad yr Asiantaeth Trwyddedu
Gyrwyr a Cherbydau (DVLA)
Roedd yr Awdurdod
Trwyddedu yn argymell i’r Is-bwyllgor wrthod y cais.
Gwahoddwyd yr ymgeisydd i ymhelaethu
ar y cais gan roi gwybodaeth am gefndir
y collfarnau ar ei gofnod DBS a’i
amgylchiadau personol. Roedd ei drwydded
yrru yn drwydded
lân.
PENDERFYNWYD bod yr ymgeisydd
yn berson addas a phriodol ar gyfer trwydded
gyrrwr cerbyd hacni/hurio preifat
gyda Chyngor Gwynedd.
Wrth gyrraedd
eu penderfyniad, roedd yr
Is-bwyllgor wedi ystyried y canlynol:
·
‘Gofynion
‘Polisi Trwyddedu ar gyfer Hurio Preifat
a Cherbydau Hacni Cyngor
Gwynedd’
·
ffurflen gais yr ymgeisydd
·
adroddiad yr Adran
Drwyddedu ynghyd a’r datganiad DBS ac adroddiad Asiantaeth
Trwyddedu Gyrwyr a Cherbydau
·
sylwadau ar lafar gan yr ymgeisydd
Rhoddwyd ystyriaeth benodol i’r materion canlynol
Cefndir
Yn Chwefror
2022 cafwyd yr ymgeisydd yn euog ar
ddau gyfrif : Ymosodiad gan achosi gwir niwed corfforol
(ABH) yn groes i Ddeddf Troseddau yn Erbyn y Person 1861 A.47 ac Affräe yn
groes i Ddeddf Trefn Gyhoeddus 1986 A.3 - derbyniodd yr ymgeisydd orchymyn
cosb gymunedol am dri mis
Yn Awst
2012 cafwyd yr ymgeisydd yn euog o Ymosodiad
gan achosi gwir niwed corfforol (ABH) yn groes i Ddeddf
Troseddau yn Erbyn y Person 1861 A.47 - derbyniodd
yr ymgeisydd ddedfryd o 18
mis yn y carchar.
CYMALAU PERTHNASOL Y POLISI
Ystyriwyd paragraff 2.2 o Bolisi’r
Cyngor lle nodi’r nad oes rheidrwydd
i berson sydd â chollfarn am drosedd
ddifrifol gael ei wahardd rhag
cael trwydded, ond bydd disgwyl
iddo fod yn rhydd rhag
unrhyw gollfarnau am gyfnod priodol
fel y nodir yn y Polisi, a dangos tystiolaeth ei fod yn
unigolyn addas a phriodol i ddal trwydded. Mae cyfrifoldeb ar yr ymgeisydd i brofi ei fod
yn berson addas a phriodol. Mae paragraff 2.4 yn nodi pan fydd ymgeisydd
wedi'i gael yn euog o drosedd(au)
neu fod mater arall/materion eraill i'w (h)ystyried
yng nghyswllt hynny, ni chaiff y cyngor adolygu rhinweddau'r gollfarn honno na'r mater arall hwnnw.
Ystyriwyd paragraff 4.5 sydd yn nodi bod
Gorchymyn Deddf Ailsefydlu Troseddwyr 1974 (Eithriadau) (Diwygio) 2002 yn caniatáu’r Is-bwyllgor ystyried pob collfarn, p’run
ai ydynt wedi eu treulio o dan Ddeddf 1974 neu beidio.
Mae paragraff 6.0 o’r Polisi yn cyfarch
troseddau o drais. Ym mharagraff 6.1 nodir, gan fod gyrwyr trwyddedig yn dod i gysylltiad
agos gyda'r cyhoedd yn rheolaidd
y byddai is-bwyllgor yn mabwysiadu safbwynt
cadarn at y rhai hynny sydd â throseddau
yn ymwneud a thrais.
Mae paragraff 6.5 o’r Polisi yn nodi
y bydd cais am drwydded fel
rheol yn cael ei wrthod
os oes gan yr ymgeisydd fater i’w ystyried
am ymosodiad sy’n
achosi gwir niwed corfforol o dan Ddeddf Trefn Gyhoeddus
1986 sydd yn llai na 3 blynedd cyn dyddiad y cais.
Mae paragraff 6.6 o’r Polisi yn nodi
y bydd cais, fel arfer yn
cael ei wrthod
os oes mwy nag un gollfarn am drosedd o natur
dreisgar yn erbyn yr ymgeisydd a hynny o fewn y 10 mlynedd ddiwethaf.
CASGLIADAU
Ystyriodd yr Is-bwyllgor esboniad
yr ymgeisydd o’r amgylchiadau a arweiniodd at gollfarn 2002 a 2012 ynghyd ag argymhelliad y swyddog i wrthod y cais. Daeth yr Is-bwyllgor i gasgliad bod collfarn 2002 yn drosedd o drais
i bwrpas y Polisi a bod digon o amser wedi mynd heibio
i’r trothwy tair blynedd ers i’r ymgeisydd gael
ei ddyfarnu'n euog. Ystyriwyd esboniadau’r ymgeisydd a’r rhesymau dros
ei ymddygiad yn 2002. Daeth yr Is-bwyllgor i gasgliad bod collfarn 2012 hefyd yn gollfarn
am drosedd dreisgar neu drosedd
debyg a bod ychydig dros 10 mlynedd wedi mynd
heibio ers y drosedd honno. Ystyriwyd esboniadau’r ymgeisydd
a’r rhesymau dros ei ymddygiad
yn 2012. Er nad oedd gan yr ymgeisydd unrhyw hanes diweddar
o aildroseddu, rhoddodd yr
Is-bwyllgor ystyriaeth ofalus a difrifol iawn i’r ffaith
bod y ddwy drosedd yn rhai
difrifol o drais, a bod yr ymgeisydd wedi cael dedfryd
o 18 mis o garchar am gollfarn 2012.
Derbyniwyd eglurhad yr ymgeisydd bod ei amgylchiadau
bellach yn wahanol iawn a'i
fod wedi llwyddo i drawsnewid ei fywyd. Roedd
wedi priodi, cael plant a gyda swydd gyfrifol a chyson; yn weithgar iawn
yn ei gymuned
leol ac yn
gwneud gwaith fel hyfforddwr pêl-droed.
Wedi pwyso
a mesur yr holl ffactorau yn ofalus
penderfynodd yr Is-bwyllgor
drwy benderfyniad mwyafrif, bod yr ymgeisydd yn berson
addas a phriodol i ddal trwydded gyrrwr
cerbyd hacni a hurio preifat, er yn dymuno pwysleisio
y gall unrhyw broblem yn y dyfodol
arwain at gymryd camau i ddiddymu’r drwydded.
Adroddodd y Cyfreithiwr y byddai’r
penderfyniad yn cael ei gadarnhau
yn ffurfiol drwy lythyr i’r
ymgeisydd