Adeiladu ysgol
gynradd unllawr newydd gyda 150 lle, meithrinfa 20 lle a Chylch Meithrin 30
lle a gwaith allanol cysylltiedig, gan gynnwys trin ffiniau, trefniadau parcio newydd
a darpariaethau mynediad gwell ar gyfer adleoli Ysgol Ein Harglwyddes ar hen
safle Ysgol Glanadda
AELODAU
LLEOL: Cynghorydd Gareth Roberts, Cynghorydd Huw Wyn Jones a’r Cynghorydd
Medwyn Hughes
Penderfyniad:
PENDERFYNIAD: Caniatáu'r cais yn ddarostyngedig i amodau'n
ymwneud a'r materion canlynol:
1.
Amser
(5 mlynedd)
2. Yn unol â’r cynlluniau
3. Amod Tir Llygredig
4. Rhaid dilyn argymhellion yr Arolwg Ecolegol
5. Rhaid cwblhau arolwg ffotograffig
6. Sicrhau enw ac arwyddion Cymraeg /
Dwyieithog
7. Rhaid cytuno Cynllun Teithio i'r Ysgol
gyda'r Uned Trafnidiaeth a gweithredu'n unol â gofynion y cynllun hwnnw
Nodiadau
1.
Dŵr
Cymru
2.
Cyfoeth
Naturiol Cymru
3.
Uned
Draenio Tir
COFNODION:
Adeiladu
ysgol gynradd unllawr newydd gyda 150 lle, meithrinfa
20 lle a Chylch Meithrin 30 lle a gwaith allanol cysylltiedig, gan gynnwys trin
ffiniau, trefniadau parcio newydd a darpariaethau mynediad gwell ar gyfer
adleoli Ysgol Ein Harglwyddes ar hen safle Ysgol Glanadda.
a)
Amlygodd yr Arweinydd Tîm Rheolaeth
Datblygu
mai cais ydoedd ar gyfer adeiladu ysgol newydd ar gyfer 200 o
ddisgyblion a fyddai'n cynnwys meithrinfa a chylch meithrin. Byddai’r
datblygiad yn galluogi adleoli Ysgol Ein Harglwyddes o'i safle presennol ger y
bont rheilffordd ar Ffordd Caernarfon, Bangor, sydd ar hyn o bryd yn gweithredu
o fewn adeilad a safle cyfyngedig, sy’n gwneud dysgu ac addysgu dyddiol yn
heriol. Ategwyd bod yr adeilad presennol yn dod at ddiwedd ei oes wasanaethol
ac mae problemau cynnal a chadw parhaus yno.
Adroddwyd bod y cynnig yn cwrdd gyda holl feini prawf Polisi ISA 2, sef
polisi sy’n gefnogol i ddarparu cyfleusterau cymunedol newydd, ynghyd a Pholisi
ISA 4 sy’n dynodi Llecynnau Agored sydd i'w gwarchod rhag datblygiad (y cae
chwarae ar y safle wedi ei ddiogelu dan y dynodiad hwn).
Yng
nghyd-destun mwynderau gweledol ystyriwyd bod y dyluniad a gyflwynwyd yn cynnig datblygiad
a fyddai o raddfa a gwedd a fyddai'n addas ar gyfer ei safle dinesig. Mae'r
ffaith y bydd nodweddion o gymeriad yr ysgol bresennol, megis brics Rhiwabon
coch, yn cael eu hymgorffori yn y dyluniad yn pwysleisio'r dilyniant o'r
sefyllfa bresennol.
Yng nghyd-destun
mwynderau cyffredinol a phreswyl, derbyniwyd, wrth gynyddu maint yr ysgol ac
annog y defnydd o fannau allanol, y gall bod cynnydd mewn sŵn i drigolion
tai cyfagos. Wedi dweud hynny, dim ond am oriau cyfyngedig bydd yr ysgol yn
agored a’r rhan fwyaf o’r amser hynny bydd y plant yn yr adeilad. Ar y cyfan,
wrth ystyried nad oes newid defnydd i'r safle, ni ystyriwyd bydd y datblygiad
yn achosi niwed arwyddocaol i fwynderau’r ardal leol na’i thrigolion yn y tymor
hir er, yn anorfod, bydd peth sŵn ac aflonyddwch yn ystod y cyfnod
adeiladu.
Wrth drafod materion
priffyrdd nodwyd bod Asesiad Trafnidiaeth wedi ei gyflwyno gyda'r cais oedd yn
nodi, er bod y safle wedi gweithredu’n flaenorol fel ysgol sydd â threfniant
mynediad hanesyddol, bod gwelliannau ychwanegol. Derbyniwyd sylwadau oddi wrth
yr Uned Trafnidiaeth oedd yn datgan pryder ynghylch effeithiau posibl y
datblygiad ar lif trafnidiaeth a pharcio yn yr ardal ac ynghylch y llwybrau
cerdded fydd ar gael i blant fynychu'r ysgol. Er hynny, ystyriwyd bod posib
rheoli’r materion hynny os byddai’r Ysgol yn ymrwymo i Gynllun Teithio i'r
Ysgol.
Wedi ystyried yr
holl faterion cynllunio perthnasol, ni ystyriwyd y byddai’r bwriad yn debygol o
achosi effeithiau andwyol annerbyniol hirdymor i drigolion gerllaw na’r gymuned
yn gyffredinol ac y bydd modd rheoli unrhyw effeithiau byrdymor trwy osod
amodau priodol ar y datblygiad.
b)
Yn manteisio ar yr hawl i siarad nododd yr Aelodau Lleol y
sylwadau canlynol:
·
Eu bod yn gefnogol i’r cais
·
Bod yr hen ysgol mewn lle annifyr a phrysur
·
Bod symud i leoliad agos yn gwneud synnwyr
·
Bod y cynllun yn un da
·
Dim gwrthwynebiadau i’r cais – pawb i weld yn gefnogol
·
Cais i osod paneli solar ar yr adeilad – a yw egni adnewyddol wedi
ei ystyried?
c)
Yn ystod y drafodaeth ddilynol nodwyd y sylwadau canlynol gan
Aelodau:
·
Bod yr hen adeilad yn un trawiadol ac mewn lle amlwg
·
Balch bod rhai o’r nodweddion traddodiadol (brics coch Rhiwabon)
yn cael eu gwarchod
·
Cais i roi llechi ar y to a dim to fflat
·
Cytuno gyda’r awgrym i roi paneli solar ar y to
·
Sylw nad oedd Cyngor Dinas Bangor wedi cynnig sylwadau ar fater
allweddol
·
Angen sicrhau digon o lefydd parcio i staff a rheini
·
Croesawu ardal chwarae aml ddefnydd digonol a modern
ch) Mewn ymateb i sylw
ynglŷn â defnyddio paneli solar, nodwyd bod modd trafod y mater gyda’r
ymgeisydd, ond bod cynllun o’r fath, fel arfer yn gorfod cwrdd gyda gofynion
cynaliadwyedd rheolaeth adeiladau.
d)
Cynigiwyd ac eiliwyd
caniatáu y cais
PENDERFYNWYD: Caniatáu'r cais yn
ddarostyngedig i amodau'n ymwneud a'r materion canlynol:
1. Amser (5 mlynedd)
2. Yn unol â’r
cynlluniau
3. Amod Tir Llygredig
4. Rhaid dilyn
argymhellion yr Arolwg Ecolegol
5. Rhaid cwblhau
arolwg ffotograffig
6. Sicrhau enw ac
arwyddion Cymraeg / Dwyieithog
7. Rhaid cytuno
Cynllun Teithio i'r Ysgol gyda'r Uned Trafnidiaeth a gweithredu'n unol â
gofynion y cynllun hwnnw
Nodiadau
1.
Dŵr Cymru
2.
Cyfoeth Naturiol Cymru
3.
Uned Draenio Tir
Dogfennau ategol: