Cyflwynwyd gan:Cyng. Dyfrig Siencyn
Penderfyniad:
·
Cytunwyd i Gyngor Gwynedd arwain ar gais grant a rhaglen i ddatblygu
cynlluniau blaengar yn y maes gwaith economi cylchol.
·
Awdurdodwyd y Pennaeth Economi a Chymuned a’r
Pennaeth Cyllid i dderbyn cynnig grant Economi Gylchol gan Lywodraeth Cymru a
sefydlu trefniadau priodol ar gyfer cyflawni’r rhaglen yng Ngwynedd.
·
Cytunwyd i gytundebau partneriaethol cael ei rhoi mewn lle i bob partner
sy’n amlinellu gweithdrefnau i'r prosiectau unigol.
COFNODION:
Cyflwynwyd yr adroddiad gan Cyng. Nia
Jeffreys
PENDERFYNIAD
TRAFODAETH
Cyflwynwyd yr adroddiad gan ategu bod angen
cymeradwyaeth y Cabinet i dderbyn grant gan Lywodraeth Cymru o’u cronfa Economi
Cylchol sy’n ymrwymiad o bron i £6 miliwn. Nodwyd bod hyn o ganlyniad i dros
dair mlynedd o waith gan yr Adran Economi a Chymuned i ddatblygu’r Economi
Cylchol yng Ngwynedd a pharatoi cais i’w gyflwyno i Lywodraeth Cymru i ariannu
pecyn o gynlluniau. Diolchwyd i Swyddogion yr Adran am eu gwaith.
Manylwyd ar rai o’r cynlluniau sy’n cynnwys
datblygu Llyfrgell y Pethau mewn partneriaeth gyda Gwasanaeth Llyfrgelloedd y
Cyngor a Datblygu Sied Werdd i Antur Waunfawr i gynyddu ailgylchu ac ail-greu.
Nodwyd bod Antur Waunfawr bellach yn casglu 11 tunnell o ddillad yr wythnos ar
draws y Sir sy’n golygu llai o wastraff a mwy o gymorth i drigolion efo costau byw.
Bydd cyfleoedd cyflogi hefyd yn deillio o hyn yn ogystal ag ehangu’r gwaith ail
ddefnyddio ac ail bwrpasu deunyddiau megis dodrefn.
Nodwyd bod y Cynllun hwn yn un arloesol ac yn
cyfrannu tuag at flaenoriaethau Cynllun y Cyngor megis cefnogi’r Rhaglen
Cefnogi Pobl, y Cynllun Argyfwng Hinsawdd a Natur yn ogystal â chydweithio
efo’r Adran Economi a Chymuned a’r Adran Amgylchedd.
Mynegodd y Rheolwr Rhanbarthol ARFOR bod
cydweithio agos iawn efo Llywodraeth Cymru wedi digwydd dros y blynyddoedd
diwethaf. Ategwyd bod y Cynllun yn adeiladu ar waith a chynlluniau llai cafodd
eu creu yn y gorffennol ac yn gyfle i’w datblygu ar raddfa fwy. Nodwyd bod
Llywodraeth Cymru yn edrych i greu 80 o hybiau ail ddefnyddio ac ail greu yng
Nghymru a gall y Cyngor bellach gyfrannu at 27 o’r rheini yng Ngwynedd. Nodwyd
ei fod yn gyfle i roi Gwynedd ar y blaen yn y maes yma a chyfle i weithio efo
partneriaid y drydydd sector gan eu galluogi i ddatblygu ymhellach.
Nodwyd bod nifer o brosiectau o’r newydd ac ar
draws ardaloedd a chymunedau’r Sir. Credwyd ei fod yn gyfle i wneud gwahaniaeth
yn y maes a gweithio’n agos efo Llywodraeth Cymru ar y blaenoriaethau hyn dros
y ddwy flynedd nesaf.
Sylwadau’n codi o’r drafodaeth
¾
Croesawyd buddsoddiad o’r
maint yma a mynegwyd cefnogaeth lwyr i’r Cynllun.
¾
Ategwyd pwysigrwydd
egwyddorion yr Economi Gylchol megis hybu trwsio, benthyg ac ail ddefnyddio fel
rhan normal o fywyd.
¾
Dymunwyd gweld ail fframio
pellach ar ddeunydd ail lawr neu bethau sydd wedi cael eu hailgylchu a’u bod
nhw ddim yn cael ei gweld fel pethau eilradd, yn enwedig yn sgil yr argyfwng
costau byw.
¾
Credwyd bod llawer o bethau
cyffrous i’w gweld yn yr adroddiad a chydnabuwyd pwysigrwydd newid ymddygiad a
cheisio annog rhagor o ailgylchu.
¾
Mynegwyd sylw bod angen bod yn wyliadwrus o
gynaladwyedd y prosiectau hyn gan gofio gall yr arian ddod i ben felly credwyd
bod angen ceisio sicrhau sut bydd y prosiectau hyn yn gynaliadwy i’r dyfodol.
¾
Mewn ymateb nodwyd bod y Rheolwr Rhanbarthol ARFOR
yn gweithio ar hyn efo’r partneriaid. Nodwyd bod llawer o’r arian yn arian
cyfalaf ar gyfer gweithredu’r cam nesaf a bod bwriad i gydweithio’n agos iawn
dros y cyfnod nesaf i sicrhau cynaliadwyedd.
Awdur:Sioned E. Williams, Pennaeth Economi a Chymuned ac Anwen Davies, Rheolwr Rhanbarthol ARFOR
Dogfennau ategol: