Mae
Atodiad B a C ar wahân ar gyfer Aelodau’r Cabinet yn unig.
Mae’r
ddau atodiad yn eithriedig o dan Baragraff 14 o Atodiad 12A o Ddeddf
Llywodraeth Leol 1972 - Gwybodaeth ynglŷn â thrafodion
ariannol neu fusnes unrhyw berson penodol (yn cynnwys yr awdurdod sydd yn dal y
wybodaeth hynny)
Mae cynnwys yr
eitem yn cynnwys gwybodaeth masnachol sensitif am elfennau ariannol y prosiect.
Mae hyn yn berthnasol i nifer o gartrefi preswyl a nyrsio y sector annibynnol
yn benodol Atodiad B a C.
Cyflwynwyd gan:Cyng. Dilwyn Morgan
Penderfyniad:
Cymeradwywyd Achos Busnes Strategol yn Atodiad A.
Awdurdodwyd y Pennaeth Oedolion, Iechyd a Llesiant i
gyflwyno’r Achos Busnes Amlinellol Strategol i Lywodraeth Cymru i geisio am
£14.6miliwn o arian Cronfa Gyfalaf Integreiddio ac Ail-gydbwyso Iechyd a Gofal
Cymdeithasol (IRCF) i greu datblygiad partneriaeth sector gyhoeddus ar safle
Penyberth, Penrhos, mewn partneriaeth gyda Bwrdd Iechyd Prifysgol Betsi
Cadwaladr (BIPBC) a symud ymlaen i ddatblygu Achos Busnes Amlinellol.
COFNODION:
Cyflwynwyd
yr adroddiad gan Cyng. Dilwyn Morgan.
PENDERFYNIAD
Cymeradwywyd
Achos Busnes Strategol yn Atodiad A.
Awdurdodwyd y
Pennaeth Oedolion, Iechyd a Llesiant i gyflwyno’r Achos Busnes Amlinellol
Strategol i Lywodraeth Cymru i geisio am £14.6miliwn o arian Cronfa Gyfalaf
Integreiddio ac Ail-gydbwyso Iechyd a Gofal Cymdeithasol (IRCF) i greu
datblygiad partneriaeth sector gyhoeddus ar safle Penyberth,
Penrhos, mewn partneriaeth gyda Bwrdd Iechyd Prifysgol Betsi Cadwaladr (BIPBC)
a symud ymlaen i ddatblygu Achos Busnes Amlinellol.
TRAFODAETH
Cyflwynwyd yr
adroddiad gan ategu bod atodiadau B a C yn atodiadau eithriedig i sylw’r
Aelodau Cabinet yn unig. Darparwyd cefndir a chyd-destun i’r adroddiad gan nodi
bod Cyngor Gwynedd eisoes yn ddarparwr gofal preswyl ar gyfer trigolion y Sir
ac ar hyn o bryd yn darparu 50% o’r ddarpariaeth breswyl i bobl hŷn gyda’r
sector annibynnol yn darparu’r gweddill. Ategwyd bod hyn yn rhan bwysig o
gyfrifoldeb y Cyngor tuag at drigolion fwyaf bregus y Sir.
Ychwanegwyd bod holl
ddarpariaeth cartrefi nyrsio'r Sir yn cael ei ddarparu gan y sector annibynnol
ar hyn o bryd. Nodwyd bod barn y Llywodraeth o ran yr angen i allanoli
darpariaethau yn Genedlaethol wedi newid yn ddiweddar fel sydd wedi ei nodi yn
y Papur Gwyn ar Ail-gydbwyso Gofal a Chymorth. Yma nodir y buddion o gael
marchnad fwy cytbwys.
Eglurwyd bod prinder
o welyau preswyl yn Ardal Llŷn ac Eifionydd ers i Gartref Penrhos gau
ddechrau Rhagfyr 2020 ac ategwyd nad oes darpariaeth o welyau nyrsio yn ardal
Llŷn. Nodwyd y bydd y Bartneriaeth hon yn anelu i gynnig cartref gofal
gyda nyrsio, i’w adeiladu ar safle Penyberth, Penrhos
er mwyn darparu 32 o welyau preswyl a dementia, ynghyd â 25 o welyau nyrsio
gyda 15 o’r rheini yn cael eu blaenoriaethu ar gyfer gofal nyrsio dementia.
Soniwyd
am yr heriau enfawr o ran recriwtio a chadw staff yn y maes. Nodwyd y bydd y
prosiect yma yn edrych ar arferion gwahanol er mwyn sicrhau staff o ansawdd
uchel yn ardal Llŷn.
Nododd yr Uwch
Ymarferydd Prosiectau bod yr adroddiad yn grynodeb gweithredol o’r achos busnes
sy’n cynnwys yr angen am y newid a bod y Cynllun yn cyd-fynd â sawl Strategaeth
gan y Llywodraeth. Nodwyd bod y weledigaeth wedi ei chynnwys yn yr adroddiad ar
gyfer y safle yn ogystal â beth yw amcanion buddsoddi’r Cyngor.
Ychwanegodd y
Cyfarwyddwr Corfforaethol Gwasanaethau Cymdeithasol bod y cynllun Penrhos yn ei
gyfanrwydd yn un cyffrous ac arbennig. Nodwyd bod y ddarpariaeth nyrsio yn
cyfarch yr angen lleol, yn enwedig y ddarpariaeth dementia gan fod diffyg
darpariaeth o’r fath yn yr ardal yn ogystal â phrinder drwy’r Sir. Ategwyd ei
fod yn gynllun blaengar gan y tybiwyd nad oes Cyngor Sir arall drwy Gymru yn
rhedeg cartref nyrsio a bod hyn yn cael ei wneud law yn llaw efo’r Bwrdd
Iechyd.
Cymerwyd y cyfle i ddiolch am y cydweithio efo Bwrdd
Iechyd Betsi Cadwaladr sydd
wedi
llwyr ymrwymo fel partner allweddol yn ogystal â Chymdeithas Dai Clwyd Alyn.
Sylwadau’n
codi o’r drafodaeth
¾ Mynegwyd
cefnogaeth i’r Achos Busnes a gyflwynir.
¾ Nodwyd bod rhedeg cartref nyrsio yn rhywbeth chwyldroadol nad yw’r Cyngor
wedi ei wneud o’r blaen a bod y datblygiad hwn yn un cyffrous.
¾ Croesawyd yr adroddiad a’r bwriad. Mynegwyd teimlad anghyfforddus bod y
sector annibynnol yn darparu’r holl ddarpariaeth cartrefi nyrsio'r Sir. Ategwyd
y teimlad hwn wrth ystyried yr hyn a nodwyd ar dudalen 25 o’r Achos Busnes
Strategol (atodiad A) am y niferoedd sydd ar restrau aros ar gyfer gwlâu
preswyl a nyrsio a bod y darlun yn anghyflawn oherwydd nad yw’r Cyngor efo’r
ffigyrau ar gyfer gwelyau nyrsio preifat.
¾ Credwyd bod y
datblygiad hwn yn un cyffrous yn enwedig am na fydd yn ddatblygiad sydd yn
ceisio elwa yn ariannol ond yn hytrach yn un fydd o fudd i’r gymuned.
¾ Nodwyd bod yr
adroddiad yn esiampl o gydweithio agos rhwng Cyngor Gwynedd a’r Bwrdd Iechyd
sydd yn rhywbeth i’w groesawu.
¾ Mynegwyd bod angen eglurder am y gwasanaeth drwy bwysleisio bod y
ddarpariaeth ar gael i drigolion Meirionnydd yn ogystal â thrigolion Llŷn
ac Eifionydd. Credwyd bod gwir angen y ddarpariaeth a bod yr angen gwledig yn
amlwg oherwydd bod trigolion yn gorfod teithio ymhell o’u cymunedau am y
ddarpariaeth.
¾ Mewn ymateb i’r
sylw uchod credwyd bod ystyriaethau pellach i’r dyfodol ar gyfer dyblygu’r
Cynllun mewn mannau eraill o’r Sir megis Meirionnydd.
¾ Diolchwyd i’r Uwch
Ymarferydd Prosiectau am gydlynu’r holl waith a dod a’r cynllun hwn at ei
gilydd.
Awdur:Aled Davies, Pennaeth Adran Oedolion, Iechyd a Llesiant
Dogfennau ategol: