I dderbyn diweddariad gan gynrychiolwyr
· Network Rail
· Trafnidiaeth Cymru
· Heddlu Trafnidiaeth Brydeinig
Cofnod:
NETWORK RAIL
Croesawyd Tomos Roberts a Charlotte Harries
(Rheolwyr Cyfathrebu Network Rail)
i’r cyfarfod
Diweddariad ar uwchraddio
traphont Abermaw
Adroddwyd bod gwaith uwchraddio’r bont a gwaith atgyweirio ychwanegol ar
y rheilffordd wedi ei gwblhau ac y byddai’r rheilffordd rhwng Pwllheli a
Machynlleth a'r llwybr cerdded ar hyd y draphont, yn ail agor 2/12/2023.
Ategwyd bod digwyddiad swyddogol i ddathlu’r agoriad wedi ei drefnu yn Theatr y
Ddraig ar yr 8fed o Ragfyr 2023. Cadarnhawyd bod y gwaith wedi ei gwblhau ar
amser a diolchwyd i'r pwyllgor ac i’r cymunedau lleol am fod yn amyneddgar yn
ystod y gwaith.
Diweddariad ar draphont
Aberdyfi
Adroddwyd, fel traphont Abermaw bod traphont Aberdyfi hefyd wedi ail
agor ddiwedd Hydref a bod y gwaith hwnnw o adnewyddu’r strwythur yn llawn wedi
ei gwblhau yn llwyddiannus.
Diolchwyd am y diweddariad a gwerthfawrogwyd y buddsoddiad yn lleol.
Diweddariad ar Fentrau Lleol
Adroddwyd bod Tîm Lleol ar gyfer y Cambrian
wedi ei greu o dan arweiniad Gwyn Rees (Cyfarwyddwr Perfformiad a Thrawsnewid Network Rail ar gyfer Cymru a
Chyfarwyddwr Partneriaeth Rheilffordd Leol y Cambrian).
Amlygwyd bod y tîm yn sicrhau cydweithio rhwng Network
Rail a Trafnidiaeth Cymru a bod ymateb i waith y tîm
hyd yma wedi bod yn gadarnhaol. Gyda
chydweithrediad rhwng Trafnidiaeth Cymru a Network Rail ail gyflwynwyd trenau pedwar cerbyd ar y rheilffordd
dros yr Haf. Gyda golygfeydd godidog ar hyd y Cambrian,
roedd yr ymgyrch pedwar cerbyd wedi galluogi mwy o bobl i fanteisio’n llawn ar
y daith boblogaidd gan gynyddu refeniw a rhoi hwb i’r economi leol. Cyfeiriwyd
hefyd at waith golchi ffenestri’r cerbydau yn y gorsafoedd oedd yn amlygu un
agwedd flaengar y tim at wella profiad y teithiwr.
Diolchwyd am y diweddariad
Sylwadau yn codi o’r drafodaeth ddilynol:
·
Amlygu balchder bod y bont yn
agored a bod y rheilffordd rhwng Machynlleth a Pwllheli yn agor 2/12/23
·
Bod cymeradwyaeth i’r gwaith -
wedi ei gwblhau o dan amgylchiadau heriol iawn
·
Er cwynion am y gwasanaeth bws
oedd yn rhedeg tra bod y rheilffordd wedi cau, un cwyn swyddogol a gafwyd a
hynny oherwydd llifogydd
·
Bod y cyfnod wedi ymddangos yn hir
yn enwedig i blant ysgol
·
Diolch i Grŵp Cymuned Abermaw
and ddiweddariadau cyson o’r gwaith
·
Croesawu trenau pedwar cerbyd. Er
hynny, un siwrne dychwelyd (return journey) y diwrnod oedd yn rhedeg gyda pedwar cerbyd yn
ystod gwyliau’r Haf.
·
Bod glanhau ffenestri'r trên yn ddatrysiad
syml - gwerthfawrogi hyn
·
Bod teithio am ddim yn cael ei
gynnig i deithwyr dros 60 oed yn ystod y gaeaf yn unig – cais i ystyried
ymestyn hyn drwy’r flwyddyn
·
Diolch i Network
Rail am ymweld â llwybr croesi’r cledrau ym
Mhorthmadog ac am wrando ar sylwadau’r Cyngor Tref a thrigolion lleol. Croesawu
penderfyniad i ddiogelu’r groesfan yn hytrach na'i chau.
·
Diolch i Gail Jones (Trafnidiaeth
Cymru) am gydweithio gyda Swyddfa Liz Saville Roberts
i gydlynu trefniadau Gŵyl Gwrw Harlech. Yn anffodus, heb ymyrraeth yr AS,
roedd ymrwymiad Trafnidiaeth Cymru yn araf iawn, ond cafwyd datrysiad yn dilyn
nifer o drafodaethau.
Mewn ymateb i gwestiwn ynglŷn a gwaith ychwanegol pellach a wnaed
i’r rheilffordd ac os oedd hynny yn cynnwys gwaith addasu uchder platfform ar
gyfer y trenau newydd, nodwyd bod trafodaethau yn cael eu cynnal gyda'r Tîm
Rheilffordd Lleol i geisio datrysiad. Amlygwyd bod defnyddio ‘Harrington Humps’
wedi cael ei awgrymu - system lle gellid cynyddu uchder platfform rheilffordd
am gost gymharol isel.
Gweithred:
1. Tomos
Roberts (Network Rail) i
rannu datganiad i’r wasg gyda swyddfa Liz Saville
Roberts AS fel bod modd cyflwyno ‘Cynnig Cynnar y Dydd’ yn Nhŷ’r Cyffredin
i amlygu’r gwaith sydd wedi ei gyflawni.
2. Tomos
Roberts i gysylltu gyda Cyng. Rob Triggs i drafod gwaith ar y cledrau yn
Abermaw.
3. Cyng.
Gwynfor Owen i rannu gwybodaeth gyda Network Rail ynglŷn â phroblemau erydu tir ger eiddo sydd wedi
ei leoli ar dir British Rail (bellach Network Rail). Y bwriad oedd
trefnu ymweliad safle.
4. Cais
am ddiweddariad o gynlluniau / drafodaethau Network Rail a Cyfoeth Naturiol Cymru at amddiffyn y rheilffordd
rhag llifogydd ym Mhwllheli – amddiffyn y rheilffordd
yn flaenoriaeth.
5. Cais
i Network Rail a
Trafnidiaeth Cymru ymestyn y gwasanaeth trenau pedwar cerbyd, pob diwrnod o’r
wythnos, drwy’r flwyddyn. Byddai hyn yn cynyddu refeniw.
6. Diweddariad
o sefyllfa ffordd y clogwyn ar y A493 ger Y Friog. Bod degawd ers i’r goleuadau
traffig gael eu gosod a dim gweithrediad ers hynny. Tirlithriad diweddar wedi
bod ger y safle – yr ardal yn fregus. Cais i gynnal cyfarfod cyhoeddus yn
Neuadd Bentref Llangylennin gyda’r Aelod Cabinet y Cyng Dafydd Meurig a Steffan
Jones (Pennaeth Priffyrdd, Peirianneg ac YGC). Gwahoddiad hefyd i Liz Saville Roberts a Mabon ap Gwynfor. LHE i gysylltu gyda
Steffan Jones i amlygu’r pryderon a cheisio diweddariad erbyn y cyfarfod nesaf.
TRAFNIDIAETH CYMRU
Nid oedd Gail Jones yn bresennol yn y cyfarfod
i dderbyn diweddariad.
Amlygwyd siom gan yr Aelodau nad oedd
cynrychiolaeth gan Trafnidiaeth Cymru
HEDDLU
TRAFNIDIAETH PRYDEINIG
Croesawyd Tomos Davies i’r cyfarfod
Cyflwynodd Tomos ei hun i’r Aelodau. Nododd ei fod wedi ei leoli yng
ngorsaf yr Heddlu ym Mangor sydd gyda chynrychiolaeth dros y rheilffordd o
Bwllheli i Borthmadog. Nododd bod Porthmadog i Fachynlleth
o dan reolaeth Heddlu Prydeinig gorsaf Machynlleth a bod gorsaf Machynlleth
bellach wedi ei staffio yn llawn. Atgoffodd yr Aelodau o gyfrifoldebau’r Heddlu
Prydeinig ac fe nododd mai ychydig iawn o broblemau oedd ar y rheilffordd.
Amlygodd bod y rheilffordd yn prysuro dros yr Haf, bod ychydig o drafferthion
gydag ymddygiad plant ysgol a phroblemau ymddygiad gwrthgymdeithasol mewn rhai
ardaloedd.
Diolchwyd am y diweddariad
Sylwadau yn codi o’r drafodaeth ddilynol:
·
Diolchwyd am y gwaith. Croesawyd
bod HTP yn mynychu cyfarfodydd yn y gymuned
·
Awgrymu ymweliadau gan HTP ag
ysgolion uwchradd lleol i drafod ymddygiad plant yn y gorsafoedd ac ar y trenau
·
Diolch am y cydweithio da rhwng
HTP a Heddlu Gogless Cymru yn Machynlleth
Mewn ymateb i gwestiwn ynglŷn a gosod Teledu Cylch Cyfyng (TCC) ar
rhai o orsafoedd y Cambrain nodwyd bod HTP yn cefnogi
unrhyw fater fyddai yn gwneud y gorsafoedd yn ddiogel, ond byddai rhaid i
Trafnidiaeth Cymru gefnogi’r fenter. Ategwyd, os oes angen ymateb i ddigwyddiad
yna bod angen tecstio 61016 neu lawr lwytho’r ap ‘railway
guardian’ – y ddau yn sicrhau bod cofnod o
ddigwyddiad fyddai’n cefnogi cais am TCC.
Mewn ymateb i gais ynglŷn â chydweithio gyda Heddlu Gogledd Cymru,
nodwyd bod y berthynas wedi gwella ers apwyntio Rhingyll newydd yn 2018.
Ategwyd bod y sefyllfa wedi gwella a bod mwy o gydweithio
Diolchwyd am y
diweddariadau