I ystyried y gwaith adolygu manwl sydd
wedi ei weithredu; Ystyried argymhelliad y Fforwm Craffu, sef, Opsiwn 1 – Cadw
at y trefniadau Craffu Cyfredol a gwneud argymhelliad i’w gyflwyno i’r Cyngor
Llawn ar 07/03/2024.
Penderfyniad:
·
Derbyn
yr adroddiad
·
Croesawu’r
gwaith adolygu a wnaed o’r trefniadau craffu cyfredol yn sgil adroddiad
Archwilio Cymru
·
Argymell
i’r Cyngor Llawn gymeradwyo Opsiwn 1 yn ddarostyngedig bod gwaith yn cael ei gynnal
i wella effeithlonrwydd a gweithrediadau’r Pwyllgorau Craffu
Cofnod:
Croesawyd Ian Jones (Pennaeth Adran Cefnogaeth Gorfforaethol), Vera Jones (Rheolwr
Democratiaeth ac Iaith), Bethan Adams (Ymgynghorydd Craffu) ac Iwan Evans
(Swyddog Monitro i’r cyfarfod.
Cyflwynwyd
adroddiad yn amlygu’r gwaith a wnaed i adolygu’r trefniadau craffu cyfredol yn
sgil adroddiad Archwilio Cymru. Roedd y wybodaeth yn cynnwys yr holl
drafodaethau a gynhaliwyd (mewn gweithdai i Gynghorwyr, trafodaethau gyda’r Tîm
Arweinyddiaeth a Phenaethiaid Adrannau) gan gyflwyno’r sylwadau /
darganfyddiadau drwy bedwar opsiwn i gyd-gyfarfod o’r Fforwm Craffu a’r Aelodau
Cabinet. Gofynnwyd i’r cyd-gyfarfod ystyried manteision ac anfanteision pob
opsiwn gan ddod i gasgliad ac argymhelliad ar gyfer y ffordd ymlaen. Cyflwynwyd
safbwynt y cyd-gyfarfod i’r Tîm Rheoli oedd yn cydweld ar argymhelliad i
gyflwyno opsiwn 1 - cadw at y trefniadau cyfredol.
Atgoffwyd yr Aelodau bod gan y Pwyllgor
Llywodraethu gyfrifoldeb i sicrhau bod trefniadau llywodraethu priodol wedi eu
gweithredu wrth gynnal yr adolygiad ar y trefniadau craffu.
Yn ystod y drafodaeth ddilynol nodwyd y
sylwadau canlynol gan aelodau:
·
Siomedig bod y drefn gyfredol yn parhau - nid
yw’r drefn bresennol yn caniatáu mynd o dan groen materion
·
Adroddiadau swmpus yn cael eu cyflwyno i’r cyfarfodydd a chyflwyniadau’r
swyddogion yn rhy hir – yn cymryd amser i ffwrdd o graffu’r mater
·
Gormod o feysydd yn cael eu cyflwyno - methu
cwrdd â'r galw
·
Anodd blaenoriaethu
·
Nid yw’r system yn gweithio - nid yw yn
effeithiol. Nid yw’r Pwyllgorau Craffu yn llwyddo i newid dim
·
Ymchwiliadau Craffu yn cael effaith, ond dim
digon ohonynt
·
Bod y drefn yn cynnig ‘perfformiad o
gyfundrefn’ gan roi argraff bod craffu da yma
·
Bod enghreifftiau o graffu da yn y gorffennol – angen mewnbwn allanol a
hyfforddiant priodol i symud ymlaen
·
Nad oes elfen wleidyddol i Graffu – trigolion Gwynedd sydd yn bwysig yma
·
Bod angen ystyried sut mae’r Pwyllgor
Llywodraethu yn plethu i mewn i’r drefn. Pan fydd y Pwyllgor yn cyfeirio
materion i’r Pwyllgorau craffu perthnasol, maent yntau yn rhy hwyr neu heb eu
blaenoriaethu ar raglen y pwyllgor craffu perthnasol
·
Nad oedd opsiwn 1 yn creu argraff - byddai
opsiwn 4 (sefydlu pedwerydd 4ydd Pwyllgor Craffu) yn un cytbwys ac yn rhoi
cyfle i ddatblygu’r drefn.
·
Nad oedd yr adroddiad yn cyfleu / cynrychioli barn helaeth a sylwadau’r
gweithdai – nid oedd canlyniadau’r gweithdai wedi eu rhannu gyda’r mynychwyr.
Mewn ymateb i
gwestiwn ynghyn a sut mae’r Pwyllgorau Craffu yn ychwanegu gwerth i waith y
Cyngor, nododd y Rheolwr Democratiaeth
ac Iaith mai pwrpas Craffu yw sicrhau a herio gwaith y Cabinet; gweithredu fel
Ffrind Critigol gan sicrhau bod sylw yn cael ei roi i lais pobl Gwynedd; dal y
Cabinet ac Aelodau unigol y Cabinet i gyfrif am eu penderfyniadau a chraffu
effaith cynlluniau, polisïau a gwasanaethau’r Cyngor. Cyfeiriodd at
enghreifftiau o’r effaith a'r gwahaniaeth mae Craffu wedi ei wneud dros y
blynyddoedd diwethaf. Ategodd bod camau i wella’r drefn hefyd yn deillio o
argymhellion Archwilio Cymru, oedd yn cynnwys creu argymhellion cryfach ar rai
eitemau fel bod modd sicrhau bod yr Aelod Cabinet yn rhoi ystyriaeth briodol i’r
maes ac adrodd yn ôl ar hynny yn amserol.
Ategodd Pennaeth
Cefnogaeth Gorfforaethol bod yr opsiynau yn adlewyrchu trafodaethau’r gweithdai
yn deg, gan fod barn wedi gwahaniaethu yn y gweithdai. Nododd hefyd bod y drefn craffu ‘ar siwrne o
wella’ fel sydd wedi ei nodi gan Archwilio Cymru, gydag argymhellion penodol a
chamau gweithredu i’w cwblhau fydd yn golygu gwelliant pellach.
Mewn ymateb i
gwestiwn ynglŷn â chyhoeddi Adroddiad Blynyddol Craffu, nodwyd bod gofyn
statudol i gyhoeddi adroddiad blynyddol ar draws y tri Pwyllgor Craffu sy’n
cael ei gyflwyno yn flynyddol i’r Cyngor Llawn. Ategodd nad oedd adroddiad
blynyddol ar gyfer y pwyllgorau unigol.
Derbyniodd fod lle i addasu’r
adroddiad blynyddol er mwyn amlygu’r
effaith sydd yn cael ei wneud i fesur bodlonrwydd ac i amlygu cyswllt
rhwng blaen raglen Craffu a Chynllun y Cyngor ymhellach.
Mewn ymateb i
sylw ynglŷn â’r angen i gymeradwyo opsiwn 1 a bod y drafodaeth yn
adlewyrchu negeseuon gwahanol i gynnwys yr adroddiad, nododd y Swyddog Monitro,
mai rôl y Pwyllgor oedd cymeradwyo bod trefniadau’r adolygiad wedi eu cwblhau
yn briodol ac nid i gynnig barn ar y drefn craffu. Amlygodd bod rôl ganddynt i
ystyried argymhelliad y Fforwm Craffu ac os oedd y drefn ymgysylltu /
ymgynghori wedi bod yn ddigonol i arwain y Fforwm at gyrraedd yr opsiwn yma -
cadw at y trefniadau cyfredol. Petai’r pwyllgor yn dewis peidio cefnogi hyn,
byddai rhaid cael sail i’r rhesymeg ynghyd a chynnig amgen.
Nododd y Cadeirydd bod y Pwyllgor yn hapus
gyda’r drefn.
Cynigiwyd ac
eiliwyd cefnogi opsiwn 1 gan mai dyma’r opsiwn orau er yr angen i wella
effeithlonrwydd y cyfarfodydd a gweithrediadau'r pwyllgorau craffu.
·
Derbyn yr adroddiad
·
Croesawu’r gwaith adolygu a wnaed o’r trefniadau craffu cyfredol yn sgil
adroddiad Archwilio Cymru
·
Argymell i’r Cyngor Llawn gymeradwyo Opsiwn 1 yn ddarostyngedig bod
gwaith yn cael ei gynnal i wella effeithlonrwydd a gweithrediadau’r Pwyllgorau
Craffu
Dogfennau ategol: