B&M, Stryd Madog, Porthmadog, LL49 9BU
I ystyried
y cais
Penderfyniad:
DECISION
Opening Hours:
Sunday 07:00 - 23:00
Monday 07:00 - 23:00
Tuesday 07:00 - 23:00
Wednesday 07:00 - 23:00
Thursday 07:00 - 23:00
Friday 07:00 - 23:00
Saturday 07:00 - 23:00
Licensable Activities:
Supply of Alcohol: Both on and off the Premises
Sunday 07:00 - 23:00
Monday 07:00 - 23:00
Tuesday 07:00 - 23:00
Wednesday 07:00 - 23:00
Thursday 07:00 - 23:00
Friday 07:00 - 23:00
Saturday 07:00 - 23:00
To include the measures that were proposed by the applicant in the
application as conditions on the licence.
Cofnod:
B&M,
Stryd Madog, Porthmadog, LL49 9BU
Eraill a wahoddwyd:
·
Richard
Williams (Cynrychiolydd yr ymgeisydd)
·
Cynghorydd Nia Wyn Jeffreys (Aelod Lleol)
Croesawodd y Cadeirydd bawb i’r cyfarfod.
a)
Adroddiad yr Adran
Trwyddedu
Cyflwynwyd adroddiad y Rheolwr
Trwyddedu yn manylu ar gais am drwydded
eiddo ar gyfer B&M, Stryd Madog,
Porthmadog gan B&M Retail. Nodwyd
bod B&M Retail bellach yn
gweithredu cadwyn o dros 500 o siopau ledled Cymru, Lloegr a’r Alban ac yn siop sy’n cynnig
ystod eang o nwyddau cartref, cymysgedd o fwyd a chaledwedd, sydd o ansawdd ond am brisiau fforddiadwy. Gwnaed y cais i
ofyn am hawli werthu alcohol i gwsmeriaid er mwyn ei yfed oddi
ar yr eiddo.
Nodwyd bod gan
Swyddogion yr Awdurdod
Trwyddedu tystiolaeth ddigonol
bod y cais wedi ei gyflwyno yn
unol â gofynion Deddf Trwyddedu 2003 a’r rheoliadau perthnasol.
Tynnwyd sylw at yr ymatebion a dderbyniwyd yn ystod y cyfnod
ymgynghori. Nodwyd nad oedd gan
Heddlu Gogledd Cymru, y Gwasanaeth
Tân na Gwasanaeth Gwarchod
y Cyhoedd wrthwynebiad i’r cais, ond
derbyniwyd sylwadau gan breswylydd lleol a’r Aelod Lleol yn ategu
pryderon y preswylydd lleol. Sail eu pryderon oedd y gallai’r oriau a
ofynnwyd amdanynt (o 7:00 hyd at 23:00 yn ddyddiol) danseilio’r amcan trwyddedu o atal niwsans cyhoeddus
a hynny yn dilyn cyfres o gwynion sŵn hanesyddol oedd yn gysylltiedig â’r safle.
O ganlyniad, roedd yr Awdurdod Trwyddedu yn argymell fod
y Pwyllgor yn ystyried sylwadau’r ymatebwyr, ac ymateb yr ymgeisydd i’r pryderon,
ac yn caniatáu’r cais.
b)
Wrth ystyried y cais dilynwyd y drefn ganlynol-:
·
Cyfle i Aelodau’r Is-bwyllgor ofyn cwestiynau i
gynrychiolydd y Cyngor.
·
Ar ddisgresiwn y Cadeirydd, yr ymgeisydd neu ei
gynrychiolydd i ofyn cwestiynau i gynrychiolydd y Cyngor.
·
Rhoi cyfle i’r ymgeisydd a/neu ei gynrychiolydd
ymhelaethu ar y cais a galw tystion
·
Rhoi cyfle i Aelodau’r Is-bwyllgor ofyn cwestiynau
i’r ymgeisydd a/neu ei gynrychiolydd
·
Ar ddisgresiwn y Cadeirydd gall cynrychiolydd y
Cyngor ofyn cwestiynau i’r ymgeisydd neu ei gynrychiolydd
·
Rhoi gwahoddiad i bob Ymgynghorai gefnogi unrhyw
sylwadau ysgrifenedig
·
Rhoi cyfle i gynrychiolydd y Cyngor a’r ymgeisydd
neu ei gynrychiolydd grynhoi eu
hachos.
c)
Wrth ymhelaethu ar y cais, nododd cynrychiolydd yr
ymgeisydd:
·
Bod y siop B&M ym Mhorthmadog bellach wedi agor
·
Er siom bod Wilko wedi
cau, newyddion da yw bod B&M wedi cymryd yr uned
·
Derbyn y sylw bod yr oriau agor yn wahanol i oriau
agor Wilko
·
Nad oedd tystiolaeth wedi ei gyflwyno yn amlygu
niwsans cyhoeddus
·
Bod siopau B&M yn bodoli ar hyd a lled y wlad a
bod y cais yma am drwydded yn un cyson â siopau B&M eraill
·
Nad oedd bwriad i fasnachu hyd 23:00 bob dydd - bod
hwn ar gyfer hyblygrwydd i agor yn hwyrach ym mis Rhagfyr. Oriau tebygol fydd
Dydd Lun i Ddydd Sadwrn 7:00 - 21:00 a Dydd Sul 10:00 - 16:00
·
Nad oedd ganddo ymateb i'r pryderon sŵn
·
Bod B&M yn gwmni cyfrifol ac er efallai yn ymddangos yn rhad nid yw’r cynnyrch / alcohol yn rhad - yn cymharu yn dda
gyda phrisiau archfarchnadoedd eraill
·
Nad oedd diodydd alcohol parod i’w yfed yn cael eu
gwerthu yn y siop, ac nid oes rhewgelloedd cadw diodydd alcohol oer ar y safle
·
Os bydd pryderon / problemau yn codi, yna bydd y
cwmni yn ceisio eu gorau i’w datrys
ch) Mewn
ymateb i gwestiwn, cadarnhaodd cynrychiolydd yr ymgeisydd y byddai oriau dydd
Sul o 10:00 tan 16:00 a phe byddai’r drwydded yn cael ei gosod i gau hyd 23:00
bob noson arall, y byddai hawl gan y cwmni i benderfynu ar yr oriau cau (boed
yn 21:00 neu 23:00).
d)
Manteisiodd yr ymgynghorai oedd yn bresennol ar y
cyfle i ymhelaethu ar sylwadau a gyflwynwyd yn ysgrifenedig ganddynt. Tynnwyd
sylw at y sylwadau hynny a gyflwynwyd gan yr ymgynghorai nad oedd yn bresennol)
Cyng Nia Jeffreys (Aelo Lleol)
·
Bod y datblygiad
yn un i’w groesawu ac nad oedd ei sylwadau
yn adlewyrchu dim ar bresenoldeb B&M yn y dref
·
Ei
bod yn ategu pryderon y preswylydd lleol ynghyd a phreswylwyr Heol Madog
·
Bod problemau
wedi bod ar y safle ers y 90’u, gyda gorchymyn gwasgaru wedi ei
osod gan yr Heddlu yn yr ardal
yma yn Awst
2020 - o ganlyniad i ‘gadw twrw mewn
man cyhoeddus’
·
Derbyn nad oedd gwrthwynebiad wedi cael ei
gyflwyno gan yr Heddlu, ond galw
mawr ar waith
yr Heddlu erbyn hyn
·
Derbyn y byddai’r oriau masnachu tebygol yn 21:00 ac nid 23:00
·
Awgrym i’r
Is-bwyllgor gymeradwyo’r drwydded tan 21:00 ac os angen agor hyd
23:00, yna bod cais digwyddiad dros dro yn cael
ei gyflwyno.
dd)
Yn manteisio ar y cyfle i grynhoi ei achos, nododd
cynrychiolydd yr ymgeisydd
·
Nad oedd yn ymwybodol o’r gorchymyn gwasgaru
·
Gyda’r siop yn agored yn hwyrach ac wedi ei
meddiannu, bydd hyn yn atal pobl rhag
ymgynnull
·
Bydd teledu cylch cyfyng wedi ei osod tu mewn a thu
allan i’r adeilad. Hyn yn fuddiol ac yn arf i atal pobl rhag ymgynnull yn yr
ardal
·
Byddai cyflwyno ceisiadau digwyddiadau dros dro ar
gyfer ymestyn oriau mis Rhagfyr yn bosib, ond y broses o wneud hynny yn
drafferthus. Byddai cadw i 23:00 yn rhoi cysondeb drwy’r cwmni (hyfforddiant a
chyfathrebu)
e)
Yn manteisio ar y cyfle
i grynhoi ei hachos, nododd y Rheolwr Trwyddedu ei bod yn hapus gyda sylwadau
cynrychiolydd yr ymgeisydd ac yn cytuno ar yr opsiynau agor oedd wedi eu
hawgrymu i liniaru pryderon y gymdogaeth.
Diolchwyd i bawb
am gyflwyno sylwadau ar y cais.
Ymneilltuodd yr ymatebwyr
a’r Rheolwr Trwyddedu o’r cyfarfod tra
bu i aelodau’r
Is-bwyllgor drafod y cais.
Wrth gyrraedd y
penderfyniad ystyriodd yr Is-bwyllgor ffurflen gais yr ymgeisydd, sylwadau
ysgrifenedig a gyflwynwyd gan y partïon â diddordeb, adroddiad y Swyddog
Trwyddedu ynghyd â sylwadau llafar pob parti yn bresennol yn
y gwrandawiad. Ystyriwyd Polisi Trwyddedu’r Cyngor a chanllawiau’r
Swyddfa Gartref. Rhoddodd yr Is-bwyllgor ystyriaeth briodol
i’r holl sylwadau gan eu pwyso a’u mesur yn erbyn yr amcanion trwyddedu o dan y Ddeddf Trwyddedu
2003, sef:
i.
Atal trosedd ac anhrefn
ii.
Atal niwsans cyhoeddus
iii.
Sicrhau diogelwch
cyhoeddus
iv.
Gwarchod plant rhag
niwed
Diystyrwyd y sylwadau
a ddaeth i law i’r graddau eu
bod yn amherthnasol i’r amcanion uchod.
PENDERFYNWYD: Caniatáu’r cais:
Oriau Agor :
Dydd Sul 07:00
- 23:00
Dydd Llun 07:00
- 23:00
Dydd Mawrth 07:00
- 23:00
Dydd Mercher 07:00
- 23:00
Dydd Iau 07:00
- 23:00
Dydd Gwener 07:00
- 23:00
Dydd Sadwrn 07:00
- 23:00
Gweithgareddau Trwyddedadwy:
Cyflenwi Alcohol ar
ac oddi ar yr Eiddo
Dydd Sul 07:00
- 23:00
Dydd Llun 07:00
- 23:00
Dydd Mawrth 07:00
- 23:00
Dydd Mercher 07:00
- 23:00
Dydd Iau 07:00
- 23:00
Dydd Gwener 07:00
- 23:00
Dydd Sadwrn 07:00
- 23:00
Cynnwys y mesurau
ychwanegol a gyflwynwyd yn rhan M o’r cais, fel amodau i’r drwydded
Rhoddwyd ystyriaeth
arbennig i’r canlynol.
Yng nghyd-destun Atal Trosedd ac Anhrefn nid oedd gan yr Heddlu wrthwynebiad i’r cais. Nid oedd tystiolaeth wedi ei gyflwyno yn
amlygu y bu problemau oedd yn berthnasol â’r egwyddor yma gyda’r eiddo.
Yng nghyd-destun Diogelwch Cyhoeddus nid oedd
tystiolaeth wedi ei gyflwyno yn amlygu y bu problemau oedd yn berthnasol â’r
egwyddor yma gyda’r eiddo.
Yng nghyd-destun Atal Niwsans Cyhoeddus, derbyniwyd
sylwadau bod problemau sŵn yn yr ardal ers i siop agor ar y safle yn y
90’au. Serch hynny, nid oedd Gwasanaeth Gwarchod y Cyhoedd wedi gwrthwynebu’r
cais ac nid oeddynt wedi cyflwyno unrhyw dystiolaeth o broblemau sŵn. Wrth
werthfawrogi’r pryderon a fynegwyd gan breswylydd lleol, a’r Aelod lleol, nid
oedd yr Is-bwyllgor o’r farn fod tystiolaeth i awgrymu y byddai caniatáu’r cais
yn arwain at broblemau o dan y pennawd hwn.
Ystyriwyd bod yr oriau agor yn fater Cynllunio a
derbyniwyd sylw cynrychiolydd yr ymgeisydd mai 21:00 fyddai’r amser cau arferol
gyda hyblygrwydd i agor tan 23:00 ym mis Rhagfyr. Roedd yr Is bwyllgor hefyd yn
ymwybodol bod archfarchnadoedd eraill yn
y dref ac fe ystyriwyd eu horiau masnachu er mwyn sicrhau cysondeb. Derbyniodd
yr Is-bwyllgor hefyd bod bwriad i gynnwys amodau ar y drwydded yn nodi y byddai
rheolwyr a staff yn cymryd camau i sicrhau na fyddai cwsmeriaid yn ymgynnull tu
allan i’r eiddo, ac yn cysylltu gyda’r heddlu pe bai angen.
Yng nghyd-destun Gwarchod Plant Rhag Niwed, ni
chyflwynwyd tystiolaeth oedd yn berthnasol i’r egwyddor hwn. Roedd y cais
hefyd yn cynnwys eglurhad o’r mesurau ar gyfer sicrhau na fyddai alcohol yn
cael ei werthu i rai dan oed, ac y byddai’r drwydded yn cynnwys amodau i’r
perwyl hyn .
O dan yr amgylchiadau roedd yr Is-bwyllgor yn fodlon
bod y cais yn gydnaws â’r pedwar amcan trwyddedu, ac felly caniatawyd y cais.
Ar nodyn cyffredinol, eglurwyd mai ar sail tystiolaeth roedd yr Is-bwyllgor yn
gwneud eu penderfyniad a bod y ddeddfwriaeth yn darparu gweithdrefn adolygu lle
gellid gofyn i'r awdurdod adolygu unrhyw agwedd o’r drwydded os oedd angen.
Adroddodd y Cyfreithiwr y
byddai’r penderfyniad yn cael ei gadarnhau yn ffurfiol drwy lythyr i bawb oedd
wedi cyflwyno sylwadau ysgrifenedig. Ategwyd bod gan bob parti i’r cais yr hawl
i gyflwyno apêl yn Llys Ynadon Caernarfon yn erbyn penderfyniad yr Is-bwyllgor.
Dylid cyfeirio unrhyw apêl o’r fath drwy roi rhybudd o apêl i’r Prif
Weithredwr, Llys Ynadon Llandudno, Llandudno, o fewn cyfnod o 21 diwrnod gan
gychwyn â’r dyddiad y bydd yr apelydd yn derbyn llythyr (neu gopi ohono) yn
cadarnhau’r penderfyniad.
Dogfennau ategol: