Agenda item

 

I dderbyn ymateb i gwestiynau ffurfiol a dderbyniwyd.

 

Roger Goodhew (Cynrychiolydd Cymdeithas Teithwyr Amwythig -   Aberystwyth)

Cyngor Cymuned Llanbedr

Cyngor Tref Criccieth

 

Cyngor Tref Criccieth

 

Cwestiwn: A oes modd paentio stesion Criccieth? Mae Criccieth yn ei Blodau yn gweithio’n galed ar welliannau a chynnal y tiroedd yno a byddai’n hwb mawr cael cot o baent i’r stesion er mwyn gwella golwg a chroesawu defnyddwyr yno. Diolch yn fawr iawn am eich ystyriaeth. Diolch yn fawr iawn am gytuno i waredu’r graffiti ar y pontydd - ac am y gwaith gwych yn stesion Criccieth a hefyd torri’r tyfiant coed ger rhandiroedd Cae Crwn.

 

Ateb: Bod posib i Trafnidiaeth Cymru a Network Rail gydweithio fel un diwydiant i weithredu’r gwelliannau.

 

Cyngor Cymuned Llanbedr

 

Cwestiwn: Mae sôn wedi bod yn y Cyngor yn ddiweddar bod yna uwchraddio i fod cyn diwedd Mawrth ar y gysgodfan (shelter) ar Orsaf Talwrn Bach Llanbedr. Hoffwn gadarnhad a yw hyn yn wir?

 

Ateb: Bod gwaith yn cael ei wneud i ganfod ffynhonnell ariannu i gyflawni’r gwaith. Nodwyd nad oedd strwythur y platfform yn addas ar gyfer adeiladu cysgodfan newydd, ond bod gwaith yn cael ei wneud i adfer a pheintio’r gysgodfan bresennol.

 

Cwestiwn: A oes unrhyw ddatblygiad posib i leoli rhwystrau (barriers) ar y groesfan yma?

 

Ateb:  Network Rail i holi eu Tîm Croesfan Rheilffordd am wybodaeth ynglŷn â’r sefyllfa.

 

Cwestiwn: Parthed bin sbwriel.  A oes modd pwyso am hwn.  Gwn nad yw Cyngor Gwynedd wedi darparu bin baw cŵn ger y safle. Tybed a oes modd dod i gytundeb efo Cyngor Gwynedd i gasglu sbwriel oddi ar yr orsaf.

 

Ateb: Bod y bin sbwriel / bin baw cŵn yn fater i’r Cyngor. Trafnidiaeth Cymru yn gwrthod rhoi bin sbwriel yn Llanbedr oherwydd bod disgwyl i swyddogion y trên gasglu’r sbwriel (sydd yn cynnwys baw cŵn) – nid yw hyn yn sefyllfa ddelfrydol gan fod hyn yn creu drewdod ar y trên. Cais felly i’r Cyngor ddarparu bin baw cŵn yng Ngorsaf Llanbedr. LHE i gysylltu gydag adran berthnasol Cyngor Gwynedd

 

Cwestiwn: Hefyd pwyso ar gael yr hen enw TALWRN BACH yn ysgrifenedig ar yr arwydd (hynny yw o dan y gair Llanbedr)

 

Ateb: Derbyn yr awgrym - am geisio mwy o wybodaeth ynglŷn â’r posibilrwydd o ychwanegu enw ar yr arwydd

 

Gwnaed cais i sicrhau cysondeb mewn ymatebion ac y dylid cyfathrebu unrhyw faterion o bwys yn uniongyrchol i’r Clerc Cyngor Cymuned a’r Aelodau Lleol - Cyng Gwynfor Owen a’r Cyng Anwen Hughes.

 

Mr Roger Goodhew (Cynrychiolydd Cymdeithas Teithwyr Amwythig – Aberystwyth)

 

Cwestiwn: Pryd fydd depo Machynlleth yn cael digon o unedau i alluogi’r 06:45 Abermaw i Fachynlleth i weithredu a) heb ganslo’n aml, b) fel rhan drwodd i Faes Awyr Rhyngwladol Birmingham

 

Ateb: Bod gwelliannau diweddar wedi eu gweithredu ac er nad oedd trenau sbâr a’r gael bod pob ymdrech yn cael ei wneud i sicrhau bod digon o gerbydau ar gael i ymateb i’r angen.

 

Mewn ymateb, er derbyn bod y gwasanaeth wedi gwella yn ddiweddar rhaid  mynnu bod y trên cyntaf a’r trên olaf yn rhedeg – hyn yn hanfodol ar gyfer ysgolion, colegau a gwaith. Gellid defnyddio trenau sydd  ar gael yn fwy rheolaidd.

 

Ategodd Swyddog Trafnidiaeth Cymru y bydd diweddariad ar y rheilffordd, gorsafoedd ac amserlenni yn cael ei drafod yng Nghyfarfod Grŵp Cyswllt Trafnidiaeth (11-04-24)

 

Cwestiwn: Pryd fydd y pwyllgor yn ailddechrau cynnal cyfarfodydd wyneb yn wyneb?

 

Ateb: Fel y nodwyd ym Mhwyllgor Mawrth 2023:

 

Yng nghyfarfod y Cyngor Llawn ar yr 2il o Ragfyr 2021 bu i’r Cyngor benderfynu ar yr egwyddor o gynnal cyfarfodydd pwyllgorau ffurfiol yn rhithiol lle bo modd gwneud hynny a chynnal cyfarfodydd hybrid lle bo diddordeb uchel gan y cyhoedd.  Mae’r adroddiad yn nodi mai cyfarfodydd y Cyngor Llawn, Cabinet, pwyllgorau craffu a phwyllgor Cynllunio yn unig sy’n cael eu cynnal yn aml leoliad (sef yn hybrid). Bydd yr holl bwyllgorau eraill yn rhithiol llwyr gyda rhai eithriadau megis e.e., Pwyllgor Apêl Cyflogaeth (dibynnol ar gais yr unigolyn). Pwyllgor Penodi Prif Swyddogion - ystyriaeth pan fo cyfweliadau - rhithiol fel arall Pwyllgorau ac Is Bwyllgorau lle cynhelir gwrandawiadau quasi- farnwriaethol.

 

Mae’r adroddiad wedi ei fabwysiadu yn sgil gofynion Rhan 3 Deddf Llywodraeth Leol ac Etholiadau (Cymru) 2021 sy’n nodi fod yn rhaid sicrhau mynediad o bell i Gynghorwyr i bwyllgorau.  Mewn geiriau eraill, nid yw cynnal cyfarfodydd ffurfiol wyneb yn wyneb yn unig yn bosib.

 

Cyng Meryl Roberts (Cynrychiolydd Parc Cenedlaethol Eryri)

 

Cwestiwn: Pwy yw perchennog Tŷ’r Orsaf, Penrhyndeudraeth? Bod tir budr gerllaw’r orsaf ac angen tacluso.  Angen bin sbwriel yn yr orsaf

 

Ateb: Network Rail a Trafnidiaeth Cymru i wneud ymholiadau pellach

 

Cwestiwn: Pwy sydd yn cael gwahodd i gyfarfodydd Cymdeithas Teithwyr Rheilffordd Amwythig – Aberystwyth (SARPA)?

 

Ateb: Gwahoddiadau yn cael eu rhannu gyda Chynghorau Tref. Bill Redfern i wneud ymholiadau pellach

 

Diolchwyd am y cwestiynau

 

Cyfarfod nesaf i’w gynnal Tachwedd  2024 – LHE i drefnu