Dewi Morgan
(Pennaeth Cyllid yr Awdurdod Lletya ac Swyddog Cyllid Statudol) a Sian Pugh
(Pennaeth Cyllid Cynorthwyol yr Awdurdod Lletya) i gyflwyno’r adroddiad.
Penderfyniad:
Nodwyd a
derbyn:
1.
Adroddiad
alldro refeniw y Bwrdd Uchelgais ar gyfer 2023/24 (Atodiad 1), sy’n cynnwys defnyddio
£561,454 o Grant Bargen Twf Gogledd Cymru i ddangos sefyllfa niwtral ar gyfer y
flwyddyn.
2.
Sefyllfa
cronfeydd y Bwrdd Uchelgais (Atodiad 2).
3.
Adolygiad
Cyfalaf Diwedd Blwyddyn ar 31 Mawrth 2024 (Atodiad 3).
Cofnod:
Cyflwynwyd
yr adroddiad gan Bennaeth Cyllid Cynorthwyol yr Awdurdod Lletya.
PENDERFYNWYD
Nodwyd a derbyn:
1.
Adroddiad
alldro refeniw y Bwrdd Uchelgais ar gyfer 2023/24 (Atodiad 1), sy’n cynnwys defnyddio £561,454 o
Grant Bargen Twf Gogledd
Cymru i ddangos sefyllfa niwtral ar gyfer y flwyddyn.
2.
Sefyllfa
cronfeydd y Bwrdd Uchelgais (Atodiad 2).
3.
Adolygiad
Cyfalaf Diwedd Blwyddyn ar 31 Mawrth 2024 (Atodiad 3).
RHESYMAU DROS Y PENDERFYNIAD
Hysbysu’r Bwrdd Uchelgais am ei sefyllfa ariannol ar gyfer refeniw a
chyfalaf 2023/24.
TRAFODAETH
Tywyswyd yr aelodau drwy’r adroddiad oedd yn darparu trosolwg o sefyllfa alldro refeniw a chyfalaf 2023/24. Cyfeiriwyd
at Atodiad 1 gan dynnu sylw at golofn olaf y tabl sy’n dangos y
gorwariant neu’r tanwariant fesul pennawd. Nodwyd mai’r tanwariant terfynol
ar y pennawd Swyddfa Rheoli Portffolio yw £75,000, sy’n bennaf oherwydd
trosiant staff yn ystod y flwyddyn. Adroddwyd bod y pennawd Gwasanaethau
Cefnogol yn dangos tanwariant o £39,000.
Nodwyd bod y
tanwariant terfynol ar y pennawd Cydbwyllgor yn £41,000, sydd yn sgil
tanwariant ar y penawdau Cefnogaeth Gyfreithiol Allanol, y Ffioedd Cyllidol
Allanol a'r Bwrdd Cyflawni Busnes. Mynegwyd mai’r tanwariant terfynol ar y pennawd Prosiectau yw £129,000. Eglurwyd bod y
gwariant o dan y pennawd Grantiau yn cynnwys cynlluniau sy’n cael eu hariannu
gan grantiau penodol gan Lywodraeth Cymru. Ychwanegwyd bod y rhan
Trosglwyddiadau i gronfeydd yn dangos cyfraniadau llog y partneriaid ar gyfer
2023/24.
Cyfeiriwyd at ail dudalen Atodiad 1 ble rhestrir y prif ffrydiau incwm ar
gyfer 2023/24 a dangosir y sefyllfa alldro net terfynol ar gyfer 2023/24, sef
tanwariant o £460,000. Eglurwyd bod hyn yn dangos cynnydd yn y tanwariant o
£341,000 a ragwelwyd yn yr adolygiad diwedd Rhagfyr. Nodwyd bod y tanwariant yn
deillio o lwyddiant y Swyddfa Rheoli Portffolio gyda’u cais rhanbarthol i’r
Gronfa Ffyniant Gyffredin yn ogystal â gostyngiad mewn gwariant ar sawl pennawd
yn y gyllideb.
Gofynnwyd i’r Bwrdd gymeradwyo swm gostyngedig o £561,000, o’i gymharu â’r
gyllideb wreiddiol o
£1,000,000 o grant y Cynllun Dwf
i’w ddefnyddio i ariannu’r gwariant
refeniw yn 2023/24 er mwyn gadael sefyllfa
niwtral ar gyfer y flwyddyn.
Cyfeiriwyd at Atodiad
2 oedd yn dangos y symudiadau yn y cronfeydd yn ystod y flwyddyn
a’r balansau ar 31 Mawrth 2024. Nodwyd mai cyfanswm y gronfa wrth gefn
ar 31 Mawrth 2024 oedd
£278,000 a bod £67,000 wedi ei
neilltuo ar gyfer cyllideb 2024/25 a £61,000 pellach ar gyfer
cyllideb 2025/26. Adroddwyd
mai balans y gronfa prosiectau ar 31 Mawrth 2024 oedd £152,000 a
balans y gronfa llog ar 31 Mawrth 2024 oedd £4.7 miliwn. Nodwyd bod cynnydd sylweddol yma oherwydd
y llog a dderbyniwyd ar y Grant Cynllun Twf yn ystod
y flwyddyn.
I gloi
cyfeiriwyd at sefyllfa gyfalaf y Grant Cynllun Twf ar gyfer
2023/24. Nodwyd mai’r prif wahaniaeth rhwng y gyllideb Cyfalaf a gymeradwywyd gan y Bwrdd ym
mis Mawrth yw’r gwariant o
£0.75m ar y prosiect Canolfan Opteg a Pheirianneg Menter ac mae’r gyllideb o 2.15% ar gyfer cyllido
refeniw yn 2023/24 wedi gostwng i
£0.56m i adlewyrchu’r ffigyrau alldro refeniw terfynol. Ychwanegwyd bod grant cyfalaf ychwanegol o £423,000 wedi ei dderbyn gan
Lywodraeth Cymru ar gyfer Uwchraddiad Ffeibr Llawn Leol.
Gwnaethpwyd sylw
bod y Bwrdd Uchelgais wedi elwa o gyllid
o’r gronfa ffyniant gyffredin a gofynnwyd
beth fydd y canlyniadau i gyllidebau
pe bai’r arian yma ddim yn
cael ei dderbyn.
·
Mewn ymateb nodwyd bod incwm o’r gronfa ffyniant
gyffredin wedi ei gynnwys yng
nghyllideb 2024/25, hyd at ddiwedd Rhagfyr 2024 a bod y gyllideb wedi ei
seilio ar y derbyniadau yma hyd at ddiwedd y flwyddyn galendr. Ychwanegwyd, o bersbectif ariannu adnoddau a staffio, bod sicrwydd yma hyd at fis
Mawrth 2026; ond ni ellir dweud ymhellach
na hynny heb wybod beth
fydd dyfodol y gronfa.
Gofynnwyd am eglurhad
pellach ar y ffigyrau Hyfforddiant a Theithio gan fynegi
y dylai’r Bwrdd Uchelgais wneud eu gorau i
gadw’r costau hyn mor isel â phosib drwy gynnal
popeth sy’n bosib yn rhithiol.
·
Mewn ymateb eglurwyd bod y ffigyrau Hyfforddiant, Teithio a Chynhaliaeth yn berthnasol i staff y Bwrdd Uchelgais yn ystod y flwyddyn.
Amlygwyd bod staff y Bwrdd Uchelgais yn ceisio
teithio cyn lleied ag sy’n bosib ond bod lleoliadau
safleoedd yn bodoli ar draws Gogledd Cymru a bod angen mynychu’r rhain yn achlysurol.
·
Ychwanegodd y Cyfarwyddwr Portffolio fod y Bwrdd Uchelgais
yn dîm rhanbarthol
a bod disgwyliad i’r Bwrdd Uchelgais fod yn weladwy
mewn digwyddiadau yng Nghaerdydd neu Lundain sy’n golygu
bod angen teithio i’r lleoliadau hyn.
·
Credwyd ei bod yn hanfodol cynrychioli
Gogledd Cymru a dylanwadu ar y sector fusnes mewn digwyddiadau o’r fath a theimlwyd
y dylai’r Bwrdd Uchelgais fod yn
weladwy tu allan i’r rhanbarth.
Cyfeiriwyd at dudalen
22 o’r Rhaglen gan ofyn am eglurhad
pellach ar y prosiect Porth Caergybi a’i gost o £34.47 miliwn rhwng 2024 a 2027.
·
Mewn ymateb eglurwyd mai proffil
gwariant am y cyfnod yw’r cyfanswm o £34.47 miliwn gan nodi nad oedd sicrwydd
llwyr ar gyfer y prosiect hwn.
·
Mewn ymateb i’r cwestiwn os
yw’r ffigyrau hyn yn mynd
i gynyddu ymhellach nodwyd mai rhagfynegiadau o’r gwariant yw’r
ffigyrau ond ni all y cyllid sydd ar gael
i’r prosiectau gynyddu. Nodwyd pe bai cynnydd yng ngwerth
y prosiectau yna'r disgwyliad yw y bydd noddwr y prosiectau
yn ariannu’r costau ychwanegol hynny.
·
Gofynnwyd am gopïau o’r ffigyrau os
yw’r Bwrdd Uchelgais wedi ymrwymo £34.47 miliwn ar gyfer y prosiect
Porth Caergybi. Nodwyd bod pob
prosiect yn seiliedig ar gyflwyno
a chwblhau achos busnes llwyddiannus. Ychwanegwyd na fydd unrhyw benderfyniad
ar wariant na chyllid yn
cael ei wneud
nes bydd achos busnes llawn
wedi ei dderbyn.
·
Eglurwyd
and yw’r achos busnes wedi ei
dderbyn eto am y prosiect Porth Caergybi. Serch hyn, cadarnhawyd y byddai’r Cyfarwyddwr Portffolio yn hapus darparu rhagor o wybodaeth i’r aelod.
Holwyd ynghylch
prosiect Stiwdio Kinmel y cyfeiriwyd ato yn Atodiad
3, gan nodi bod y sefyllfa bellach wedi newid.
Gofynnwyd am ddiweddariad trwy e-bost.
·
Mynegwyd y bydd y prosiectau newydd yn cael
eu trafod fel rhan o Adroddiad
Perfformiad a Risgiau Chwarter 4 sydd wedi ei gynnwys
ar Raglen y cyfarfod hwn felly bydd trafodaeth ar y prosiect hwn
dan yr eitem nesaf.
Dogfennau ategol: