Hedd
Vaughan-Evans (Pennaeth Gweithrediadau) i gyflwyno’r adroddiad.
Penderfyniad:
Nodwyd
Adroddiad Perfformiad Chwarter 4 a Chofrestr Risg y Portffolio wedi’i
diweddaru.
Cymeradwywyd cyflwyno Adroddiad Perfformiad Chwarter 4 i Lywodraeth
Cymru a Llywodraeth y DU, ynghyd â phwyllgorau craffu’r awdurdodau lleol.
Cofnod:
Cyflwynwyd yr
adroddiad gan y Pennaeth Gweithrediadau ac ymhelaethodd y Rheolwyr Rhaglen ar
uchafbwyntiau’r rhaglenni unigol.
PENDERFYNWYD
Nodwyd Adroddiad Perfformiad Chwarter 4 a Cofrestr Risg
y Portffolio wedi’i diweddaru.
Cymeradwywyd cyflwyno Adroddiad Perfformiad Chwarter 4 i Lywodraeth
Cymru a Llywodraeth y DU, ynghyd â phwyllgorau craffu’r awdurdodau lleol.
RHESYMAU DROS Y PENDERFYNIAD
I gyflwyno adroddiad Chwarter 4 (Ionawr i Mawrth) y Cynllun Twf a Chofrestr Risg y
Portffolio wedi’i diweddaru.
Mae adrodd
chwarterol ar gynnydd yn erbyn Cynllun Twf Gogledd Cymru yn un o ofynion
Cytundeb Terfynol y Cynllun Twf. Yn dilyn ystyriaeth gan Fwrdd Uchelgais
Economaidd Gogledd Cymru, caiff yr adroddiadau eu rhannu gyda Llywodraeth
Cymru, Llywodraeth y DU a phwyllgorau craffu'r awdurdodau lleol.
TRAFODAETH
Rhedwyd drwy
adroddiad Perfformiad a Risg Chwarter 4 y Cynllun Twf a derbyniwyd
gyflwyniad gan y rheolwyr rhaglen oedd yn darparu
crynodeb o’r cynnydd efo’u rhaglenni
unigol. Derbyniwyd diweddariad ar y Rhaglen Ddigidol ble nodwyd bod yr achos busnes
amlinellol ar gyfer Safleoedd a Choridorau Cysylltiedig Allweddol ‘4G’ bellach wedi ei gymeradwyo
gan y Bwrdd Uchelgais Economaidd. Cyfeiriwyd at y prosiect LPWAN gan nodi bod angen gwneud rhagor o waith ar yr
achos economaidd cyn sôn am benodiad
Annog Cyf. gan y Bwrdd Uchelgais
Economaidd.
·
Holwyd am benodiad Annog Cyf. ac os
oes cyhoeddiad neu lansiad ar y gweill.
Cadarnhawyd y bydd lansiad cyhoeddus gan y cwmni yn
yr wythnos nesaf a’u bod yn
gweithio ar y negeseuon a chydbwysedd rhanbarthol. Adroddwyd y bydd cyhoeddusrwydd ar y cyfryngau cymdeithasol a bydd cyswllt uniongyrchol efo’r cymunedau gwledig. Nodwyd y bydd y Swyddfa Rheoli Prosiect yn diweddaru’r Bwrdd pan fydd datblygiad.
Darparwyd diweddariad
ar y Rhaglen Ynni Carbon isel oedd yn egluro
sefyllfa pob prosiect megis Hwb Hydrogen a Cydnerth ymysg eraill hyd at ddiwedd
chwarter 4. Nodwyd nad yw prosiect
Trawsfynydd wedi ei gynnwys gan
nad oedd llawer i’w adrodd
hyd at ddiwedd Chwarter 4. Ychwanegwyd bod y prosiect hwn yn
parhau dan statws coch oherwydd yr
ansicrwydd i’r prosiect gael ei
wireddu o fewn cyfnod y Cynllun Twf. Nodwyd bod y Swyddfa Rheoli Prosiect mewn trafodaethau
gyda Chwmni Egino a bydd yn
gofyn am eglurhad gan y Llywodraeth wrth ddechrau mapio
opsiynau posib i’r Bwrdd eu
hystyried os bydd y prosiect yn cael ei
dynnu ‘nol o’r Cynllun Twf.
·
Mynegwyd siom am y prosiect Trawsfynydd a phryderwyd bod penderfyniadau gwleidyddol yn cael eu gwneud
gan y Llywodraeth yn hytrach na
phenderfyniadau ar sail ffeithiol neu dechnolegol. Nodwyd y bydd ystyriaethau
pellach ynglŷn â beth fydd yn
cymryd lle’r prosiect Trawsfynydd pe bai’r prosiect yn cael ei
dynnu ‘nol.
Adroddwyd ar
y Rhaglen Tir ac Eiddo ble darparwyd
diweddariad ar y prosiectau megis Parc Bryn Cegin, Bangor a Stiwdio Kinmel. Nodwyd bod y Bwrdd Uchelgais yn parhau i
aros am gyfarfod wyneb yn wyneb
efo Stiwdio Kinmel ers i’r
cwmni gael ei roi yn
nwylo’r gweinyddwyr dechrau Ebrill; ers y cyhoeddiad maent wedi bod mewn cyswllt e-bost efo’r Cwmni
i geisio gweld beth fydd
y camau nesaf.
Derbyniwyd y sylwadau
a ganlyn:
·
Mynegwyd awydd i gael cyfarfod
efo Stiwdio Kinmel cyn gynted
ag y bo modd er mwyn derbyn eglurhad
o’u safbwynt a darganfod sut i
symud ymlaen. Pwysleisiwyd bod angen eglurder am y sefyllfa ynghylch ymddatodiad y cwmni.
·
Cadarnhawyd bod y Swyddfa Rheoli Prosiect yn pwyso am gyfarfod a byddant yn diweddaru’r
Bwrdd o unrhyw ddatblygiadau.
·
Gofynnwyd am ddiweddariad
ar Borth Wrecsam, yn benodol ynghylch
yr asesiad traffig a’r manylion
sydd yn ymwneud
â’r prosiect hwn. Mynegwyd y byddai’n dda derbyn
y wybodaeth ddiweddaraf gan nad oedd
aelodau’r Bwrdd wedi cael eu
diweddaru.
·
Credwyd bod adroddiad
y ‘WelTAG 0’ wedi cael ei gwblhau
a darparwyd y cyllid gan Lywodraeth Cymru drwy Drafnidiaeth i Gymru. Nodwyd
bod yr asesiadau cychwynnol wedi eu cwblhau ond
nad oedd diweddariad pellach ar hyn o bryd.
·
Mynegwyd dryswch os oedd y gwaith
wedi ei gwblhau
neu beidio. Credwyd bod diffyg dealltwriaeth o union be sy’n digwydd. Cydnabuwyd
ei bod yn fater sy’n ymglymu
Cyngor Wrecsam, y Bwrdd Uchelgais
a Llywodraeth Cymru.
·
Gofynnwyd, os yw’r gwaith wedi
ei gwblhau, i’w anfon i
Arweinydd Cyngor Wrecsam. Pwysleisiwyd
ei bod yn bwysig bod y Bwrdd yn cael eu
briffio a’n derbyn gwybodaeth. Sicrhawyd bod gwaith yn digwydd ar
hyn o bryd a bydd David Fitzsimon yn rhoi
diweddariad i Arweinydd Cyngor Wrecsam ar ôl y cyfarfod.
·
Gofynnwyd am ddiweddariad
ysgrifenedig am sefyllfa Stiwdio Kinmel. Credwyd ei bod yn bwysig i’r
aelodau gael gwybodaeth amserol o unrhyw ddatblygiadau a beth yw’r camau
sy’n cael eu cymryd yn
hytrach nag aros tan gyfarfod nesaf o’r Bwrdd Uchelgais
Economaidd i dderbyn diweddariad.
·
Cadarnhawyd y bydd
y Bwrdd yn cael eu diweddaru
cyn y cyfarfod nesaf a bydd gwybodaeth
yn cael ei
ddarparu dros e-bost pe bai cyfarfod yn cael ei
gynnal efo Stiwdio Kinmel.
·
Holwyd beth yw’r broses gyda phrosiectau o’r fath ble mae
ansicrwydd am eu dyfodol ac ar ba
bwynt fydd y Bwrdd yn cael
gwybodaeth o’r sefyllfa.
·
Nodwyd bod y Swyddfa
Rheoli Prosiect yn ceisio deall
beth fydd goblygiadau i’r prosiect o ran symud ymlaen. Ategwyd pe bai newidiadau i’r cynnig gwreiddiol roedd y Bwrdd wedi
ymrwymo iddo yna byddai yn
fater i’r Bwrdd benderfynu os dylid cefnogi’r
cynnig diwygiedig neu beidio. Ychwanegwyd ar hyn o bryd
mae’r Swyddfa Rheoli Prosiect yn ceisio deall
beth yw’r problemau a sut y gallai'r rheini effeithio ar y prosiect.
Darparwyd diweddariad
ar y Rhaglen Bwyd-amaeth a thwristiaeth a’r Rhaglen Arloesi
mewn gweithgynhyrchu gwerth uchel oedd
yn cynnwys diweddariad ar brosiect Canolfan Opteg a Pheirianneg Menter sydd bellach
yn cael ei
adeiladu ac ar y trywydd iawn. I gloi derbyniwyd diweddariad gan y Rheolwr Rhaglen Ddigidol ar gofrestr
risg y Portffolio ble cyfeiriwyd at dair risg. Roedd
y risg gyntaf yn ymwneud a chapasiti
ac adroddwyd bod y risg yma wedi lleihau
ers y Chwarter diwethaf yn dilyn
recriwtio staff i’r tîm Swyddfa Rheoli
Prosiect.
Nodwyd bod y ddau
risg nesaf, sef Rheoli Cymhorthdal
a Mudo i’r Cydbwyllgor Corfforedig, yn risgiau newydd
sydd wedi eu nodi ar y gofrestr
risg. Ymhelaethwyd bod y risg Mudo i’r
Cydbwyllgor Corfforedig yn risg posib
a all gael effaith ar adnoddau.
Nodwyd bod y Swyddfa Rheoli Prosiect yn cadw llygaid
ar y risg yma sydd yn
weddol isel ar hyn o bryd.
Mynegwyd sylw
nad oedd y daith o fudo’r Bwrdd Uchelgais Economaidd i’r Cydbwyllgor Corfforedig yn glir i
rai Cyrff sy’n rhan o’r Bwrdd.
Gwnaethpwyd cais i drefnu cyflwyniad
i’r Partneriaid sydd tu allan
i Lywodraeth Leol er mwyn derbyn
rhagor o wybodaeth am y Cydbwyllgor Corfforedig a’i oblygiadau i bartneriaid sydd
ynghlwm a’r Cynllun Twf. Cynigiwyd
darparu cyflwyniad i gyfarfod o’r
Bwrdd Uchelgais Economaidd er mwyn rhoi diweddariad ar y daith ac oblygiadau
sefydlu’r Cydbwyllgor Corfforedig. Croesawyd yr awgrym yma
a chytunwyd i’r Cyfarwyddwr Portffolio raglennu hynny.
Mynegwyd pryder
gan gynrychiolydd Prifysgol Bangor ynghylch y
broses lywodraethu ar gyfer adnewyddu contractau sy’n cymryd sawl mis a phryderwyd bod y gofynion llywodraethu yn mynd i arafu’r
broses o drosglwyddo. Adroddodd
y Swyddog Monitro bod cais wedi ei
yrru i’r partneriaid yn gofyn am wybodaeth ar eu prosesau
penderfynu. Amlygwyd bod grŵp prosiect yn cynllunio sut
i gyfathrebu materion y Cydbwyllgor Corfforedig a’r broses o drosglwyddo a’r oblygiadau posib. Nodwyd bod gwaith ar droed i
friffio ac ymgynghori ar y broses a nodwyd bod gwaith manwl ar
gyfathrebu ac ymgysylltu yn digwydd ar
hyn o bryd. Cydnabuwyd bod y lefel ymwybyddiaeth am y Cydbwyllgor Corfforedig yn amrywio ar draws sectorau a bod angen cyfarch hynny.
Dogfennau ategol: