Agenda item

 

JAC Y DO,  CLWB CEIDWADWYR, CAERNARFON, GWYNEDD LL55 1RT.

 

I ystyried y cais

PENDERFYNIAD: Caniatáu y cais fel cafodd ei gyflwyno, yn ddarostyngedig ar gynnwys yr amodau sŵn a golau a gyflwynwyd gan Adran Iechyd yr Amgylchedd.

·        Ni chaniateir cynnydd yn y lefel LAeq 15munud na’r lefel LAeq 15 munud yn y bandiau amledd trydedd wythfed 31.5, 63 a 125Hz oddi fewn i unrhyw eiddo preswyl (wedi ei fesur gyda ffenestri’r eiddo yn agored neu ar gau) o ganlyniad i sŵn adloniant yn deillio o’r eiddo trwyddedig. I bwrpas yr amod yma mae LAeq wedi ei ddiffinio yn BS4142: 2019 .

·        Er mwyn arbed i sŵn a dirgrynant adael yr eiddo trwyddedig, bydd drysau a ffenestri'r adeilad yn cael eu cadw ar gau yn ystod yr adloniant, heblaw i sicrhau mynediad i mewn ac allan o’r eiddo.

·        Os, wedi cyhoeddi'r drwydded hon, bydd Cyngor Gwynedd yn derbyn tystiolaeth nad oes cydymffurfiaeth ag amod (i) bydd perchennog yr eiddo yn gwneud y canlynol:

-        Gwneud unrhyw waith ynysu / arbed sŵn er mwyn sicrhau bod yr eiddo yn cydymffurfio ac amod sŵn a / neu

-        Gosod dyfais rheoli sŵn yn yr ystafell/oedd lle cynhelir yr adloniant. Bydd y ddyfais wedi ei sefydlu i dorri cyflenwad trydan unrhyw system sain neu wrthsefyll cynnydd mewn lefel sŵn uwchlaw'r hyn sydd wedi ei sefydlu fel uchafswm caniataëdig.

·        Unwaith bydd lefel ar ddyfais reoli sŵn yn cael ei sefydlu, nid yw’r lefel yma i’w newid heb ymgynghoriad a Swyddog Iechyd yr Amgylchedd (Llygredd), Cyngor Gwynedd. 

·        Ni chaniateir gwaredu gwastraff poteli neu ganiau i gynhwysydd y tu allan i'r adeilad trwyddedig rhwng yr oriau 22:00 - 08:00 . Bydd y poteli yn cael eu cadw oddi fewn i gwrtil yr eiddo mewn sgip neu fin gyda chaead.

·        Bydd arwyddion clir a dealladwy yn cael eu gosod wrth bob allanfa yn gofyn i gwsmeriaid sydd yn gadael yr adeilad i gysidro trigolion lleol, yn arbennig yn eu hannog i beidio â gweiddi, clepian drysau ceir na chanu cyrn ceir.

·        Ni chaniateir i unrhyw gerddoriaeth cael ei chwarae tu allan yr eiddo.

·        Nid yw unrhyw oleuo mewnol nac allanol sydd i’r pwrpas o ddiogelwch staff neu ddiogelwch yr eiddo yw gosod mewn modd sydd yn achosi niwsans i unrhyw eiddo ger llaw. 

 

Amodau ychwanegol i gynnwys

 

·        Bydd adroddiad yn cael ei gyflwyno i'r Cyngor yn manylu ar botensial sŵn o gerddoriaeth chwyddedig yn yr eiddo o effeithio ar eiddo cyfagos sy'n sensitif i sŵn ar Stryd y Farchnad, Stryd Fawr, Caernarfon, a'r fflatiau uwchben yr adeilad.

·        Os yw’r asesiad yn dangos bod sŵn o’r eiddo yn debygol o effeithio ar eiddo cyfagos sy’n sensitif i sŵn, yna bydd yn cynnwys cynllun manwl o fesurau lliniaru sŵn i ddangos na fydd niwsans yn cael ei achosi i feddianwyr eiddo cyfagos sy’n sensitif i sŵn gan sŵn o’r eiddo trwyddedig.

·        Bydd yr holl waith a argymhellir yn cael ei gwblhau cyn dechrau'r drwydded safle a rhaid hysbysu'r Awdurdod Trwyddedu o leiaf 5 diwrnod cyn i'r gwaith gael ei gwblhau a'r eiddo'n cael ei ddefnyddio.

·        Bydd peiriant cyfyngu sŵn yn cael ei osod i reoli a mesur sŵn

·        Cynnwys y mesurau ychwanegol a gyflwynwyd yn rhan M o’r cais, fel amodau i’r drwydded.

 

Eraill a wahoddwyd:

 

Non Edwards – Ymgeisydd

Siân Astley - Partner Busnes yr ymgeisydd

 

Croesawodd y Cadeirydd bawb i’r cyfarfod.

 

a)                    Adroddiad yr Adran Trwyddedu

 

Cyflwynwyd adroddiad y Rheolwr Trwyddedu yn manylu ar gais am drwydded eiddo ar gyfer tafarn a bwyty Jac Y Do, Clwb y Ceidwadwyr, Caernarfon. Cafodd y cais ei gyflwyno mewn perthynas â Cherddoriaeth Fyw ac wedi'i Recordio y Tu Mewn, Lluniaeth Hwyr yn y Nos ar yr Eiddo a Chyflenwi Alcohol ar ac oddi ar yr Eiddo.

 

Nodwyd bod gan Swyddogion yr Awdurdod Trwyddedu tystiolaeth ddigonol bod y cais wedi ei gyflwyno yn unol â gofynion Deddf Trwyddedu 2003 a’r rheoliadau perthnasol. Cyfeiriwyd at y mesurau yr oedd yr ymgeisydd yn ei argymell i hyrwyddo’r amcanion trwyddedu ac amlygwyd y byddai’r mesurau hyn yn cael eu cynnwys ar y drwydded.

 

Tynnwyd sylw at ymateb a dderbyniwyd yn ystod y cyfnod ymgynghori gan Iechyd yr Amgylchedd yn nodi nad oedd ystyriaethau rheoli sŵn wedi cael sylw digonol. Awgrymwyd bod angen ymgymryd ag asesiad sŵn, insiwleiddio sŵn a mesuriadau lliniaru i sicrhau nad yw sŵn o’r eiddo yn achosi niwsans statudol i drigolion tai preswyl gerllaw. O ganlyniad, roeddynt yn argymell gwrthod y cais.

 

Ategodd y Rheolwr Trwyddedu, yn absenoldeb Swyddog Gwarchod y Cyhoedd, ers cyhoeddi rhaglen yr Is-bwyllgor, bod asesiad sŵn wedi ei dderbyn a bod y swyddog bellach yn argymell cymeradwyo’r cais yn ddarostyngedig ar gynnwys yr amodau sŵn a golau a gyflwynwyd gan Adran Iechyd yr Amgylchedd.

 

b)                    Wrth ystyried y cais dilynwyd y drefn ganlynol-:

·         Cyfle i Aelodau’r Is-bwyllgor ofyn cwestiynau i gynrychiolydd y Cyngor.

·         Ar ddisgresiwn y Cadeirydd, yr ymgeisydd neu ei gynrychiolydd i ofyn cwestiynau i gynrychiolydd y Cyngor.

·         Rhoi cyfle i’r ymgeisydd a/neu ei gynrychiolydd ymhelaethu ar y cais a galw tystion

·         Rhoi cyfle i Aelodau’r Is-bwyllgor ofyn cwestiynau i’r ymgeisydd a/neu ei gynrychiolydd

·         Ar ddisgresiwn y Cadeirydd gall cynrychiolydd y Cyngor ofyn cwestiynau i’r ymgeisydd neu ei gynrychiolydd

·         Rhoi gwahoddiad i bob Ymgynghorai gefnogi unrhyw sylwadau ysgrifenedig

·         Rhoi cyfle i gynrychiolydd y Cyngor a’r ymgeisydd neu ei gynrychiolydd grynhoi eu

hachos.

 

c)            Mewn ymateb i gwestiwn ynglŷn â’r ffaith bod Adran Gwarchod y Cyhoedd yn ymdrin â chais cynllunio i’r eiddo gael ei ddefnyddio fel tafarn, ac nad oedd ystyriaethau digonol wedi eu gwneud i reoli sŵn, nododd y Swyddog Cyfreithiol er bod sŵn yn fater perthnasol i gyfundrefn cynllunio a thrwyddedu mai’r cyd-destun trwyddedu oedd angen ei ystyried yma.

 

ch)       Wrth ymhelaethu ar y cais, nododd yr ymgeisydd:

·         Mai’r bwriad oedd chwarae miwsig cefndirol – dim byd swnllyd. Nad oedd bwriad chwarae cerddoriaeth byw pob dydd – efallai unwaith bob pythefnos

·         Bod yr eiddo wedi agor dros dro yn ystod Gŵyl Fwyd Caernarfon ac fe ddaeth i’r amlwg yr adeg hynny bod angen cais cynllunio. Nid oedd y landlord wedi gwneud un

·         Bod asesiad sŵn bellach wedi ei gyflwyno

 

d)         Manteisiodd yr ymgynghorai oedd yn bresennol ar y cyfle i ymhelaethu ar sylwadau a gyflwynwyd yn ysgrifenedig ganddynt.

           

            Yn absenoldeb Swyddog Iechyd yr Amgylchedd, cadarnhaodd y Rheolwr Trwyddedu bod asesiad sŵn bellach wedi ei dderbyn a bod y swyddog yn fodlon bod yr asesiad hwnnw yn cydymffurfio â’r gofynion. Diolchodd hefyd bod cydweithio da wedi bod rhwng Adran Gwarchod y Cyhoedd a’r ymgeisydd.

 

Diolchwyd i bawb am eu sylwadau 

 

Ymneilltuodd yr ymatebwyr a’r Rheolwr Trwyddedu o’r cyfarfod tra bu i aelodau’r Is-bwyllgor drafod y cais.

Wrth gyrraedd y penderfyniad ystyriodd yr Is-bwyllgor ffurflen gais yr ymgeisydd, sylwadau ysgrifenedig a gyflwynwyd gan y partïon â diddordeb, adroddiad y Swyddog Trwyddedu ynghyd â sylwadau llafar pob parti yn bresennol yn y gwrandawiad.  Ystyriwyd  Polisi Trwyddedu’r Cyngor a chanllawiau’r Swyddfa Gartref. Rhoddodd yr Is-bwyllgor ystyriaeth briodol i’r holl sylwadau gan eu pwyso a’u mesur yn erbyn yr  amcanion trwyddedu o dan y Ddeddf Trwyddedu 2003, sef:

 

                       i.       Atal trosedd ac anhrefn

                      ii.       Atal niwsans cyhoeddus

                     iii.       Sicrhau diogelwch cyhoeddus

                     iv.       Gwarchod plant rhag niwed

 

Diystyrwyd y sylwadau a ddaeth i law i’r graddau eu bod yn amherthnasol i’r amcanion uchod.

PENDERFYNWYD: Caniatáu y cais fel cafodd ei gyflwyno, yn ddarostyngedig ar gynnwys yr amodau sŵn a golau a gyflwynwyd gan Adran Iechyd yr Amgylchedd.

·         Ni chaniateir cynnydd yn y lefel LAeq 15munud na’r lefel LAeq 15 munud yn y bandiau amledd trydedd wythfed 31.5, 63 a 125Hz oddi fewn i unrhyw eiddo preswyl (wedi ei fesur gyda ffenestri’r eiddo yn agored neu ar gau) o ganlyniad i sŵn adloniant yn deillio o’r eiddo trwyddedig. I bwrpas yr amod yma mae LAeq wedi ei ddiffinio yn BS4142: 2019

·         Er mwyn arbed i sŵn a dirgrynant adael yr eiddo trwyddedig, bydd drysau a ffenestri'r adeilad yn cael eu cadw ar gau yn ystod yr adloniant, heblaw i sicrhau mynediad i mewn ac allan o’r eiddo.

·         Os, wedi cyhoeddi'r drwydded hon, bydd Cyngor Gwynedd yn derbyn tystiolaeth nad oes cydymffurfiaeth ag amod (i) bydd perchennog yr eiddo yn gwneud y canlynol:

- Gwneud unrhyw waith ynysu / arbed sŵn er mwyn sicrhau bod yr eiddo yn cydymffurfio ac amod sŵn a / neu

- Gosod dyfais rheoli sŵn yn yr ystafell/oedd lle cynhelir yr adloniant. Bydd y ddyfais wedi ei sefydlu i dorri cyflenwad trydan unrhyw system sain neu wrthsefyll cynnydd mewn lefel sŵn uwchlaw'r hyn sydd wedi ei sefydlu fel uchafswm caniataëdig.

·      Unwaith bydd lefel ar ddyfais reoli sŵn yn cael ei sefydlu, nid yw’r lefel yma i’w newid heb ymgynghoriad a Swyddog Iechyd yr Amgylchedd (Llygredd), Cyngor Gwynedd.

·      Ni chaniateir gwaredu gwastraff poteli neu ganiau i gynhwysydd y tu allan i'r adeilad trwyddedig rhwng yr oriau 22:00 - 08:00 . Bydd y poteli yn cael eu cadw oddi fewn i gwrtil yr eiddo mewn sgip neu fin gyda chaead.

·      Bydd arwyddion clir a dealladwy yn cael eu gosod wrth bob allanfa yn gofyn i gwsmeriaid sydd yn gadael yr adeilad i gysidro trigolion lleol, yn arbennig yn eu hannog i beidio â gweiddi, clepian drysau ceir na chanu cyrn ceir.

·      Ni chaniateir i unrhyw gerddoriaeth cael ei chwarae tu allan yr eiddo.

·      Nid yw unrhyw oleuo mewnol nac allanol sydd i’r pwrpas o ddiogelwch staff neu ddiogelwch yr eiddo yw gosod mewn modd sydd yn achosi niwsans i unrhyw eiddo ger llaw. 

 

Amodau ychwanegol i gynnwys

 

·      Bydd adroddiad yn cael ei gyflwyno i'r Cyngor yn manylu ar botensial sŵn o gerddoriaeth chwyddedig yn yr eiddo o effeithio ar eiddo cyfagos sy'n sensitif i sŵn ar Stryd y Farchnad, Stryd Fawr, Caernarfon, a'r fflatiau uwchben yr adeilad.

·      Os yw’r asesiad yn dangos bod sŵn o’r eiddo yn debygol o effeithio ar eiddo cyfagos sy’n sensitif i sŵn, yna bydd yn cynnwys cynllun manwl o fesurau lliniaru sŵn i ddangos na fydd niwsans yn cael ei achosi i feddianwyr eiddo cyfagos sy’n sensitif i sŵn gan sŵn o’r eiddo trwyddedig.

·      Bydd yr holl waith a argymhellir yn cael ei gwblhau cyn dechrau'r drwydded safle a rhaid hysbysu'r Awdurdod Trwyddedu o leiaf 5 diwrnod cyn i'r gwaith gael ei gwblhau a'r eiddo'n cael ei ddefnyddio.

·      Bydd peiriant cyfyngu sŵn yn cael ei osod i reoli a mesur sŵn

·      Cynnwys y mesurau ychwanegol a gyflwynwyd yn rhan M o’r cais, fel amodau i’r drwydded.

 

Rhoddwyd ystyriaeth arbennig i’r canlynol.

 

Yng nghyd-destun Atal Trosedd ac Anhrefn ni chyflwynwyd unrhyw dystiolaeth oedd yn berthnasol i’r egwyddor hwn.

 

Yng nghyd-destun Diogelwch Cyhoeddus ni chyflwynwyd unrhyw dystiolaeth oedd yn berthnasol i’r egwyddor hwn.

Yng nghyd-destun Atal Niwsans Cyhoeddus, roedd Gwasanaeth Iechyd Amgylchedd yn fodlon gyda’r cais pe byddai’r amodau a gynigwyd ganddynt mewn ymateb i’r cais, ynghyd a’r amodau pellach a argymhellwyd yn yr Adroddiad Asesiad Sŵn yn cael eu cynnwys ar y drwydded. Nid oedd unrhyw sylwadau eraill wedi eu cyflwyno mewn cysylltiad â’r egwyddor hwn, felly roedd yr Is-bwyllgor yn fodlon caniatáu yn ddarostyngedig i’r amodau.

Yng nghyd-destun Gwarchod Plant Rhag Niwed, ni chyflwynwyd tystiolaeth oedd yn berthnasol i’r egwyddor hwn..

O dan yr amgylchiadau roedd yr Is-bwyllgor yn fodlon bod y cais yn gydnaws â’r pedwar amcan trwyddedu, ac felly caniatawyd y cais. Ni dderbyniwyd sylwadau / gwrthwynebiadau gan y cyhoedd na gan yr Aelod Lleol. Ar nodyn cyffredinol, eglurwyd mai ar sail tystiolaeth roedd yr Is-bwyllgor yn gwneud eu penderfyniad a bod y ddeddfwriaeth yn darparu gweithdrefn adolygu lle gellid gofyn i'r awdurdod adolygu unrhyw agwedd o’r drwydded os oedd angen.

Adroddodd y Cyfreithiwr y byddai’r penderfyniad yn cael ei gadarnhau yn ffurfiol drwy lythyr i bawb oedd wedi cyflwyno sylwadau ysgrifenedig. Ategwyd bod gan bob parti i’r cais yr hawl i gyflwyno apêl yn Llys Ynadon Caernarfon yn erbyn penderfyniad yr Is-bwyllgor. Dylid cyfeirio unrhyw apêl o’r fath drwy roi rhybudd o apêl i’r Prif Weithredwr, Llys Ynadon Llandudno, Llandudno, o fewn cyfnod o 21 diwrnod gan gychwyn â’r dyddiad y bydd yr apelydd yn derbyn llythyr (neu gopi ohono) yn cadarnhau’r penderfyniad.