Agenda item

I ystyried cynnwys y ddogfen drafft ar gyfer 2023/24 gan gynnig unrhyw sylwadau ac argymhellion.  

PENDERFYNIAD

 

Derbyn yr Adroddiad Perfformiad Blynyddol a’r Hunanasesiad Drafft 2023/24

 

Nodyn:

Angen ystyried trefniadau ymgynghori priodol i’r dyfodol i sicrhau mewnbwn trigolion Gwynedd yn y broses

Angen cynnwys y Pwyllgor yn gynharach yn y broses – awgrym i gynnal gweithdy gyda’r Aelodau fel bod y Pwyllgor yn cael mewnbwn a gwell cyfle i gynnig argymhellion

Wrth gyflwyno data – angen sicrahu eglurhad llawn e.e, osogi categorïau ieithyddol mewn ysgolion uwchradd

Cynyddu Cyflenwad o Dai i Bobl Leol - angen amlygu’r effaith ac nid y nifer yn unig

 

Prosiectau Gwynedd Yfory

·         Moderneiddio Adeiladau ac Amgylchedd Dysgu - ychwanegu bod arogliad RAC wedi ei gynnal

·         Hyrwyddo Llesiant Plant a Phobl Ifanc - ychwanegu bod cynlluniau / ymgyrchoedd yn eu lle gan yr Adran Addysg i wella presenoldeb disgyblion

·         Ymestyn Cyfleoedd Chwarae a Chymdeithasu – ychwaegu cefnogaeth arainnol ychwanegol gan y Cyngor i Ganolfannau Bwy’n Iach – hyn wedi bod yn benderfyniad positif

Croesawyd y Cyng. Dyfrig Siencyn (Arweinydd y Cyngor), Cyng. Nia Jeffreys (Dirprwy Arweinydd y Cyngor) a Dewi Jones (Rheolwr Gwasanaeth Cefnogi Busnes y Cyngor) i’r cyfarfod.

 

Cyflwynwyd drafft o Adroddiad Perfformiad Blynyddol ac Hunanasesiad Cyngor Gwynedd 2023/24 ar gyfer ystyriaeth y Pwyllgor gan ofyn iddynt gynnig sylwadau ac argymhellion ar gynnwys yr adroddiad. Adroddwyd bod yr Hunanasesiad yn ofyn statudol o dan Ddeddf Llywodraeth Leol ac Etholiadau (Cymru) 2021 sydd hefyd yn nodi bod angen cynnwys y Pwyllgor yn y broses hunanasesu.

 

Tynnwyd sylw at y ffaith bod y Cyngor eisoes yn casglu llawer o dystiolaeth ac yn cyhoeddi dogfennau sy’n cynnwys y math o wybodaeth sy’n ddisgwyliedig i’w gynnwys o fewn yr hunanasesiad - dogfennau megis (ond ddim yn gyfyngedig i) adroddiadau blynyddol Perfformiad, Cydraddoldeb, Cyfarwyddwr Gwasanaethau Cymdeithasol a’r Datganiad Cyfrifon Blynyddol. Nodwyd hefyd bod cyswllt agos rhwng y ddogfen yma a’r Datganiad Llywodraethu Blynyddol (gweler eitem 7) ac o ganlyniad, gwaned ymdrech i gadw’r ddogfen hunan asesiad yn gymharol gryno gan gyfeirio tuag at nifer o’r dogfennau lle ceir gwybodaeth bellach er mwyn ceisio osgoi dyblygu.

Diolchwyd am yr adroddiad

 

Yn ystod y drafodaeth ddilynol nodwyd y sylwadau canlynol:

·       Bod angen cynnwys y Pwyllgor yn gynharach  yn y broses - awgrym cynnal gweithdy i’r dyfodol fel bod yr Aelodau yn cael cyfle ac amser i drafod yr adroddiad a chynnig mewnbwn ac argymhellion

·       Bod fformat yr adroddiad yn glir a hawdd i’w ddeall – yn drefnus a thaclus

·       Yr adroddiad yn rhoi darlun gonest o’r sefyllfa

·       Bod yr asesiad yn fanwl iawn, yn anodd ei adolygu heb ddealltwriaeth lawn o feysydd

·       Bod angen sicrhau bod trigolion yn derbyn gwybodaeth am y gwasanaethau - angen sicrahu cyfathrebu da

·       Geiriau megis ‘lluniwyd strategaeth – angen gweld mwy o weithrediad

·       Teithio llesol - amlwg mwy o adnoddau i ardaloedd trefol / poblogaeth uchel, ond angen gweld mwy o ymdrech i faterion teithio llesol gwledig ar draws y Sir

·       Wrth gyflwyno data - angen sicrhau eglurhad llawn e.e, osgoi categorïau ieithyddol mewn ysgolion uwchradd

·       Cynyddu Cyflenwad o Dai i Bobl Leol - angen amlygu’r effaith ac nid y nifer yn unig

 

·       Prosiectau Gwynedd Yfory

-        Moderneiddio Adeiladau ac Amgylchedd Dysgu - ychwanegu bod arogliad RAC wedi ei gynnal

-        Hyrwyddo Llesiant Plant a Phobl Ifanc - ychwanegu bod cynlluniau / ymgyrchoedd yn eu lle gan yr Adran Addysg i wella presenoldeb disgyblion

-        Ymestyn Cyfleoedd Chwarae a Chymdeithasu - ychwanegu cefnogaeth ariannol ychwanegol gan y Cyngor i Ganolfannau Bwy’n Iach - hyn wedi bod yn benderfyniad positif

 

Mewn ymateb i gwestiwn os oedd ymgynghoriad gyda phobl leol, busnesau lleol, staff ac undebau llafur wedi ei gynnal, nodwyd nad oedd ymgynghoriad penodol ar berfformiad wedi ei gynnal ond bod adborth a gwybodaeth o ymgynghoriadau niferus eraill ar draws y Cyngor wedi eu hystyried. Ategwyd bod ymgynghoriad perfformiad wedi ei gynnal ym mis Mai 2023 ac mai ychydig iawn o adborth a dderbyniwyd y pryd hynny (yr adborth yn bwydo mewn i gyfnod Hunanasesiad 2022/23).

 

Adroddodd yr Arweinydd  bod trafodaethau wedi eu cynnal gyda Llywodraeth Cymru sydd yn bwriadu cynnal arolwg preswylwyr cenedlaethol ac y bydd modd i Wynedd gofrestru gyda’r arolwg fel bod modd derbyn adborth i fwydo i mewn i’r Hunanasesiad. Gofynion y Ddeddf yw paratoi Hunanasesiad o fewn y flwyddyn ariannol ac felly pe byddai ymgynghoriad yn cael ei gynnal yn ddiweddarach yn y flwyddyn gellid ystyried cynnwys yr adborth yr adeg hynny.

 

Mewn ymateb i sylw am deithiau llesol, nodwyd bod amryw o ganllawiau Llywodraeth Cymru sydd yn ymwneud a theithio llesol yn pwysleisio ar yr elfen ‘teithio i waith’ ac felly anodd yw cael cyllid ar gyfer cynlluniau gwledig. Er hynny, ategwyd bod trafodaethau yn parhau i geisio newid y canllawiau.

 

Diolchodd y Dirprwy Arweinydd i’r Aelodau am eu cyfraniad gan nodi y byddai’r sylwadau yn cael eu hymgorffori i’r adroddiad neu’n derbyn sylw i’r dyfodol. Derbyniwyd y sylw bod angen cynnwys pobl Gwynedd yn y broses a’r angen i amlygu effaith y gwaith. Croesawyd yr awgrym i gynnal gweithdy gyda’r Aelodau i’r dyfodol. Petai’r Pwyllgor eisiau cyflwyno sylwadau pellach bydd rhaid iddynt wneud hynny fel Aelodau unigol ac nid fel Pwyllgor

 

PENDERFYNIAD

 

Derbyn yr Adroddiad Perfformiad Blynyddol a’r Hunanasesiad Drafft 2023/24

 

Nodyn:

Angen ystyried trefniadau ymgynghori priodol i’r dyfodol i sicrhau mewnbwn trigolion Gwynedd yn y broses

Angen cynnwys y Pwyllgor yn gynharach yn y broses – awgrym i gynnal gweithdy gyda’r Aelodau fel bod y Pwyllgor yn cael mewnbwn a gwell cyfle i gynnig argymhellion

Wrth gyflwyno data - angen sicrhau eglurhad llawn e.e, osgoi categorïau ieithyddol mewn ysgolion uwchradd

Cynyddu Cyflenwad o Dai i Bobl Leol - angen amlygu’r effaith ac nid y nifer yn unig

 

Prosiectau Gwynedd Yfory

·       Moderneiddio Adeiladau ac Amgylchedd Dysgu - ychwanegu os yw arolygiad RAC wedi ei gynnal

·       Hyrwyddo Llesiant Plant a Phobl Ifanc - ychwanegu bod cynlluniau / ymgyrchoedd yn eu lle gan yr Adran Addysg i wella presenoldeb disgyblion

·       Ymestyn Cyfleoedd Chwarae a Chymdeithasu - ychwanegu cefnogaeth ariannol ychwanegol gan y Cyngor i Ganolfannau Bwy’n Iach - hyn wedi bod yn benderfyniad positif