Agenda item

Cyfleuster Storio Ynni Arfaethedig, mynediad cysylltiedig, tirweddu, seilwaith, offer ategol, gyda chynhwysedd mewnforio ac allforio cysylltiad grid o 57MWac. 

 

AELOD LLEOL: Cynghorydd Menna Baines

 

Dolen i'r dogfennau cefndir perthnasol

PENDERFYNIAD: Dirprwyo’r hawl i’r Uwch Reolwr Cynllunio ganiatáu’r cais yn ddarostyngedig i dderbyn sylwadau’r Uned Trafnidiaeth a Gwasanaeth Gwarchod y Cyhoedd  a’r amodau isod:

1.    5 mlynedd.

2.    Yn unol â’r cynlluniau/manylion a gyflwynwyd gyda’r cais.

3.    Cydymffurfio â’r cynllun tirweddu ynghyd a gwaith cynnal a chadw i’r dyfodol.

4.    Cydymffurfiaeth gydag argymhellion y dogfennau Asesiad Ecolegol Cychwynnol, Asesiad Effaith Coedyddiaeth a’r Datganiad Seilwaith Gwyrdd.

5.    Cyflwyno Datganiad Dull Adeiladu Amgylcheddol i’r ACLL cyn dechrau

6.    Cyflwyno Cynllun Rheolaeth Trafnidiaeth Adeiladu.

7.    Cytuno gyda gorffeniadau allanol y strwythurau.

8.    Sicrhau enw Cymraeg ac arwyddion dwyieithog gyda’r flaenoriaeth i’r Gymraeg.

9.    Cytuno rhaglen waith Archeolegol

10.  Cyflwyno Cynllun Rheolaeth Amgylcheddol

11.  Amodau Trafnidiaeth a Gwarchod y Cyhoedd fel bo angen

12.  Rhaid adfer y safle i’w gyflwr a gytunir gyda’r Awdurdod Cynllunio wedi i’r cyfnod gweithredol y datblygiad ddod i ben

Nodiadau:     

Uned Dŵr ac Amgylchedd

Cyfoeth Naturiol Cymru

Gwasanaeth Cynllunio Archeolegol Gwynedd

 

Cyfleuster Storio Ynni Arfaethedig, mynediad cysylltiedig, tirweddu, seilwaith, offer ategol, gyda chynhwysedd mewnforio ac allforio cysylltiad grid o 57MWac.

 

Tynnwyd sylw at y ffurflen sylwadau hwyr oedd yn cynnwys sylwadau gan yr Uned Trafnidiaeth

a)     Amlygodd y Swyddog Rheolaeth Datblygu mai cais cynllunio llawn oedd dan sylw ar gyfer gosod a gweithredu System Storio Ynni Batri, oedd yn cynnwys unedau storio ynni, is-orsaf drydan, mynediad i’r safle, tirlunio a seilwaith ategol ar dir i’r gorllewin o is-orsaf drydan presennol Pentir. Tynnwyd sylw at holl elfennau’r cais gan nodi y byddai’r bwriad yn galluogi gwneud defnydd effeithiol o’r ynni cynaliadwy sy’n cael ei gynhyrchu yn barod. Ategwyd y byddai cysylltiad cebl tanddaearol i'r grid trydan yn cael ei sicrhau trwy gais cynllunio ar wahân.

 

Adroddwyd bod y safle’n cynnwys 2.57 hectar o dir pori garw mewn safle Cefn Gwlad Agored y tu allan i unrhyw ffin datblygu ac oherwydd maint y safle, eglurwyd bod yr  ymgeisydd wedi ymgymryd ag ymgynghoriad cyn cyflwyno cais fel sy’n ofynnol ar gyfer datblygiad a ddiffinnir fel un mawr gan Lywodraeth Cymru. Nodwyd bod y datblygiad wedi’i sgrinio ar gyfer Asesiad Effaith Amgylcheddol ac ystyriwyd byddai’r effaith  ar yr amgylchedd yn annigonol i gyfiawnhau cyflwyno datganiad amgylcheddol gyda’r cais.

 

Cyfeiriwyd at ymateb a sylwadau'r Uned Priffyrdd yn cadarnhau nad oedd ganddynt wrthwynebiad mewn egwyddor yn ddarostyngedig i sicrhau fod asesiad o gyflwr y ffordd yn cael ei gwblhau cyn ac ar ôl y gwaith adeiladu, a bod Cynllun Rheoli Amgylcheddol Adeiladu a Chynllun Rheoli Traffig Adeiladu yn cael eu cyflwyno a’u cymeradwyo.

 

Yng nghyd-destun egwyddor y datblygiad, amlygwyd bod cyfiawnhad wedi ei roi yn y Datganiad Cynllunio, Dylunio a Mynediad dros leoli’r adnodd yn y man a fwriedir yn seiliedig ar agosatrwydd Is-orsaf Pentir a’r  cymhlethdod a’r effaith ar y dirwedd o osod ceblau i gysylltu rhwng y storfa batris a’r rhwydwaith Grid Cenedlaethol ac felly’n cwrdd â gofynion Polisi Cyff 1 - bod y lleoliad yn addas. Ategwyd bod Polisi ISA 1 hefyd yn gefnogol o gynigion am wasanaethau dŵr, trydan, nwy ac ati i wella’r ddarpariaeth, yn amodol ar ystyriaethau cynllunio manwl ac yn nodi pwysigrwydd bod y ddarpariaeth isadeiledd ar gyfer safle datblygu yn cael ei leoli a’i ddylunio mewn modd sy’n lleihau’r effaith ar yr amgylchedd naturiol ac adeiledig. Drwy osod y datblygiad ar y safle yma yn agos i’r is-orsaf bresennol, ystyriwyd bod y bwriad yn dderbyniol o safbwynt amgylcheddol.

 

Cydnabuwyd y byddai peth aflonyddwch yn ystod y cyfnod gwaith a fydd yn parhau am oddeutu 12 mis, ond wedi hynny, bydd y safle yn cael ei reoli o bell ac ni fydd presenoldeb ar y safle oni bai yn achlysurol ar gyfer cynnal a chadw.

 

Ar sail y wybodaeth oedd wedi ei gyflwyno ystyriwyd fod yr holl effeithiau wedi eu lliniaru’n ddigonol, ac na fyddai’r cynnig yn niweidiol i fwynderau gweledol, i unrhyw effeithiau annerbyniol ar ddefnyddiau sensitif cyfagos, nag ansawdd dwr; y  lleoliad wedi ei gyfiawnhau heb effaith cronnus annerbyniol ar y dirwedd gyda’r cyfarpar yn cael ei dynnu o’r safle wedi diwedd oes y cynllun. O ganlyniad, ystyriwyd y bwriad yn dderbyniol ac argymhellwyd caniatáu’r cais gydag amodau.

 

b)     Yn manteisio ar yr hawl i siarad, nododd yr ymgeisydd y sylwadau canlynol;

·       Bod y bwriad yn un i gyflenwi system storfa ynni sydd yn hanfodol ar gyfer dyfodol ynni adnewyddadwy carbon isel

·       Bod y cynllun yn unol â gofynion Llywodraeth Cymru

·       Bod storio ynni yn dechnoleg allweddol i gyflawni sero-net

·       Byddai’r cynllun yn cynnig cyfleoedd gwaith i bobl leol

·       Bod cynnydd mewn defnydd storfa ynni i ymateb i alw a chyflenwad

·       Bod sgrinio digonol, sefydlog eisoes yn bodoli ger yr is-orsaf

·       Na fyddai’r bwriad yn creu effaith ar y dirwedd – tir pori caled sydd yma gyda lefel isel o fioamrywiaeth. Er hynny, bwriad plannu mwy i leihau’r effaith weledol

·       Cyfarfodydd ymgynghori wedi eu cynnal gyda thrigolion lleol a Chyngor Cymuned Pentir

·       Wedi cydweithio gyda’r swyddogion cynllunio a budd-ddeiliaid

·       Bod buddion cymunedol i’r cynllun

 

c)     Er nad yn bresennol, roedd yr Aelod Lleol wedi nodi mewn e-bost i’r Cadeirydd ei bod  yn gefnogol i'r bwriad ar sail datblygu gynaliadwy, h.y. fod storio ynni yn ymddangos yn dechnoleg angenrheidiol wrth geisio cyflawni'r nod ynni net sero.

 

ch)   Cynigiwyd ac eiliwyd caniatáu y cais

PENDERFYNWYD: Dirprwyo’r hawl i’r Uwch Reolwr Cynllunio ganiatáu’r cais yn ddarostyngedig i dderbyn sylwadau’r Uned Trafnidiaeth a Gwasanaeth Gwarchod y Cyhoedd  a’r amodau isod:

1.     5 mlynedd.

2.     Yn unol â’r cynlluniau/manylion a gyflwynwyd gyda’r cais.

3.     Cydymffurfio â’r cynllun tirweddu ynghyd a gwaith cynnal a chadw i’r dyfodol.

4.     Cydymffurfiaeth gydag argymhellion y dogfennau Asesiad Ecolegol Cychwynnol, Asesiad Effaith Coedyddiaeth a’r Datganiad Seilwaith Gwyrdd.

5.     Cyflwyno Datganiad Dull Adeiladu Amgylcheddol i’r ACLl cyn dechrau

6.     Cyflwyno Cynllun Rheolaeth Trafnidiaeth Adeiladu.

7.     Cytuno gyda gorffeniadau allanol y strwythurau.

8.     Sicrhau enw Cymraeg ac arwyddion dwyieithog gyda’r flaenoriaeth i’r Gymraeg.

9.     Cytuno rhaglen waith Archeolegol

10.  Cyflwyno Cynllun Rheolaeth Amgylcheddol

11.  Amodau Trafnidiaeth a Gwarchod y Cyhoedd fel bo angen

12.  Rhaid adfer y safle i’w gyflwr a gytunir gyda’r Awdurdod Cynllunio wedi i’r cyfnod gweithredol y datblygiad ddod i ben

Nodiadau:           

Uned Dŵr ac Amgylchedd

Cyfoeth Naturiol Cymru

Gwasanaeth Cynllunio Archeolegol Gwynedd