Agenda item

Cais llawn i drosi stablau presennol i eiddo preswyl ynghyd a chodi estyniad unllawr

 

Aelod Lleol: Cynghorydd Jina Gwyrfai

 

Dolen i'r dogfennau cefndir perthnasol

                 

PENDERFYNIAD: I ganiatáu’r cais yn ddarostyngedig i:

Amodau

 

1.     Amser

2.     Cydymffurfio gyda cynlluniau

3.     Deunyddiau/gorffeniadau allanol

4.     Cyfyngu meddiannaeth i menter gwledig

5.     Tynnu hawliau datblygiadau a ganiateir

6.     Cynllun draenio tir

7.     Tirlunio

8.     Materion Bioamrywiaeth

9.     Enw Cymraeg i’r eiddo

 

Nodiadau:

 

Materion draenio Dŵr Cymru/CNC.

Trwydded rhywogaethau gwarchodedig

 

Cais llawn i drosi stablau presennol i eiddo preswyl ynghyd a chodi estyniad unllawr

a)     Amlygodd y Rheolwr Cynllunio mai cais ydoedd ar gyfer trosi adeilad allanol presennol ynghyd a’i ymestyn er mwyn creu tŷ annedd unllawr newydd gyda thair llofft ar gyfer gweithiwr amaethyddol/busnes twristiaeth. Ategwyd bod y bwriad hefyd yn cynnwys addasu adeilad arall er mwyn darparu clwydfan ystlumod parhaol.

 

Eglurwyd bod y cais yn cael ei gyflwyno i bwyllgor gan fod gan yr ymgeisydd berthynas teuluol agos gyda Aelod Etholedig o’r Cyngor.

 

Yng nghyd-destun egwyddor y bwriad, amlygwyd bod polisi PCYFF 1 yn gofyn am gyfiawnhad dros ddatblygiadau newydd yng nghefn gwlad ynghyd a pholisi PS17 sy’n esbonio bod angen i geisiadau am dai menter wledig gydymffurfio a Pholisi Cynllunio Cymru a Nodyn Cyngor Technegol (NCT) 6: Cynllunio ar gyfer Cymunedau Gwledig Cynaliadwy gyda rhan 4.5 o NCT 6 yn ymwneud gydag ail anheddau ar ffermydd sefydledig. Nodwyd bod y polisi yn annog pobl iau i reoli busnesau fferm a hybu arallgyfeirio ar ffermydd sefydledig ac i gefnogi’r amcan polisi hwn gall fod yn briodol caniatáu ail annedd ar ffermydd sefydledig.

Adroddwyd, er mwyn gallu asesu’r bwriad yn erbyn gofynion y canllaw, derbyniwyd asesiad tŷ menter gwledig, cynllun busnes a chopi o gyfrifon y busnes. Mynegwyd bod yr ymgeisydd yn byw gyda'i wraig a dau o blant mewn tŷ teras oddeutu milltir a hanner o safle'r cais. Derbyniwyd tystiolaeth yn dangos fod angen 1.95 o weithwyr amaethyddol ar y daliad a bod y mab eisoes gyda phrif gyfrifoldebau o redeg y ffarm. Ystyriwyd y byddai’r bwriad yn dderbyniol yng nghyd-destun egwyddor y bwriad a bod trefniadau eisoes mewn lle i’r person ifancach fod yn rhedeg y busnes.

 

Cyfeiriwyd at y’r asesiad a’r manylion a gyflwynwyd gyda’r cais oedd yn datgan bod y busnes fferm bresennol yn hyfyw; wedi ei sefydlu’n gadarn, yn ariannol gadarn a bod tebygolrwydd o aros felly. Amlygwyd nad oedd gan y busnes dai neillog ar gael ac nad oes llety addas yn yr ardal leol ar gyfer yr ymgeisydd o ystyried ei rôl fel prif weithiwr amaethyddol y daliad. Ystyriwyd hefyd fod maint yr annedd yn rhesymol o ystyried angen yr ymgeisydd a maint y daliad. O ganlyniad, roedd yr Awdurdo Cynllunio Lleol yn mynegi’r farn bod egwyddor y datblygiad yn dderbyniol ac yn unol â pholisi PCYFF 1, PS 17 a’r Nodyn Cyngor Technegol 6.

 

Yng nghyd-destun mwynderau gweledol, cyffredinol a phreswyl ynghyd a dyluniad ac effaith weledol y bwriad, ystyriwyd bod yr addasiadau i’r adeilad yn sympathetig ac yn addas ar gyfer cyn adeilad ffarm ac na fyddai’n cael effaith niweidiol ar yr adeilad rhestredig gerllaw. O ystyried lleoliad y ffarm ymysg adeiladau arall, ni ystyriwyd y bydd yn cael effaith negyddol ar fwynderau gweledol yr ardal na’r AHNE.

 

Amlygwyd bod ystyriaeth lawn wedi ei roi i faterion archeolegol, trafnidiaeth, ieithyddol a bioamrywiaeth ac ni ddarganfuwyd unrhyw faterion o bwys. Wedi ystyried yr holl faterion cynllunio perthnasol yn llawn gan gynnwys polisïau a chanllawiau lleol a chenedlaethol, ystyriwyd fod y bwriad yn dderbyniol ac argymhellwyd caniatáu gydag amodau.

 

b)     Yn manteisio ar yr hawl i siarad, nododd yr ymgeisydd y sylwadau canlynol:

·       Eu bod eisoes wedi dechrau gweithredu ar y mesurau lliniaru yn dilyn cwblhau arolwg ystlumod trylwyr

·       Nad oedd gwrthwynebiadau wedi ei derbyn

·       Nad oedd Swyddogion AHNE yn gwrthwynebu’r bwriad

·       Na fydd effaith ar y tirwdd nac i drigolion cyfagos

·       Ni fydd yn creu mwy o draffig

·       Bod yr addasiad yn rhan o’r busnes teuluol - yn fuddsoddiad cynaliadwy

·       Er rhai pryderom, bod septig tanc eisoes ar yr eiddo a bod bwriad cysylltu iddo

·       Bod cefnogaeth leol i’r cais

 

c)     Yn manteisio ar yr hawl i siarad, nododd yr Aelod Lleol y sylwadau canlynol:

·       Yn diolch am y gwaith paratoi a sylwadau’r ymgynghoriad

·       Yn gefnogol i’r cais – cais gan deulu ifanc lleol i ddatblygu busnes

·       Gofynion y busnes yn gofyn am bresenoldeb 24/7 – yn golygu bod angen rhywun ar y safle. Gofynion y polisi yn nodi caniatáu mewn amgylchiadau arbennig – y cais yma yn cwrdd â’r gofyn

·       Nad oedd gan yr AHNE achos i wrthod – y cynlluniau yn addas ac yn parchu a gweddu’r tirlun

·       Yn dŷ addas  i deulu o bump – dim yn rhy uchelgeisiol ei faint

·       Yn cwrdd â gofynion Deddf Llesiant Cenedlaethau’r Dyfodol - yn ddatblygiad cynaliadwy yng nghefn gwlad

·       Yn ymateb i ofynion Strategaeth Aneddleoedd - yn fusnes lleol

·       Bod hanes cynllunio i’r safle - hyn yn arwydd da bod y teulu o ddifrif am y busnes ac yn arall gyfeirio

·       Bod y gefnogaeth leol yn unfrydol

·       Materion bioamrywiaeth – cludfan bwrpasol wedi ei ei glustnodi ar gyfer ystlumod

·       Yn gais syml ar gyfer teulu Cymraeg lleol sydd eisiau creu bywoliaeth yn eu cynefin

·       Yn cyd-fynd â pholisïau lleol a chenedlaethol

·       Yn annog y Pwyllgor ganiatáu’r cais

 

ch)    Cynigiwyd ac eiliwyd caniatáu y cais yn unol â’r argymhelliad. Roedd nifer o’r Aelodau yn gyfarwydd â’r safle ac ystyriwyd bod y cynllun yn un da

 

          PENDERFYNWYD: Caniatáu’r cais yn ddarostyngedig i’r amodau canlynol:

 

1.     Amser

2.     Cydymffurfio gyda chynlluniau

3.     Deunyddiau/gorffeniadau allanol

4.     Cyfyngu meddiannaeth i fenter wledig

5.     Tynnu hawliau datblygiadau a ganiateir

6.     Cynllun draenio tir

7.     Tirlunio

8.     Materion Bioamrywiaeth

9.     Enw Cymraeg i’r eiddo

 

Nodiadau:

 

Materion draenio Dŵr Cymru / CNC.

Trwydded rhywogaethau gwarchodedig