Agenda item

Cais ar gyfer defnyddio tir i storio, trin ac ailgylchu gwastraff anadweithiol / ddim yn beryglus yn deillio o'r gwaith Darpariaeth Effaith Weledol Eryri  

 

AELODAU LLEOL: Cynghorydd June Jones, Nia Jeffreys, Gwilym Jones a Meryl Roberts

 

 Dolen i'r dogfennau cefndir perthnasol

PENDERFYNWYD: Caniatáu'r cais yn ddarostyngedig i'r amodau canlynol:

1.       Datblygiad i ddechrau o fewn 12 mis o ddyddiad y caniatâd.

2.       Datblygiad a ganiatawyd i ddod i ben ymhen 5 mlynedd o gyflwyno rhybudd dechrau. Bydd y datblygiad a ganiateir drwy hyn yn dod i ben ar unwaith pe cyfyd sefyllfa o echdynnu a gweithio ar y mwynau ar y safle (Chwarel Garth) yn dod i ben yn gynnar neu'n gynamserol.

3.       Yn unol â’r cynlluniau a'r manylion a gyflwynwyd.

4.       Ni fydd unrhyw beth heblaw deunyddiau gwastraff anadweithiol a echdynnwyd o'r datblygiad SVIP, yn cael ei fewnforio i'r safle.

5.       Bydd y gweithredwr/datblygwr yn darparu cofnod o'r deunydd a fewnforiwyd i'r ACLl o fewn 10 diwrnod i'r cais (gwybodaeth i gynnwys tarddiad, tunelli, disgrifiad o'r deunydd, dyddiad ac amseroedd y symud a'r canlyniad).

6.       Cyfyngu ar hawliau GPDO perthnasol ar gyfer adeiladau, strwythurau, ffyrdd preifat, llifoleuadau, ffensys ac ati.

7.       Marcio ffin yr ardal a ganiateir cyn dechrau'r gwaith.

8.       Cytuno ar welliannau bioamrywiaeth cyn dechrau'r gwaith.

9.       Copi o'r penderfyniad a'r cynlluniau a gymeradwywyd i'w dangos yn swyddfa safle Chwarel Garth.

10.     Oriau gweithio (i gyd-fynd â'r caniatâd mwynau).

11.      Storio olew, tanwydd a deunydd cemegol ar waelodion anhydraidd ac wedi'u bwndio.

12.     Monitro'r safle am bresenoldeb rhywogaethau ymledol anfrodorol.

13.     Cyfyngiadau lefel sŵn (lefelau penodol i gyd-fynd â'r caniatâd mwynau).

14.      Cyfyngiadau lefelau sŵn ar gyfer gweithrediadau dros dro (lefelau penodol i gyd-fynd â'r caniatâd mwynau).

15.     Monitro/arolwg sŵn yn flynyddol.

16.      Cerbydau, offer a pheiriannau i weithredu o fewn y lefelau allyriadau sŵn mwyaf o fanyleb gwneuthurwr a ddim yn cael eu gweithredu heb sgriniau 'lladd' sain briodol, gwaith achos, caeadau a distewyddion.

17.     Defnyddio larymau 'sŵn gwyn' ar gyfer peiriannau a cherbydau symudol.

18.      Mesurau lliniaru llwch i'w cyflawni yn unol ag amod 23 o Ganiatâd Cynllunio Mwynau (C16/1385/05/MW).

19.      Cadw arwyneb mynediad safle i'r briffordd yn lân a dim dyddodi mwd/malurion ar y briffordd.

20.      Cadw cofnod amgylcheddol o gwynion llwch a sicrhau ei fod ar gael i'r ACLl o fewn 14 diwrnod i gais.

21.      Bydd mewnforio deunydd gwastraff anadweithiol yn cael ei gyfyngu i ddefnyddio'r llwybrau cludo pwrpasol presennol.

22.      Rhaid gosod llenni dros gerbydau llwythog sy'n gadael y safle neu eu trin i osgoi allyrru llwch (ar gyfer deunydd dan 75mm).

23.     Amod i gadw arwyddion dwyieithog ar gyfer cyfnod y datblygiad.

24.     Cynllun goleuo i osgoi unrhyw effeithiau ar lwybrau hedfan ystlumod.

25.      Cynllun Atal Llygredd i sicrhau bod pob mesur yn cael ei gymryd i osgoi unrhyw lygredd rhag mynd i gyrsiau dŵr a'r Glaslyn.

26.     Mesurau gwella bioamrywiaeth.

27.     Monitro a rheoli rhywogaethau planhigion ymledol yn ystod cyfnod y caniatâd.

 

a)       Cais gyfer gorsaf trosglwyddo gwastraff dros dro yn Chwarel Garth i dderbyn, storio, trin a phrosesu deunyddiau anadweithiol o Brosiect Darpariaeth Effaith Weledol Eryri (SVIP).

 

Tynnwyd sylw at y ffurflen sylwadau hwyr

 

Amlygodd Uwch Swyddog Cynllunio Mwynau a Gwastraff y byddai'r gweithgareddau ailgylchu gwastraff anadweithiol am gyfnod dros dro i gyd-fynd â'r datblygiad SVIP. Eglurwyd bod safle’r cais gyferbyn â rhan o’r chwarel ble mae gweithgareddau mathru yn digwydd eisoes a byddai’ bwriad yn defnyddio isadeiledd presennol y chwarel megis ffyrdd cludo, pont pwyso, swyddfeydd a mynediad i’r briffordd.

 

Yng nghyd-destun egwyddor y bwriad, nodwyd bod Hierarchaeth Gwastraff, Polisi Cynllunio Cymru, TAN 21 a dogfen “Tuag at Ddyfodol Diwastraff” Llywodraeth Cymru yn nodi y dylid, wrth drin gwastraff, leihau cynhyrchu gwastraff ac arallgyfeirio gwastraff o safleoedd tirlenwi drwy ailgylchu ac ailddefnyddio lle bo hynny'n bosib. Yn ychwanegol rhoddir pwyslais ar bolisïau cynllunio mwynau i hyrwyddo'r defnydd o agregau eilaidd/amgen er mwyn lleihau'r ddibyniaeth ar echdynnu carreg brimaidd a gwarchod banc tir carreg galed y Sir.

 

O ran polisïau lleol, eglurwyd bod yr egwyddor o sefydlu cyfleuster rheoli gwastraff wedi ei selio ym mholisïau PS 21, GWA 1 a GWA 2. Er nad yw’r safle wedi ei ddynodi ym mholisi GWA 1, mae’r polisi yn datgan fod posib sefydlu cyfleuster rheoli gwastraff mewn chwareli presennol os bydd cyfiawnhad a dim effeithiau andwyol. Yn ychwanegol, mae polisi GWA 2 yn gosod meini prawf sydd angen i gynigion rheoli gwastraff gydymffurfio â hwy. Yn yr achos yma, amlygwyd bod yr angen wedi deillio yn benodol o'r gwaith SVIP gan y Grid Cenedlaethol. Ni fydd unrhyw wastraff sy’n deillio o ffynonellau eraill yn cael ei drin  - rheoli'r deunydd gwastraff anadweithiol a gynhyrchir gan y gwaith cloddio a thwnelu yn unig sydd yma. Amlygwyd bod y wybodaeth a gyflwynwyd gyda'r cais yn cynnig cyfanswm ychydig yn uwch o 250,000 tunnell er mwyn gallu darparu ar gyfer unrhyw anghysondebau yn yr amcangyfrif rhagarweiniol. Mae’r bwriad yn datgan bydd deunydd yn cael ei fewnforio i’r safle ar gyfradd flynyddol o 75,000 tunnell a fyddai'n cyfateb felly i gyfnod o 3.3 blynedd.

 

Mynegwyd nad oes safle dynodedig agosach i’r datblygiad SVIP ac nad oedd unrhyw un o fewn y cyffiniau fyddai’n gallu darparu ar gyfer y symiau sylweddol o ddeunydd gwastraff fydd yn cael ei gynhyrchu.

 

Yng nghyd-destun polisi MWYN 1 a MWYN 5 sy’n rhoi ystyriaeth ar yr angen i ddiogelu adnoddau mwynau’r Sir, mae bwriad defnyddio isadeiledd presennol y chwarel dros dro er mwyn ailgylchu gwastraff anadweithiol i agregau eilaidd. Nodwyd y bydd angen gosod amodau i sicrhau fod y gwastraff yn benodol o’r prosiect SVIP.

 

Yng nghyd-destun mwynderau gweledol a phreswyl, mae’r safle o fewn dynodiadau Ardal Tirwedd Arbennig Aber Glaslyn a Dwyryd a Thirwedd o Ddiddordeb Hanesyddol Eithriadol Aberglaslyn. Byddai'r bwriad yn ymwneud â mân newidiadau ffisegol i'r safle ond gan na fydd y bwriad yn arwain at unrhyw effaith weledol fyddai’n sylweddol wahanol i effaith y gweithfeydd mwynau a ganiateir yn y chwarel ar hyn o bryd ystyriwyd bod y bwriad yn  cydymffurfio a pholisïau PCYFF 3, AMG 2 ac AT 1 o’r CDLl.

 

O ran effeithiau sŵn ac ansawdd aer, bydd bwriad cyfyngu’r gweithgareddau rheoli gwastraff i’r un amodau gwaith y chwarel ehangach er mwyn sicrhau cysondeb ac ymarferoldeb. Bydd yr amodau yn cynnwys ymysg eraill  oriau gweithio, lefelau cyfyngedig sŵn, monitro lefelau sŵn a mesurau lliniaru llwch. O ystyried pellter y safle o eiddo cyfagos ac amodau amgylcheddol sydd eisoes mewn lle yn y chwarel, ystyriwyd fod y bwriad yn cydymffurfio a pholisïau MWYN 3 a PCYFF 2 o’r CDLl.

 

Yng nghyd-destun traffig a mynediad, bydd y bwriad yn defnyddio’r ffyrdd cludo mewnol, pont bwyso, cyfleuster golchi olwynion, llecynnau parcio a mynediad cerbydol presennol y chwarel i’r gefnffordd A487 ac felly ni ystyriwyd y byddai yn cael unrhyw effaith andwyol i'r rhwydwaith priffyrdd cyhoeddus a'r safonau parcio; yn cydymffurfio felly â pholisïau TRA 2 a TRA 4 y CDLl a TAN 18.

 

Eglurwyd bod rhannau gorllewinol y safle yn dod o fewn Parthau Risg Llifogydd ar Fap Cyngor Datblygu a map Llifogydd ar gyfer Cynllunio’r Llywodraeth. Diffinnir cyfleuster rheoli gwastraff anadweithiol fel datblygiad llai agored i niwed at ddibenion TAN 15, felly gall y defnydd arfaethedig fod yn dderbyniol os yw'r cynnig yn cydymffurfio â'r profion cyfiawnhau a gynhwysir yn TAN 15. Nodwyd fod y bwriad yn cwrdd â phrofion cyfiawnhau’r TAN 15 gyda  Cyfoeth Naturiol Cymru wedi cadarnhau fod y wybodaeth yn yr Asesiad Canlyniadau Llifogydd yn dderbyniol. O ganlyniad, ystyriwyd na fyddai’r bwriad yn cael effaith niweidiol ar nodweddion hydrolegol a pherygl llifogydd ac yn cydymffurfio â gofynion polisïau perthnasol.

 

Yng nghyd-destun materion Ecoleg, nodwyd bod safle'r cais arfaethedig wedi'i leoli'n agos at ddynodiadau ecolegol Ardal Cadwraeth Arbennig ‘Coedydd Derw a Safleoedd Ystlumod Meirion’ a Safle o Ddiddordeb Gwyddonol Arbennig ‘Glaslyn’. O ystyried  fod y bwriad mewn chwarel bresennol a gweithredol, ni fydd colled uniongyrchol o unrhyw gynefin. Ategwyd bod  Uned Bioamrywiaeth yr Awdurdod Lleol a Chyfoeth Naturiol Cymru wedi nodi bod rhan o'r chwarel yn rhan o lwybr hedfan ar gyfer yr Ystlum Bedol Leiaf ac yn argymell dim llifoleuadau ychwanegol na goleuadau allanol fyddai'n creu rhwystr i'w llwybrau hedfan. O ganlyniad,  bydd angen cynnwys amodau i sicrhau cynllun goleuo, Cynllun Atal Llygredd a gwelliannau bioamrywiaeth.

 

Wrth ystyried materion Iaith, Cymuned ac Economi atgoffwyd yr Aelodau bod Maen Prawf 1 (A) o bolisi strategol PS 1 yn nodi y bydd angen darparu Datganiad Iaith Gymraeg gyda chynnig am "ddatblygiad, diwydiannol sy’n cyflogi mwy na 50 o weithwyr neu gydag arwynebedd o 1,000 metr sgwâr neu fwy.  Yn yr achos hwn, nid yw'r cynnig yn cynnwys unrhyw newidiadau ffisegol i'r safle na newidiadau i'r gweithlu presennol. Ategwyd bod Diagram 5: Polisi PS 1 yng Nghanllaw Cynllunio Atodol 'Cynnal a Chreu Cymunedau Nodedig a Chynaliadwy' yn ymhelaethu ar ofynion polisi PS 1 gan nodi mai'r unig ofyniad yw ystyried maen prawf 4 a 5 o'r polisi sy'n gofyn am gynigion i ymgorffori cynlluniau arwyddion dwyieithog a defnyddio enwau Cymraeg ar gyfer datblygiadau newydd, enwau tai a strydoedd. O ystyried bod enw safle'r cais yn ddwyieithog a gydag arwyddion dwyieithog eisoes yn eu lle, yr unig amod rhesymol i'w ddefnyddio dan yr amgylchiadau fyddai cadw'r arwyddion ar gyfer cyfnod y datblygiad.

 

Wedi ystyried yr holl faterion perthnasol, ystyriwyd fod y cais yn dderbyniol. Argymhellwyd caniatáu’r cais yn unol ag amodau priodol.

 

b)           Cynigwyd ac eiliwyd caniatáu y cais

 

  PENDERFYNWYD Caniatáu'r cais yn ddarostyngedig i'r amodau canlynol:

1.            Datblygiad i ddechrau o fewn 12 mis o ddyddiad y caniatâd.

2.            Datblygiad a ganiatawyd i ddod i ben ymhen 5 mlynedd o gyflwyno rhybudd dechrau. Bydd y datblygiad a ganiateir drwy hyn yn dod i ben ar unwaith pe cyfyd sefyllfa o echdynnu a gweithio ar y mwynau ar y safle (Chwarel Garth) yn dod i ben yn gynnar neu'n gynamserol.

3.            Yn unol â’r cynlluniau a'r manylion a gyflwynwyd.

4.            Ni fydd unrhyw beth heblaw deunyddiau gwastraff anadweithiol a echdynnwyd o'r datblygiad SVIP, yn cael ei fewnforio i'r safle.

5.            Bydd y gweithredwr/datblygwr yn darparu cofnod o'r deunydd a fewnforiwyd i'r ACLl o fewn 10 diwrnod i'r cais (gwybodaeth i gynnwys tarddiad, tunelli, disgrifiad o'r deunydd, dyddiad ac amseroedd y symud a'r canlyniad).

6.            Cyfyngu ar hawliau GPDO perthnasol ar gyfer adeiladau, strwythurau, ffyrdd preifat, llifoleuadau, ffensys ac ati.

7.            Marcio ffin yr ardal a ganiateir cyn dechrau'r gwaith.

8.            Cytuno ar welliannau bioamrywiaeth cyn dechrau'r gwaith.

9.            Copi o'r penderfyniad a'r cynlluniau a gymeradwywyd i'w dangos yn swyddfa safle Chwarel Garth.

10.          Oriau gweithio (i gyd-fynd â'r caniatâd mwynau).

11.          Storio olew, tanwydd a deunydd cemegol ar waelodion anhydraidd ac wedi'u bwndio.

12.          Monitro'r safle am bresenoldeb rhywogaethau ymledol anfrodorol.

13.          Cyfyngiadau lefel sŵn (lefelau penodol i gyd-fynd â'r caniatâd mwynau).

14.          Cyfyngiadau lefelau sŵn ar gyfer gweithrediadau dros dro (lefelau penodol i gyd-fynd â'r caniatâd mwynau).

15.          Monitro/arolwg sŵn yn flynyddol.

16.          Cerbydau, offer a pheiriannau i weithredu o fewn y lefelau allyriadau sŵn mwyaf o fanyleb gwneuthurwr a ddim yn cael eu gweithredu heb sgriniau 'lladd' sain briodol, gwaith achos, caeadau a distewyddion.

17.          Defnyddio larymau 'sŵn gwyn' ar gyfer peiriannau a cherbydau symudol.

18.          Mesurau lliniaru llwch i'w cyflawni yn unol ag amod 23 o Ganiatâd Cynllunio Mwynau (C16/1385/05/MW).

19.          Cadw arwyneb mynediad safle i'r briffordd yn lân a dim dyddodi mwd/malurion ar y briffordd.

20.          Cadw cofnod amgylcheddol o gwynion llwch a sicrhau ei fod ar gael i'r ACLl o fewn 14 diwrnod i gais.

21.          Bydd mewnforio deunydd gwastraff anadweithiol yn cael ei gyfyngu i ddefnyddio'r llwybrau cludo pwrpasol presennol.

22.          Rhaid gosod llenni dros gerbydau llwythog sy'n gadael y safle neu eu trin i osgoi allyrru llwch (ar gyfer deunydd dan 75mm).

23.          Amod i gadw arwyddion dwyieithog ar gyfer cyfnod y datblygiad.

24.          Cynllun goleuo i osgoi unrhyw effeithiau ar lwybrau hedfan ystlumod.

25.          Cynllun Atal Llygredd i sicrhau bod pob mesur yn cael ei gymryd i osgoi unrhyw lygredd rhag mynd i gyrsiau dŵr a'r Glaslyn.

26.          Mesurau gwella bioamrywiaeth.

27.    Monitro a rheoli rhywogaethau planhigion ymledol yn ystod cyfnod y caniatâd