Agenda item

I ystyried yr adroddiad a chynnig argymhellion i’r Cyd-bwyllgor.

PENDERFYNWYD

Ystyried yr adroddiad gan ychwanegu pryderon ynghylch â Pont Grog y Fenai yn Sir Ynys Môn yn cau dros dro.

Cyflwynwyd yr adroddiad gan Brif Weithredwr Cyd-bwyllgor Corfforedig y Gogledd y Gogledd a’r Uwch Swyddog Trafnidiaeth.

PENDERFYNWYD

Ystyried yr adroddiad gan ychwanegu pryderon ynghylch â Pont Grog y Fenai yn Sir Ynys Môn yn cau dros dro.

RHESYMAU DROS Y PENDERFYNIAD

Cymeradwywyd y Cylch Gorchwyl yng nghyfarfod yr Is-bwyllgor ar 1 Hydref 2024. Ystyriwyd ei bod yn briodol adolygu cynnydd yn y gwaith sydd yn cael ei weithredu gan sicrhau bod yr adnoddau cywir yn eu lle i ddiwallu datblygiadau yn y dyfodol.

TRAFODAETH

Atgoffwyd yr aelodau fod yr Is-bwyllgor Trafnidiaeth Strategol bellach wedi’i sefydlu ers blwyddyn, a bod eu Cylch Gorchwyl yn nodi ymrwymiad i baratoi adroddiad chwarterol ar eu gwaith ar gyfer y Cyd-Bwyllgor Corfforedig (CBC).

Eglurwyd bod yr adroddiad chwarterol yn rhoi trosolwg strategol ar cynnydd, cyflawniadau allweddol, ac yn amlygu ar feysydd sydd angen sylw. Ymhelaethwyd mai pwrpas yr adroddiad yw hysbysu aelodau am faterion allweddol, a phenderfynu a oes unrhyw faterion ymae’r Is-bwyllgor yn dymuno eu huwchgyfeirio i’r CBC.

Tynnwyd sylw at gynnydd sylweddol a gyflawnwyd yn enwedig wrth baratoi’r Cynllun Trafnidiaeth Rhanbarthol Drafft a’i Gynllun Cyflawni cysylltiedig, yn ogystal â’r Ymarfer Ymgynghoriad cyhoeddus a gynhaliwyd rhwng Ionawr ac Ebrill 2025. Arweiniodd y gwaith hwn at gyflwyno’r Cynllun Trafnidiaeth Rhanbarthol Drafft i Lywodraeth Cymru ym mis Gorffennaf 2025. Diolchwyd i’r aelodau, swyddogion, a rhanddeiliaid am eu gwaith wrth baratoi’r drafft hwn.

Nodwyd bod yr adroddiad bellach yn ystyried y cyfnod ymgynghoriad cyhoeddus ar gyfer y Cynllun Trafnidiaeth Rhanbarthol (CTRh), a oedd yn gyfnod o 12 wythnos a daeth i ben ym mis Ebrill 2025. Cyflwynwyd yr adroddiad yn flaenorol yn yr Is-bwyllgor Trafnidiaeth Strategol a’r CBC. Ymhelaethwyd bod bron i 1,700 o ymatebion wedi’u derbyn; o’r rhain, roedd dros 1,400 yn ymwneud ag ymgyrchoedd gan Ymddiriedolaeth Natur Gogledd Cymru ynglyn â geiriad dyhead a oedd yn ystyried yr A55 yn Sir y Fflint. O ganlyniad, addaswyd y geiriad yn dilyn cyfnod ymgynghori. Bu trafodaethau rhwng Uchelgais Gogledd Cymru ac Ymddiriedolaeth Natur Gogledd Cymru hefyd, ac mae hyn wedi’i gynnwys yn yr atodiadau er gwybodaeth.

Cyflwynwyd pwyntiau allweddol eraill yn yr adroddiad, a oedd yn  cynnwys: y Broses ‘Moderneiddio Grantiau’, sef prosiect Llywodraeth Cymru; amserlenni a sut mae cynlluniau trafnidiaeth drafft yn cael eu datblygu; a mentergarwch gan partneriaid, un enwedig Rhwydwaith Gogledd Cymru, sef gweledigaeth buddsoddiad Llywodraeth Cymru, sy’n gyfwerth â biliynau o bunnoedd ar gyfer rhwydwaith trafnidiaeth integredig, amledd uchel ar gyfer y rhanbarth.

Mewn ymateb i ymholiad, cytunwyd y byddai cyflwyniad ar Rhwydwaith Gogledd Cymru o fudd ar gyfer cynlluniau gwaith yn y dyfydol er mwyn nodi’r dyheadau ar gyfer y tair i bedair blynedd nesaf. Nodwyd y byddai hyn yn dangos y cydymffurfiaeth rhwng y Cynllun Trafnidiaeth Rhanbathol â dyheadu a chynlluniau Rhwydwaith Gogledd Cymru.

Gofynnwyd hefyd y byddai diweddaraid ar Fasnachfreinio Bysiau yn cael ei werthfawrogi, yn enwedig gan fod llawer o bryderon wedi’u nodi o’r blaen ynglyn â’r mater hwn.

Tynnwyd sylw at yr angen i fod yn ymwybodol o’r amrywiadau rhwng siroedd wrth ystyried masnachfreinio bysiau, yn enwedig yr heriau o sefydlu a sicrhau gwasanaeth dibynadwy ar gyfer cymunedau gwledig. Nodwyd bod ymgynghoriad ar y gweill gan Drafnidiaeth Cymru ar fapiau rhwydwaith ar hyn o bryd a’i bod yn bwysig iawn i’r awdurdodau rhanbarthol gyfrannu at yr ymgynghoriad hwn.

Cwestiynwyd a allai’r CBC gydweithio â GanBwyll, gan y nodwyd bod rhai o’r awdurdodau lleol eisoes wedi mewn mewn cysylltiad â GanBwyll ynghylch â’r ddeddfwriaeth 20mya. Cadarnhawyd bod y CBC eisoes wedi cael gwahoddiad i ymgysylltu â GanBwyll, ac y byddai'r Uwch Swyddog Trafnidiaeth yn arwain ar hyn ar lefel rhanbarthol.

Argymhellwyd y byddai pryderon ynghylch cau Pont Menai dros dro yn dilyn Storm Amy yn cael eu cynnwys yn yr argymhelliad i’r CBC.