Agenda item

Y Prif Weithredwr, y Swyddog Monitro, a cynrychiolydd o AMION Consulting i gyflwyno’r adroddiad.

Mae Atodiad 3 yn eithriedig gan fod yr adroddiad ynglŷn â Memorandwm  Dealltwriaeth y Parth Buddsoddi gyda Llywodraethau Cymru a’r Deyrnas Unedig  sydd wedi ei ddynodi yn ddogfen gyfrinachol gan Adran y Llywodraeth ar gyfer  darpariaethau Adran 100 (A)(2) Deddf Llywodraeth Leol 1972. Gan hynny mae’n ofynnol eithrio Atodiad 3 rhag ei chyhoeddi gan y byddai yn datgelu  gwybodaeth gyfrinachol.  

Derbyniwyd yr Adroddiad Diweddaru a nodwyd gwaith a wnaed gan Gyngor Sir y Fflint a Chyngor Bwrdeistref Sirol Wrecsam a thîm y Parth Buddsoddi, Llywodraeth Cymru a Llywodraeth y DU.

Cymeradwywyd Cytundeb Rhyng-Awdurdod (IAA) drafft rhwng Cyd-bwyllgor Corfforedig y Gogledd (CBC), Cyngor Sir y Fflint a Chyngor Bwrdeistref Sirol Wrecsam, gan ddirprwyo’r hawl i gytuno a chwblhau’r fersiwn terfynol i’r Prif Weithredwr mewn ymgynghoriad â Swyddog Monitro, Swyddog Adran 151, yr Is-gadeirydd ac Arweinydd Cyngor Sir Ddinbych, fel cynrychiolwyr penodedig y Bwrdd Ymgynghorol Parth Buddsoddi Sir y Fflint a Wrecsam.

Cymeradwywyd Rhestr Prosiectau, gweithgareddau a cherrig milltir Blwyddyn 1 a 2 sydd wedi'u drafftio i gefnogi'r Cynllun Cyflawni Blynyddol.

Cymeradwywyd Memorandwm Cyd-ddealltwriaeth drafft, gan ddirprwyo’r hawl i gytuno a chwblhau’r fersiwn terfynol i’r Prif Weithredwr mewn ymgynghoriad â Swyddog Monitro, Swyddog Adran 151, yr Is-gadeirydd ac Arweinydd Cyngor Sir Ddinbych, fel cynrychiolwyr penodedig y Bwrdd Ymgynghorol Parth Buddsoddi Sir y Fflint a Wrecsam.

Cyflwynwyd yr adroddiad gan Iwan Evans, Swyddog Monitro ac Iain Taylor o AMION Consulting.

PENDERFYNWYD:

Derbyniwyd yr Adroddiad Diweddaru a nodwyd gwaith a wnaed gan Gyngor Sir y Fflint a Chyngor Bwrdeistref Sirol Wrecsam a thîm y Parth Buddsoddi, Llywodraeth Cymru a Llywodraeth y DU.

Cymeradwywyd Cytundeb Rhyng-Awdurdod (IAA) drafft rhwng Cyd-bwyllgor Corfforedig y Gogledd (CBC), Cyngor Sir y Fflint a Chyngor Bwrdeistref Sirol Wrecsam, gan ddirprwyo’r hawl i gytuno a chwblhau’r fersiwn terfynol i’r Prif Weithredwr mewn ymgynghoriad â Swyddog Monitro, Swyddog Adran 151, yr Is-gadeirydd ac Arweinydd Cyngor Sir Ddinbych, fel cynrychiolwyr penodedig y Bwrdd Ymgynghorol Parth Buddsoddi Sir y Fflint a Wrecsam.

Cymeradwywyd Rhestr Prosiectau, gweithgareddau a cherrig milltir Blwyddyn 1 a 2 sydd wedi'u drafftio i gefnogi'r Cynllun Cyflawni Blynyddol.

Cymeradwywyd Memorandwm Cyd-ddealltwriaeth drafft, gan ddirprwyo’r hawl i gytuno a chwblhau’r fersiwn terfynol i’r Prif Weithredwr mewn ymgynghoriad â Swyddog Monitro, Swyddog Adran 151, yr Is-gadeirydd ac Arweinydd Cyngor Sir Ddinbych, fel cynrychiolwyr penodedig y Bwrdd Ymgynghorol Parth Buddsoddi Sir y Fflint a Wrecsam.

TRAFODAETH

Diolchwyd i’r Aelodau am eu hamser a’u hystyriaeth o’r adroddiad.

Adroddwyd bod datblygiad y rhaglen bellach ar bwynt allweddol ac wedi cyrraedd y cam cymeradwyo gyda Llywodraeth Cymru a Llywodraeth y DU. Mae’r Broses Pum Porth wedi dod i ben ac mae cytundeb i’r Porth (Gateways) wedi’i dderbyn. Eglurwyd bod angen cymeradwyaeth y CBC i’r Memorandwm Cyd-ddealltwriaeth a’r cytundeb rhyng-awdurdod rhwng y Cyd-bwyllgor Corfforedig (CBC), Cyngor Sir y Fflint, a Chyngor Bwrdeistref Sirol Wrecsam. Ymhelaethwyd mai’r rhain fydd yn llywodraethu ar drosglwyddo arian refeniw a gweithgareddau allweddol yn y rhaglen.

Eglurwyd bod cynlluniau cyflawni blynyddol yn cael eu cytuno bob blwyddyn i gefnogi’r ffordd y mae Parthau Buddsoddi yn cael eu strwythuro a’u cyflawni. Cyflwynir drafft y Cynllun Cyflawni Blynyddol yng nghyfarfod Grŵp Gwaith Parth Buddsoddi, lle mae arweiniwyr Cyngor Sir y Fflint a Chyngor Bwrdeistref Sirol Wrecsam yn cyfarfod ac yn adolygu’r Cynllun Cyflawni Blynyddol. Nodwyd mai’r bwriad yw cynnal cyfarfod o’r Grŵp Gwaith Parth Buddsoddi ar 28 Tachwedd, i drafod gweithgareddau cychwynnol y rhaglen. Manylwyd y byddent yn cynnal cyfarfod arall i drafod Cynllun Cyflawni’r ail flwyddyn.

Rhoddwyd trosolwg i’r Aelodau o’r Cynllun Cyflawni Blynyddol, gan dynnu sylw arbennig at rai o bwyntiau allweddol Rhaglen y Parth Buddsoddi a oedd wedi’u cynnwys yn Atodiad 2. Nodwyd bod y rhain wedi’u rhannu’n gefnogaeth fusnes, sgiliau, arloesedd, seilwaith, a safleoedd treth. Hysbyswyd yr Aelodau fod y safleoedd treth wedi’u cyhoeddi ar Legislation.gov, a’u bod yn dod i rym cyfreithiol ar 21 Tachwedd.

Hysbyswyd yr aelodau, pe bai’r CBC yn cymeradwyo’r Memorandwm Cyd-ddealltwriaeth a’r IAA, y byddai’r Llywodraeth yn gweithredu i gyhoeddi fersiynau wedi’u llofnodi o’r ddogfen ymhen yr wythnos.

Tynnwyd sylw’r aelodau at y Cynllun Cyflawni, gan amlygu gwaith cynnar. Atgoffwyd yr aelodau ei fod yn brosiect Partneriaeth Sgiliau Rhanbarthol ar y cyd gyda Phrifysgol Wrecsam a Choleg Cambria. Nodwyd bod yr arian i weinyddu grantiau busnes yn cael ei ddirprwyo i Gyngor Sir y Fflint a Chyngor Bwrdeistref Sirol Wrecsam. Cydnabuwyd bod cynnydd cadarnhaol yn cael ei wneud o ran Sefydliad Gweithgynhyrchu Cenedlaethol i Gymru, gyda’r bwriad o’i ddwyn i Ogledd-ddwyrain Cymru, yn ogystal â datblygiadau mewn rhaglenni datgarboneiddio gyda diwydiant a phrosiect trawsnewid a gefnogir gan AMRC. Ymhelaethwyd bod cynnydd da yn cael ei wneud gyda’r gofynion seilwaith i’r safleoedd treth, gydag eiddo eisoes yn cael eu hadeiladu yng Nglannau Dyfrdwy a phrosiectau’n cael eu hyrwyddo i’w hystyried ar gyfer cynllunio yn Wrecsam. Bydd manylion pellach yn cael eu cyflwyno i arweinwyr Cynghorau Sir y Fflint a Wrecsam ddiwedd mis Tachwedd, gyda’r eitem yn cael ei gyflwyno eto i’r Is-bwyllgor Llesiant Economaidd.

Eglurwyd mai dyma’r cam diwethaf o benderfyniadau gan y CBC o ran adeiladu'r Parth Twf, gan esbonio eu bod yn gytundebau sy’n ymrwymo'r CBC i rôl corff atebol. Fel corff atebol, mae’r CBC yn eistedd rhwng y Llywodraethau ac felly mae’r Memorandwm Cyd-ddealltwriaeth sy’n cael eu harwyddo rhwng y CBC a’r Llywodraeth yn ymrwymiad egwyddorol i sut fydd y prosiect yn cael ei redeg. Bydd llythyrau ariannu, sef dogfennau cytundebol ac amodau ariannu, gan y Llywodraethau yn cael eu hanfon wedyn.

Nodwyd bod yr IAA yn gytundeb cyd-weithio rhwng y Cynghorau a’r CBC, ac yn cynnwys sut mae’r Parth Buddsoddi yn cael ei redeg, y llywodraethant, y trefniadau ariannu refeniw, a’r trefniadau ar gyfer cydymffurfio ag amodau fydd y Llywodraeth yn osod ar y CBC. Ymhelaethwyd ei bod yn ddogfen sy’n adeiladu ar y penderfyniadau sydd wedi eu cymryd yn y misoedd diwethaf yn y gateways er mwyn creu'r Parth Buddsoddi. Yn bellach, eglurwyd bod y Memorandwm Cyd-ddealltwriaeth wedi ei ail gyflwyno i’r CBC ac er nad ymddengys bod llawer o newidiadau ers mis Gorffennaf, mae’n cyfeirio at reolaeth Rheoli a Threthi Anomestig fydd angen ei gyfarch yn y Memorandwm Cyd-ddealltwriaeth.

Tynnwyd sylw bod drafft o’r IAA ger bron yr Aelodau. Ymddiheuriwyd fod y ddogfen ar gael yn Saesneg yn unig ar hyn o bryd. Eglurwyd mai fersiwn gychwynol o’r ddogfen sy’n bodoli ar hyn o bryd er mwyn ymestyn trafodaeth, ac i sicrhau fod y prosiect yn symud yn ei flaen maent yn gofyn am hawliau dirpwyedig i gwblhau’r dogfennau ar y cyd efo Cyngor Sir y Fflint a Chyngor Bwrdeistref Sirol Wrecsam. Nodwyd eu bod wedi derbyn adborth cadarnhaol gan Swyddogion Monitro o Gyngor Sir y Fflint a Chyngor Bwrdeistref Sirol Wrecsam. Pwysleisiwyd bod yr hawl i symud ymlaen efo’r Memorandwm Cyd-ddealltwriaeth a’r IAA yn hanfodol, er mwyn tynnu dogfennau at ei gilydd a rhoi sylfaen ar gyfer y gwaith sylweddol o gyflwyno’r Parth Buddsoddi.

Talwyd diolchiadau gan y Cadeirydd i’r ymgynghorydd o AMION Consulting, i dîm cyfreithiol Cyngor Gwynedd, ac i Brif Weithredwr ac Arweinydd Cyngor Sir y Fflint am eu partneriaeth yn y prosiect. Mynegwyd bod hwn yn gyfle gwych i Sir y Fflint a Wrecsam gyflawni ar gyfer busnesau yng Ngogledd Cymru. Tynnwyd sylw at bwysigrwydd y prosiect, yn enwedig y budd yn sgil cynnydd mewn swyddi o ansawdd uchel yn ei ddwyn i economïau rhanbarthol ehangach.