Agenda item

TŶ COFFI REUBENS, 31 STRYD FAWR, CAERNARFON LL55 1RH

 

I ystyried y cais

PENDERFYNIAD: Caniatáu y cais

 

Oriau Agor:

Dydd Sul 08:00 – 00:00

Dydd Llun 08:00 – 00:00

Dydd Mawrth 08:00 – 00:00

Dydd Mercher 08:00 – 00:00

Dydd Iau 08:00 – 00:00

Dydd Gwener 08:00 – 00:00

Dydd Sadwrn 08:00 – 00:00

 

Gweithgareddau Trwyddedadwy: Gwerthu alcohol: Ar ac oddi ar yr eiddo

 

Dydd Sul 08:00 – 23:30

Dydd Llun 08:00 – 23:30

Dydd Mawrth 08:00 – 23:30

Dydd Mercher 08:00 – 23:30

Dydd Iau 08:00 – 23:30

Dydd Gwener 08:00 – 23:30

Dydd Sadwrn 08:00 – 23:30

 

Y mesurau ychwanegol, fel y nodir yn rhan M y cais, ac a gytunwyd yn y gwrandawiad, i’w  cynnwys fel amodau ar y drwydded:

 

·        Cofnod o bob gwerthiant alcohol a wrthodwyd

·        Gosod a chynnal system TCC gynhwysfawr gyda recordiadau i'w storio am o leiaf 31 diwrnod gyda stamp dyddiad ac amser

·        Hyfforddiant Staff;

·        Llyfr damweiniau mewnol

·        Polisi Her 25;

·        Dim cerddoriaeth uchel

·        Gofyn i gwsmeriaid adael yn dawel ac yn barchus;

·        Cynnal asesiad effaith sŵn cyn agor yr eiddo i’r cyhoedd. Canlyniad i’w rannu gydag Adran Gwarchod y Cyhoedd;

·        Gwahardd gwaredu poteli a chaniau gwastraff i gynwysyddion y tu allan i'r adeilad yn unol ag amodau’r drwydded rhwng 22:00 - 08:00.

·        Poteli gwag i’w storio mewn sgip / bin â chaead o fewn cwrtil y safle cyn eu casglu.

 

Nodyn:

 

Bydd yr ymgeisydd hefyd yn ymwybodol na all yr oriau trwyddedu fod ar waith hyd nes bod yr amrywiad oriau a nodir ar oriau'r caniatâd cynllunio presennol wedi'i amrywio a'i gymeradwyo. Mae'r caniatâd cynllunio presennol yn caniatáu masnachu tan 18:00 o'r gloch.

 

Croesawodd y Cadeirydd bawb i’r cyfarfod.

 

a)                         Adroddiad yr Adran Trwyddedu

 

Cyflwynwyd adroddiad Pennaeth yr Adran Amgylchedd yn manylu ar gais am drwydded eiddo gan Tŷ Coffi Reubens. Eglurwyd y byddai’r eiddo yn gweithredu yn bennaf fel siop goffi gyda darpariaeth ychwanegol i werthu alcohol i’w yfed ar ac oddi ar yr eiddo.

 

Nodwyd bod gan Swyddogion yr Awdurdod Trwyddedu dystiolaeth ddigonol bod y cais wedi ei gyflwyno yn unol â gofynion Deddf Trwyddedu 2003 a’r rheoliadau perthnasol. Cyfeiriwyd at y mesurau yr oedd yr ymgeisydd yn ei argymell i hyrwyddo’r amcanion trwyddedu ac amlygwyd y byddai’r mesurau hyn yn cael eu cynnwys ar y drwydded.

 

Adroddwyd bod Iechyd yr Amgylchedd wedi cyflwyno gwrthwynebiad oherwydd pryderon ynglŷn â niwsans cyhoeddus. Rhoddwyd caniatâd yn wreiddiol i’r eiddo agor fel tŷ coffi ac nid bar gydag oriau agor hyd 18:00 ac nid 00:00. Petai’r eiddo yn derbyn caniatâd i werthu alcohol, roedd Iechyd yr Amgylchedd yn pryderu, gyda cherddoriaeth fyw ac wedi ei recordio yn cael ei chwarae ar yr eiddo, bydd potensial o achosi aflonyddwch sŵn i eiddo preswyl cyfagos. Roedd Iechyd yr Amgylchoedd hefyd yn amlygu nad oedd asesiad effaith sŵn wedi ei gwblhau.

 

Cyfeiriwyd at sylwadau a dderbyniwyd gan yr Adran Cynllunio oedd yn cadarnhau bod y cais yn groes i ofynion caniatâd cynllunio presennol yr eiddo - y caniatâd presennol yn caniatáu gweithgareddau hyd 18:00. Ategwyd nad oedd cais wedi ei dderbyn i amrywio’r oriau, ond bod cais i newid defnydd o A1 i A3 yn aros penderfyniad.

 

Roedd y swyddogion, yn unol â Deddf Drwyddedu 2003, yn argymell i’r Pwyllgor gymeradwyo’r cais yn amodol ar y telerau canlynol:

·        Rhaid i’r ymgeisydd sicrhau cydymffurfiaeth lawn â’r caniatâd cynllunio, ac ni ddylai’r drwydded ddod i rym nes bod materion cynllunio wedi’u datrys

·        Rhaid i’r oriau gweithredu a’r gweithgareddau trwyddedig fod yn unol â’r oriau a ganiateir o dan y caniatâd cynllunio.

·        Dylid darparu asesiad effaith sŵn i fynd i’r afael â phryderon Iechyd yr Amgylchedd ac i sicrhau atal niwsans cyhoeddus.

 

b)                         Wrth ystyried y cais dilynwyd y drefn ganlynol-:

·        Cyfle i Aelodau’r Is-bwyllgor ofyn cwestiynau i gynrychiolydd y Cyngor.

·        Ar ddisgresiwn y Cadeirydd, yr ymgeisydd neu ei gynrychiolydd i ofyn cwestiynau i gynrychiolydd y Cyngor.

·        Rhoi cyfle i’r ymgeisydd a/neu ei gynrychiolydd ymhelaethu ar y cais a galw tystion

·        Rhoi cyfle i Aelodau’r Is-bwyllgor ofyn cwestiynau i’r ymgeisydd a/neu ei gynrychiolydd

·        Ar ddisgresiwn y Cadeirydd gall cynrychiolydd y Cyngor ofyn cwestiynau i’r ymgeisydd neu ei gynrychiolydd

·        Rhoi gwahoddiad i bob Ymgynghorai gefnogi unrhyw sylwadau ysgrifenedig

·        Rhoi cyfle i gynrychiolydd y Cyngor a’r ymgeisydd neu ei gynrychiolydd grynhoi eu hachos.

·        Swyddog cyfreithiol i grynhoi gofynion y cais

 

c)        Mewn ymateb i gwestiwn ynglŷn â hawliau chwarae cerddoriaeth, nodwyd pe byddai’r cais yn cael ei ganiatáu bydd hawl gan yr ymgeisydd chwarae cerddoriaeth fyw ac wedi ei recordio a’i chwyddo hyd 23:00 - wedi hyn byddai angen rhybudd digwyddiad dros dro. Ategwyd bod Iechyd yr Amgylchedd yn dueddol o gynnwys sylwadau sŵn ar bob cais oherwydd y potensial o niwsans sŵn petai’r ymgeisydd yn peidio cymryd camau priodol i liniaru effaith sŵn.

 

ch)    Wrth ymhelaethu ar y cais, nododd cynrychiolydd yr ymgeisydd y sylwadau canlynol:

·          Mai gweithredu fel siop goffi yw prif fwriad y busnes gan greu awyrgylch ddymunol i gwsmeriaid ymlacio, cyfarfod ffrindiau a chynnal sgwrs

·           

·        Bod 00:00 wedi ei gynnwys ar gyfer hyblygrwydd yn unig - defnydd os bydd galw, er enghraifft, ar gyfer parti neu ddigwyddiad preifat. Petai’r digwyddiad yn mynd tu hwnt i 23:00, bydd yr ymgeisydd yn rhoi gwybod i’r Heddlu ac Iechyd yr Amgylchedd, 14 diwrnod cyn y digwyddiad i drafod trefniadau

·        Bydd yr ymgeisydd yn rhoi ystyriaeth i liniaru sŵn

·        Bod cais wedi ei gyflwyno i’r Awdurdod Cynllunio Lleol i addasu’r oriau agor.

·        Yr ymgeisydd yn ymwybodol na all yr oriau trwyddedu fod ar waith hyd nes bydd yr amrywiad oriau a nodir, ac oriau'r caniatâd cynllunio presennol wedi'i amrywio a'i gymeradwyo. Y caniatâd cynllunio presennol yn caniatáu masnachu tan 18:00 o'r gloch. Nid oes bwriad gan yr ymgeisydd dorri’r gyfraith

·        Bydd gwydr dwbl wedi ei osod ar flaen y siop a'r ffenestr ochr i leihau effaith sŵn

·        Nad oedd gwrthwynebiadau wedi eu derbyn gan gymdogion

·        Bod yr ymgeisydd yn fodlon darparu asesiad effaith sŵn

 

Drwy ganiatâd y Cadeirydd, rhoddwyd cyfle i’r ymgeisydd gyflwyno sylwadau;

·        Ei fod yn angerddol am y busnes. Bod ganddo ddwy siop goffi arall (un yng Nghaergybi a’r llall ym Mangor Uchaf), sydd yn boblogaidd iawn

·        Caernarfon oedd y safle naturiol nesaf i ymestyn ei fusnes - yn gobeithio agor eiddo mewn safle treftadaeth fyddai’n rhoi hwb i’r economi leol

·        Nad oedd bwriad agor bar, swnllyd hwyr y nos – diwylliant tŷ coffi sydd yma o greu awyrgylch hamddenol a chyfle i bobl ymlacio.

 

Mewn ymateb i gwestiwn ynglŷn â niferoedd lle, a nifer staff, nododd y byddai modd eistedd 15 yn y caffi a bod bwriad cyflogi hyd at 15 aelod staff (cymysg llawn amser a rhan amser).

 

Mewn ymateb i gwestiwn pam nad oedd asesiad sŵn wedi ei gyflwyno, nodwyd mai lleoliad safonol i ymlacio oedd yma a phetai digwyddiad yn codi lle byddai angen asesiad sŵn, bydd hynny yn cael ei weithredu.

 

d)           Manteisiodd yr ymgynghorai oedd yn bresennol ar y cyfle i ymhelaethu ar sylwadau a gyflwynwyd yn ysgrifenedig ganddynt:

 

Ffion Lewis (Swyddog Gwarchod y Cyhoedd)

·        Yn gwrthwynebu’r cais gan fod yr ymgeisydd wedi methu dwyn perswâd ar y Gwasanaeth ei fod am reoli sŵn ac atal niwsans cyhoeddus

·        18:00 yw’r amser cau ar ganiatâd cynllunio presennol yr eiddo

·        Nad oes unrhyw strwythur mewn lle i atal sŵn yn yr adeilad

·        Petai’r cais yn cael ei ganiatáu, bydd angen gosod amodau

 

Mewn ymateb i gwestiwn ynglŷn â nifer cwynion sŵn o’r ardal sy’n cael eu derbyn gan y Gwasanaeth, nodwyd bod y Gwasanaeth ‘yn derbyn nifer o gwynion sŵn yn yr ardal’.

 

Arwel Thomas Uwch Swyddog Cynllunio

·        Yn gwrthwynebu’r cais gan nad oedd yr oriau agor a geisiwyd yn cyfateb gydag amodau'r caniatâd cynllunio presennol

·        Bod cais i ddiwygio defnydd ac oriau wedi ei gyflwyno i’r Awdurdod Cynllunio Lleol

·        Bod gwall yn y disgrifiad ac felly bydd angen ail gyflwyno

·        Mai bwriad y caniatâd blaenorol oedd agor siop bwyd poeth, ond os nad oes bwriad gweini bwyd poeth gan Tŷ Coffi Reubens, bydd angen ail ymgynghori

 

dd)       Yn manteisio ar y cyfle i gloi ei hachos, nododd y Rheolwr Trwyddedu mai’r argymhelliad oedd caniatáu cyn belled a bod y telerau yn cael eu cyfarch. Er bod y cynllun busnes yn un i’w gymeradwyo, bod tuedd weithiau i fanteisio ar weithgareddau trwyddedig. I osgoi hyn, rhaid sicrhau bod yr eiddo a’r drwydded yn addas i bwrpas.

 

            Yn manteisio ar y cyfle i gloi ei achos, nododd cynrychiolydd yr ymgeisydd, y sylwadau canlynol:

·        Er nodi ‘nifer o gwynion sŵn yn yr ardal’, nid oedd hyn yn benodol i’r eiddo yma

·        Bod tafarndai yn yr ardal

·        Mai lle ar gyfer 15 i eistedd yn unig oedd yma

·        Nad oedd unrhyw wrthwynebiadau wedi eu derbyn gan y cyhoedd

·        Yn derbyn diwygiad i eiriad y cais cynllunio i nodi ar gyfer ‘trosi adeilad elusen i werthiant siop goffi’ – yr egwyddor yn dderbyniol.

·        Ei fod yn cadarnhau nad oedd bwriad gwerthu bwyd poeth ar y safle yn ystod y dydd na’r nos

 

e)                     Cymerodd y Swyddog Cyfreithiol y cyfle i grynhoi gofynion y cais;

·        Bod angen diwygio disgrifiad cais cynllunio 2025

·        Oriau agor o 08:00 hyd 00:00 bob dydd

·        Cyfaddawd wedi ei gytuno i orffen gwerthu alcohol 23:30 a chau’r siop am 00:00

·        Na fyddai’r oriau agor a geisir yn weithredol hyd nes bydd yr elfen cynllunio wedi ei benderfynu

 

Ymneilltuodd cynrychiolydd yr ymgeisydd a’r Rheolwr Trwyddedu o’r cyfarfod tra bu i aelodau’r Is-bwyllgor drafod y cais.

Wrth gyrraedd y penderfyniad ystyriodd yr Is-bwyllgor ffurflen gais yr ymgeisydd, sylwadau ysgrifenedig a gyflwynwyd gan y partïon â diddordeb, adroddiad y Swyddog Trwyddedu ynghyd â sylwadau llafar pob parti oedd yn bresennol yn y gwrandawiad.  Ystyriwyd  Polisi Trwyddedu’r Cyngor a chanllawiau’r Swyddfa Gartref. Rhoddodd yr Is-bwyllgor ystyriaeth briodol i’r holl sylwadau gan eu pwyso a’u mesur yn erbyn yr  amcanion trwyddedu o dan y Ddeddf Trwyddedu 2003, sef:

 

                             i.         Atal trosedd ac anhrefn

                           ii.         Atal niwsans cyhoeddus

                          iii.         Sicrhau diogelwch cyhoeddus

                          iv.         Gwarchod plant rhag niwed

 

Diystyrwyd y sylwadau a ddaeth i law i’r graddau eu bod yn amherthnasol i’r amcanion uchod.

PENDERFYNWYD: Caniatáu y cais

 

Oriau Agor:

Dydd Sul 08:00 – 00:00

Dydd Llun 08:00 – 00:00

Dydd Mawrth 08:00 – 00:00

Dydd Mercher 08:00 – 00:00

Dydd Iau 08:00 – 00:00

Dydd Gwener 08:00 – 00:00

Dydd Sadwrn 08:00 – 00:00

 

Gweithgareddau Trwyddedadwy: Gwerthu alcohol: Ar ac oddi ar yr eiddo

 

Dydd Sul 08:00 – 23:30

Dydd Llun 08:00 – 23:30

Dydd Mawrth 08:00 – 23:30

Dydd Mercher 08:00 – 23:30

Dydd Iau 08:00 – 23:30

Dydd Gwener 08:00 – 23:30

Dydd Sadwrn 08:00 – 23:30

 

Y mesurau ychwanegol, fel y nodir yn rhan M y cais, ac a gytunwyd yn y gwrandawiad, i’w  cynnwys fel amodau ar y drwydded:

 

·        Cofnod o bob gwerthiant alcohol a wrthodwyd

·        Gosod a chynnal system TCC gynhwysfawr gyda recordiadau i'w storio am o leiaf 31 diwrnod gyda stamp dyddiad ac amser

·        Hyfforddiant Staff;

·        Llyfr damweiniau mewnol

·        Polisi Her 25;

·        Dim cerddoriaeth uchel

·        Gofyn i gwsmeriaid adael yn dawel ac yn barchus;

·        Cynnal asesiad effaith sŵn cyn agor yr eiddo i’r cyhoedd. Canlyniad i’w rannu gydag Adran Gwarchod y Cyhoedd;

·        Gwahardd gwaredu poteli a chaniau gwastraff i gynwysyddion y tu allan i'r adeilad yn unol ag amodau’r drwydded rhwng 22:00 - 08:00. Poteli gwag i’w storio mewn sgip / bin â chaead o fewn cwrtil y safle cyn eu casglu.

 

Nodyn:

 

Bydd yr ymgeisydd hefyd yn ymwybodol na all yr oriau trwyddedu fod ar waith hyd nes bod yr amrywiad oriau a nodir ar oriau'r caniatâd cynllunio presennol wedi'i amrywio a'i gymeradwyo. Mae'r caniatâd cynllunio presennol yn caniatáu masnachu tan 18:00 o'r gloch.

 

Yng nghyd-destun Rhwystro Trosedd ac Anrhefn, ni chyflwynwyd sylwadau na thystiolaeth  oedd yn berthnasol i'r egwyddor yma.

 

Yng nghyd-destun materion Diogelwch Cyhoeddus ni chyflwynwyd sylwadau na thystiolaeth oedd yn berthnasol i'r egwyddor yma.

 

Yng nghyd-destun Atal Niwsans Cyhoeddus, derbyniwyd sylwadau a gwrthwynebiadau gan Gwasanaeth Iechyd yr Amgylchedd oedd yn mynegi pryderon ynglŷn â photensial o ymddygiadau gwrthgymdeithasol a materion niwsans cyhoeddus yn deillio o ganiatáu’r cais. Roedd y gwrthwynebiadau yn ymwneud a’r oriau agor arfaethedig a'r effaith fyddai sŵn neu arogl yn ei gael ar anheddau preswyl cyfagos yn enwedig yn hwyrach yn y nos. Cynigodd y Gwasanaeth mai oriau agor hyd 18:00 o'r gloch y dylid rhoi ar y drwydded yn unol â'r caniatâd cynllunio presennol. Cyfeiriwyd hefyd at bryderon oedd yn ymwneud â gallu'r adeilad i reoli sŵn cerddoriaeth fyw neu gerddoriaeth wedi'i recordio ac y dylai’r ymgeisydd gyflwyno asesiad effaith sŵn.

 

Er nodi'r pryderon, nid oedd yr Is-bwyllgor yn ystyried bod tystiolaeth wedi ei gyflwyno yn amlygu niwsans cyhoeddus o’r eiddo yma yn benodol, ond roedd yr Is-bwyllgor yn annog yr ymgeisydd i gynnal asesiad effaith sŵn a’i gyflwyno i’r Gwasanaeth (hyn wedi ei gynnwys fel amod ar y drwydded).

 

Fel unrhyw gais arall, petai unrhyw broblemau yn codi mewn cysylltiad â’r egwyddorion Trwyddedu, mae’r Ddeddf yn caniatáu cyfeirio trwydded i’w hadolygu gan yr Awdurdod Trwyddedu.

 

Yng nghyd-destun Gwarchod Plant Rhag Niwed, roedd yr ymgeisydd wedi darparu manylion ynglŷn â’r camau i'w cymryd i sicrhau na fydd alcohol yn cael ei werthu i'r rhai dan oed a byddai'r camau hyn yn cael eu cynnwys fel amodau ar y drwydded.

 

Adroddodd y Cyfreithiwr y byddai’r penderfyniad yn cael ei gadarnhau yn ffurfiol drwy lythyr i bawb oedd wedi cyflwyno sylwadau ysgrifenedig. Ategwyd bod gan bob parti i’r cais yr hawl i gyflwyno apêl yn Llys Ynadon Caernarfon yn erbyn penderfyniad yr Is-bwyllgor. Dylid cyfeirio unrhyw apêl o’r fath drwy roi rhybudd o apêl i’r Prif Weithredwr, Llys Ynadon Llandudno, Llandudno, o fewn cyfnod o 21 diwrnod gan gychwyn â’r dyddiad y bydd yr apelydd yn derbyn llythyr (neu gopi ohono) yn cadarnhau’r penderfyniad.