Agenda item

Newid defnydd uned ddiwydiannol bresennol (Dosbarth Defnydd B2) i ganolfan chwaraeon padel dan do (Dosbarth Defnydd D2) a gwaith cysylltiedig

 

AELOD LLEOL: Cynghorydd Gareth A Roberts

 

Dolen i'r dogfennau cefndir perthnasol

PENDERFYNIAD: Caniatáu’r cais yn ddarostyngedig i amodau cynllunio perthnasol yn ymwneud gyda:

1.               Amser

2.               Cydymffurfio gyda’r cynlluniau

3.               Caniateir defnyddio’r uned fel Canolfan Chwaraeon Padel / pickleball yn unig ac nid at unrhyw ddiben arall

4.               Rhaid dilyn y mesurau lliniaru rhag llifogydd a’u hargymhellir rhannau 7.29 – 7.34 y Datganiad Cynllunio

5.               Oriau Agor  : 07:00 i 23:00 yn ddyddiol

6.               Bydd y datblygiad a gymeradwywyd drwy hyn yn cael ei gynnal yn unol â'r asesiad effaith sŵn, a baratowyd gan ES Acoustics - Noise Impact Assessment for a Proposed Padel Tennis and Pickleball Facility S3, Caernarfon Road, Bangor LL57 4SP Report Reference 22236.NIA-RPT.01. Rev A dated 29th of October, 2025. Ni ddylid cael sŵn yn uwch na lefelau a ragwelir yn Nhabl 10 o'r NIA.

7.               O fewn 3 mis i'r safle ddod yn weithredol, bydd arolwg sŵn yn cael ei gynnal gan ymgynghorydd acwstig cymwys addas, yn unol â'r NIA, a chyflwyno adroddiad i'r Awdurdod Cynllunio Lleol a'i gymeradwyo'n ysgrifenedig ganddo. Bydd yr adroddiad yn darparu gwybodaeth am y sain fesuredig a allyrrir o'r safle ar 1.0m o ffasâd y derbynnydd preswyl a nodwyd ym Maes Berea, Pen y Wern, Cilcoed a Bryn Llwyd.   Pe ganfyddir bod sŵn gweithredol yn fwy na'r lef-elau sŵn cefndir lleiaf, neu mae lefelau sŵn o’r offer mecanyddol allanol sydd â sgôr yn uwch na'r amod allanol isod,  dylid cyflwyno cynllun lliniaru sŵn manwl i'r Awdurdod Cynllunio Lleol i'w gymeradwyo'n ysgrifenedig. Bydd unrhyw gynllun lliniaru yn cael ei weithredu o fewn 3 mis i ddyddiad y gymeradwyaeth ysgrifenedig yn unol â'r manylion cymeradwy, a chaiff ei gadw yn unol â'r manylion hynny ar ôl hynny.

8.               Oriau gwaith

9.               Rhaid cyflwyno manylion unrhyw offer allanol a osodir ar yr adeilad

10.            Rhaid cyflwyno a chytuno Cynllun Rheolaeth Safle gan gynnwys mecanwaith i ddelio gyda chwynion gan aelodau’r cyhoedd.

11.            Dylid gweithredu’n unol a’r Datganiad Seilwaith Gwyrdd

12.            Sicrhau arwyddion Cymraeg / Dwyieithog

 

Nodiadau

          Dŵr Cymru

 

Newid defnydd uned ddiwydiannol bresennol (Dosbarth Defnydd B2) i ganolfan chwaraeon padel dan do (Dosbarth Defnydd D2) a gwaith cysylltiedig

 

a)             Amlygodd yr Uwch Swyddog Cynllunio mai cais ydoedd ar gyfer trosi uned bresennol o fewn safle cyn ffatri Denis Ferranti ym Mangor yn gyfleuster ar gyfer chwarae gem padel dan do. Byddai’r bwriad yn newid defnydd yr uned yn ganolfan chwaraeon padel, gan greu 8 o gyrtiau padel, 2 cwrt “pickleball”, parth cynhesu, derbynfa a thoiledau ynghyd a chyfleuster parcio beiciau. Yn ychwanegol, bydd darpariaeth parcio presennol o fewn y safle yn cael ei ddefnyddio a'i ddyrannu'n benodol gan glustnodi 36 llecyn parcio i'r defnydd arfaethedig. Y bwriad fyddai agor y cyfleuster ar gyfer defnydd rhwng 07:00 a 23:00, diwrnod yr wythnos.

 

Eglurwyd bod y safle wedi ei nodi fel uned warws sydd wedi'i lleoli'n ganolog o fewn stad ehangach sydd wedi'i leoli o fewn Ffin Datblygu Canolfan Isranbarthol Bangor ond y tu allan i’r ardal Canol Tref a'r Brif Ardal Siopa ddiffiniedig. Ategwyd bod y Mapiau Llifogydd yn nodi bod y safle wedi'i leoli ym Mharth Llifogydd 3 (Afonydd a Dŵr Wyneb) sy'n gysylltiedig â’r Afon Adda sy’n rhedeg trwy gwlfert gerllaw.

 

Adroddwyd bod y safle cyfan wedi'i amgylchynu gan gymysgedd o ddefnyddiau masnachol a phreswyl tra bod safle'r cais ei hun wedi'i leoli o fewn uned bresennol. Fel rhan o’r cais cyflwynwyd gwybodaeth arbenigol oedd yn cynnwys:

 

·       Datganiad Cynllunio (yn cynnwys Asesiad Iaith Gymraeg)

·       Asesiad Effaith

·       Asesiad Effaith Man Werthu

·       Asesiad Sŵn (ynghyd â diweddariad mewn ymateb i sylwadau Gwasanaeth Gwarchod y Cyhoedd)

·       Datganiad Ynni

·       Datganiad Trafnidiaeth

·       Datganiad Seilwaith Gwyrdd

·       Datganiad Effaith Cymdeithasol

 

Cyflwynwyd y cais i’r Pwyllgor am benderfyniad oherwydd bod ardal y datblygiad arfaethedig yn fwy na’r hyn a ellid ei ystyried gan swyddogion trwy’r drefn ddirprwyedig. Cwblhawyd asesiad llawn o’r holl faterion perthnasol gan gynnwys cydymffurfiaeth gyda pholisiau yn ogystal â sylwadau a dderbyniwyd.

 

Cyfeiriwyd at ymateb Gwasanaeth Gwarchod y Cyhoedd i’r cais, oedd wedi amlygu pryder ynghylch y sŵn a fyddai’n deillio o’r safle. Ymatebodd arbenigwyr acwstig ar ran yr ymgeiswyr trwy gyflwyno eglurhad pellach i’r materion a godwyd gan y Gwasanaeth. Er derbyn y wybodaeth ychwanegol, adroddwyd bod Gwarchod y Cyhoedd yn parhau i gyfeirio at rai pryderon ynglŷn ag agweddau o’r wybodaeth a gyflwynwyd a’r bwriad ei hun. Aseswyd yr ymateb diweddaraf yn llawn, ac er cydnabod y pryderon, ystyriwyd hawl presennol defnydd yr adeilad at ddibenion diwydiannol o fewn dosbarth defnydd B2 (Diwydiannol Cyffredinol), a thrwy osod amodau priodol, ni fyddai defnydd o’r adeilad fel cyfleuster chwaraeon yn debygol o achosi effeithiau mwynderol ychwanegol sylweddol a fyddai’n achosi niwed arwyddocaol i fwynderau cymdogion a’r ardal leol. O ganlyniad, ni ystyriwyd fod y bwriad yn groes i bolisi amddiffyn mwynderau cyhoeddus a phreifat.

 

Ystyriwyd fod y bwriad yn cydymffurfio gyda gofynion polisïau lleol a chenedlaethol ac roedd y swyddogion yn argymell caniatáu’r cais yn ddarostyngedig i osod amodau perthnasol.

 

b)             Yn manteisio ar yr hawl i siarad, nododd Asiant ar ran yr ymgeisydd y sylwadau canlynol;

·       Byddai caniatáu yn diogelu buddsoddiad ym Mangor

·       Bod yr adeilad wedi bod yn wag ers 2022

·       Byddai’r fenter Padel Fyrddio yn creu hwb cymunedol, yn cynnwys 8 cwrt

·       Bod amryw o safleoedd ar draws y Deyrnas Unedig

·       Byddai’n creu mynediad i ardal saff

·       Creu swyddi, gwariant, hwb i dwristiaeth a’r economi leol

·       Bod y lleoliad yn addas – rhwydwaith dda i gyrraedd ato

·       Byddai’r fenter yn creu lefel isel o sŵn – asesiad sŵn wedi ei gwblhau

 

c)              Yn manteisio ar yr hawl i siarad, gwnaed yr Aelod Lleol sylw bod pryderon yn lleol am asbestos yn yr adeilad ac nad oedd tystiolaeth bod arolwg asbestos wedi ei gwblhau.

 

Mewn ymateb, nododd y Pennaeth Cynorthwyol nad oedd gwybodaeth am asbestos wedi dod i’r amlwg ar sail Cynllunio, ond yn unol â threfn arferol asbestos, byddai gofynion statudol i’r ymgeisydd ddelio gydag asbestos tu allan i’r drefn Cynllunio. Ategodd y Swyddog Monitro mai’r newid defnydd B2 i D2 oedd gofynion y cais ac y byddai unrhyw ddatblygiad ar y safle yn cael ei fonitro o dan drefniadau Rheolaeth Adeiladu.

 

d)             Cynigiwyd ac eiliwyd caniatáu y cais

 

e)            Yn ystod y drafodaeth ddilynol, nodwyd y sylwadau canlynol gan Aelod:

·       Bod y cyfleuster yn dda i’r ardal – yn croesawu’r fenter

·       Siom nad oedd ymateb gan Cyngor Dinas Bangor

·       Angen sicrhau amod bod y cwmni (Social Sport Society) yn parchu defnydd o’r Gymraeg

 

Mewn ymateb i gwestiwn os oedd mentrau tebyg, cyfagos a phryder o ormodedd o’r fath gyfleuster, nodwyd nad oedd gwybodaeth bwrpasol am y ddarpariaeth, ond bod buddsoddiad ym Manogr yn dystiolaeth bod galw amdano.

 

PENDERFYNWYD

 

Caniatáu’r cais yn ddarostyngedig i amodau cynllunio perthnasol yn ymwneud gyda:

1.              Amser

2.              Cydymffurfio gyda’r cynlluniau

3.              Caniateir defnyddio’r uned fel Canolfan Chwaraeon Padel / pickleball yn unig ac nid at unrhyw ddiben arall

4.              Rhaid dilyn y mesurau lliniaru rhag llifogydd a’u hargymhellir rhannau 7.29 – 7.34 y Datganiad Cynllunio

5.              Oriau Agor  : 07:00 i 23:00 yn ddyddiol

6.              Bydd y datblygiad a gymeradwywyd drwy hyn yn cael ei gynnal yn unol â'r asesiad effaith sŵn, a baratowyd gan ES Acoustics - Noise Impact Assessment for a Proposed Padel Tennis and Pickleball Facility S3, Caernarfon Road, Bangor LL57 4SP Report Reference 22236.NIA-RPT.01. Rev A dated 29th of October, 2025. Ni ddylid cael sŵn yn uwch na lefelau a ragwelir yn Nhabl 10 o'r NIA.

7.              O fewn 3 mis i'r safle ddod yn weithredol, bydd arolwg sŵn yn cael ei gynnal gan ymgynghorydd acwstig cymwys addas, yn unol â'r NIA, a chyflwyno adroddiad i'r Awdurdod Cynllunio Lleol a'i gymeradwyo'n ysgrifenedig ganddo. Bydd yr adroddiad yn darparu gwybodaeth am y sain fesuredig a allyrrir o'r safle ar 1.0m o ffasâd y derbynnydd preswyl a nodwyd ym Maes Berea, Pen y Wern, Cilcoed a Bryn Llwyd.   Pe ganfyddir bod sŵn gweithredol yn fwy na'r lefelau sŵn cefndir lleiaf, neu mae lefelau sŵn o’r offer mecanyddol allanol sydd â sgôr yn uwch na'r amod allanol isod,  dylid cyflwyno cynllun lliniaru sŵn manwl i'r Awdurdod Cynllunio Lleol i'w gymeradwyo'n ysgrifenedig. Bydd unrhyw gynllun lliniaru yn cael ei weithredu o fewn 3 mis i ddyddiad y gymeradwyaeth ysgrifenedig yn unol â'r manylion cymeradwy, a chaiff ei gadw yn unol â'r manylion hynny ar ôl hynny.

8.              Oriau gwaith

9.              Rhaid cyflwyno manylion unrhyw offer allanol a osodir ar yr adeilad

10.           Rhaid cyflwyno a chytuno Cynllun Rheolaeth Safle gan gynnwys mecanwaith i ddelio gyda chwynion gan aelodau’r cyhoedd.

11.           Dylid gweithredu’n unol a’r Datganiad Seilwaith Gwyrdd

12.           Sicrhau arwyddion Cymraeg / Dwyieithog

Nodiadau

            Dŵr Cymru